ციხე

არასრულწლოვანი მსჯავრდებულები გრაფიკული დიზაინის ონლაინ კურსს გაივლიან

46
(განახლებულია 22:42 08.04.2021)
სააგენტოს ცნობით, მსგავსი ინიციატივები და აქტივობები  მნიშვნელოვანია მსჯავრდებულთა რეაბილიტაცია-რესოციალიზაციისა და მათი სამომავლო დასაქმებისთვის

თბილისი, 8 აპრილი - Sputnik. არასრულწლოვანი მსჯავრდებულები გრაფიკული დიზაინის ონლაინ კურსს გაივლიან, რომლის ფარგლებშიც ტექნოლოგიებთან დაკავშირებული პროფესიების შესახებ საბაზისო ცოდნას მიიღებენ, აღნიშნულია საქართველოს ინოვაციების და ტექნოლოგიების სააგენტოს მიერ გავრცელებულ განცხადებაში.

თანამშრომლობის შესახებ შესაბამისი მემორანდუმი საქართველოს ინოვაციების და ტექნოლოგიების სააგენტოსა და მსჯავრდებულთა პროფესიული მომზადებისა და გადამზადების ცენტრს შორის გაფორმდა. დოკუმენტს ხელი სააგენტოს თავმჯდომარემ ავთანდილ კასრაძემ და ცენტრის დირექტორმა ნინო ჭიპაშვილმა მოაწერეს.

როგორც განცხადებაშია აღნიშნული, სასწავლო კურსი სამკვირიანია. რეგიონული ტექნოპარკებისა და ინოვაციების ცენტრების პერსონალის ჩართულობით ონლაინ შეხვედრები გაიმართება და პირველ ეტაპზე გადამზადდება 15 მსჯავრდებული CorelDraw-სა და 3D დიზაინში.

არასრულწლოვან მსჯავრდებულთა შორის საუკეთესო მოჭადრაკეები გამოავლინეს>>

სააგენტოს ცნობით, მსჯავრდებულთა პროფესიული მომზადებისა და გადამზადების ცენტრის მიზანი მსჯავრდებულთა პროფესიული მომზადება-გადამზადება და დასაქმებაა. ცენტრი, სხვადასხვა კომპანიებთან თანამშრომლობით, მსჯავრდებულების სწავლების, პროფესიული გადამზადებისა თუ დასაქმების კუთხით არაერთ პროექტს ახორციელებს.

46
პოლიცია

ბრძოლა COVID-19-თან: რეგულაციების დარღვევის რამდენი ფაქტი გამოვლინდა ბოლო 24 საათში

11
(განახლებულია 11:44 15.04.2021)
შექმნილი ეპიდვითარების გამო საქართველოში 28 ნოემბრიდან დაწესებული რეგულაციებიდან დარჩენილია „კომენდანტის საათი“, პირბადე, დისტანცია და რამდენიმე სხვა შეზღუდვა.

 

თბილისი, 15 აპრილი – Sputnik. პოლიციამ ბოლო 24 საათის განმავლობაში მთელი ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის  1.528 ფაქტი გამოავლინა, იუწყება შინაგან საქმეთა სამინისტრო. 

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრის ჩათვლით იყო ძალაში. შეზღუდვების ეტაპობრივი შემსუბუქების გეგმა საქართველოს პრემიერ-მინისტრმა ირაკლი ღარიბაშვილმა თებერვლის ბოლოს წარმოადგინა და შეზღუდვების ეტაპობრივად მოხსნაც დაიწყო. თუმცა ძალაში რჩება წესები, რომლებიც ეხება პირბადის ტარებას, ღამით გადაადგილების აკრძალვას და სხვ.

პოლიციამ იზოლაციისა და კარანტინის წესის დარღვევისთვის  117 ფიზიკური პირი დააჯარიმა.

დაჯარიმებულთა შორის არიან მოქალაქეები, რომლებმაც საღამოს 9 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.

გარდა ამისა, 24 საათის განმავლობაში პირბადის ტარების წესის დარღვევის ფაქტზე 1.257 ფიზიკური პირია დაჯარიმებული, ხოლო პირბადის ტარების წესის განმეორებით დარღვევის  154  ფაქტი გამოვლინდა.

პირბადის ტარების წესის დარღვევა ითვალისწინებს ჯარიმას 20 ლარის ოდენობით, ხოლო პირბადის ტარების წესის განმეორებით დარღვევა ისჯება 40 ლარიანი ჯარიმით.

იზოლაციისა და კარანტინის წესის დარღვევა ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.

შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.

11
ირმა შარიქაძე

„ჩემი ქმარიც ძალადობდა ჩემზე, სახლიდან გამოვიპარე პატარა ბავშვით...“ - ირმა შარიქაძე

30
(განახლებულია 12:45 15.04.2021)
ფოტოგრაფმა ირმა შარიქაძემ პირველად ისაუბრა იმაზე, რომ მსახიობ ნინუცა მაყაშვილის მსგავსი ისტორია მასაც გადახდა თავს

თბილისი, 15 აპრილი – Sputnik. ცნო­ბილ­ი ფო­ტოგ­რაფი ირმა შა­რი­ქა­ძე ყოფილი მეუღლის ძალადობის მსხვერპლი იყო. ამის შესახებ თავად ფოტოგრაფმა ტელეკომპანია „პირველთან“ ისაუბრა.

შარიქაძემ აღნიშნა, რომ წლე­ბის წინ, ყო­ფი­ლი მე­უღ­ლის­გან ისიც იყო ფი­ზი­კუ­რი ძა­ლა­დო­ბის მსხვერ­პლი, რის გა­მოც, რვა თვის შვილ­თან ერ­თად, სახ­ლი­დან გა­ი­პა­რა.

ფოტოგრაფი მხარდაჭერას უცხადებს მსახიობ ნინუცა მაყაშვილს, რომელმაც რამდენიმე დღის წინ 11 წლის წინანდელი ძალადობის ფაქტები გაიხსენა და საჯაროდ დასდო ბრალი მის ყოფილ მეუღლეს, მსახიობ ბესო ზანგურს.

„ახლა ჩემი შვი­ლი 21 წლი­საა, ფაქ­ტობ­რი­ვად, ნი­ნუ­ცას მსგავ­სი სი­ტუ­ა­ცია მქონ­და, ეს ძა­ლი­ან რთუ­ლი მო­სა­ყო­ლია. დიდი სტრე­სია ის მო­მენ­ტი, როცა ცდი­ლობ წახ­ვი­დე იმ სახ­ლი­დან, სა­დაც შენ­ზე ძა­ლა­დო­ბენ, როცა გგო­ნია, რომ თუ რა­ღაც არას­წო­რად გა­ა­კე­თე, შე­იძ­ლე­ბა ვი­ღა­ცამ შემ­თხვე­ვით მოგ­კლას კი­დეც. ძა­ლა­დო­ბა დიდი ხნის გან­მავ­ლო­ბა­ში არ გრძელ­დე­ბო­და, მაგ­რამ რამ­დე­ნი­მე შემ­თხვე­ვა რომ გან­მე­ორ­და, გა­დავ­წყვი­ტე, რომ ეს ჩემს ცხოვ­რე­ბა­ში აღარ მოხ­დე­ბო­და, ფაქ­ტობ­რი­ვად, წა­სას­ვლე­ლი არ­სად მქონ­და, მაგ­რამ ასე “არ­სად” წა­მო­ვე­დი ში­ნი­დან მა­ინც, ბავ­შვით ხელ­ში, მა­შინ 20 წლის ვი­ყა­ვი, სამ­წუ­ხა­როდ, ისეთ ვი­თა­რე­ბა­ში ვი­ყა­ვი, არ შე­მეძ­ლო მეთ­ქვა, – მიშ­ვე­ლეთ -მეთ­ქი, ჩემ­ზე ძა­ლა­დობ­და სრუ­ლი­ად უმი­ზე­ზოდ”, - განაცხადა ფოტოგრაფმა.

12 აპრილს გადაცემა „ფარულ კონვერტში“ 33 წლის მსახიობმა გაიხსნენა 11 წლის წინანდელი ფაქტები, როდესაც, მისი თქმით, ყოფილი მეუღლე ფიზიკურად უსწორდებოდა, თუმცა ამის შესახებ წლების განმავლობაში დუმდა.

ნინუცა მაყაშვილმა განაცხადა, რომ ის ძალადობის მსხვერპლი იყო. მასზე მეუღლე ბესო ზანგური ფიზიკურად ძალადობდა, მათ შორის – ორსულობის დროსაც. ნინუცა მაყაშვილის თქმით, სწორედ ოჯახური ძალადობა გახდა წყვილის განქორწინების მიზეზი.

მსახიობი ბესო ზანგური ყოფილ ცოლზე ნინუცა მაყაშვილზე ძალადობას უარყოფს. ზანგური ტელეკომპანია „რუსთავი 2“-თან ინტერვიუში ამბობს, რომ ეს გადაცემაში 5 ათასი ლარის მისაღებად მოგონილი ტყუილია და მზად არის გამოძიებას კითხვებზე პასუხები გასცეს.

ფაქტს გამოეხმაურა რუსთაველის თეატრიც. სოციალურ ქსელში გავრცელებულ განცხადებაში ვკითხულობთ, რომ თეატრი ძალადობას გმობს. განსხვავებული პოზიცია აღმოაჩნდა რუსთაველის თეატრის სამხატვრო ხელმძღვანელს რობერტ სტურუას. „ვგრძნობდი, რომ ესენი ბოლშევიკები იყვნენ, ნეოკომუნისტები! და ქალებმა 1937 წელი დაიწყეს! რეპრესიები!" – დაწერა ცნობილმა რეჟისორმა.

30
თემები:
ქართველი სელებრითები

ლაიფჰაკები დამწყები და პროფესიონალი მებაღეებისათვის - ვიდეო

0
(განახლებულია 12:50 15.04.2021)
ვიდეოების დიდი ნაწილი მებაღეობის შესახებ გასართობ ხასიათს ატარებს. მათ მილიონობით ნახვა აქვთ, რაც საკმაოდ შთამბეჭდავია

მებაღეობა უძველესი და საკმაოდ პოპულარული პროფესიაა, თუმცა ხანდახან ადამიანები მცენარეებს მხოლოდ ჰობიდან და მათდამი სიყვარულიდან გამომდინარე უვლიან. ცხადია, ყოველთვის ყველაფერი კარგად არ გამოდის, ხანდახან მცენარეების დაავადებისგან განკურნება სერიოზულ ცოდნას, გარკვეულ საშუალებებსა და ხრიკებს მოითხოვს.

ვიდეო დაგეხმარებათ როგორც მოყვარულ, ისე პროფესიონალ მებაღეებს. თქვენ შეძლებთ სახლის პირობებში გაზარდოთ სასურველი მცენარე ისე, რომ მის ჯანმრთელობას საფრთხე არ შეექმნას, ხოლო შედეგით აღფრთოვანებული დარჩეს ყველა, ვინც მათ იხილავს.

0