პროფსასწავლებელი

იმერეთში ახალი პროფსასწავლებელი შენდება

40
(განახლებულია 20:17 06.04.2021)
თანამედროვე სტანდარტებისა და უახლესი ტექნიკით აღჭურვილი კოლეჯი ფუნქციონირებას 2021-2022 სასწავლო წლიდან დაიწყებს 

თბილისი, 6 აპრილი – Sputnik. წყალტუბოს მუნიციპალიტეტში თანამედროვე სტანდარტების პროფესიული კოლეჯი შენდება, იუწყება განათლებისა და მეცნიერების სამინისტროს პრესცენტრი. 

პროექტის მიზანი პროფესიულ განათლებაზე ხელმისაწვდომობის გაზრდა და ადგილობრივი მოსახლეობის დასაქმებაში ხელშეწყობაა.  პროექტის ღირებულება დაახლოებით 6 მლნ ლარია.

სამშენებლო სამუშაოების მიმდინარეობას განათლებისა და მეცნიერების მინისტრის მოადგილე თამარ ქიტიაშვილი, იმერეთში სახელმწიფო რწმუნებულის მოადგილესთან ლევან კიკნაველიძესთან და ადგილობრივი თვითმმართველობის წარმომადგენლებთან ერთად გაეცნო.

თანამედროვე სტანდარტებისა და უახლესი ტექნიკით აღჭურვილი კოლეჯი ფუნქციონირებას 2021-2022 სასწავლო წლიდან დაიწყებს.  რეგიონის საჭიროებებიდან გამომდინარე, კოლეჯი  ძირითადად ტურიზმის, საინჟინრო-ტექნოლოგიებისა და სოფლის მეურნეობის მიმართულებებით მოამზადებს კადრებს.

მას შემდეგ, რაც საქართველომ პროფესიული განათლების შესახებ ახალი კანონი მიიღო, ქვეყანაში მნიშვნელოვნად განვითარდა პროფგანათლების სხვადასხვა მიმართულება. კერძოდ, გაძლიერდა სასწავლო დაწესებულებების ქსელი, დამტკიცდა პროფსაგანმანათლებლო დაწესებულებების ავტორიზაციის ახალი სტანდარტები, განვითარდა მოზრდილთა სწავლების მიმართულება, სამეცნიერო ინფრასტრუქტურა დაუახლოვდა საერთაშორისო სტანდარტებს, პროფგანათლების სფეროში გაიზარდა დამსაქმებლების ჩართულობა. 

Профессиональный колледж в Цхалтубо
photo: press-service Ministry of Educaton and Science of Georgia
წყალტუბოში პროფსასწავლებელი შენდება

15-წლიანი პაუზის შემდეგ სისტემამ სტუდენტებს პირველად შესთავაზა პროფგანათლებასთან ერთად სრული საშუალო განათლება და უმაღლეს სასწავლებელში სწავლის გაგრძელების უფლება.

ამჟამად მიმდინარეობს მუშაობა პროფგანათლების სისტემის მართვის ახალ მოდელზე. დაწყებულია მუშაობა ასევე საერთაშორისო დონის პროფსკოლების პროექტებზე, რომლებშიც ქართველ სტუდენტებთან ერთად უცხოელებიც ისწავლიან. მაგალითად, ღვინისა და კულინარიის სკოლა კახეთში, ტურიზმის სკოლა დუშეთში, საინჟინრო მიმართულების სკოლა თბილისში. კოლეჯების ქსელის აქტიური განვითარება მიმდინარეობს მარნეულში, კასპში, ხაშურში, ბორჯომში, ლანჩხუთში, ჩოხატაურში, ახალქალაქში, ბათუმსა და წყალტუბოში.

40
თემები:
განათლება საქართველოში (402)
ირაკლი მაქაცარია და ლიზა ჩიჩუა

ასე ერთობიან ირაკლი მაქაცარია და ლიზა ჩიჩუა მანქანაში - რომანტიული ვიდეო

60
(განახლებულია 11:35 14.04.2021)
მას შემდეგ რაც ირაკლი მაქაცარიამ შეყვარებული გამოაჩინა, ახალი წყვილის მიმართ საზოგადოების ინტერესი არ წყდება

უამრავი ქართველი თუ უკრაინელი ქალბატონის სასურველი მამაკაცის გული დაიპყრეს. ირაკლი მაქაცარიამ ფავორიტ ქალბატონთან ერთად პირველი ფოტო რამდენიმე დღის წინ გამოაქვეყნა. საჯარო პოსტს უამრავი გამოხმაურება მოჰყვა. უახლეს ფოტოკადრს ტელესახემ თბილი წარწერაც დაურთო. „ჩემი ცხოვრების სიყვარული“- ამ ემოციური სიტყვებით იწყება წყვილის სასიყვარულო ისტორია. ირაკლი მაქაცარია მეორე ნახევარს აღარ მალავს.

View this post on Instagram

A post shared by @lizachichuaa

ქალბატონის ვინაობა უკვე ცნობილია. ლიზა ჩიჩუა განთქმული ოფთალმოლოგისა და ენდოკრინოლოგის შვილია. მისი მამა გიორგი ჩიჩუაა, ხოლო დედა- ქეთევან ასათიანი. გოგონა 19 წლისაა. წყვილს შორის 15 წლიანი ასაკობრივი სხვაობაა. ირაკლის ოფიციალურ გვერდზე ასეთი რეიტინგული პოსტი ჯერ არ გამოუქვეყნებია. კომენტარებში კომპლიმენტები და მილოცვები არ წყდება.

View this post on Instagram

A post shared by @lizachichuaa

„როგორ უხდებით ერთმანეთს. ულევი სიხარული და უზღვავი ბედნიერება თქვენ!“;  „ულამაზესი წყვილი! იბედნიერეთ და იმრავლეთ...“; „უხდებით ერთმანეთს“; „იდეალური წყვილი!“; „სულ ასეთი დახვეწილი და ლამაზი ქალი წარმომედგინა თქვენს გვერდით“- ასე ეხმაურებიან ირაკლის გულშემატკივრები ტელევარსკვლავის გაბედნიერებას.

View this post on Instagram

A post shared by @lizachichuaa

34 წლის ბათუმელი ბიჭი ნამდვილად სასურველი და „დიპლომიანი“ სასიძოა. ქართველი გოგონების გარდა, მთელი უკრაინა მოხიბლა საკუთარი შარმით, ქარიზმატულობით და ცეკვის ნიჭით. საინტერესო ფაქტები: საშუალო სკოლა აშშ-ში დაამთავრა; უმაღლესი განათლება თბილისის კავკასიის ბიზნეს-სკოლაში მიიღო; სპეციალობით მარკეტოლოგია; 2013 წელს დააფუძნა კომპანია Maq Entertainment, რომელიც „ბოლივუდთან“ თანამშრომლობს.

View this post on Instagram

A post shared by @lizachichuaa

ამას გარდა პოპულარულმა ტელესახემ საიუველირო ქსელი შექმნა, რომელშიც მისი დიზაინით შექმნილი აქსესუარები იყიდება. ექსტრავაგანტული კინოპროდიუსერი ქალებზე ხშირად არ საუბრობს, მით უმეტეს, პირად ცხოვრებაზე. თუმცა მისი ინტერვიუები ყოველთვის მდედრობით სქესთან დაკავშირებული კითხვების თანხლებით მიმდინარეობს, რასაც მაქაცარია გვერდს ვერასდროს აუვლის.

View this post on Instagram

A post shared by @lizachichuaa

„33 წლის განმავლობაში სხვადასხვა გარეგნობის, ასაკის, ეროვნების მანდილოსანი მომწონებია და დავრწმუნდი იმაში, რომ არ შეიძლება ქალი ჩარჩოებში მოაქციო და თქვა, რომ მხოლოდ ქერათმიანი გოგო მოგწონს. ყველანაირი გოგოს მიმართ შეიძლება გაგიჩნდეს გრძნობა ან უბრალოდ სიმპათია", – აღნიშნავდა წარმატებული ტელესახე. მისი თქმით, ვულგარული ქალები არ იზიდავს, მთავარია, სექსუალობა თვალებიდან იგრძნობოდეს და არა მოკლე კაბით.

წყვილი როგორც ჩანს, ერთად დიდ დროს ატარებს. ცოტა ხნის წინ ლიზა „ინსტაგრამის“ „სთორიზე“ ვიდეო გამოაქვეყნა, სადაც ისინი, სავარაუდოდ მცხეთაში იმყოფებოდნენ და გზაში, მანქანაში მუსიკების თანხლებით ძალიან გაერთნენ.

60
თემები:
ქართველი სელებრითები
ნუკა კვალიაშვილი ეკა კვალიაშვილი

ნუკა კვალიაშვილს ხელი ორიგინალურად სთხოვეს - ნახეთ ვინ არის მისი ახალი რჩეული - ვიდეო

67
(განახლებულია 11:22 14.04.2021)
ორიგინალური და ექსტრავაგანტული მომღერალი კვლავ შეყვარებულია. ნახეთ ვინ არის ნუკა კვალიაშვილის ახალი რჩეული

მომღერალი ნუკა კვალიაშვილი გათხოვდა. ეს სიახლე მომღერლის „ფეისბუქიდან“ გავრცელდა, სადაც აიტვირთა ვიდეო, როგორ სთხოვს ხელს აეროპორტში თავისი რჩეული, გოჩა გელაშვილი. „მე, ვინც ცხოვრებაში არავისთვის დამიჩოქებია, გიჩოქებ”, – ეუბნება ნუკას საქმრო და ხელს თხოვს.

 

ეს ნუკას მეორე ქორწინებაა. მომღერალი ნუკა კვალიაშვილი პირველ მეუღლეს ნიკუშა კობახიძეს 12-წლიანი ურთიერთობის შემდეგ დაშორდა. ამის შესახებ მან სოციალურ ქსელში თავად დაწერა. ინტერვიუებში მომღერალი ამბობდა, რომ წყვილი ერთმანეთს ვერ შეეწყო.

ნუკა კვალიაშვილი საზოგადოებამ რამდენიმე წლის წინ გაიცნო. ორიგინალური გარეგნობით კონკურსზეც გამოირჩეოდა, მაგრამ ახლა იმიჯი რადიკალურად შეიცვალა და ანიმაციის ულამაზეს გმირს დაემსგავსა.

ნუკა გვალიას სახელითა და გვარით სცენაზე 2013 წელს გამოჩნდა. „რუსთავი 2“-ის რეიტინგულ პროექტში „საქართველოს ვარსკვლავი“ მის პირველ შესრულებას დიდი დაინტერესება და გამოხმაურება მოჰყვა.

გოგონას დიდ მომავალს უწინასწარმეტყველებდნენ. იმ პერიოდში ნუკა შეყვარებული იყო. მისი რჩეული ნიკუშა კობახიძე გახლდათ, რომელიც თინეიჯერობისას გაიცნო. თანატოლებს შორის წყვილი საკმაოდ დიდი პოპულარობით სარგებლობდა მაგრამ, ურთიერთობამ კონკურსის და ნუკას ცნობადობის შემდეგ გარდატეხა განიცადა. ნუკას და ნიკას თანაცხოვრებიდან ორი ვაჟი გაუჩნდათ – ლუკა და სანი.

ტაბლოიდებთან ნუკა აღნიშნავს, რომ არც ერთი ფსიქოლოგი ან ანტიდეპრესანტი არ შველის ისე, როგორც გარეგნობაში ცვლილება. ვარდისფერ თმას ლურჯი ცვლის, ლურჯს მწვანე ენაცვლება, მწვანეს ქერა, ქერას შავი და ასე დაუსრულებლად პირსინგებისა და ტატუების მომრავლებით.

ორიგინალური და ექსტრავაგანტული გარეგნობის მქონე მომღერალი ანიმაციებითაა გატაცებული. მის სოციალურ ქსელში მითოლოგიური გმირები ჭარბობენ, რომლებსაც ცდილობს დაემსგავსოს. გარდა ამისა, უყვარს სიგამხდრე და მაქსიმალურად ცდილობს წონა შეინარჩუნოს.

67
თემები:
ქართველი სელებრითები
გიორგი გახარია

ახალი პოლიტიკური ძალა: „ქართული ოცნების" ექვსი დეპუტატი გახარიას შეუერთდა

0
როგორც ადრე საპარლამენტო უმრავლესობის ერთ-ერთმა ლიდერმა ბექა დავითულიანმა განაცხადა, პარტიის შექმნის შემთხვევაში ყოფილი პრემიერი „ქართული ოცნების“ კონკურენტი გახდება.

თბილისი, 14 აპრილი – Sputnik. პარლამენტში მმართველი პარტია „ქართული ოცნება – დემოკრატიული საქართველოს“ რიგები ექვსმა დეპუტატმა დატოვა.

აღნიშნულ გადაწყვეტილებასთან დაკავშირებით განცხადება გორისა და კასპის მაჟორიტარმა დეპუტატმა გიორგი ხოჯევანიშვილმა პარლამენტში გამართულ ბრიფინგზე გააკეთა. 

გავრცელებული ინფორმაციით, ხოჯევანიშვილთან ერთად, საპარლამენტო უმრავლესობა დატოვეს დეპუტატებმა ბექა ლილუაშვილმა, ანა ბუჩუკურმა, ალექსანდრე მოწერელიამ, მიხეილ დაუშვილმა და შალვა კერესელიძემ.

როგორც ხოჯევანიშვილმა განმარტა, ისინი ყოფილი პრემიერ–მინისტრ გიორგი გახარიას გუნდის წევრები არიან და დღეიდან  პარტიის მშენებლობის ეტაპზე გადადიან. 

„ჩვენ ვართ გიორგი გახარიას გუნდის წევრები და თანამოაზრეები, რომელთაც გვაერთიანებს საერთო ღირებულებები და ფასეულობები. ჩვენ დღეიდან გიორგი გახარიასთან ერთად პარტიის მშენებლობის ახალ ეტაპზე გადავდივართ. შესაბამისად, ვტოვებთ „ქართულ ოცნებას", - აღნიშნა დეპუტატმა.

გახარიამ პრემიერის პოსტის დატოვების შესახებ განცხადება 18 თებერვალს გააკეთა, რაც ყველასთვის, პირველ რიგში კი საკუთარი გუნდისთვის დიდი მოულოდნელობა იყო. ექს-პრემიერმა მიზეზად თავის გუნდთან – „ქართულ ოცნებასთან“ „ერთიანი ნაციონალური მოძრაობის“ თავმჯდომარის ნიკა მელიას დაპატიმრების საკითხზე უთანხმოება დაასახელა. მარტის ბოლოს ექს-პრემიერმა დუმილი დაარღვია და განაცხადა, რომ არ აპირებს პოლიტიკიდან წასვლას და მისი სამომავლო გეგმების შესახებ ცნობილი მალე გახდება.

საქართველოს ერთ-ერთი ყველაზე რეიტინგული პოლიტიკოსი მმართველი პარტია „ქართული ოცნება – დემოკრატიული საქართველოს“ დამფუძნებლის ბიძინა ივანიშვილის ფავორიტად და მინისტრთა კაბინეტში ყველაზე გავლენიან ფიგურად ითვლებოდა.

მას მთავრობის მეთაურის პოსტი 2019 წლის სექტემბრიდან 2021 წლის 18 თებერვლამდე ეკავა.

 

0
თემები:
საქართველოს პოლიტიკური ცხოვრება