ნუცა შანშიაშვილი

„დამაწვინა ექიმმა, დახუჭე თვალებიო… მოაქვს სადგისი“ ნუცა შანშიაშვილის უცნობი ისტორია

93
(განახლებულია 19:10 26.04.2021)
ცნობილი ქართველი ჯაზ-მომღერალი ნუცა შანშიაშვილი საკუთარ გარეგნობასთან დაკავშირებული ცვლილებების ისტორიას იხსენებს.

ამერიკაში მცხოვრებმა მომღერალმა ნუცა შანშიშვილმა სოციალურ ქსელში გამოაქვეყნა ვიდეო, სადაც გაიხსენა, როგორ გაიკეთა მოსკოვში 25 წლის წინ ტუჩის ოპერაცია. ის აღნიშნავს, რომ ცნობილ ექიმს მიმართა, თუმცა მეორე პროცედურაზე, რომელიც აუცილებლად უნდა გაეკეთებინა, აღარ მივიდა.

მომღერალმა აღნიშნა, რომ ერთ-ერთმა ქალბატონმა პირად მიმოწერაში მისწერა, რომ ტუჩის პლასტიკა ძალიან ცუდად აქვს გაკეთებული, რასაც თავადაც ეთანხმება.

„25 წლის წინ სად იყო ფილერი? იყო სილიკონი… დამაწვინა ექიმმა, ლამაზი გოგო ხარ და დახუჭე თვალებიო… მოაქვს სადგისი, უზარმაზარი. ტუჩი გამიცია და მესმის უცნაური ხმა… რომ მოვრჩით, მითხრა, ეს პირველი პროცედურაა და აუცილებლად უნდა დაისრულოო. 20 წლის ასაკში როგორი გარეკილი მექნებოდა, ხომ ხვდებით, და დამრჩა ეს ტუჩი გაფურჩქნილი მარჯვენა მხარეს და მარცხენაზე ჩაჩუტული… არ მივსულვარ“, – გაიხსენა მომღერალმა.

ჯაზ-მომღერალი, მსახიობი და მხატვარი ნუცა შანშიაშვილი ამჟამად აშშ-ში ცხოვრობს. ის თბილისში მოქანდაკე ჯემალ შანშიაშვილის და მსახიობ მზია მაღლაკელიძის ოჯახში დაიბადა. დაამთავრა თბილისის სამხატვრო აკადემია. ჰქონდა პერსონალური გამოფენები სანქტ-პეტერბურგსა და პარიზში. მისი დებიუტი თეატრალურ სცენაზე შედგა მ. გორევოის სპექტაკლში Черта („ზღვარი“), რისთვისაც თეატრალური პრემია Чайка (”თოლია”) მიიღო.

93
თემები:
ქართველი სელებრითები (280)
ეკატერინე ტიკარაძე

იგეგმება მედიის წარმომადგენლების მასობრივი ვაქცინაცია: ტიკარაძე დეტალებს საიდუმლოდ ინახავს

6
(განახლებულია 18:52 06.05.2021)
მინისტრის თქმით, მედიის წარმომადგენლები განსაკუთრებული პირობებით ისარგებლებენ და ვაქცინის არჩევის შესაძლებლობაც ექნებათ

თბილისი, 6 მაისი — Sputnik. ვაქცინაციის პროცესში ახლო მომავალში მედიის წარმომადგენლებიც ჩაერთვებიან, განაცხადა საქართველოს ჯანდაცვის მინისტრმა ეკატერინე ტიკარაძემ ტელეკომპანია „რუსთავი2-ის“ ეთერში.

საქართველოში კორონავირუსის საწინააღმდეგო ვაქცინაცია 15 მარტს პრეპარატ AstraZeneca-თი მედპერსონალიდან დაიწყო. დაბალი მიმართვიანობის გამო ჯგუფების რაოდენობა ეტაპობრივად გაიზარდა.

როგორც მინისტრმა განაცხადა, მედიის წარმომადგენლებს ექნებათ განსაკუთრებული პირობები, მათ შორის ვაქცინის შერჩევის შესაძლებლობაც.

„მედიასთან დაკავშირებით ჩვენ გვაქვს საკმაოდ მნიშვნელოვანი გეგმა, ამას ცოტა ხნით საიდუმლოდ შევინახავ და შემდეგ კვირაში დავაანონსებთ, თუ რა მიდგომა იქნება“, — აღნიშნა ტიკარაძემ.

მინისტრის განცხადებით, მედიაკომპანიებისგან ვაქცინაციასთან დაკავშირებით სიებს გამოითხოვენ.

ვაქცინაციის საერთო ეროვნული გეგმის მიხედვით, ქვეყანაში ვაქცინაცია მედპერსონალით დაიწყო. 25 მარტიდან კი კორონავირუსის საწინააღმდეგო ვაქცინაციის პროცესში 75 წელს ზემოთ და 65-დან 75-წლამდე ასაკობრივი ჯგუფებიც ჩაერთვნენ. ვაქცინაციის მიზნობრივ ჯგუფებს ასევე უკვე დაემატნენ 55 წელს ზემოთ მოქალაქეები, პოლიციელები, სამხედრო მოსამსახურეები, ასევე დიალიზზე მყოფი და ორგანოგადანერგილი პაციენტები.

იმ პირთა წრე, რომლებიც კორონავირუსზე უნდა აიცრან, კიდევ უფრო გაფართოვდა და უკვე არსებულს, პარლამენტისა და მთავრობის წევრები, ასევე ტურიზმისა და სტუმარ-მასპინძლობის სექტორში დასაქმებული ადამიანები, საზოგადოებრივი ტრანსპორტის მძღოლები და კონტროლიორები დაემატნენ.

ბოლო მონაცემებით, საქართველოში უკვე აცრილია 51.600 პირი, სრულად ვაქცინირებულია 7.873 ადამიანი.

6
თემები:
კორონავირუსი საქართველოში: ბოლო ცნობები
ეკუნა ყანჩაველი

რუსთაველი გოგოს ამერიკული ცხოვრება და უცხოელი შეყვარებული - როგორ ცხოვრობს ეკუნა ყანჩაველი

25
(განახლებულია 21:27 05.05.2021)
სოციალურ ქსელში ცნობილი მომღერალი და რეპერი ეკუნა ყანჩაველი უკვე წლებია ამერიკაში ცხოვრობს და თავისი ყოველდღიურობიდან საინტერესო დეტალებს გამომწერებს უზიარებს.

სოციალურ ქსელში ცნობილი მომღერალი და რეპერი ეკუნა ყანჩაველი უკვე წლებია ამერიკაში ცხოვრობს და თავისი ყოველდღიურობიდან საინტერესო დეტალებს „ფოლოუერებს“ უზიარებს. რუსთავიდან დაწყებული სახალისო ვიდეოებითა და პატარ-პატარა სკეტჩებით ეკუნამ ქართველ საზოგადოებას თავი გააცნო, შეაყვარა და პოპულარულიც მალევე გახდა.

ეკუნა ამერიკაში მოხვედრაზე ოცნებობდა, ვიზის აღებას დიდხანს ელოდა, ერთ-ერთ ზაფხულს კი ცხოვრების რამდენიმეწლიანი უფლება მიიღო, ოცნება აიხდინა და ამერიკაში წავიდა. გოგონა კარგად მღერის, რეპიც შესანიშნავად გამოსდის და მისი კლიპები „იუთუბზეც“ იძებნება.

უკვე თვეებია ეკუნა ჯანსაღი ცხოვრების წესს მისდევს. მომღერალმა წონაში საგრძნობლად დაიკლო და სტილისა და ვიზუალის საოცარი ცვლილება განიცადა. ეკუნამ ცოტა ხნის წინ საზოგადოებას თავისი შეყვარებული გააცნო, თუმცა ბიჭის სახელი და გვარი კვლავ ინკოგნიტოდ დატოვა. ყანჩაველი და მისი მეორე ნახევარი ერთ წელზე მეტია ერთად არიან.

როგორც კომენტარებში წერენ, ეკუნას შეყვარებული წარმოშობით არაბია, თუმცა მომღერალი ბიჭის ვინაობასა და წარმოშობაზე ჯერ არ საუბრობს.

„მგონი ძაან გაგიბანძდა კონტენტიც და ყველაფერი“, - უწერენ ეკუნას კომენტარებში, რაზეც გოგონა პასუხობს, რომ დიდ პროექტზე მუშაობს და მალე მუსიკაში დაბრუნებას აპირებს.

ფაქტია, ეკუნა სოციალურ ქსელში კვლავ აქტიურია და თავისი საინტერესო ცხოვრების დეტალებს თითქმის ყოველდღიურად აზიარებს. „ინსტაგრამიდან“ ჩანს, რომ მომღერალი ჯერ საქართველოში დაბრუნებას არ აპირებს.

25
თემები:
ქართველი სელებრითები (280)