ანუკი არეშიძე

„რა დავარქვა ჩვენს პატარა გოგოს?“ ანუკი არეშიძე უსაყვარლეს ვითარებაში გამოჩნდა

17448
(განახლებულია 21:06 02.04.2021)
ანუკი არეშიძემ თაყვანისმცემლებს დახმარება სთხოვა. მან ემოციური ფოტოები გამოაქვეყნა და ფანებს სთხოვა, გოგონას სახელის შერჩევაში დაეხმარონ.

ანუკი არეშიძემ მეგობრები და გულახდილი „ფოლოვერები“ ერთი საკითხის გარშემო გააერთიანა. დიზაინერმა საკუთარი ბედნიერება სოციალური ქსელის მეშვეობით გაასაჯაროვა. თბილისის მერის მეუღლემ პირადი ცხოვრების ერთ-ერთ ყველაზე ფერად მოგონებაზე საჯაროდ ისაუბრა. „რა დავარქვა ჩვენ ულამაზეს პატარა გოგოს?“ – დაწერა ანუკიმ. კალაძეების ოჯახში მატებაა. ანუკიმ რამდენიმე უსაყვარლესი ფოტო და ვიდეოც არ დაიშურა.

ყველასათვის ცნობილია, რომ კახა კალაძის ოჯახი ცხოველების დიდი მოყვარულია. წყნეთში თბილისის მერი და დიზაინერი ანუკი არეშიძე ოთხ ვაჟთან და შვიდ ძაღლთან ერთად ცხოვრობს. ახლა მათ ოჯახს რამდენიმე ლეკვი დაემატა, რასაც ანუკი არეშიძე დიდი სიხარულით უზიარებს Insta–მეგობრებს. მათმა საყვარელმა ფრანგულმა ბულდოგმა რამდენიმე ლეკვი გააჩინა და ამის გამო კალაძეების ოჯახში დიდი ჟრიამული ატყდა. ახლა კალაძეების ვაჟებს ახალი საზრუნავი გაუჩნდათ. ბიჭები, ყველაზე უმცროსი ძმის აღზრდის გარდა, ლეკვების მოვლითაც არიან დაკავებული.

მიუხედავად იმისა, რომ ნიკოლა ოჯახის ყველაზე მოუსვენარი წევრია, უფროსი ძმები მის მორჯულებას სხვადასხვა ხერხებით ახერხებენ. ბიჭები ერთად ცეკვავენ, წყნეთის აგარაკის ეზოში ფეხბურთს თამაშობენ, ძაღლებს უვლიან ან მამასთან ერთად სკუტერით ერთობიან. ნიკოლა კალაძეც ცდილობს უფროს ძმებს მიბაძოს. ახლა კი, ბიჭები ყველაზე პატარა კალაძესთან ერთად ლეკვებისთვის სახელების მოფიქრებას ცდილობენ. ამაში მათი მოდური დედაც აქტიურადაა ჩართული.

ანუკი არეშიძის ერთი ჩვეულებრივი დღე ბიჭების გარემოცვაში იწყება და სრულდება. ნიკოლა კალაძე კი სამსახურიდან დაბრუნებულ მამას ყოველდღე ფანჯარასთან ელოდება. კახა კალაძეს და ნიკოლას განსაკუთრებულად ემოციური დამოკიდებულება აკავშირებთ. ახლა მათი პირადი ცხოვრება ბევრად დატვირული გახდა. პირველი სამი ვაჟი ანუკი არეშიძემ იტალიაში, მილანში გააჩინა. უფროსი შვილი ლევან კალაძეა, მეორე შვილი კახაბერ კალაძე 2012 წელს შეეძინათ, მესამე ვაჩე კალაძეა. ძმების მეგობრობა და თბილი დამოკიდებულება მშობლების დამსახურებაა. ანუკის მიერ გამოქვეყნებულ ვიდეოებზე ჩანს, რომ დაღლილ დედას უფროსი ვაჟები ეხმარებიან.

 

მასალა განახლებულია. პირველადი ვერსია გამოქვეყნდა 2021 წლის 6 იანვარს.

17448
თემები:
ქართველი სელებრითები (202)
ნუცა ბუზალაძე

„მშობლებისთვისაც მისაღებია, ბაბუა-ბებიებისთვისაც...“ - ნუცა ბუზალაძე გათხოვებაზე საუბრობს

4
(განახლებულია 11:36 14.04.2021)
მომღერალი ნუცა ბუზალაძე ფიქრობს, რომ ოჯახის შექმნისთვის ქალიც და კაციც შემდგარი პიროვნება უნდა იყოს, რადგან ეს არის მყარი ოჯახის გარანტი

ნუცა ბუზალაძე „იმედის დღეში“ მიიწვიეს იმაზე სასაუბროდ, თუ როდისაა კარგი ოჯახის შექმნა. როგორც მომღერალმა აღნიშნა, მისი აზრით, იდეალური ოჯახი მაშინ იქმნებოდა, როდესაც ორივე ადამიანი შემდგარია პროფესიულად. ნუცა ფიქრობს, რომ გათხოვება 30 წლის ასაკის შემდეგ არის კარგი.

მომღერლის თქმით, ორივე ადამიანი უნდა იყოს შემდგარი, როდესაც ამ ნაბიჯს გადადგამენ, რადგან გოგონები იმის გამოც თხოვდებიან, რომ სახლი არ აქვთ და უნდათ, სადმე თავი შეაფარონ. როცა გააზრებულად დგამ ამ ნაბიჯს და იცი, რომ შენ ეს გინდა, ასეთი ოჯახები უფრო არ არის განწირული.

View this post on Instagram

A post shared by Nutsa Buzaladze (@nutsabuza)

„მე ძალიან დიდხანს მიყვარს გამოცდა. ზოგადად კი, მგონია, რომ საკუთარ პროფესიაზე ვარ შეყვარებული და მაგაზე ვარ გადარეული. უკვე იმდენად მისაღები გახდა ერთად ყოფნა და შეყვარებულებად ყოფნა, რომ აღარ ჩქარობენ. უკვე მშობლებისთვისაც მისაღებია, ბაბუა-ბებიებისთვისაც. ხომ არ დაკარგავენ შვილიშვილებს ამის გამო. მე, იცით, როგორი აზროვნება მაქვს? რადგან ერთხელ ვცხოვრობთ, მინდა, ცხოვრებისგან მაქსიმალური სიამოვნება მივიღო. ასე ფიქრობს ბევრი გოგო და ბიჭიც დღეს…“, - ამბობს მომღერალი.

View this post on Instagram

A post shared by Nutsa Buzaladze (@nutsabuza)

ნუცა ბუზალაძეს, ისევე, როგორც ცნობილი ვარსკვლავების უმეტესობას, პირად ცხოვრებაზე საუბარი არ ხიბლავს. შეუდარებელი მომღერალი წლების მანძილზე ურთიერთობებზე საუბარს თავს არიდებდა ან საგულდაგულოდ მალავდა. ეს მანამდე გრძელდებოდა, სანამ თავად არ გადაწყვიტა შეყვარებულის გამოჩენა. ურთიერთობის გარკვეულ ეტაპზე ნუცა მამაკაცის ფოტოებს აქვეყნებდა, თუმცა სახეს მუდამ უმალავდა.

4
თემები:
ქართველი სელებრითები (202)
ირაკლი მაქაცარია და ლიზა ჩიჩუა

ასე ერთობიან ირაკლი მაქაცარია და ლიზა ჩიჩუა მანქანაში - რომანტიული ვიდეო

81
(განახლებულია 11:35 14.04.2021)
მას შემდეგ რაც ირაკლი მაქაცარიამ შეყვარებული გამოაჩინა, ახალი წყვილის მიმართ საზოგადოების ინტერესი არ წყდება

უამრავი ქართველი თუ უკრაინელი ქალბატონის სასურველი მამაკაცის გული დაიპყრეს. ირაკლი მაქაცარიამ ფავორიტ ქალბატონთან ერთად პირველი ფოტო რამდენიმე დღის წინ გამოაქვეყნა. საჯარო პოსტს უამრავი გამოხმაურება მოჰყვა. უახლეს ფოტოკადრს ტელესახემ თბილი წარწერაც დაურთო. „ჩემი ცხოვრების სიყვარული“- ამ ემოციური სიტყვებით იწყება წყვილის სასიყვარულო ისტორია. ირაკლი მაქაცარია მეორე ნახევარს აღარ მალავს.

View this post on Instagram

A post shared by @lizachichuaa

ქალბატონის ვინაობა უკვე ცნობილია. ლიზა ჩიჩუა განთქმული ოფთალმოლოგისა და ენდოკრინოლოგის შვილია. მისი მამა გიორგი ჩიჩუაა, ხოლო დედა- ქეთევან ასათიანი. გოგონა 19 წლისაა. წყვილს შორის 15 წლიანი ასაკობრივი სხვაობაა. ირაკლის ოფიციალურ გვერდზე ასეთი რეიტინგული პოსტი ჯერ არ გამოუქვეყნებია. კომენტარებში კომპლიმენტები და მილოცვები არ წყდება.

View this post on Instagram

A post shared by @lizachichuaa

„როგორ უხდებით ერთმანეთს. ულევი სიხარული და უზღვავი ბედნიერება თქვენ!“;  „ულამაზესი წყვილი! იბედნიერეთ და იმრავლეთ...“; „უხდებით ერთმანეთს“; „იდეალური წყვილი!“; „სულ ასეთი დახვეწილი და ლამაზი ქალი წარმომედგინა თქვენს გვერდით“- ასე ეხმაურებიან ირაკლის გულშემატკივრები ტელევარსკვლავის გაბედნიერებას.

View this post on Instagram

A post shared by @lizachichuaa

34 წლის ბათუმელი ბიჭი ნამდვილად სასურველი და „დიპლომიანი“ სასიძოა. ქართველი გოგონების გარდა, მთელი უკრაინა მოხიბლა საკუთარი შარმით, ქარიზმატულობით და ცეკვის ნიჭით. საინტერესო ფაქტები: საშუალო სკოლა აშშ-ში დაამთავრა; უმაღლესი განათლება თბილისის კავკასიის ბიზნეს-სკოლაში მიიღო; სპეციალობით მარკეტოლოგია; 2013 წელს დააფუძნა კომპანია Maq Entertainment, რომელიც „ბოლივუდთან“ თანამშრომლობს.

View this post on Instagram

A post shared by @lizachichuaa

ამას გარდა პოპულარულმა ტელესახემ საიუველირო ქსელი შექმნა, რომელშიც მისი დიზაინით შექმნილი აქსესუარები იყიდება. ექსტრავაგანტული კინოპროდიუსერი ქალებზე ხშირად არ საუბრობს, მით უმეტეს, პირად ცხოვრებაზე. თუმცა მისი ინტერვიუები ყოველთვის მდედრობით სქესთან დაკავშირებული კითხვების თანხლებით მიმდინარეობს, რასაც მაქაცარია გვერდს ვერასდროს აუვლის.

View this post on Instagram

A post shared by @lizachichuaa

„33 წლის განმავლობაში სხვადასხვა გარეგნობის, ასაკის, ეროვნების მანდილოსანი მომწონებია და დავრწმუნდი იმაში, რომ არ შეიძლება ქალი ჩარჩოებში მოაქციო და თქვა, რომ მხოლოდ ქერათმიანი გოგო მოგწონს. ყველანაირი გოგოს მიმართ შეიძლება გაგიჩნდეს გრძნობა ან უბრალოდ სიმპათია", – აღნიშნავდა წარმატებული ტელესახე. მისი თქმით, ვულგარული ქალები არ იზიდავს, მთავარია, სექსუალობა თვალებიდან იგრძნობოდეს და არა მოკლე კაბით.

წყვილი როგორც ჩანს, ერთად დიდ დროს ატარებს. ცოტა ხნის წინ ლიზა „ინსტაგრამის“ „სთორიზე“ ვიდეო გამოაქვეყნა, სადაც ისინი, სავარაუდოდ მცხეთაში იმყოფებოდნენ და გზაში, მანქანაში მუსიკების თანხლებით ძალიან გაერთნენ.

81
თემები:
ქართველი სელებრითები (202)