ვლადიმირ პოზნერი

„სტუმართმოყვარეობა მთელი თავისი ხიბლით“ - პოზნერის სტუმრობამ სოცქსელი ააფეთქა

94
(განახლებულია 19:34 01.04.2021)
საქართველოს დედაქალაქში ჟურნალისტ ვლადიმირ პოზნერის ვიზიტმა სოციალურ ქსელში აზრთა სხვადასხვაობა გამოიწვია

თბილისი, 1 აპრილი - Sputnik. რუსი ჟურნალისტის, ვლადიმერ პოზნერის  თბილისში ჩამოსვლის გამო აგორებული სკანდალი ქართულ სოციალურ ქსელებში მთავარ განსახილველ თემად იქცა.

პოზნერი თბილისში გუშინ ჩამოვიდა, თუმცა, აქტივისტების საპროტესტო აქციების გამო იძულებული გახდა ქვეყანა დაგეგმილზე ადრე დაეტოვებინა. დემონსტრანტებისთვის ასევე მიუღებელი იყო პოზნერის მიერ აფხაზეთთან დაკავშირებით ადრე გაკეთებული განცხადებები. მიუხედავად იმისა, რომ პოზნერისთვის ეს თავისი დაბადების დღის თბილისში აღნიშვნის უკვე მესამე შემთხვევა იყო, ასეთი „თბილი დახვედრა“ მას პირველად მოუწყვეს. 

ინტერნეტ–სივრცის ქართველი მომხმარებლების აზრები გაიყო: ნაწილი წერს, რომ ქართველი აქტივისტების მსგავსი დამოკიდებულება ხანდაზმული ადამიანის მიმართ მიუღებელია, მეორე ნაწილი კი ოპოზიციის პროტესტს მხარს უჭერს.

„ხალხს ჭკუა არ აქვს. ყოველ ჯერზე მიკვირს. ცხვრის ფარასავით - ერთმა თქვა და ყველა გაიქცა. მტერიც რომ იყოს, გახსოვთ, რას გვასწავლიდნენ ჩვენი წინაპრები?! შეხვდი მტერს, როგორც ძვირფას სტუმარს. სირცხვილია, სიტყვები არ მყოფნის, სირცხვილია“, - აღშფოთებულია კარინა ცინცაძე.

„რას წერთ!!! საერთოდ წარმოგიდგენიათ ვინ არის ეს ადამიანი??? ასეთი გამოხდომების შემდეგ საქართველოს მეგობრები არ დარჩება. მშვიდობით მოსულ მტერსაც სტუმარივით მასპინძლობდნენ, აქ კი ჩამოვიდა მეგობარი - საქართველოს მეგობარი. კი ბატონო, გამოთქვა აზრი 10 წლის წინ... რომ აფხაზეთი საქართველო აღარ იქნება. უფლება აქვს, თავისი შეხედულება ჰქონდეს. ეკამათეთ მას აფხაზეთის პერსპექტივაზე დისკუსიის ფორმატის ფარგლებში, მაგრამ ადამიანს ჭამა და ძილი არ აცადო - ეს დანაშაულია. პოლიტიკოსია? რამე ქმედება განუხორციელებია საქართველოს წინააღმდეგ??? ადამიანი მთელი ცხოვრება მშვიდობის მხარდამჭერია! როგორ არ გრცხვენიათ, ქართველები კი არა ნეანდერტალელები იყვნენ აქციაზე, მათი სახეები ნახეთ - ვერ მოუნელებიათ არჩევნების შედეგები და მარცხი“, - აღშფოთებულია ლილიანა ენუქიძე

„სამარცხვინოები, ვითომ პატრიოტები, ყველა სკამისთვის და კარგი ადგილისთვის იბრძვის. აი, ასე შეიძლება ხვალ მოექცნენ ნებისმიერ ქართველს რუსეთში, ყველას გამოაძევებენ. ერთი წუთით მაინც თუ დაფიქრებულხართ, რა შეიძლება მათ დაემართოთ იქ? თქვენი ბოღმა და სიძულვილი სულ უფრო ღრმავდება არა მარტო რუსეთის მიმართ, ძმა ძმას ვერ იტანს, ეს კი ყველაზე საშიშია“, - წერს Zhana Zhaniko.

სოციალური ქსელის მრავალი მომხმარებელი პოზნერს აფხაზეთთან დაკავშირებით გაკეთებულ განცხადებას ვერ პატიობს.

„ვლადიმირ ვლადიმიროვიჩი, რასაკვირველია, პატივსაცემი ადამიანია, მაგრამ უნდა დაფიქრდე, რას ლაპარაკობ და რა წყენა შეიძლება მოუტანოს შენმა სიტყვებმა ხალხს“, - აცხადებს ოლეგ ზობოვი.

„და აქ რატომ ჩამოვიდა, თანაც თავის დაბადების დღეზე, სხვაგან ვერსად წავიდა? გადაწყვიტა საქართველოსთვის ნერვები მოეშალა? რას ელოდა, რომ ხელგაშლილები შეეგებებოდნენ?“ - წერს ალა კოხანოვა.

შეწუხებული არიან ტურისტული სექტორის წარმომადგენლები, რომლებიც რუსი მოგზაურების ჩამოსვლით მოგებას ელოდნენ.

„ყოველივე ეს კვლავ საქართველოს წინააღმდეგ იქნება. იტყვიან, რუსებისთვის იქ საშიშია, თვითმფრინავები არ დაფრინავენ, ახლა საზღვარსაც ჩაკეტავენ. მორიგი პროვოკაციაა“, - წერს მარინა პეტრენკო

„აქ ნამდვილად პროვოკაციაა ტურისტული სეზონის წინ. სხვათა შორის, წერდნენ, რომ იგი უკვე ზედიზედ მესამე წელია, თავის დაბადების დღეს საქართველოში აღნიშნავს. წინა ორი ჩამოსვლის დროს რატომ იყო სიჩუმე? იქნებ ასე არ იყო ანონსირებული მისი ჩამოსვლა? ვის დასჭირდა ახლა ამ შოუს დადგმა?“ - კითხვას სვამს მარიანა ხადური.

ზოგიერთი მომხმარებელი აღშფოთებულია იმ ფაქტით, რომ პოზნერმა და მისმა სტუმრებმა კორონავირუსის გამო ქვეყანაში დაწესებული შეზღუდვები დაარღვიეს.

„მან და მისმა სტუმრებმა დაარღვიეს მთელი რიგი რეგულაციები, რომლებიც ვრცელდება ყველა მოქალაქეზე და „დედაქალაქის სტუმარზე“. აქ არ შეიძლება იყოს გამონაკლისები. ჩვენთან 21:00 საათიდან მოქმედებს კომენდანტის საათი, რესტორნებს 21:00 საათის შემდეგ მუშაობის უფლება არ აქვთ და საერთოდაც ასეთი სახალხო 50–კაციანი თავყრილობაც აკრძალულია“, - ამბობს Ira Petriashvili

თუმცა, აღმოჩნდნენ ისეთებიც, ვინც პოზნერი დაიცვა და გააკრიტიკა აქტივისტები, რომლებმაც ასევე დაარღვიეს 21:00 საათის შემდეგ გადაადგილებაზე დაწესებული შეზღუდვა.

„მართლაც რომ – სტუმართმოყვარეობა მთელი თავისი ხიბლით. მთელი ღამე სასტუმროს წინ იდგნენ, რითაც თავადაც დაარღვიეს კომენდანტის საათი. მომიტინგეები დააჯარიმეს? კვერცხები დაუშინეს... ზეთიც გადაესხათ ბარემ. შემდეგ კი წუწუნებენ, რომ პროდუქტები გაძვირდა. როგორც ჩანს, მომიტინგეებს ყველაფერი არც ისე ცუდად აქვთ. ადამიანს დაბადების დღე ჩააშხამეს“, - აღშფოთებულია ლარისა გობაჩოვა.

პოზნერმა თბილისი ხუთშაბათს დილით დატოვა. უკვე ცნობილია, რომ ჟურნალისტი 87 წლის იუბილეს მოსკოვში აღნიშნავს.

94
თემები:
როგორ ჩაიშალა პოზნერის დაბადების დღე საქართველოში (13)
ბათუმი

ბათუმში სამუშაოს მაძიებლებს 400-მდე ვაკანსიას შესთავაზებენ

13
(განახლებულია 14:46 15.04.2021)
ფორუმის ფარგლებში, სამსახურის მაძიებლებს  საშუალება ექნებათ გაეცნონ და თავად შეარჩიონ აჭარის შრომის ბაზარზე არსებული აქტიური ვაკანსიები.

თბილისი, 15 აპრილი - Sputnik. ბათუმში, 16 აპრილს დასაქმების ფორუმი „ახალი შესაძლებლობა თქვენი დასაქმებისთვის“ გაიმართება.

დასაქმების ხელშეწყობის სახელმწიფო სააგენტოს ცნობით, ფორუმზე წარმოდგენილი იქნება რეგიონში მომუშავე წამყვანი კომპანიების ვაკანსიები ისეთ სფეროებში, როგორიცაა გადამამუშავებელი მრეწველობა, ვაჭრობა და დისტრიბუცია, მშენებლობა, სასტუმროების, რესტორნების, სათამაშო ბიზნესი, ჯანდაცვა და სხვ. ფორუმი  პიაცას მოედანზე 12:00 საათზე დაიწყება 16:00 საათზე დასრულდება. 

კომპანიების წარმომადგენლები სამუშაოს მაძიებლებს მიაწვდიან ინფორმაციას კომპანიის საქმიანობის, შრომის პირობების, ვაკანსიებისა და მოთხოვნების შესახებ. 20–ზე მეტი კომპანია 400–მდე ვაკანსიას წარმოადგენს.
დასაქმების ფორუმის მთავარი მიზანია – დაინტერესებულ პირებს რეგიონში არსებული ვაკანსიების, ასევე საგანმანათლებლო პროგრამების შესახებ ინფორმაცია ერთ სივრცეში მიაწოდონ. მხარეებს ექნებათ შესაძლებლობა, მოიძიონ მათთვის სასურველი სამსახური, კომპანიებმა კი შეძლონ სასურველი ადამიანური რესურსის მოძიება.

დასაქმების ხელშეწყობის სახელმწიფო სააგენტო ყველა სამუშაოს მაძიებელს მოუწოდებს, დარეგისტრირდეს დასაქმების ელექტრონულ პორტალზე worknet.gov.ge. სააგენტოს ცნობით, პორტალზე რეგისტრაციის შემთხვევაში ისინი მოკლეტექსტური შეტყობინებების სახით მუდმივად მიიღებენ ინფორმაციას შრომის ბაზარზე არსებული ვაკანსიების თაობაზე, ასევე, დაგეგმილი დასაქმების ფორუმებისა და სხვა სერვისების შესახებ.

დასაქმების პირველი სახელმწიფო სამსახური – აჭარის დასაქმების სააგენტო 2011 წელს შეიქმნა.

ღონისძიების ორგანიზატორების თქმით, ბათუმში დასაქმების ფორუმი სახელმწიფოს მიერ დაწესებული ყველა კოვიდ–რეგულაციის დაცვით ჩატარდება.

13
სოფიკო შევარდნაძე

„საათობრივად ვიკვებებოდი და დავდიოდი ფეხით 5 კილომეტრს“ - სოფიკო შევარდნაძე ოსულობაზე

29
(განახლებულია 14:13 15.04.2021)
საქართველოს მეორე პრეზიდენტის შვილიშვილი დედა მარტის მიწურულს გახდა. მას ვაჟი შეეძინა. სოფიკომ შვილის გაჩენამდე რამდენიმე დღით ადრე გაამხილა ორსულობის ამბავი

მას მერე, რაც დედა გახდა, სოფო შევარდნაძე „ინსტაგრამზე“ ხშირად წერს ახალი ამპლუის შესახებ და თავის მოსაზრებებს თუ შეგრძნებებს უზიარებს სხვა დედებს. ამჯერად დედობისთვის მზადებასა და ორსულობაზე ისაუბრა.

ჟურნალისტი ამბობს, რომ ორსულობისას რეჟიმზე გააკეთა აქცენტი: საათობრივად იკვებებოდა და ეძინა იმდენ ხანს, რამდენსაც ითხოვდა ორგანიზმი. ასევე ყოველდღე დადიოდა ფეხით 5 კილომეტრს, უსმენდა კლასიკურ მუსიკას და ჩასახვის დღიდან ელაპარაკებოდა პატარას.

„სრულფასოვნად ვმუშაობდი, ვიღებდი გადაცემებს და მხოლოდ მშობიარობამდე ორი კვირით ადრე გავუშვი ჯგუფი შვებულებაში. არაფერი არ წამიკითხავს, ხანდახან ვუსმენდი ბავშვთა ფსიქოლოგებს და ნეიროქოუჩებს, რათა გამეგო, როგორი მიდგომები და თეორიებია ადრეული აღზრდის მიმართულებით.
მჯეროდა, რომ დანარჩენი თავისით მოვიდოდა, გამოცდილებასთან ერთად“, - ამბობს სოფო.

საქართველოს მეორე პრეზიდენტის ედუარდ შევარდნაძის შვილიშვილი დედა 42 წლის ასაკში გახდა. ტელეწამყვანმა 21 თებერვალს ინფორმაცია ორსულობის შესახებ Clubhouse-ის მოდურ დანართთან საუბრისას გაამხილა, სადაც სტუმრები ბავშვთა აღზრდის თემაზე სასაუბროდ შეიკრიბნენ.

ცნობილ ტელეწამყვანს პირადი ცხოვრების აფიშირება არ უყვარს, ამიტომ სხვა დეტალები ჯერჯერობით არ არის ცნობილი. ამის შესახებ მას ჯერ თავის „ინსტაგრამზეც“ არ დაუწერია. ერთ-ერთ ინტერვიუში ტელეწამყვანმა აღიარა, რომ უჭირს მისთვის შესაფერისი მეორე ნახევრის მოძებნა, როდესაც თვალწინ ჰყავს ორი ისეთი იდეალური მამაკაცი, როგორებიც ბაბუამისი და მამამისი არიან.

სოფიკო 21 წლის იყო, როცა დაგეგმილი ქორწილი ჩაშალა და დღემდე არ დაქორწინებულა. ნიუ-იორკში ჟურნალისტმა ახალგაზრდა ქართველი რეჟისორი ლევან კოღუაშვილი გაიცნო, მან რჩეული საკუთარ ბაბუასაც კი გააცნო და გამოაცხადა ქორწინების შესახებ, თუმცა ქორწილამდე დაახლოებით ერთი თვით ადრე მიხვდა, რომ არ სურდა მთელი ცხოვრება იმ ადამიანთან ერთად გაეტარებინა.

29
თემები:
ქართველი სელებრითები
გიორგი ღოღობერიძე

გიორგი ღოღობერიძე: ოჯახში ტოლეტანტები ვიყავით...

0
(განახლებულია 14:48 15.04.2021)
გიორგი ღოღობერიძე იხსენებს ბავშვობას და ამბობს, რომ მისი აღზრდა- განათლება მამის დამსახურებაა, რომელსაც სურდა, რომ შვილი მარტო ერთ სფეროში არ ყოფილიყო განსწავლული.

 

გიორგი ღოღობერიძე: ოჯახში ტოლეტანტები ვიყავით...
„ყანა, რომელსაც ვამუშავებდი ხოლმე, ძალიან დიდი იყო და საკმაოდ შორს ჩვენი სახლიდან. როცა ნაგავი გამქონდა, მერე სიმინდს ვთესავდი, შემდეგ მიწას აზოტის დაყრა სჭირდებოდა. ამ სამუშაოს სკოლის პერიოდიდან მოყოლებული ვაკეთებდი“, - იხსენებს გიორგი ღოღობერიძე.

ექიმი გიორგი ღოღობერიძე: „მამა მეზღვაური იყო და მას წელიწადში მხოლოდ ორ თვეს ვხედავდი სახლში. მერე მან უარი თქვა ყველაფერზე. ის ტელეწამყვანი გახდა და აჭარის ტელევიზიაში მუშაობდა. ჟურნალისტობიდან სამოქალაქო სფეროში გადაინაცვლა და დღეს ადვოკატია.“

0