ეკატერინე ტიკარაძე

ჯანდაცვის მინისტრი: მთავარია „ლოკდაუნი“ თავიდან ავირიდოთ

89
(განახლებულია 15:30 06.04.2021)
ეპიდემიოლოგები კვლავ კლასტერებზე და საყოველთაო გავრცელებაზე საუბრობენ, რამაც, შესაძლოა, კვლავ იმ კოვიდ-შეზღუდვების ამოქმედება გამოიწვიოს, რაც გასული წლის შემოდგომაზე მოქმედებდა.

თბილისი, 6 აპრილი – Sputnik. საქართველოში ეპიდვითარება კვლავ გაუარესდა – ქვეყანა კორონავირუსის მესამე ტალღის ზღვარზე და ახალი „ლოკდაუნის“ საფრთხის წინაშეა, განაცხადა ჯანდაცვის მინისტრმა ეკატერინე ტიკარაძემ.

„ჩვენთვის ახლა ყველაზე მთავარია თავიდან ავიცილოთ მესამე „ლოკდაუნი“. ამისთვის საჭიროა ჩვენი მოქალაქეების მხრიდან მაღალი სოციალური პასუხისმგებლობის გამოჩენა. ჩვენ კვლავ მოვუწოდებთ მათ, ინტენსიურად გამოიყენონ პირბადე, მნიშვნელოვანია ასევე სოციალური დისტანცია და მასობრივი თავშეყრის ადგილებისგან თავის არიდება. სამწუხაროდ, მომატებულია ინფექციის გავრცელების კოეფიციენტი და ინციდენტობის მაჩვენებელი, რაც მიუთითებს იმაზე, რომ ჩვენ მესამე ტალღის ზღვარზე ვართ“, – განაცხადა ტიკარაძემ. 

მისი თქმით, კორონავირუსის გაზრდილი შემთხვევების ფონზე ჯანდაცვის სამინისტრო ინტენსიურად აგრძელებს ინფექციის ლოკალურ დონეზე მართვას. მინისტრი იმედს გამოთქვამს, რომ ამ მიმართულებით დაგეგმილი ღონისძიებები შეასაძებელს გახდის ჩაკეტვების თავიდან აცილებას. მან საზოგადოებას ასევე აღდგომის დღესასწაულის მოკრძალებულად აღნიშვნისკენ მოუწოდა.

„ჩვენ აღდგომის დღესასწაულის მოკრძალებულად აღნიშვნა მოგვიწევს წელსაც, თუმცა, იმედი მაქვს, რომ არაფრის ჩაკეტვა არ მოგვიწევს და შევძლებთ ინფექციის ისე მართვას, რომ გლობალურ ჩაკეტვამდე არ მივიდეთ“, – აღნიშნა ტიკარაძემ.

ქართველი სპეციალისტები არადამაიმედებელ პროგნოზებს აკეთებენ. მათი განცხადებით, ქვეყანა კორონავირუსის გავრცელების მესამე ტალღის ფაზაში შედის და ისინი არ გამორიცხავენ, რომ საქართველო გასული წლის ნოემბერ-დეკემბრის მაჩვენებელს მიუახლოვდეს, როდესაც ინფიცირების დღიური მაჩვენებელი რამდენიმე ათასი იყო.

ბოლო მონაცემებით, საქართველოში ინფიცირებულთა საერთო რაოდენობამ 284 ათასს გადააჭარბა. გამოჯანმრთელდა 275 ათასი ადამიანი, გარდაიცვალა 3.822 პაციენტი.

ქვეყანაში კორონავირუსის პირველი შემთხვევა 2020 წლის 26 თებერვალს დაფიქსირდა.

 

89
თემები:
კორონავირუსი საქართველოში: ბოლო ცნობები (519)
სოფიკო შევარდნაძე

„საათობრივად ვიკვებებოდი და დავდიოდი ფეხით 5 კილომეტრს“ - სოფიკო შევარდნაძე ოსულობაზე

16
(განახლებულია 14:13 15.04.2021)
საქართველოს მეორე პრეზიდენტის შვილიშვილი დედა მარტის მიწურულს გახდა. მას ვაჟი შეეძინა. სოფიკომ შვილის გაჩენამდე რამდენიმე დღით ადრე გაამხილა ორსულობის ამბავი

მას მერე, რაც დედა გახდა, სოფო შევარდნაძე „ინსტაგრამზე“ ხშირად წერს ახალი ამპლუის შესახებ და თავის მოსაზრებებს თუ შეგრძნებებს უზიარებს სხვა დედებს. ამჯერად დედობისთვის მზადებასა და ორსულობაზე ისაუბრა.

ჟურნალისტი ამბობს, რომ ორსულობისას რეჟიმზე გააკეთა აქცენტი: საათობრივად იკვებებოდა და ეძინა იმდენ ხანს, რამდენსაც ითხოვდა ორგანიზმი. ასევე ყოველდღე დადიოდა ფეხით 5 კილომეტრს, უსმენდა კლასიკურ მუსიკას და ჩასახვის დღიდან ელაპარაკებოდა პატარას.

„სრულფასოვნად ვმუშაობდი, ვიღებდი გადაცემებს და მხოლოდ მშობიარობამდე ორი კვირით ადრე გავუშვი ჯგუფი შვებულებაში. არაფერი არ წამიკითხავს, ხანდახან ვუსმენდი ბავშვთა ფსიქოლოგებს და ნეიროქოუჩებს, რათა გამეგო, როგორი მიდგომები და თეორიებია ადრეული აღზრდის მიმართულებით.
მჯეროდა, რომ დანარჩენი თავისით მოვიდოდა, გამოცდილებასთან ერთად“, - ამბობს სოფო.

საქართველოს მეორე პრეზიდენტის ედუარდ შევარდნაძის შვილიშვილი დედა 42 წლის ასაკში გახდა. ტელეწამყვანმა 21 თებერვალს ინფორმაცია ორსულობის შესახებ Clubhouse-ის მოდურ დანართთან საუბრისას გაამხილა, სადაც სტუმრები ბავშვთა აღზრდის თემაზე სასაუბროდ შეიკრიბნენ.

ცნობილ ტელეწამყვანს პირადი ცხოვრების აფიშირება არ უყვარს, ამიტომ სხვა დეტალები ჯერჯერობით არ არის ცნობილი. ამის შესახებ მას ჯერ თავის „ინსტაგრამზეც“ არ დაუწერია. ერთ-ერთ ინტერვიუში ტელეწამყვანმა აღიარა, რომ უჭირს მისთვის შესაფერისი მეორე ნახევრის მოძებნა, როდესაც თვალწინ ჰყავს ორი ისეთი იდეალური მამაკაცი, როგორებიც ბაბუამისი და მამამისი არიან.

სოფიკო 21 წლის იყო, როცა დაგეგმილი ქორწილი ჩაშალა და დღემდე არ დაქორწინებულა. ნიუ-იორკში ჟურნალისტმა ახალგაზრდა ქართველი რეჟისორი ლევან კოღუაშვილი გაიცნო, მან რჩეული საკუთარ ბაბუასაც კი გააცნო და გამოაცხადა ქორწინების შესახებ, თუმცა ქორწილამდე დაახლოებით ერთი თვით ადრე მიხვდა, რომ არ სურდა მთელი ცხოვრება იმ ადამიანთან ერთად გაეტარებინა.

16
თემები:
ქართველი სელებრითები
კახა კალაძე

კალაძე: ორშაბათიდან სრულფასოვნად დავუბრუნდები ჩემს საქმიანობას

25
(განახლებულია 13:59 15.04.2021)
კახა კალაძეს თბილისის ერთ-ერთ კლინიკაში ვესტიბულოპათიის დიაგნოზი დაუსვეს – ექიმების განცხადებით, მერის ავადმყოფობა მის სპორტულ წარსულს უკავშირდება.

 

თბილისი, 15 აპრილი – Sputnik. თბილისის მერი კახა კალაძე საქართველოში კვირის ბოლოსთვის დაბრუნდება და მუშაობის ჩვეულ რეჟიმს დაუბრუნდება. 

43 წლის კალაძე უცხოეთში გამოკვლევების ჩასატარებლად 12 აპრილს გაემგზავრა – იგი მარტის ბოლოს თბილისის ერთ-ერთ კლინიკაში ე.წ. ვესტიბულოპათიის დიაგნოზით (ვესტიბულარული ანალიზატორის ფუნქციის დარღვევა) მოხვდა. 4 აპრილს მან კლინიკა დატოვა და რეაბილიტაციის კურსს სახლის პირობებში გადიოდა. 

„დამატებით კვლევები ჩავიტარე ყველა მიმართულებით და ბედნიერი ვარ, რომ კარგად ვარ. ორშაბათიდან სრულფასოვნად დავუბრუნდები ჩემს საქმიანობას და ერთად განვახორციელებთ ყველა იმ მნიშვნელოვან პროექტს, რომელიც დედაქალაქს სჭირდება“, - განაცხადა კალაძემ Facebook-ჩართვაში.

ადრე ქართულ მასმედიაში თბილისის მერისა და „ქართული ოცნების“ გენერალური მდივნის კახა კალაძის მმართველი გუნდიდან და, ზოგადად, პოლიტიკიდან წასვლის შესახებ ინფორმაცია გავრცელდა. ერთ-ერთი ტელეკომპანიის ვერსიით, კალაძე მილანში დაბრუნებას გეგმავს, სადაც ფეხბურთელის წარმატებული კარიერა ჰქონდა.

კონკრეტულად რომელ ქვეყანაში იმყოფება დედაქალაქის მერი, ამის თაობაზე ინფორმაციას თბილისის მერიის პრეს-სამსახური არ ავრცელებს.

25