ნინო ლომჯარია

ადამიანის რომელი უფლებები დაირღვა საქართველოში ომბუდსმენის 2020 წლის ანგარიში

60
(განახლებულია 20:27 01.04.2021)
ყოველწლიურ ანგარიშში სახალხო დამცველი შეეხო მედპერსონალის უფლებებსაც, რომელთაც პანდემიის პირობებში წარმოუდგენლად რთულ ვითარებაში უწევთ მუშაობა

 

თბილისი, 1 აპრილი – Sputnik. საქართველოს სახალხო დამცველმა ნინო ლომჯარიამ პარლამენტს 2020 წლის ადამიანის უფლებათა და თავისუფლებათა მდგომარეობის შესახებ ანგარიში წარუდგინა.

486–გვერდიან დოკუმენტში საუბარია იმ პრობლემურ საკითხებზე, რომელთაც 2020 წელს მოქალაქეები აწყდებოდნენ. ანგარიშში გაანალიზებულია პენიტენციური სისტემის წინაშე მდგარი გამოწვევები, უფლებამოსილების გადამეტების საკითხები, მოქალაქეთა ძირითადი უფლებებისა და თავისუფლებების დაცვა, მათ შორის, სამართლიანი სასამართლოს უფლება, თავშეყრისა და მანიფესტაციის თავისუფლება და ა.შ. 

ანგარიშის ერთ–ერთი ნაწილი ეხება პირადი ცხოვრების ხელშეუხებლობის უფლების დარღვევას. მაგალითად მოყვანილია ოპოზიციონერი დეპუტატის სალომე სამადაშვილის სატელეფონო სავარაუდო მიყურადების  და ასევე ტელეკომპანია TV Pirveli–ისა და პარტია „ერთიანი ნაციონალური მოძრაობის“ წევრის სატელეფონი საუბრების (შესაძლო) მოსმენები.

„მიუხედავად სახალხო დამცველის მოთხოვნისა, კონფიდენციალური საუბრებისა და ჩანაწერების გასაჯაროების შემთხვევებზე არ მიმდინარეობს ეფექტიანი გამოძიება, რასაც საბოლოოდ დამნაშავის გამოვლენა და პასუხისგებაში მიცემა უნდა მოჰყვეს“, – ნათქვამია დოკუმენტში.

ანგარიშში განსაკუთრებული ყურადღება დაეთმო კორონავირუსის პანდემიის პერიოდში ჯანმრთელობის უფლების რეალიზებას.

„2020 წელს, მსგავსად ბევრი სხვა ქვეყნისა, საქართველოს ჯანდაცვის სისტემაც უდიდესი გამოწვევის წინაშე აღმოჩნდა. კერძოდ, კვლავ პრობლემა იყო პაციენტთა უფლებების დაცვის მექანიზმების არაეფექტიანობა, დაგვიანებული ჰოსპიტალიზაციის და მკურნალობის შემთხვევები, რაც ცალკეულ შემთხვევაში პაციენტების გარდაცვალებით დასრულდა. სამწუხაროდ, ამ საქმეების შესწავლა და გატარებული ღონისძიებებისა და შესაბამისი შედეგების შესახებ საზოგადოების ინფორმირება დღემდე არ მომხდარა“, – აღნიშნულია ანგარიშში. 

სახალხო დამცველმა წლიურ ანგარიშში ყურადღება დაუთმო ასევე „სამედიცინო პერსონალის გაუარესებულ უფლებრივ მდგომარეობას“.

 „უმძიმესი იყო სამედიცინო პერსონალის უფლებრივი მდგომარეობა. 2019 წელს ჩატარებული კვლევების მიხედვით, დამხმარე სამედიცინო პერსონალი 40 საათზე მეტს მუშაობდა და მათი 84,6%-ის ხელფასი 500 ლარზე ნაკლები იყო, ხოლო 100% არ იღებდა ზეგანაკვეთური სამუშაოსთვის ანაზღაურებას არც ჩვეულებრივ და არც უქმე დღეებში. გატარებული რიგი ღონისძიებების მიუხედავად, მოსახლეობას კვლავ ნაკლებად მიუწვდება ხელი იაფფასიან მედიკამენტებზე, საქართველოს სტატისტიკური ეროვნული სამსახურის მონაცემებით, კი სამედიცინო მომსახურებაზე ფასები 9,7%–ით არის გაზრდილი“, – ნათქვამია ომბუდსმენის ანგარიშში.

ომბუდსმენი შეშფოთებას გამოთქვამს ოჯახური ძალადობის ფაქტების გახშირებასთან და გენდერული ნიშნით ქალთა მკვლელობებთან დაკავშირებით.

60
დისტანციური სწავლება

ფოთში სასწავლო პროცესი შეწყდა: სკოლები დისტანციურ რეჟიმზე გადავიდნენ

14
(განახლებულია 14:14 14.04.2021)
საქართველოში ბოლო 24 საათში გამოვლენილი კორონავირუსის 1.085 ახალი დადასტურებული შემთხვევიდან 120 სამეგრელო–ზემო სვანეთში  დაფიქსირდა

თბილისი, 14 აპრილი - Sputnik. ფოთის მუნიციპალიტეტში  გაზრდილი ინფიცირების შემთხვევის გამო, საჯარო და კერძო სკოლები სწავლების დისტანციურ რეჟიმზე გადავიდნენ, იუწყება პირველი არხი.

ფოთის რესურს–ცენტრის უფროსის გოჩა ქორქიას განცხადებით, ფოთის მასშტაბით 11 საჯარო და ოთხი კერძო სკოლა ონლაინ–ფორმატში ორი კვირის ვადით გააგრძელებს ფუნქციონირებას. 

„აღნიშნული გადაწყვეტილება კორონავირუსის გავრცელების თავიდან აცილების მიზნით განხორციელდა. სასწავლო დაწესებულებებში კვლავაც გაგრძელდება პედაგოგთა ტესტირებები და სკოლის ადმინისტრაციები მოსწავლეთა ჯანმრთელობის მდგომარეობის მონიტორინგს განახორციელებენ“, – განაცხადა რესურს ცენტრის ხელმძღვანელმა, გოჩა ქორქიამ.

ქვეყნის მასშტაბით ინფიცირების მატების გამო საქართველოს განათლებისა და მეცნიერების სამინისტრო საზოგადოებას კიდევ ერთხელ მიმართავს თხოვნით, ზედმიწევნით დაიცვან ჯანდაცვის სამინისტროს მიერ შემუშავებული რეკომენდაციები, რათა მოსწავლეებმა სემესტრის დასრულება ბუნებრივ გარემოში, სასკოლო სივრცეში შეძლონ.

განათლების სამინისტროს ინფორმაციით, საქართველოში ამ ეტაპზე სრულ დისტანციურ სწავლებაზე 43 სკოლა და 174 ცალკეული კლასი იმყოფება.

14
თემები:
განათლება საქართველოში
პოლიცია

პროტესტი გრძელდება: რიონის ხეობაში რკინის ბარიკადები აღმართეს

18
(განახლებულია 14:08 14.04.2021)
რიონის ხეობაში საპროტესტო აქციები არ წყდება, მომიტინგეებს დღეს სამართალდამცველებმა გზა ჩაუხერგეს.

თბილისი, 14 აპრილი – Sputnik. სამართალდამცველებმა  რიონის ხეობაში „გუმათჰესთან“ რკინის ღობე აღმართეს, იუწყება „Sputnik-საქართველოს“ კორესპონდენტი შემთხვევის ადგილიდან.

ძალოვანებმა ამ ფორმით გადაუკეტეს გზა დემონსტრანტებს, რომლებიც „ნამახვანჰესის“ კასკადის მშენებლობის წინააღმდეგ გამოდიან. აქტივისტები „გუმათჰესიდან“ სოფელ ნამოხვანისკენ მსვლელობის მოწყობას გეგმავდნენ, რათა იქ მიმდინარე სამუშაებისთვის ხელი შეეშალათ. ახლა პროტესტის ნიშნად აქტივისტები რკინის ღობეებს მუშტებს ურტყამენ. 

წყალტუბოს მუნიციპალიტეტში რამდენიმე დღე გადაუღებლად წვიმდა. რადგანაც გამოიდარა, აქტივისტები დღეს უფრო მასშტაბურ აქციას გვპირდებიან და მათ, შესაძლოა, სხვა რეგიონებიდან ჩამოსული ადამიანებიც შეუერთდნენ.

გასულ ღამეს რიონის ხეობაში „ნამახვანჰესის“ მშენებლობის მოწინააღმდეგეებმა ინვესტორი კომპანია ENKA-ს ერთ-ერთი ოფისისკენ მიმავალი გზა გადაკეტეს. მოხდა დაპირისპირება, შედეგად დაკავებულია ექვსი  ადამიანი.

„ნამახვანჰესის“ მშენებლობის წინააღმდეგ საპროტესტო აქციები ნახევარი წლის წინ დაიწყო. აქციის მონაწილეები მოითხოვენ, შეწყდეს ჰესის მშენებლობა, ხელისუფლებამ კი თურქულ კომპანია Enka-სთან კონტრაქტი გააუქმოს. საკუთარი პოზიციის გასამყარებლად მომიტინგეები საუბრობენ გარემოზე ჰესის დამანგრეველ ზემოქმედებასა და საეჭვო გარიგებაზე ინვესტორთან. პასუხად საქართველოს ხელისუფლებამ განაცხადა, რიმ მშენებლობას ექვსი თვით შეაჩერებენ, რათა კიდევ ერთხელ მოხდეს პროექტის გადამოწმება, თუმცა კონტრაქტის გაუქმებას არ აპირებენ.

თავის მხრივ, კომპანია ENKA-ს წარმომადგენლები აცხადებენ, რომ „ნამახვანჰესის“ კასკადის პროექტი სრულიად უსაფრთხოა, გარდა ამისა, თურქული კომპანიის წარმომადგენელმა ელენე გუბიანურმა განაცხადა, რომ პროექტზე 1600 ადგილობრივი მაცხოვრებელი დასაქმდება.

18