თბილისი. ავტობუსის გაჩერება. კორონავირუსის პანდემია

საგარეო ურთიერთობები, ეკონომიკური მდგომარეობა, კორონავირუსი - რა აჩვენა ახალმა გამოკითხვამ

79
საქართველოს მოქალაქეებმა გამოთქვეს თავისი აზრი რუსეთთან ურთიერთობაზე, კორონავირუსის პანდემიის ზეგავლენაზე და ქვეყნის ეკონომიკურ მდგომარეობაზე

თბილისი, 5 აპრილი – Sputnik. გამოკითხვის შედეგების თანახმად, საქართველოში რესპონდენტების 93% რუსეთთან დიალოგს უჭერს მხარს, ნათქვამია საზოგადოებრივი აზრის კვლევაში, რომელიც აშშ-ის საერთაშორისო რესპუბლიკურმა ინსტიტუტმა ჩაატარა (IRI).

ამასთან, 88%-ს მიაჩნია, რომ რუსეთი საქართველოსთვის ყველაზე დიდ პოლიტიკურ საფრთხეს წარმოადგენს, 78% კი რუსეთს საქართველოსთვის ყველაზე დიდ ეკონომიკურ საფრთხედ მიიჩნევს.

გამოკითხვის თანახმად, 87%-ის აზრით, საქართველოსა და აშშ-ს შორის კარგი ურთიერთობაა, ევროკავშირთან ურთიერთობებს კი დადებითად აფასებს 85%. შემდეგ მოდიან უკრაინა - 84%, თურქეთი - 73%, აზერბაიჯანი - 66%, სომხეთი - 64%, ჩინეთი - 57%, ირანი - 48%, რუსეთი - 7%.

საქართველოს მთავრობის დღევანდელი კურსი რუსეთთან ურთიერთობის თვალსაზრისით გამოკითხულთა 53%-მა დადებითად შეაფასა, 42%-მა - ნეგატიურად.

მოსახლეობის მდგომარეობის გაუარესება

გამოკითხვის თანახმად, რესპონდენტთა 76% მიიჩნევს, რომ გასული ერთი წლის განმავლობაში ქვეყნის ეკონომიკური მდგომარეობა გაუარესდა, 18% კი ფიქრობს, რომ არაფერი შეცვლილა, 6% ამბობს, რომ ქვეყნის ეკონომიკა რაღაც კუთხით გაუმჯობესდა კიდეც.

რაც შეეხება რესპონდენტების რაოდენობას, რომელთა აზრითაც ქვეყნის ეკონომიკა კრიზისშია, მათი 37% აცხადებს, რომ სიტუაცია „შედარებით გაუარესდა“, 39% კი ამბობს, რომ „მნიშვნელოვნად გაუარესდა“.

როგორც კვლევამ აჩვენა, რესპონდენტების 71%-ს მიაჩნია, რომ პირადად მათი ეკონომიკური მდგომარეობა ამა თუ იმ დოზით გაუარესდა. ქვეყანაში ყველაზე მნიშვნელოვან პრობლემად გამოკითხულთა 65% უმუშევრობას ასახელებს.

COVID-19-ის პანდემიის გავლენა

მნიშვნელოვანია, რომ გამოკითხულთა 65%-ის აზრით, კორონავირუსის პანდემიის დაწყების შემდეგ მათი ეკონომიკური მდგომარეობა გაუარესდა. ამასთან, რესპონდენტების 43% ამბობს, რომ „შედარებით გაუარესდა“, ხოლო 22% - რომ „მკვეთრად გაუარესდა“. 29%-ის თქმით, მათ ეკონომიკურ მდგომარეობაზე პანდემიას არანაირი გავლენა არ მოუხდენია, 5% კი აცხადებს, რომ მათი მდგომარეობა გაუმჯობესდა კიდეც.

პანდემიამ ყველაზე ძლიერი დარტყმა მიაყენა უმუშევართა ეკონომიკურ მდგომარეობას - ამ სეგმენტის 76% დაზარალდა. პანდემიის პერიოდში შედარებით მცირე დანაკარგი განიცადეს სხვადასხვა სფეროს დაქირავებულმა თანამშრომლებმა - ამ სეგმენტში ეკონომიკური დანაკარგი განიცადა გამოკითხულთა 48%-მა.

კვლევის თანახმად, რესპონდენტთა 39%-მა უკმაყოფილება გამოთქვა საქართველოს მთავრობის მიერ პანდემიის პერიოდში გატარებული ღონისძიებებით. „შედარებით კმაყოფილი“ აღმოჩნდა 44%, „ძალიან კმაყოფილი“ კი - 15%.

რაც შეეხება მთავრობის მიერ პანდემიის ეკონომიკური შედეგების გამოსასწორებლად მიღებულ ზომებს, ამ მხრივ უკმაყოფილოთა რაოდენობა გაცილებით მეტია - 54%, მეტ-ნაკლებად კმაყოფილია 45%.

კვლევა 2 თებერვლიდან 26 თებერვლამდე პირდაპირი გამოკითხვის მეთოდით ჩატარდა. მასში მონაწილეობა მიიღო 18 წელს გადაცილებულმა 1,5 ათასმა რესპონდენტმა. ცდომილება შეადგენს +/-2,5%-ს.

79
მიხეილ ცაგარელი

„ძალიან ვცემდი, რეანიმაციაში წაიყვანეს, ძლივს გადაარჩინეს...“ - მიხეილ ცაგარელი პირადზე

60
(განახლებულია 15:37 17.04.2021)
მიხეილ ცაგარელმა საკუთარი ცხოვრების უცნობ დეტალებზე საჯაროდ პირველად ისაუბრა. ნახეთ რა შეემთხვა ცნობილ ასტროლოგს

ასტროლოგი მიხეილ ცაგარელი იხსენებს, რომ ბავშვობაში მოჩხუბარი ბავშვი იყო. როგორც ცაგარელმა გადაცემაში „მხოლოდ ლელასთან“ გაიხსენა, თუ ვინმე გააბრაზებდა, წყობიდან ძალიან გამოდიოდა.

„ზოგადად კურო ყველაზე მშვიდი ნიშანია, თუმცა თუ წონასწორობიდან გამოვიდა მტრისას. იქ კონტროლი უკვე აღარ აქვს, არც ვერძი, არც მორიელი, ვერავინ ვეღარ დაუდგება წინ. ეს მომენტი მეც მქონდა ადრე, თუმცა მაშინ არ ვიცოდი ასტროლოგია. ვვარჯიშობდი ყოველთვის, ვიყავი წყალბურთებული, მოცურავე. მქონდა სამი ასეთი შემთხვევა სკოლაში – ბავშვებს ჩხუბის შედეგად ვახრჩობდი ფაქტობრივად. ძალიან ვცემდი, იმ დონემდე მიმყავდა რომ რეანიმამაციაში წაიყვანეს სამივე და ძლივს გადაარჩინეს. ჩემი ბრალი არ იყო, იმათი პროვოცირებული იყო. ეს იყო მეექვსე კლასამდე. მეექვსე კლასის მერე მე არ მიჩხუბია“,- განაცხადა ცაგარელმა.

60
თემები:
ქართველი სელებრითები
ტურისტები პირბადეებით

კოვიდ-სტატისტიკა საქართველოში: სად დაფიქსირდა ინფიცირების ყველაზე მეტი შემთხვევა

44
დღეს დადებითობის დღიურმა მაჩვენებელმა 4 პროცენტს გადააჭარბა, ხოლო ბოლო 14 დღის მაჩვენებელი 3 პროცენტს მიუახლოვდა

თბილისი, 18 აპრილი – Sputnik. საქართველოში ბოლო 24 საათში გამოვლენილი კორონავირუსის 818 შემთხვევიდან ყველაზე მეტი – 465 შემთხვევა დედაქალაქში დაფიქსირდა. ინფორმაციას საქართველოს მთავრობის ადმინისტრაცია ავრცელებს.

ინფიცირებულთა შემთხვევების რაოდენობით მეორე ადგილზე აჭარა, შემდეგ კი სამეგრელო-ზემო სვანეთის რეგიონია.

რეგიონების მიხედვით კორონავირუსით ინფიცირების სტატისტიკა ასეთია:

აჭარა - 75, სამეგრელო - ზემო სვანეთი - 73, იმერეთი - 57, ქვემო ქართლი - 46, შიდა ქართლი - 29, კახეთი - 25, გურია - 18,  მცხეთა-მთიანეთი - 18, სამცხე-ჯავახეთი - 8, რაჭა-ლეჩხუმი და ქვემო სვანეთი - 4.

დადებითობის დღიური მაჩვენებელი - 4,35%, ბოლო 14 დღის - 2,98%, ბოლო 7 დღის - 3,41%.

ბოლო 24 საათში ვირუსისგან გამოჯანმრთელდა 783 პირი, ხოლო ჯამში გამოჯანმრთელებულთა რაოდენობა 280.915-მდე გაიზარდა.

ბოლო დღე-ღამის განმავლობaში გარდაიცვალა 14 ადამიანი და გარდაცვლილთა საერთო რაოდენობამ 3.939-ს მიაღწია.

ამ დროის მონაცემებით, საქართველოში 10.478 აქტიური შემთხვევაა.

კოვიდ-კლინიკებში მოთავსებულია 2.982 პაციენტი, მათ შორის, თბილისის საავადმყოფოებში - 1.577, აჭარაში - 405, იმერეთში - 371.

512 პაციენტის მდგომარეობა მძიმეა. ხელოვნური სუნთქვის აპარატზე შეერთებულია 89 პირი, მათგან თბილისში - 67, იმერეთში - 6, აჭარაში - 7.

კოვიდ-სასტუმროში მოთავსებულია 439 ადამიანი, მათ შორის 228 - თბილისში, 196 - აჭარაში.

საცხოვრებელ ბინაზე ვირუსის მკურნალობის კურსს 7.057 პირი გადის.

დღევანდელი მდგომარეობით, საკარანტინო სივრცეში მოთავსებულია 310 ადამიანი, მათ შორის, თბილისში - 262, ხოლო აჭარაში - 3. თვითიზოლაციაში იმყოფება 16.452 ადამიანი, მათ შორის თბილისში - 8.317 პირი, აჭარაში - 2.314, იმერეთში - 1.180.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 818-ით გაიზარდა და ინფიცირებულთა საერთო რიცხვმა 295.358-ს მიაღწია.

საქართველოში კორონავირუსის პირველი შემთხვევა გასული წლის 26 თებერვალს დაფიქსირდა.

 

 

44
გამვლელები პირბადეებით

ბრძოლა COVID-19-თან: რეგულაციების დარღვევის რამდენი ფაქტი გამოვლინდა ბოლო 24 საათში

0
(განახლებულია 12:22 18.04.2021)
შექმნილი ეპიდვითარების გამო საქართველოში 28 ნოემბრიდან დაწესებული რეგულაციებიდან დარჩენილია „კომენდანტის საათი“, პირბადე, დისტანცია და რამდენიმე სხვა შეზღუდვა.

თბილისი, 18 აპრილი – Sputnik. პოლიციამ ბოლო 24 საათის განმავლობაში მთელი ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის 1.437 ფაქტი გამოავლინა, იუწყება შინაგან საქმეთა სამინისტრო.

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრის ჩათვლით იყო ძალაში. შეზღუდვების ეტაპობრივი შემსუბუქების გეგმა საქართველოს პრემიერ-მინისტრმა ირაკლი ღარიბაშვილმა თებერვლის ბოლოს წარმოადგინა და შეზღუდვების ეტაპობრივად მოხსნაც დაიწყო. თუმცა ძალაში რჩება წესები, რომლებიც ეხება პირბადის ტარებას, ღამით გადაადგილების აკრძალვას და სხვ.

პოლიციამ იზოლაციისა და კარანტინის წესის დარღვევისთვის 122 ფიზიკური პირი დააჯარიმა.

დაჯარიმებულთა შორის არიან მოქალაქეები, რომლებმაც საღამოს 9 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.

გარდა ამისა, 24 საათის განმავლობაში პირბადის ტარების წესის დარღვევის ფაქტზე 1.179 ფიზიკური პირია დაჯარიმებული, ხოლო პირბადის ტარების წესის განმეორებით დარღვევის 136 ფაქტი გამოვლინდა.

პირბადის ტარების წესის დარღვევა ითვალისწინებს ჯარიმას 20 ლარის ოდენობით, ხოლო პირბადის ტარების წესის განმეორებით დარღვევა ისჯება 40 ლარიანი ჯარიმით.

იზოლაციისა და კარანტინის წესის დარღვევა ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.

შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.

 

 

0