პროტესტი ნამახვან ჰესის მშენებლობის წინააღმდეგ

„ნამახვანჰესის“ მშენებლობის მოწინააღმდეგეები მასშტაბური აქციის გამართვას თბილისში აპირებენ

109
აქციის მონაწილეები მოითხოვენ, რომ ჰესის მშენებლობა შეწყდეს, ხოლო ხელისუფლებამ თურქულ კომპანია Enka-სთან კონტრაქტი მოშალოს

თბილისი, 4 აპრილი – Sputnik.  „რიონის ხეობის დამცველების“ მიერ ორგანიზებული „ნამახვაჰესის“ მშენებლობის წინააღმდეგ მიმართული საპროტესტო აქციის მონაწილეებმა რამდენიმე კარავი წყალტუბოს მუნიციპალიტეტის სოფელ გუმათთან გაშალეს.

პოლიციის კორდონებმა არ მისცეს საშუალება მომიტინგეებს მისულიყვნენ უშუალოდ სამშენებლო სამუშაოების ადგილთან  სოფელ ნამოხვანში, სადაც ჰესის მშენებლობა მიმდინარეობს. დილიდან ადგილზე მობილიზებულია წყლის ჭავლი და სპეცნაზი.

საპროტესტო აქციების ერთ-ერთმა ორგანიზატორმა ვარლამ გოლეთიანმა განაცხადა, რომ თუ სამშენებლო სამუშაოები არ შეწყდება და მომიტინგეთა მოთხოვნები არ დაკმაყოფილდება, ისინი ჰესის მშენებლობის წინააღმდეგ მასშტაბურ აქციას უკვე თბილისში გამართავენ.

„ჩვენი მოთხოვნა უცვლელია. ჩვენ არ გვსურს, რომ ეს პროცესი გადაიზარდოს დაპირისპირებაში და უფსკრულში. იმედი გვაქვს, რომ მთავრობა საკუთარ თავს განაჩენს არ გამოუტანს. ამიტომ ჩვენ მაქსიმალურად ვცდილობთ ეს აქცია არ დავაჩქაროთ. თუ ჩვენი მოთხოვნები არ შესრულდება, მასშტაბურ საპროტესტო აქციას უკვე თბილისში გავმართავთ“, - განაცხადა ვარლამ გოლეთიანმა.

ამასთან, თურქულ კომპანია Enka-ში, რომელიც ჰესის მშენებლობას ახორციელებს, თანამშრომლების მისამართით მუქარებზე ალაპარაკდნენ. კომპანიის ახალმა დირექტორმა მერამ ლომინაძემ მიმართა სახალხო დამცველს თხოვნით, შეისწავლოს მსგავსი შემთხვევები.

მან ასევე მიმართა პოლიციის თანამშრომლებს, რათა მათ კომპანიის თანამშრომლების უსაფრთხოება უზრუნველყონ და აქციის მონაწილეებს დიალოგისკენ მოუწოდა.

„კიდევ ერთხელ მოვუწოდებ პროტესტის მონაწილეებს, დავიწყოთ კონსულტაციები ხეობის უკეთესი მომავლისთვის. ამავე დროს, კიდევ ერთხელ მინდა გავიმეორო, რომ „ენკა რინიუებლზი“ არ დაიწყებს „ნამახვანი ჰესის“ ძირითადი ნაგებობების, მათ შორის, კაშხლის მშენებლობას, ვიდრე არ განხორციელდება ძირითადი კვლევების ვალიდაცია“, – განაცხადა მერაბ ლომინაძემ.

დღეს აქცია იმით დასრულდა, რომ მომიტინგეებმა ახალი კარავი სოფელ გუმათთან გაშალეს.

შაბათს ადმინისტრაციული სამართალდარღვევისთვის აქციის ორი მონაწილე დააკავეს, რამდენიმე კი „კომენდანტის საათის“ დარღვევის გამო დააჯარიმეს.

სამოქალაქო აქტივისტების, ადგილობრივი მცხოვრებლების, არასამთავრობო ორგანიზაციების წარმომადგენლებისა და სასულიერო პირების პროტესტი „ნამახვანი ჰესის“ მშენებლობის წინააღმდეგ უკვე 162-ე დღე გრძელდება.

აქციის მონაწილეები მოითხოვენ, რათა ჰესის მშენებლობა შეწყდეს, ხელისუფლებამ კი თურქულ კომპანია Enka-სთან კონტრაქტი მოშალოს. თავისი პოზიციის გასამყარებლად მომიტინგეები საუბრობენ ჰესის დამანგრეველ ზემოქმედებაზე გარემოზე და საეჭვო გარიგებაზე ინვესტორთან. „რიონის ხეობის მცველებმა“ ქუთაისში უკვე ორი მრავალათასიანი მიტინგი გამართეს.

 

109
პოლიცია

ბრძოლა COVID-19-თან: რეგულაციების დარღვევის რამდენი ფაქტი გამოვლინდა ბოლო 24 საათში

20
(განახლებულია 11:44 15.04.2021)
შექმნილი ეპიდვითარების გამო საქართველოში 28 ნოემბრიდან დაწესებული რეგულაციებიდან დარჩენილია „კომენდანტის საათი“, პირბადე, დისტანცია და რამდენიმე სხვა შეზღუდვა.

 

თბილისი, 15 აპრილი – Sputnik. პოლიციამ ბოლო 24 საათის განმავლობაში მთელი ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის  1.528 ფაქტი გამოავლინა, იუწყება შინაგან საქმეთა სამინისტრო. 

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრის ჩათვლით იყო ძალაში. შეზღუდვების ეტაპობრივი შემსუბუქების გეგმა საქართველოს პრემიერ-მინისტრმა ირაკლი ღარიბაშვილმა თებერვლის ბოლოს წარმოადგინა და შეზღუდვების ეტაპობრივად მოხსნაც დაიწყო. თუმცა ძალაში რჩება წესები, რომლებიც ეხება პირბადის ტარებას, ღამით გადაადგილების აკრძალვას და სხვ.

პოლიციამ იზოლაციისა და კარანტინის წესის დარღვევისთვის  117 ფიზიკური პირი დააჯარიმა.

დაჯარიმებულთა შორის არიან მოქალაქეები, რომლებმაც საღამოს 9 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.

გარდა ამისა, 24 საათის განმავლობაში პირბადის ტარების წესის დარღვევის ფაქტზე 1.257 ფიზიკური პირია დაჯარიმებული, ხოლო პირბადის ტარების წესის განმეორებით დარღვევის  154  ფაქტი გამოვლინდა.

პირბადის ტარების წესის დარღვევა ითვალისწინებს ჯარიმას 20 ლარის ოდენობით, ხოლო პირბადის ტარების წესის განმეორებით დარღვევა ისჯება 40 ლარიანი ჯარიმით.

იზოლაციისა და კარანტინის წესის დარღვევა ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.

შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.

20
ირმა შარიქაძე

„ჩემი ქმარიც ძალადობდა ჩემზე, სახლიდან გამოვიპარე პატარა ბავშვით...“ - ირმა შარიქაძე

41
(განახლებულია 12:45 15.04.2021)
ფოტოგრაფმა ირმა შარიქაძემ პირველად ისაუბრა იმაზე, რომ მსახიობ ნინუცა მაყაშვილის მსგავსი ისტორია მასაც გადახდა თავს

თბილისი, 15 აპრილი – Sputnik. ცნო­ბილ­ი ფო­ტოგ­რაფი ირმა შა­რი­ქა­ძე ყოფილი მეუღლის ძალადობის მსხვერპლი იყო. ამის შესახებ თავად ფოტოგრაფმა ტელეკომპანია „პირველთან“ ისაუბრა.

შარიქაძემ აღნიშნა, რომ წლე­ბის წინ, ყო­ფი­ლი მე­უღ­ლის­გან ისიც იყო ფი­ზი­კუ­რი ძა­ლა­დო­ბის მსხვერ­პლი, რის გა­მოც, რვა თვის შვილ­თან ერ­თად, სახ­ლი­დან გა­ი­პა­რა.

ფოტოგრაფი მხარდაჭერას უცხადებს მსახიობ ნინუცა მაყაშვილს, რომელმაც რამდენიმე დღის წინ 11 წლის წინანდელი ძალადობის ფაქტები გაიხსენა და საჯაროდ დასდო ბრალი მის ყოფილ მეუღლეს, მსახიობ ბესო ზანგურს.

„ახლა ჩემი შვი­ლი 21 წლი­საა, ფაქ­ტობ­რი­ვად, ნი­ნუ­ცას მსგავ­სი სი­ტუ­ა­ცია მქონ­და, ეს ძა­ლი­ან რთუ­ლი მო­სა­ყო­ლია. დიდი სტრე­სია ის მო­მენ­ტი, როცა ცდი­ლობ წახ­ვი­დე იმ სახ­ლი­დან, სა­დაც შენ­ზე ძა­ლა­დო­ბენ, როცა გგო­ნია, რომ თუ რა­ღაც არას­წო­რად გა­ა­კე­თე, შე­იძ­ლე­ბა ვი­ღა­ცამ შემ­თხვე­ვით მოგ­კლას კი­დეც. ძა­ლა­დო­ბა დიდი ხნის გან­მავ­ლო­ბა­ში არ გრძელ­დე­ბო­და, მაგ­რამ რამ­დე­ნი­მე შემ­თხვე­ვა რომ გან­მე­ორ­და, გა­დავ­წყვი­ტე, რომ ეს ჩემს ცხოვ­რე­ბა­ში აღარ მოხ­დე­ბო­და, ფაქ­ტობ­რი­ვად, წა­სას­ვლე­ლი არ­სად მქონ­და, მაგ­რამ ასე “არ­სად” წა­მო­ვე­დი ში­ნი­დან მა­ინც, ბავ­შვით ხელ­ში, მა­შინ 20 წლის ვი­ყა­ვი, სამ­წუ­ხა­როდ, ისეთ ვი­თა­რე­ბა­ში ვი­ყა­ვი, არ შე­მეძ­ლო მეთ­ქვა, – მიშ­ვე­ლეთ -მეთ­ქი, ჩემ­ზე ძა­ლა­დობ­და სრუ­ლი­ად უმი­ზე­ზოდ”, - განაცხადა ფოტოგრაფმა.

12 აპრილს გადაცემა „ფარულ კონვერტში“ 33 წლის მსახიობმა გაიხსნენა 11 წლის წინანდელი ფაქტები, როდესაც, მისი თქმით, ყოფილი მეუღლე ფიზიკურად უსწორდებოდა, თუმცა ამის შესახებ წლების განმავლობაში დუმდა.

ნინუცა მაყაშვილმა განაცხადა, რომ ის ძალადობის მსხვერპლი იყო. მასზე მეუღლე ბესო ზანგური ფიზიკურად ძალადობდა, მათ შორის – ორსულობის დროსაც. ნინუცა მაყაშვილის თქმით, სწორედ ოჯახური ძალადობა გახდა წყვილის განქორწინების მიზეზი.

მსახიობი ბესო ზანგური ყოფილ ცოლზე ნინუცა მაყაშვილზე ძალადობას უარყოფს. ზანგური ტელეკომპანია „რუსთავი 2“-თან ინტერვიუში ამბობს, რომ ეს გადაცემაში 5 ათასი ლარის მისაღებად მოგონილი ტყუილია და მზად არის გამოძიებას კითხვებზე პასუხები გასცეს.

ფაქტს გამოეხმაურა რუსთაველის თეატრიც. სოციალურ ქსელში გავრცელებულ განცხადებაში ვკითხულობთ, რომ თეატრი ძალადობას გმობს. განსხვავებული პოზიცია აღმოაჩნდა რუსთაველის თეატრის სამხატვრო ხელმძღვანელს რობერტ სტურუას. „ვგრძნობდი, რომ ესენი ბოლშევიკები იყვნენ, ნეოკომუნისტები! და ქალებმა 1937 წელი დაიწყეს! რეპრესიები!" – დაწერა ცნობილმა რეჟისორმა.

41
თემები:
ქართველი სელებრითები
აქცია

„ნამახვანჰესთან“ დაკავშირებულ აქციაზე ჯგუფურად ძალადობის ბრალდებით ექვსი პირი დააკავეს

0
(განახლებულია 14:12 15.04.2021)
ბრალის დამტკიცების შემთხვევაში ექვსივე დაკავებულს ოთხიდან ექვს წლამდე ვადით თავისუფლების აღკვეთა ემუქრება

თბილისი, 15 აპრილი – Sputnik. სამართალდამცველებმა „ნამახვანჰესის“ მშენებლობასთან დაკავშირებით მიმდინარე საპროტესტო აქციაზე ჩადენილი ჯგუფური ძალადობისა და მასში მონაწილეობის ბრალდებით ექვსი პირი დააკავეს, აღნიშნულია საქართველოს შინაგან საქმეთა სამინისტროს მიერ გავრცელებულ განცხადებაში. 

გავრცელებული ინფორმაციით, ექვსივე პირი ბათუმში, სასამართლო განჩინების საფუძველზე, დააკავეს. დაკავებულთა შორის არიან ცნობილი სპორტსმენები, ძმები – ფირუზ და რევაზ წულუკიძეები.

გამოძიების მტკიცებით, ბრალდებულებმა მიმდინარე წლის 12 აპრილს  ქუთაისში „ნამახვანჰესის“ მშენებლობასთან დაკავშირებით მიმდინარე საპროტესტო აქციაზე ჯგუფურად იძალადეს და ფიზიკური დაზიანებები მიაყენეს აქციაზე მყოფ სამ პირს. ასევე, დააზიანეს ერთ-ერთი დაზარალებულის კუთვნილი ავტომანქანა.

მომხდარზე გამოძიება საქართველოს სსკ-ის 225-ე მუხლით მიმდინარეობს, რაც ჯგუფური ძალადობის ორგანიზებასა და მასში მონაწილეობის გულისხმობს.

0
თემები:
კრიმინალი საქართველოში