ვაქცინა

ვაქცინა უსასყიდლოდ: საქართველო ჩინეთიდან Sinovac-ს ელოდება

54
(განახლებულია 19:54 05.04.2021)
კორონავირუსის საწინააღმდეგო ჩინური წარმოების Sinopharm-ის ვაქცინის კვალდაკვალ ქვეყანა მალე Sinovac-ის პრეპარატსაც მიიღებს.

თბილისი, 5 აპრილი – Sputnik. ჩინეთი კორონავირუსის საწინააღმდეგო Sinovac-ის ვაქცინას საქართველოს უსასყიდლოდ გადასცემს, განაცხადა ჩინური ვაქცინის პრეზენტაციაზე საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ.

აღნიშნული ვაქცინა საქართველოში, სავარაუდოდ, ერთ თვეში შემოვა. 3 აპრილს კი ქვეყანამ ჩინური Sinopharm-ის 100 ათასი დოზა მიიღო. ქვეყანაში ამ პრეპარატით ვაქცინაცია მას შემდეგ დაიწყება, რაც იგი ჯანმოს ავტორიზაციას გაივლის. 

გამყრელიძის თქმით, Sinopharm-ის ვაქცინა ფართოდ გამოიყენება არაბთა გაერთიანებულ საამიროებში, სამხრეთ ამერიკის ზოგიერთ ქვეყანაში – ბრაზილიასა და ჩილეში, ასევე ევროპაში – უნგრეთსა და სერბეთში.

„ჩინეთს კორონავირუსის საწინააღმდეგო ხუთი ვაქცინა აქვს შექმნილი, აქედან ორი – Sinopharm და Sinovac საერთაშორისო მასშტაბისაა. ჩინეთის მთავრობა საქართველოს უსასყიდლოდ გადმოსცემს Sinovac-ს, რომელიც ფართოდ გამოიყენება მეზობელ ქვეყნებში, მაგალითად, თურქეთში, სადაც უკვე დაახლოებით 15 მლნ დოზაა გამოყენებული. დაახლოებით ნახევარი მილიონი დოზაა ასევე გამოყენებული აზერბაიჯანში“, – განაცხადა გამყრელიძემ.

გამყრელიძის აზრით, Sinopharm-ის და Sinovac-ის ვაქცინები ჯანმოს ავტორიზაციას, სავარაუდოდ, აპრილის შუა რიცხვებში მიიღებენ. სწორედ ამ პერიოდიდან დაიწყება საქართველოში აღნიშნული პრეპარატების გამოყენება.

ჩინური ვაქცინა ინაქტივირებული (მკვდარი) კორონავირუსის საფუძველზეა შექმნილი. კომპანია Sinopharm-მა ის უჰანის ვირუსოლოგიის ინსტიტუტთან და ბიოლოგიური პროდუქტების ინსტიტუტთან ერთად შეიმუშავა. 

ვირუსის ინაქტივაცია ვაქცინის შექმნის ერთ-ერთი ყველაზე ძველი და საიმედო ხერხია, აღნიშნავენ ეპიდემიოლოგები. ამ ტექნოლოგიითაა შემუშავებული, მაგალითად, დიფტერიის, В–ჰეპატიტის, პოლიომიელიტის, ყივანახველასა და სხვა დაავადებების ვაქცინები.

ჩინური ვაქცინის პრეზენტაციას ესწრებოდნენ ჯანდაცვის მინისტრი ეკატერინე ტიკარაძე და საქართველოში ჩინეთის ელჩი ლი იენი. ტიკარაძის განცხადებით, ჩინური ვაქცინების სანდოობასთან დაკავშირებით კითხვები არ არსებობს.

„ამ დროისთვის Sinopharm-ის ვაქცინა არა მხოლოდ ჩინეთში გამოიყენება, არამედ მისი ექსპორტი 50-ზე მეტ ქვეყანაში ხორციელდება. მსოფლიოში მთლიანობაში გამოყენებულია ვაქცინის 100 მილიონზე მეტი დოზა. აღნიშნული პრეპარატის უსაფრთხოება და ეფექტურობა საერთაშორისო საზოგადოების მიერ ფართოდ არის აღიარებული“, – განაცხადა ჩინეთის ელჩმა.

Sinopharm-ის პრეპარატით აცრა ორჯერ ტარდება 21-დღიანი ინტერვალით.

საქართველოში ვაქცინაცია 15 მარტს შვედურ–ბრიტანული წარმოების AstraZeneca-ს ვაქცინით დაიწყო. პრეპარატ Pfizer-ით ვაქცინაციის პროცესი კი 30 მარტს დაიწყო და ამ პრეპარატით მოქალაქეთა ვაქცინაცია თბილისის, ბათუმისა და ქუთაისის ექვს კლინიკაში მიმდინარეობს. საქართველოში ვაქცინაცია ნებაყოფლობითია.

54
თემები:
კორონავირუსი საქართველოში: ბოლო ცნობები (528)
გელათი

სააგენტო გელათის ტერიტორიაზე აღმოჩენილ ობიექტებთან დაკავშირებით განცხადებას ავრცელებს

15
(განახლებულია 15:11 19.04.2021)
კულტურული მემკვიდრეობის დაცვის სააგენტო სამონასტრო კომპლექსის ტერიტორიაზე აღმოჩენილი არტეფაქტების შენახვისას გულგრილობაში დაადანაშაულეს

თბილისი, 19 აპრილი — Sputnik. საქართველოს კულტურული მემკვიდრეობის დაცვის ეროვნულმა სააგენტომ სიცრუე უწოდა გავრცელებულ ინფორმაციას, თითქოსდა გელათის სამონასტრო კომპლექსის ტერიტორიაზე არქეოლოგიური კვლევისას აღმოჩენილი არტეფაქტების მუზეუმში გადატანა დაფინანსების უქონლობის გამო ვერ მოხერხდა.

გუშინ რამდენიმე მედია–საშუალებამ გაავრცელა ინფორმაცია, თითქოსდა  სამონასტრო კომპლექსის ტერიტორიაზე 2019 წელს ჩატარებული არქეოლოგიური გათხრებისას აღმოჩენილი ისტორიული ობიექტები სათანადო წესით არ შეინახეს. ჟურნალისტების განმარტებით, გელათის მონასტრის ეზოში არქეოლოგიური გათხრების შედეგად აღმოჩენილი ისტორიული არტეფაქტების მუზეუმში გადასატანად სახსრები ვერ გამოინახა და მათ ბრეზენტი გადააფარეს. 

წმინდა გიორგის ტაძრის მიმდებარედ ჩატარებული გათხრებისას ანტიკური ხანის, ადრეული შუასაუკუნეების, დავით აღმაშენებლის ეპოქისა და გვიანი შუასაუკუნეების არქიტექტურული ნაგებობები და არტეფაქტები დაფიქსირდა.  ეს არის ახალი წელთაღრიცხვის II-III საუკუნეების  დროინდელი ქვევრსამარხი, ადრეული შუასაუკუნეების (დაახლ: IX-X ს.ს.) მოზრდილი ქვებითა და დუღაბით ნაშენი დიდი ზომის სწორკუთხა ნაგებობა, რომელიც დავით აღმაშენებლის ეპოქაში სამეურნეო დანიშნულებით გადაკეთდა და განახლდა.

სააგენტოში აცხადებენ, რომ ინფორმაცია იმის შესახებ, თითქოსდა სათანადო წესით ობიექტების კონსერვაცია უსახსრობის გამო ვერ მოხერხდა, სინამდვილეს არ შეესაბამება.

 „პროცესი მოცემული ობიექტის შენარჩუნებისა და შემდგომი შესწავლის მიზნით განხორციელდა. კერძოდ, გელათის სამონასტრო კომპლექსის ტერიტორიის ჩრდილოეთით 2019 წელს არქეოლოგიური კვლევისას გამოვლენილი ობიექტების სამეცნიერო შესწავლასთან ერთად, ნაგებობები აღირიცხა და ფოტოგრაფიულად დაფიქსირდა. აღმოჩენილი არტეფაქტები და კერამიკული მასალა კი ქუთაისის ისტორიულ-არქიტექტურულ მუზეუმ-ნაკრძალის სამუზეუმო ფონდებში 2019 წელსვე განთავსდა“, – ნათქვამია განცხადებაში.

გარდა ამისა, ორგანიზაციაში აღნიშნავენ, რომ არქეოლოგიური კვლევისას აღმოჩენილი ნაგებობები, დროებით ქვიშისა და მიწის ფენით, საერთაშორისოდ მიღებული საკონსერვაციო მეთოდოლოგიით რეკულტივირდა. ამასთან, სააგენტოს განმარტებით, ამავდროულად, განათხარი არეალი ჰიდროლოგიურად გარკვეულ რისკს უქმნიდა წმინდა

15
თემები:
ქართული კულტურული მემკვიდრეობის ძეგლები
ლაბორატორია

სამეგრელოს რეგიონში ეპიდვითარება მძიმდება

25
(განახლებულია 14:04 19.04.2021)
ბოლო მონაცემებით, რეგიონის მასშტაბით კორონავირუსი 56-მა პაციენტმა დაამარცხა, საკარანტინო სივრცეში კი 15 ადამიანი იმყოფება.

თბილისი, 19 აპრილი – Sputnik. სამეგრელო–ზემო სვანეთის რეგიონში კორონავირუსი 80 ადამიანს დაუდასტურდა, იუწყება „Sputnik-საქართველოს" კორესპონდენტი. 

სამხრეო ადმინისტრაციის ინფორმაციით, სამეგრელოს კოვიდ-კლინიკებში 273 პაციენტია მოთავსებული, მათგან 17 პაციენტის მდგომარეობა მძიმეა. 

რუხის კლინიკაში მკურნალობის კურსს 155 კოვიდ-პაციენტი გადის, 13 პაციენტის მდგომარეობა მძიმეა. ფოთის კლინიკაში იმყოფება 40 კოვიდ-პაციენტი, მათ შორის მძიმე სამი პაციენტია. ზუგდიდის რეფერალურ ჰოსპიტალში ოთხი პაციენტი მკურნალობს. აბაშის „ევექსის“ კოვიდ–კლინიკაში 28 პაციენტი მკურნალობს. სენაკის „ლაზიკა მედიში“ – 50 პაციენტი, მათ შორის ერთი პაციენტის მდგომარეობა მძიმეა.

დღევანდელი მდგომარეობით, კორონავირუსის შემთხვევების გამოვლენის გამო სამეგრელო-ზემო სვანეთის რეგიონში დისტანციურ სწავლებაზე 27 სკოლა და 26 კლასი იმყოფება. გარდა ამისა, ვირუსის გავრცელების გამო რეგიონის მასშტაბით 20 საბავშვო ბაღი დაიხურა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 578-ით გაიზარდა და ინფიცირებულთა საერთო რიცხვმა 295.936-ს მიაღწია.

ქვეყანაში კორონავირუსის პირველი შემთხვევა 2020 წლის 26 თებერვალს დაფიქსირდა.

ნიკა ლატარია

 

 

25
არჩილ თალაკვაძე

დუბლი ორი: „ქართული ოცნება“ ოპოზიციასთან შეთანხმების ახალ ვარიანტს ხელს მოაწერს

0
საქართველოს ხელისუფლება მორიგ შემხვედრ ნაბიჯს დგამს და შეთანხმების ახალი პირობებზე ხელმოსაწერად მზადყოფნას გამოთქვამს

 

თბილისი, 19 აპრილი – Sputnik.  მმართველი პარტია „ქართული ოცნება – დემოკრატიული საქართველო“ ხელს მოაწერა ოპოზიციასთან შეთანხმების განახლებულ ვარიანტს, განაცხადა პარლამენტის სპოკერმა არჩილ თალაკვაძემ ორშაბათს გამართულ ბრიფინგზე.

 „გუნდში გვქონდა მსჯელობა და ევროკავშირის მიერ შემოთავაზებული დოკუმენტის ხელმოწერაზე პრინციპული მზადყოფნა გვაქვს“, – განაცხადა თალაკვაძემ.

ამასთან, მან აღნიშნა, რომ ხელისუფლება ამ ნაბიჯზე იმ შემთხვევაში წავა, თუ საერთაშორისო პარტნიორები კიდევ ერთხელ მკაფიოდ დააფიქსირებენ, რომ 2020 წლის საპარლამენტო არჩევნები ჩატარდა სამართლიანობისა და დემოკრატიის პრინციპების დაცვით, როგორც ეს ეუთო/ოდირის დასკვნაშია აღნიშნული.

0