საქართველოში დისტანციურ სწავლებაზე სულ უფრო მეტი სკოლა გადადის

© Sputnik / STRINGERსწავლა ეპიდემიის დროს
სწავლა ეპიდემიის დროს - Sputnik საქართველო, 1920, 25.04.2021
გამოწერა
გასულ სასწავლო კვირაში კორონავირუსი მასწავლებელთა და სკოლის ადმინისტრაციის წარმომადგენელთა 0,3%-ს დაუდასტურდა.

თბილისი, 25 აპრილი – Sputnik. ამ ეტაპზე სრულ დისტანციურ სწავლებაზე 74 სკოლა და 191 ცალკეული კლასი გადავიდა, იუწყება განათლების სამინისტრო.

გასულ სასწავლო კვირაში მთელი ქვეყნის მასშტაბით მონიტორინგის და სავალდებულო ტესტირების შედეგად კორონავირუსი მასწავლებელთა და სკოლის ადმინისტრაციის წარმომადგენელთა 0,3%-ს და მოსწავლეთა 0,01%-ს დაუდასტურდა.

მორწმუნეები ტაძარში - Sputnik საქართველო, 1920, 24.04.2021
„კომენდანტის საათის“ მოხსნის საკითხს საკოორდინაციო საბჭო ორშაბათს განიხილავს

უწყების მონაცემებით, სიტუაცია კონტროლს სრულად ექვემდებარება. ამ ეტაპზე დისტანციური სწავლების ფორმატში ქვეყნის მასშტაბით 123  მასწავლებელი იმყოფება.

უწყების ცნობით, ინფიცირების თავიდან ასაცილებლად სკოლებში კიდევ უფრო გამკაცრდა უსაფრთხოებაზე კონტროლი.

მასწავლებლებსა თუ მოსწავლეებში კორონავირუსის დადასტურების შემთხვევაში ძალაში შედის წერტილოვანი შეზღუდვები - დისტანციურ სწავლებაზე გადადის ან მთლიანად სკოლა, ან კონკრეტული კლასი.

2019-2020 სასწავლო წლის დასაწყისისთვის საქართველოში 2313 ზოგადსაგანმანათლებლო დაწესებულება იყო - 2086 საჯარო და 227 კერძო.

ყველა ახალი ამბავი
0