თბილისი, 15 აპრილი – Sputnik. თბილისის ბოტანიკური ბაღი დამთვალიერებელს იაპონური კულტურის ახლოს გასაცნობად და საკურას ყვავილობის სანახავად 16–18 აპრილს ეპატიჟება. ინფორმაციას ბაღის ადმინისტრაცია ავრცელებს.
საკურა
© photo: Sputnik / Vladimir Pesnya
/ ლამაზად მოყვავილე საკურა – იაპონურ ბაღში მოეწყობა ახალგაზრდა მხატვრების გამოფენა იაპონურ თემაზე, დამთვალიერებელი ასევე გაეცნობა იაპონურ კულტურაზე საინტერესო ფაქტებს. გარდა ამისა, გაიმართება ბონსაის კოლექციის გამოფენა.
თუმცა, კორონავირუსის პანდემიასთან დაკავშირებით, ორგანიზატორები საზოგადოებას შეზღუდვების შესახებაც აფრთხილებენ: ბაღის ტერიტორიაზე შესვლისას დამთვალიერებელი თერმოსკრინინგს გაივლის, ასევე აუცილებელია პირბადის ტარება.
ბაღი დამთვალიერებელს 12:00 საათიდან 17:00 საათამდე უმასპინძლებს.