დაპირისპირება ჭყონდიდის ეპარქიაში

მონაზონ სოსანას მხარდასაჭერად ჭყონდიდის ეპარქიის რეზიდენციასთან აქცია იმართება

62
(განახლებულია 18:20 02.04.2021)
მონასტრიდან გარიცხვამდე მეუფე სტეფანემ მონაზონი სოსანა მარტვილის დედათა მონასტრის წინამძღვრობიდან გადააყენა. მის ბრძანებაში ნათქვამია, რომ დედა სოსანამ მონასტრის წინამძღვრის პატივი თვითნებურად მიითვისა.

თბილისი, 2 აპრილი - Sputnik. ჭყონდიდის ეპარქიის რეზიდენციასთან მრევლის ნაწილი და არასამთავრობო ორგანიზაცია „ქალთა მოძრაობის" წარმომადგენლები მონაზონ სოსანას მხარდასაჭერ აქციას მართავენ, იუწყება ტელეკომპანია „იმედი“.

ჭყონდიდის ეპარქიის მიტროპოლიტმა, მეუფე სტეფანემ (კალაიჯიშვილი) მონაზონი სოსანა ბოლქვაძე და მორჩილი ნინო გამყრელიძე მარტვილის წმინდა ნინოს სახელობის დედათა მონასტრიდან გარიცხა. მონასტრიდან გარიცხვამდე კი მეუფემ მონაზონი სოსანა დედათა მონასტრის წინამძღვრობიდან გადააყენა. თბილისში საპატრიარქოსთან გამართული აქციიდან დაბრუნებული მონაზონი და მორჩილი წუხელ მონასტრის ტერიტორიაზე აღარ შეუშვეს.

აქციის მონაწილეები სოლიდარობას უცხადებენ წმინდა ნინოს დედათა მონასტრის ყოფილ წინამძღვარ მონაზონ სოსანას და გმობენ მონასტრის ტერიტორიაზე გუშინ მომხდარ ფაქტს, რა დროსაც მონაზონი შენობაში არ შეუშვეს. „ქალთა მოძრაობა“ მიიჩნევს, რომ ეს  ადამიანის უფლებების უხეში დარღვევაა და მზადაა, მონაზონს სამართლებრივად დაეხმაროს.

მონაზონი სოსანას განცხადებით, აუცილებელია მონასტრის დატოვებამდე მოხდეს იმ ქონების გადაბარება, რაზეც პასუხისმგებლობა მას ეკისრება. მისი მტკიცებით, ამის საშუალებას ეპარქიის ახლადდანიშნული მეუფე სტეფანე არ აძლევს.

„მე იქამდე არ ვაპირებ გასვლას ამ მონასტრიდან, სანამ არ გადავაბარებ მონასტრის ქონებას. მანამდე არ ვაპირებ წასვლას ამ ეპარქიიდან, სანამ კარგად არ ავწონ-დავწონი, სად უნდა წავიდე, როგორ უნდა ვიცხოვრო", - განაცხადა მონაზონმა.

დაპირისპირება მარტვილისა და ჭყონდიდის ეპარქიაში – დაშავებულია რამდენიმე ადამიანი>>

ადგილზე სამართალდამცველები არიან მობილიზებული.

მონაზონი სოსანა იმ სასულიერო პირებს მიეკუთვნება, ვინც მხარს ჭყონდიდის ეპარქიის  ყოფილ მიტროპოლიტს, პეტრე ცაავას უჭერს, ახალ მიტროპოლიტს აკრიტიკებს და დაუმორჩილებლობას უცხადებს. 

წლების განმავლობაში ჭყონდიდის ეპარქიას პეტრე ცაავა ხელმძღვანელობდა. 2019 წლის 31 ოქტომბერს, მას შემდეგ, რაც პეტრე ცაავამ კათოლიკოს-პატრიარქი ილია მეორე მამათმავლობაში დაადანაშაულა, წმინდა სინოდმა ის მღვდელმთავრობიდან გადააყენა, ჭყონდიდის ეპარქიის მმართველად კი მიტროპოლიტი სტეფანე დანიშნა.

ადგილობრივი სასულიერო პირებისა და მრევლის ნაწილი მიიჩნევს, რომ მეუფე სტეფანე ეპარქიის უკანონო მმართველია. ისინი ითხოვენ, რომ მან ჭყონდიდის ეპარქია დატოვოს, საპატრიარქომ პეტრე ცაავას მიერ წაყენებული ბრალდება გამოიძიოს და მიტროპოლიტად კვლავ ის დააბრუნოს.

62
თემები:
საქართველოს საპატრიარქო (126)
მიხეილ ცაგარელი

„ძალიან ვცემდი, რეანიმაციაში წაიყვანეს, ძლივს გადაარჩინეს...“ - მიხეილ ცაგარელი პირადზე

13
(განახლებულია 15:37 17.04.2021)
მიხეილ ცაგარელმა საკუთარი ცხოვრების უცნობ დეტალებზე საჯაროდ პირველად ისაუბრა. ნახეთ რა შეემთხვა ცნობილ ასტროლოგს

ასტროლოგი მიხეილ ცაგარელი იხსენებს, რომ ბავშვობაში მოჩხუბარი ბავშვი იყო. როგორც ცაგარელმა გადაცემაში „მხოლოდ ლელასთან“ გაიხსენა, თუ ვინმე გააბრაზებდა, წყობიდან ძალიან გამოდიოდა.

„ზოგადად კურო ყველაზე მშვიდი ნიშანია, თუმცა თუ წონასწორობიდან გამოვიდა მტრისას. იქ კონტროლი უკვე აღარ აქვს, არც ვერძი, არც მორიელი, ვერავინ ვეღარ დაუდგება წინ. ეს მომენტი მეც მქონდა ადრე, თუმცა მაშინ არ ვიცოდი ასტროლოგია. ვვარჯიშობდი ყოველთვის, ვიყავი წყალბურთებული, მოცურავე. მქონდა სამი ასეთი შემთხვევა სკოლაში – ბავშვებს ჩხუბის შედეგად ვახრჩობდი ფაქტობრივად. ძალიან ვცემდი, იმ დონემდე მიმყავდა რომ რეანიმამაციაში წაიყვანეს სამივე და ძლივს გადაარჩინეს. ჩემი ბრალი არ იყო, იმათი პროვოცირებული იყო. ეს იყო მეექვსე კლასამდე. მეექვსე კლასის მერე მე არ მიჩხუბია“,- განაცხადა ცაგარელმა.

13
თემები:
ქართველი სელებრითები
ტურისტები პირბადეებით

კოვიდ-სტატისტიკა საქართველოში: სად დაფიქსირდა ინფიცირების ყველაზე მეტი შემთხვევა

29
დღეს დადებითობის დღიურმა მაჩვენებელმა 4 პროცენტს გადააჭარბა, ხოლო ბოლო 14 დღის მაჩვენებელი 3 პროცენტს მიუახლოვდა

თბილისი, 18 აპრილი – Sputnik. საქართველოში ბოლო 24 საათში გამოვლენილი კორონავირუსის 818 შემთხვევიდან ყველაზე მეტი – 465 შემთხვევა დედაქალაქში დაფიქსირდა. ინფორმაციას საქართველოს მთავრობის ადმინისტრაცია ავრცელებს.

ინფიცირებულთა შემთხვევების რაოდენობით მეორე ადგილზე აჭარა, შემდეგ კი სამეგრელო-ზემო სვანეთის რეგიონია.

რეგიონების მიხედვით კორონავირუსით ინფიცირების სტატისტიკა ასეთია:

აჭარა - 75, სამეგრელო - ზემო სვანეთი - 73, იმერეთი - 57, ქვემო ქართლი - 46, შიდა ქართლი - 29, კახეთი - 25, გურია - 18,  მცხეთა-მთიანეთი - 18, სამცხე-ჯავახეთი - 8, რაჭა-ლეჩხუმი და ქვემო სვანეთი - 4.

დადებითობის დღიური მაჩვენებელი - 4,35%, ბოლო 14 დღის - 2,98%, ბოლო 7 დღის - 3,41%.

ბოლო 24 საათში ვირუსისგან გამოჯანმრთელდა 783 პირი, ხოლო ჯამში გამოჯანმრთელებულთა რაოდენობა 280.915-მდე გაიზარდა.

ბოლო დღე-ღამის განმავლობaში გარდაიცვალა 14 ადამიანი და გარდაცვლილთა საერთო რაოდენობამ 3.939-ს მიაღწია.

ამ დროის მონაცემებით, საქართველოში 10.478 აქტიური შემთხვევაა.

კოვიდ-კლინიკებში მოთავსებულია 2.982 პაციენტი, მათ შორის, თბილისის საავადმყოფოებში - 1.577, აჭარაში - 405, იმერეთში - 371.

512 პაციენტის მდგომარეობა მძიმეა. ხელოვნური სუნთქვის აპარატზე შეერთებულია 89 პირი, მათგან თბილისში - 67, იმერეთში - 6, აჭარაში - 7.

კოვიდ-სასტუმროში მოთავსებულია 439 ადამიანი, მათ შორის 228 - თბილისში, 196 - აჭარაში.

საცხოვრებელ ბინაზე ვირუსის მკურნალობის კურსს 7.057 პირი გადის.

დღევანდელი მდგომარეობით, საკარანტინო სივრცეში მოთავსებულია 310 ადამიანი, მათ შორის, თბილისში - 262, ხოლო აჭარაში - 3. თვითიზოლაციაში იმყოფება 16.452 ადამიანი, მათ შორის თბილისში - 8.317 პირი, აჭარაში - 2.314, იმერეთში - 1.180.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 818-ით გაიზარდა და ინფიცირებულთა საერთო რიცხვმა 295.358-ს მიაღწია.

საქართველოში კორონავირუსის პირველი შემთხვევა გასული წლის 26 თებერვალს დაფიქსირდა.

 

 

29