სალომე კორკოტაშვილი

როგორი სიურპრიზი მოუწყო უცხოელ მეუღლეს სალომე კორკოტაშვილმა

129
(განახლებულია 20:37 02.04.2021)
ირკვევა, რომ მომღერალი სალომე კორკოტაშვილი ძალიან რომანტიკული ადამიანია და მეუღლეს ხშირად უწყობს სიურპრიზებს.

მომღერალი სალომე კორკოტაშვილი, რომელსაც ამერიკელი მეუღლე ჰყავს, ამბობს, რომ უზომოდ რომანტიკული ადამიანია, ძალიან უყვარს სიურპრიზების მოწყობა და მეუღლისთვის ისეთი სიურპრიზები მოუწყვია, რომ შოკირებული დაუტოვებია.

View this post on Instagram

A post shared by SALIO (@salio_music)

მომღერალი ჟურნალ „გზასთან“ იმ ისტორიას იხსენებს, როდესაც მეუღლე დაბადების დღეზე მრავალსართულიანი შენობის ბოლო სართულზე მოტყუებით აიყვანა, მეგობრებს წინასწარ მიატანინა მაგიდა, აიყვანა მუსიკოსები, მეგობრები მიმტანებად აამუშავა და ძალიან ლამაზი, რომანტიკული ვახშამი მოაწყო.

View this post on Instagram

A post shared by SALIO (@salio_music)

„უცხო ქვეყანაში მოულოდნელად არაერთხელ გავფრენილვართ. რომანტიკა ჩემი ცხოვრების წესია, ურთიერთობას სინათლე და სითბო ემატება“, – ამბობს სალომე.

View this post on Instagram

A post shared by SALIO (@salio_music)

მომღერალი საქართველოში და მის ფარგლებს გარეთაც პოპულარობით სარგებლობს. ის საქართველოში ცნობილი ადამიანის გია კორკოტაშვილის ქალიშვილია. პირველი ოჯახი 16 წლის ასაკში შექმნა. მისი რჩეული 19 წლის ტოტო კალანდაძე გახდა.

View this post on Instagram

A post shared by SALIO (@salio_music)

ექვსწლიანი თანაცხოვრების შემდეგ წყვილი დაშორდა. სალომეს თქმით, უბრალოდ „სიყვარული გაქრა“. წყვილს ქორწინებიდან ერთი ვაჟი ჰყავს, რომელიც ზაფხულში 11 წლის გახდა. სალომემ შვილს დაბადების დღე „ინსტაგრამის“ „სთორიზე“ მიულოცა და უსაყვარლესი ერთობლივი ფოტოები და ვიდეოები გამოაქვეყნა.

View this post on Instagram

A post shared by SALIO (@salio_music)

სალომე ბოლო რამდენიმე წელია საზღვარგარეთ ცდილობდა თავის დამკვიდრებას. გოგონა ბერკლის მუსიკის სკოლაშიც სწავლობდა. 2015 წელს მეორედ შექმნა ოჯახი.

129
თემები:
ქართველი სელებრითები (219)
ტურისტები პირბადეებით

კოვიდ-სტატისტიკა საქართველოში: სად დაფიქსირდა ინფიცირების ყველაზე მეტი შემთხვევა

19
დღეს დადებითობის დღიურმა მაჩვენებელმა 4 პროცენტს გადააჭარბა, ხოლო ბოლო 14 დღის მაჩვენებელი 3 პროცენტს მიუახლოვდა

თბილისი, 18 აპრილი – Sputnik. საქართველოში ბოლო 24 საათში გამოვლენილი კორონავირუსის 818 შემთხვევიდან ყველაზე მეტი – 465 შემთხვევა დედაქალაქში დაფიქსირდა. ინფორმაციას საქართველოს მთავრობის ადმინისტრაცია ავრცელებს.

ინფიცირებულთა შემთხვევების რაოდენობით მეორე ადგილზე აჭარა, შემდეგ კი სამეგრელო-ზემო სვანეთის რეგიონია.

რეგიონების მიხედვით კორონავირუსით ინფიცირების სტატისტიკა ასეთია:

აჭარა - 75, სამეგრელო - ზემო სვანეთი - 73, იმერეთი - 57, ქვემო ქართლი - 46, შიდა ქართლი - 29, კახეთი - 25, გურია - 18,  მცხეთა-მთიანეთი - 18, სამცხე-ჯავახეთი - 8, რაჭა-ლეჩხუმი და ქვემო სვანეთი - 4.

დადებითობის დღიური მაჩვენებელი - 4,35%, ბოლო 14 დღის - 2,98%, ბოლო 7 დღის - 3,41%.

ბოლო 24 საათში ვირუსისგან გამოჯანმრთელდა 783 პირი, ხოლო ჯამში გამოჯანმრთელებულთა რაოდენობა 280.915-მდე გაიზარდა.

ბოლო დღე-ღამის განმავლობaში გარდაიცვალა 14 ადამიანი და გარდაცვლილთა საერთო რაოდენობამ 3.939-ს მიაღწია.

ამ დროის მონაცემებით, საქართველოში 10.478 აქტიური შემთხვევაა.

კოვიდ-კლინიკებში მოთავსებულია 2.982 პაციენტი, მათ შორის, თბილისის საავადმყოფოებში - 1.577, აჭარაში - 405, იმერეთში - 371.

512 პაციენტის მდგომარეობა მძიმეა. ხელოვნური სუნთქვის აპარატზე შეერთებულია 89 პირი, მათგან თბილისში - 67, იმერეთში - 6, აჭარაში - 7.

კოვიდ-სასტუმროში მოთავსებულია 439 ადამიანი, მათ შორის 228 - თბილისში, 196 - აჭარაში.

საცხოვრებელ ბინაზე ვირუსის მკურნალობის კურსს 7.057 პირი გადის.

დღევანდელი მდგომარეობით, საკარანტინო სივრცეში მოთავსებულია 310 ადამიანი, მათ შორის, თბილისში - 262, ხოლო აჭარაში - 3. თვითიზოლაციაში იმყოფება 16.452 ადამიანი, მათ შორის თბილისში - 8.317 პირი, აჭარაში - 2.314, იმერეთში - 1.180.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 818-ით გაიზარდა და ინფიცირებულთა საერთო რიცხვმა 295.358-ს მიაღწია.

საქართველოში კორონავირუსის პირველი შემთხვევა გასული წლის 26 თებერვალს დაფიქსირდა.

 

 

19
ავიაკომპანია Wizz Air-ის თვითმფრინავი

სამთვიანი პაუზის შემდეგ Wizz Air-მა საქართველოსა და ევროპას შორის რეისები განაახლა

13
რეისს იმერეთში სახელმწიფო რწმუნებული, ქუთაისის მერი, საქართველოს აეროპორტების გაერთიანების დირექტორი და ადგილობრივი ხელმძღვანელობის სხვა წარმომადგენლები დახვდნენ. რეისის მგზავრებს კი ტრადიციულად სიმბოლური საჩუქრები დაურიგდათ.

თბილისი, 18 აპრილი - Sputnik. სამთვიანი პაუზის შემდეგ უნგრულმა ავიაკომპანია Wizz Air-მა საქართველოსა და ევროპას შორის პირდაპირი რეგულარული რეისები განაახლა, ნათქვამია საქართველო აეროპორტების მიერ გავრცელებულ განცხადებაში.

საქართველომ რეგულარული ფრენები 2020 წლის მარტის შუა რიცხვებიდან ყველა მიმართულებით შეწყვიტა. საქართველოდან და საქართველოს მიმართულებით სრულდებოდა მხოლოდ სპეცრეისები ქვეყნის მოქალაქეების სამშობლოში დასაბრუნებლად. ზაფხულში რეგულარული რეისების აღდგენა დაიწყო. მაგრამ ეპიდსიტუაციის გაუარესების გამო საავიაციო მიმოსვლის განახლება რამდენჯერმე გადაიდო.

პირველი რეგულარული ფრენა წუხელ ვილნიუსიდან ქუთაისის მიმართულებით განხორციელდა. რეისი დავით აღმაშენებლის სახელობის ქუთაისის საერთაშორისო აეროპორტმა მიიღო. ეს ქუთაისის განახლებული აეროპორტისთვის პირველი პირდაპირი რეგულარული რეისია.

განახლებულ აეროპორტში რეისს იმერეთში სახელმწიფო რწმუნებული, ქუთაისის მერი, საქართველოს აეროპორტების გაერთიანების დირექტორი და ადგილობრივი ხელმძღვანელობის სხვა წარმომადგენლები დახვდნენ. უწყების ცნობით, საქართველოს აეროპორტების გაერთიანების ორგანიზებით, პირველი რეისის მგზავრებს ტრადიციულად სიმბოლური საჩუქრები დაურიგდათ.

ქუთაისის აეროპორტი განახლდა, დასრულდა ახალი ტერმინალის სარემონტო სამუშაოები და დღეიდან ის უკვე მგზავრებს მასპინძლობს. ტერმინალი ოთხჯერ გაფართოვდა, რაც ჯამში დაახლოებით 30 ათასი კვადრატულ ერთიან სივრცეს ქმნის – საერთო მოფრენისა და გაფრენის დარბაზებით და ყველა იმ აღჭურვილობით, რომელიც აეროპორტის ოპერირებისთვისაა საჭირო.

Wizz Air-მა რეგულარული რეისები ქუთაისიდან ვარშავისა და ვილნიუსის მიმართულებით განაახლა, მაისიდან კი ფრენებს რიგისა და დორტმუნდის მიმართულებითაც დაიწყებს. ივნისიდან კი Wizz Air-ი ფრენებს ევროპის კიდევ 13 მიმართულებით ეტაპობრივად განაახლებს.

ასევე, 2 მაისიდან აეროპორტში ოპერირებას დაიწყებს ახალი, ყაზახური დაბალბიუჯეტიანი ავიაკომპანია FlyArystan, რომელიც პირდაპირ რეგულარულ რეისებს განახორციელებს.  აქთაუ, ატირაუ და ნურ-სულთანი - ეს ის სამი ახალი მიმართულებაა, საიდანაც ავიაკომპანია რეგულარულ ფრენებს ქუთაისის აეროპორტში განახორციელებს.

დაბალბიუჯეტიანი ავიაკომპანია Wizz Air ქართულ საავიაციო ბაზარზე 2012 წლიდან ოპერირებს. იგი ერთ-ერთი წამყვანი ავიაკომპანია გახდა საქართველოში, რომელმაც 2,5 მილიონზე მეტი მგზავრის გადაყვანა უზრუნველყო, რამაც ბოლო წლებში მნიშვნელოვნად შეუწყო ხელი ავიამიმოსვლისა და ტურიზმის გაძლიერებას. ავიაკომპანია ფრენებს ქუთაისის საერთაშორისო აეროპორტიდან ასრულებს.

 

 

 

 

13