ვარლამ გოლეთიანი

„ნამახვანჰესის“ მშენებლობის წინააღმდეგ აქციები სხვადასხვა ქალაქში გაიმართა

53
(განახლებულია 19:19 24.04.2021)
რიონის მცველები ამ წუთებში გუმათიდან ქუთაისისკენ მიემართებიან, სადაც პროტესტის ნიშნად ჭავჭავაძის გამზირის გადაკეტვა და აქციის გამართვა აქვთ დაგეგმილი.

თბილისი, 24 აპრილი – Sputnik. რიონის ხეობაში „ნამახვანჰესის“ მშენებლობის მოწინააღმდეგეებს სოლიდარობა დღეს საქართველოს სხვადასხვა ქალაქში გამოუცხადეს.

ათასობით მოქალაქემ „ნამახვანჰესის“ მშენებლობა ბათუმში, ფოთში წყალტუბოში, ზესტაფონში, ლანჩხუთში, ქობულეთში, რუსთავში, თელავში, ზუგდიდში და სხვა ქალაქში გააპროტესტეს.

„რიონის ხეობის მცველებს“ სოლიდარობა გამოუცხადეს ქარელის მუნიციპალიტეტის სოფელ რუისში და პანკისის ხეობაში, სოფელ ბირკიანში.

თვითონ „რიონის მცველები“ გუმათიდან ქუთაისისკენ მსვლელობით მივიდნენ, სადაც ჭავჭავაძის გამზირი გადაკეტეს და მორიგე აქცია გამართეს. მათ ქუთაისში მსვლელობით გაიარეს და მოქალაქეებს პროტესტში ჩართვისკენ მოუწოდეს.

„გრძელდება ხელისუფლების მხრიდან აღიარებითი ჩვენებების მიცემა ქართული საზოგადოების წინაშე და ეს ვლინდება იმაში, რომ ხელშეკრულებას თურმე აქვს მნიშვნელოვანი ხარვეზები და ეს თავადაც დაადასტურეს უკვე თავისივე განვხადებით. საუბარი იყო იმაზე, რომ მოიწვევენ საერთაშორისო რაღაც ექსპერტთა წრესაც, რომელიც დამატებით შეაფასებს ამ დოკუმენტს“, - განაცხდადა აქციის ერთ-ერთმა ორგანიზატორმა ვარლამ გოლეთიანმა.

გოლეთიანის თქმით, მთავრობამ დღევანდელი გადაწყვეტილებებით „რიონის ხეობის მცველებთან“ მოლაპარაკება ჩაშალა.

„კიდევ ერთხელ მოვუწოდებთ ხელისუფლებას, შეხედოს და გააცნობიეროს, რასთან აქვს საქმე და გაითვალისწინოს მისი უდიდებულესობა ქართველი ხალხი. ყველა ქალაქიდან, ყველა რეგიონიდან, ყველა სოფლიდან დავიძვრებით თბილისში და მათთვის არ იქნება ადვილი იმ სიმრავლის ხილვა. მოუწევთ დათმობებზე წასვლა, რაზეც აქამდე არცკი უფიქრიათ, გულში არცკი გაუვლიათ. ურთულესი გადაწყვეტილების წინაშე დადგებიან. ამიტომ, მოვუწოდებთ მათ – არ ჩამოგვიყვანოთ“, – განაცხადა ვარლამ გოლეთიანმა.

მდინარე რიონზე ჰესის მშენებლობის მოწინააღმდეგეებმა საქართველოს სხვადასხვა ქალაქებში აქციები მთავრობის დღევანდელი  გადაწყვეტილებების შემდეგ დაგეგმეს, რომელიც „ნამახვანჰესის“ მშენებლობის მოსამზადებელი სამუშაოების შეწყვეტას არ ითვალისწინებს.

როგორც აქციის ერთ-ერთმა ორგანიზატორმა ვარლამ გოლეთიანმა განაცხადა, დედაქალაქში ფართომასშტაბიანი აქცია 23 მაისს ჩატარდება.

„ნამახვანჰესის“ მშენებლობის მოწინააღმდეგეებმა ეს გადაწყვეტილება მას შემდეგ მიიღეს, რაც მთავრობამ დღევანდელი გადაწყვეტილებით მათ მიერ წამოყენებული პირობებიდან მხოლოდ ნაწილი დააკმაყოფილა. ამ პირობების შესრულების შემდეგ კი აქციის მონაწილეებსა და მთავრობას შორის შინაარსობრივი დიალოგი უნდა დაწყებულიყო.

მთავრობის დღევანდელი გადაწყვეტილებით, რიონის ხეობაში „ნამახვანჰესის“ კაშხლის მშენებლობაზე გამოცხადდა მორატორიუმი 9-12 თვის ვადით, ვიდრე არ მოხდება გარემოსდაცვითი, გეოლოგიური და სეისმოლოგიური კვლევების რევიზია და ხელახალი დასაბუთება. გარდა ამისა, საპროტესტო აქციის მონაწილეებს „პოლიციასთან კოორდინაციით, პროტესტის თავისუფლად გამოხატვისთვის, აქციის გასამართად და კარვის გასაშლელად ადგილის შერჩევის შესაძლებლობა მიეცემათ“. „ნამახვანჰესის" მიმდებარე ტერიტორიაზე პოლიცია მოხსნის დამატებით ბარიერებს და შეამცირებს ადგილზე მყოფი სამართალდამცველების რაოდენობას. ტერიტორიაზე დარჩება პოლიციელთა მხოლოდ ის რაოდენობა, რომელიც საჭირო იქნება ადგილზე არსებული უსაფრთხოების ვითარებიდან გამომდინარე.

რაც შეეხება „ნამახვანჰესის კასკადის“ მშენებლობის მოწინააღმდეგეების ძირითად მოთხოვნებს, ისინი უცვლელია: თურქულ კომპანია ENKA-სთან კონტრაქტის გაწყვეტა, გაუქმდეს მთავრობის მიერ მიღებული დადგენილება უცხოელი ინვესტორისთვის რიონის ხეობის მიწების გადაცემის შესახებ.

პროტესტს ორი მიზეზი აქვს: ერთი - ესაა საფრთხე, რომელიც მომავალი კაშხლის შესაძლო გარღვევამ შეიძლება შეუქმნას მთელ იმერეთის რეგიონს, მეორე - საქართველოში თურქული კომპანია ENKA-სთვის დიდი რაოდენობით მიწების 99 წლის ვადით გადაცემაა.

„ნამახვანჰესი“ კასკადი ორი ჰესისგან შედგება: ერთი კაშხლის ფართობია 1 კვადრატული კილომეტრი, მეორე კაშხლის ფართობი - 5,1 კვადრატული კილომეტრი.

საქართველოში არსებულ ნებისმიერ კაშხალზე ნაკლებია. მაგალითად, თბილისის წყალსაცავის ფართობი 11,6 კვ.კმ-ია, „ენგურჰესის“ – 13,6 კვ.კმ, შაორის წყალსაცავის – 9,1 კვ.კმ. „ნამახვანჰესის“ კასკადმა მდინარე რიონზე უნდა დააკავშიროს ორი ჰიდროელექტროსადგური – 333 მგვტ სიმძლავრის „ქვემო ნამახვანი“ და 100 მგვტ სიმძლავრის „ზემო ნამახვანი“.

53
Pfizer-ის ვაქცინა

როდის აიცრებიან ვაქცინის პირველი დოზის შემდეგ დაინფიცირებულები: იმნაძის განმარტება

31
(განახლებულია 20:45 06.05.2021)
ამ დროისათვის უცნობია, რამდენი ადამიანი დაავადდა ქვეყანაში COVID-19-ით ვაქცინის პირველი დოზის გაკეთების შემდეგ.

თბილისი, 6 მაისი — Sputnik. იმ პირებს, რომლებიც კორონავირუსით ვაქცინის პირველი დოზის გაკეთების შემდეგ დაინფიცირდნენ, ვაქცინის მეორე დოზა ვირუსის დადასტურებიდან 120 დღის გასვლის შემდეგ გაუკეთდებათ, განაცხადა დაავადებათა კონტროლის ეროვნული ცენტრის დირექტორის მოადგილემ პაატა იმნაძემ.

ამასთან, იმნაძის ვარაუდით, გამორიცხული არ არის, ეს რეგულაცია გადაიხედოს და პერიოდი შემცირდეს.

ამ ეტაპზე უცნობია იმ ადამიანების ზუსტი რაოდენობა, რომლებიც COVID-19-ით ვაქცინის პირველი დოზის გაკეთების შემდეგ დაავადდნენ.

როგორც დაავადებათა კონტროლის ეროვნული ცენტრის ხელმძღვანელმა ამირან გამყრელიძემ რამდენიმე კვირის წინ განაცხადა, საქართველოში აცრის შემდეგ ინფიცირების სულ რამდენიმე შემთხვევა გამოვლინდა და ყველა შემთხვევაში დაავადება მსუბუქი ფორმით მიმდინარეობდა.

ამ ეტაპზე საქართველოში ვაქცინაცია კორონავირუსის საწინააღმდეგო სამი ვაქცინით – AstraZeneca-თი, Pfizer-ით და Sinopharm-ით ხორციელდება. სამივე ვაქცინის შემთხვევაში საჭიროა ორი დოზის გაკეთება.

ბოლო მონაცემებით, საქართველოში უკვე აცრილია 51.600 პირი, სრულად, ორი დოზით ვაქცინირებულია 7.873 ადამიანი.

31
თემები:
კორონავირუსი საქართველოში: ბოლო ცნობები
ეკატერინე ტიკარაძე

იგეგმება მედიის წარმომადგენლების მასობრივი ვაქცინაცია: ტიკარაძე დეტალებს საიდუმლოდ ინახავს

34
(განახლებულია 20:28 06.05.2021)
მინისტრის თქმით, მასმედიის წარმომადგენლები განსაკუთრებული პირობებით ისარგებლებენ და ვაქცინის არჩევის შესაძლებლობაც ექნებათ.

თბილისი, 6 მაისი — Sputnik. ვაქცინაციის პროცესში ახლო მომავალში მასმედიის წარმომადგენლებიც ჩაერთვებიან, განაცხადა საქართველოს ჯანდაცვის მინისტრმა ეკატერინე ტიკარაძემ ტელეკომპანია „რუსთავი2-ის“ ეთერში.

საქართველოში კორონავირუსის საწინააღმდეგო ვაქცინაცია 15 მარტს პრეპარატ AstraZeneca-თი მედპერსონალიდან დაიწყო. დაბალი მიმართვიანობის გამო ჯგუფების რაოდენობა ეტაპობრივად გაიზარდა.

როგორც მინისტრმა განაცხადა, მასმედიის წარმომადგენლებს ექნებათ განსაკუთრებული პირობები, მათ შორის ვაქცინის შერჩევის შესაძლებლობაც.

„მედიასთან დაკავშირებით ჩვენ გვაქვს საკმაოდ მნიშვნელოვანი გეგმა, ამას ცოტა ხნით საიდუმლოდ შევინახავ და შემდეგ კვირაში დავაანონსებთ, თუ რა მიდგომა იქნება“, — აღნიშნა ტიკარაძემ.

მინისტრის განცხადებით, მედიაკომპანიებისგან ვაქცინაციასთან დაკავშირებით სიებს გამოითხოვენ.

ვაქცინაციის საერთო ეროვნული გეგმის მიხედვით, ქვეყანაში ვაქცინაცია მედპერსონალით დაიწყო. 25 მარტიდან კი კორონავირუსის საწინააღმდეგო ვაქცინაციის პროცესში 75 წელს ზემოთ და 65-დან 75-წლამდე ასაკობრივი ჯგუფებიც ჩაერთვნენ. ვაქცინაციის მიზნობრივ ჯგუფებს ასევე უკვე დაემატნენ 55 წელს ზემოთ მოქალაქეები, პოლიციელები, სამხედრო მოსამსახურეები, ასევე დიალიზზე მყოფი და ორგანოგადანერგილი პაციენტები.

იმ პირთა წრე, რომლებიც კორონავირუსზე უნდა აიცრან, კიდევ უფრო გაფართოვდა და უკვე არსებულს პარლამენტისა და მთავრობის წევრები, ასევე ტურიზმისა და სტუმარ-მასპინძლობის სექტორში დასაქმებული ადამიანები, საზოგადოებრივი ტრანსპორტის მძღოლები და კონტროლიორები დაემატნენ.

ბოლო მონაცემებით, საქართველოში უკვე აცრილია 51.600 პირი, სრულად, ორი დოზით ვაქცინირებულია 7.873 ადამიანი.

34
თემები:
კორონავირუსი საქართველოში: ბოლო ცნობები
ბრაზილიის პოლიცია

რიოს მეტროში სპეცოპერაციისას 25 კაცი დაიღუპა: ვრცელდება ვიდეო

0
ბანდის წევრები, რომლებიც მკვლელობებში, ძარცვებსა და მატარებლების გატაცებაში არიან ეჭვმიტანილები, ბავშვებსა და მოზარდებს ითრევდნენ დანაშაულებრივ საქმიანობაში

თბილისი, 6 მაისი - Sputnik. რიო−დე−ჟანეიროს მეტროში პოლიციასა და დამნაშავეებს შორის სროლისას 25 ადამიანი 25 ადამიანი დაიღუპა, იუწყება პორტალი G1.

სროლა ქალაქის ჩრდილოეთ ზონაში ნარკოტიკების უკანონო ბრუნვის წინააღმდეგ საპოლიციო სპეცოპერაციის დროს მოხდა.

​არსებული ცნობით, დაღუპულთა შორის ერთი სამართალდამცველია, დანარჩენები კი ნარკობიზნესში ეჭვმიტანილები. ვრცელდება ინფორმაცია, რომ პოლიციის ოფიცერს ტყვია თავში მოხვდა.

ინციდენტის შედეგად არიან დაშავებულებიც.

სამართალდამცველი ორგანოების განცხადებით, აღნიშნული ბანდის წევრები, რომლებიც მკვლელობებში, ძარცვებსა და მატარებლების გატაცებაში არიან ეჭვმიტანილები, ბავშვებსა და მოზარდებს ითრევდნენ დანაშაულებრივ საქმიანობაში.

 

0
თემები:
საერთაშორისო პანორამა