თბილისი

საქართველოში უქმე დღეები დაიწყო

83
(განახლებულია 14:56 04.05.2021)
ჯანდაცვის, ეკონომიკისა და სოფლის მეურნეობის სამინისტროებმა განსაზღვრეს ის წარმოებები და საქმიანობის ის სახეობები, რომლებიც უქმე დღეებში არ დაისვენებენ.

თბილისი, 4 მაისი – Sputnik. საქართველოს მასშტაბით 4-11 მაისი უქმე დღეებად არის გამოცხადებული. აღნიშნული გადაწყვეტილება უწყებათშორისმა საკოორდინაციო საბჭომ მიიღო.

საქართველოში 30 აპრილიდან 3 მაისის ჩათვლით ოფიციალური უქმეებია სააღდგომო დღესასწაულებთან დაკავშირებით, 9 მაისი - ოფიციალური უქმე დღეა ფიშიზმზე გამარჯვების დღესთან დაკავშირებით, 12 მაისი - ანდრია პირველწოდებულის დღესთან დაკავშირებული უქმეა. ამგვარად საქართველოში უქმე დღეები 30 აპრილს დაიწყო და 13 მაისამდე გაგრძელდება.

ასეთი გადაწყვეტილება მთავრობამ ქვეყანაში ეპიდსიტუაციის გაუარესების გამო მიიღო.

ამასთან, მთელი საქართველოს მასშტაბით 12 მაისის ჩათვლით არ იმოძრავებს მუნიციპალური ტრანსპორტი, მაგრამ შეზღუდვა არ ვრცელდება საქალაქთაშორისო ტრანსპორტზე.

მთავრობის გადაწყვეტილებით, ჯანდაცვის, ეკონომიკის და სოფლის მეურნეობის სამინისტროებმა განსაზღვრეს ის წარმოებები და საქმიანობის ის სახეობები, რომელთაც უქმე დღეები არ ეხება.

ჯანდაცვისა და სოფლის მეურნეობის სამინისტროების ერთობლივი ბრძანებით, ეს გადაწყვეტილება არ ეხებათ პირველადი ჯანდაცვის დაწესებულებებს, სტაციონარული სამედიცინო დახმარების დაწესებულებებს, ასევე იმ სამედიცინო დაწესებულებებს, რომლებიც, დაფინანსების წყაროსგან დამოუკიდებლად, ჩართული არიან კორონავირუსის მართვის პროცესში (პრევენცია, დიაგნოსტიკა, მკურნალობა).

ასევე უქმე დღეებში იმუშავებენ ფარმაცევტული დაწესებულებები, მოვლის სპეციალიზებული სადღეღამისო დაწესებულებები, „სოციალური რეაბილიტაციისა და ბავშვზე ზრუნვის სახელმწიფო პროგრამის“ „მიუსაფარ ბავშვთა თავშესაფრით უზრუნველყოფის ქვეპროგრამის“ მობილური ჯგუფები.

არასამუშაო დღეებში იმუშავებენ სურსათის/ცხოველის საკვების წარმოების, დისტრიბუციის, რეალიზაციის სფეროები; ასევე საავტომობილო სატვირთო გადაზიდვები. სარკინიგზო და საჰაერო გადაზიდვა-გადაყვანა. სანავსადგურე, სააეროპორტო და სანავიგაციო მომსახურება; საფოსტო და საკურიერო მომსახურება.

გაგრძელდება წყალმომარაგების საქმიანობა, ელექტროენერგიის გენერაცია, ელექტროენერგიისა და გაზის გადაცემა, განაწილება, მიწოდება და ვაჭრობა, ასევე ნავთობისა და გაზის მოპოვების ოპერაციები.

უქმე დღეებში იმუშავებენ პირების სავალდებულო კარანტინში განთავსებასთან, ტრანსპორტირებასთან, კვებასთან, დასუფთავებასთან, უსაფრთხოებასა და საკარანტინო პერიოდში სათანადო პირობების შექმნასთან დაკავშირებულ მომსახურებებზე პასუხისმგებელი საჯარო და კერძო სამართლის იურიდიული პირები და ფიზიკური პირები. ამ ჩამონათვალს ასევე განეკუთვნება სამაშველო საქმიანობა, ჟანგბადის წარმოება-მიწოდებასთან დაკავშირებული საქმიანობები, უწყვეტი ტექნოლოგიური ციკლის მქონე საწარმოები, სადაც ტექნოლოგიური ხასიათიდან გამომდინარე შეუძლებელია საქმიანობის შეჩერება, დაკრძალვასთან დაკავშირებული საქმიანობები; მეტალურგია, სამთომოპოვებითი მრეწველობა, წიაღის გამდიდრების სამუშაოები.

ამასთან, საქართველოს მასშტაბით იუსტიციის სახლებში და საზოგადოებრივ ცენტრებში მოქალაქეებს 4-11 მაისის პერიოდშიც მოემსახურებიან.

საქართველოში 3 მაისიდან მუნიციპალური ტრანსპორტის მოძრაობა იზღუდება>>

უქმე დღეებში დამატებითი შეზღუდვა არ იმოქმედებს სავაჭრო ცენტრებისა და მაღაზიებისთვის.

კერძო თუ სახელმწიფო სექტორში დასაქმებული ათასობით მოქალაქე მუშაობას 13 მაისს განაახლებს.

83
ახალი სკვერი თბილისში

კერძო ავტოფარეხების ნაცვლად ახალი სკვერები მოეწყო

4
(განახლებულია 14:54 18.05.2021)
ხმალაძის განმარტებით, მერია მომავალშიც აქტიურად გააგრძელებს დედაქალაქში რეკრეაციული სივრცეების მოწყობას.

 

თბილისი, 18 მაისი — Sputnik. თბილისში 446 კერძო ავტოფარეხის ადგილზე 34 სკვერი გაშენდა, განაცხადა თბილისის ვიცე–მერმა ირაკლი ხმალაძემ ქალაქში  ურბანული განვითარების პოლიტიკის მიმართულებით განხორციელებული პროექტების პრეზენტაციაზე. 

ხმალაძის თქმით, აღნიშნული პროექტი არის იმის ნათელი მაგალითი, რომ მთლიანი ქალაქისთვის „ერთი გადაწყვეტილებით შეიძლება შექმნა ურბანული სიკეთე“.

 „მოსახლეობასთან კომუნიკაციის გზით და გამგეობების აქტიური მუშაობის შედეგად, ავტოფარეხები სკვერებით ჩანაცვლდა“, – განაცხადა ხმალაძემ.

თბილისის ვიცე-მერის თქმით, პროექტის ფარგლებში თბილისში დამატებით 4 მლნ კვადრატული მეტრის ფართობს მიენიჭა მწვანე სივრცის სტატუსი და განისაზღვრა ხუთი ახალი საპარკე არეალი.

დედაქალაქის მთავრობისთვის რეკრეაციული ზონების შექმნა და აღდგენა ერთ–ერთი პრიორიტეტული მიმართულებაა. ბოლო სამი წლის მანძილზე თბილისში არაერთი პარკისა და სკვერის აღდგენითი სამუშაოები ჩატარდა. სულ ახლახანს მერიამ ორი მასშტაბური პროექტის – ვაკის პარკის განახლებისა და ყოფილი იპოდრომის ტერიტორიაზე ახალი ცენტრალური პარკის მშენებლობის განხორციელება დაიწყო.

4
თემები:
თბილისის მერია
ახალგაზრდა პირბადით

როდისაა მოსალოდნელი კორონავირუსის მეოთხე ტალღა საქართველოში ექსპერტის მოსაზრება

35
(განახლებულია 13:36 18.05.2021)
გიორგი ფხაკაძის აზრით, ზაფხულში ცოტა ამოსუნთქვის საშუალება მოგვეცემა. მაისის ბოლოს მესამე ტალღა უკან დაიხევს, ხოლო სექტემბერში პანდემიის მეოთხე შემოტევას უნდა დაველოდოთ.

თბილისი, 18 მაისი – Sputnik. კორონავირუსის მეოთხე ტალღას საქართველოში უკვე სექტემბრიდან უნდა ველოდოთ, მიიჩნევს საერთაშორისო ექსპერტი საზოგადოებრივი ჯანდაცვის საკითხებში გიორგი ფხაკაძე.

გამყრელიძე: საქართველოში პირველი აცრის შემდეგ დაინფიცირების 300-მდე შემთხვევა დაფიქსირდა>>

ის ვარაუდობს, რომ მაისის ბოლოს მესამე ტალღის პიკი შენელდება და ეს ძალიან კარგია.

ფხაკაძის თქმით, ზაფხულში დავისვენებთ და ენერგიას მოვიმარაგებთ, მაგრამ ვირუსი არსად წავა. უნდა მოვემზადოთ სექტემბრისთვის. სექტემბრის ბოლოს მეოთხე ტალღა იქნება, აღნიშნა მან.

ექსპერტი მიიჩნევს, რომ მეოთხე ტალღას იმ შემთხვევაში ავარიდებთ თავს, თუ მოსახლეობის 70% იქნება აცრილი.

საქართველოში გასულ დღე–ღამეში ინფიცირების 1.562 ახალი შემთხვევა გამოვლინდა. პანდემიის დაწყებიდან დღემდე ინფიცირებულთა საერთო რიცხვმა 332.441-ს მიაღწია; სულ გამოჯანმრთელდა 312.349ადამიანი, გარდაიცვალა – 4.499.

ინფიცირების ყველაზე მეტი შემთხვევა დაფიქსირდა თბილისში. მას მოსდევს აჭარა და იმერეთი.

ბოლო მონაცემებით, საქართველოში აიცრა 93.305 ადამიანი, ხოლო სრული ვაქცინაცია ჩაუტარდა 15.077 მოქალაქეს.

35
თემები:
კორონავირუსი საქართველოში: ბოლო ცნობები