„თელასი“ მუშაობის დისტანციურ რეჟიმზე გადადის

© Sputnik / Alexander Imedashviliთელასი
თელასი - Sputnik საქართველო, 1920, 13.04.2021
გამოწერა
ელექტროგამანაწილებელი კომპანია 14 აპრილიდან სერვის–ცენტრების მუშაობას აჩერებს და აბონენტებს დისტანციურ მომსახურებას სთავაზობს

თბილისი, 13 აპრილი – Sputnik. ელექტროგამანაწილებელი კომპანია „თელასი“ მუშაობის დისტანციურ რეჟიმზე გადადის, ნათქვამია კომპანიის მიერ გავრცელებულ განცხადებაში. 

ლაბორატორია - Sputnik საქართველო, 1920, 13.04.2021
COVID-19 საქართველოში – 13 აპრილის მონაცემები

აღნიშნული გადაწყვეტილება კომპანიამ უწყებათაშორისი საკოორდინაციო საბჭოს რეკომენდაციის შესაბამისად და COVID-19-ის გავრცელების პრევენციის მიზნით მიიღო.

გავრცელებული ინფორმაციით, „თელასის“ მომსახურების ცენტრები აბონენტების მიღებას 14 აპრილიდან დროებით შეაჩერებენ. კომპანიის მომხმარებლები  კი სრულყოფილი დისტანციური მომსახურებით, ონლაინ–რეჟიმში ისარგებლებენ.

„კომპანიის მომსახურების მიღება შესაძლებელია  საინფორმაციო ცენტრის (2 77-99-99), კომპანიის ოფიციალური Facebook-გვერდისა და ვებგვერდის მეშვეობით. ნებისმიერი განცხადების გაგზავნა კომპანიაში შესაძლებელია ელექტრონულ მისამართზე telasi@telasi.ge“, - აღნიშნულია განცხადებაში.

ელეტროგამანაწილებელმა კომპანიამ ანალოგიური გადაწყვეტილება პირველად 2020 წლის მარტში, კორონავირუსის პირველი ტალღის დროს მიიღო.

ყველა ახალი ამბავი
0