რამდენადაა დაცული საქართველოში პერსონალური მონაცემები – სახელმწიფო ინსპექტორის ანგარიში
(განახლებულია 22:10 01.04.2021)
ფარული მიყურადება, თვალთვალი – ყველაფერი კანონიერად კეთდება თუ არა საქართველოში – ამის შესახებ პარლამენტს სახელმწიფო ინსპექტორი უამბობს.თბილისი, 1 აპრილი – Sputnik. სახელმწიფო ინსპექტორის სამსახურმა საქართველოს პარლამენტს ქვეყანაში 2020 წელს პერსონალური მონაცემების დაცვის შესახებ ანგარიში წარუდგინა.
საქართველოს პარლამენტის ვებ-გვერდზე კიბერშეტევა განხორციელდა>>
საკმაოდ დიდი, 241-გვერდიანი დოკუმენტი დეტალურ ინფორმაციას შეიცავს ქვეყანაში პერსონალური მონაცემების მდგომარეობის, ჩატარებული ფარული საგამოძიებო მოქმედებებისა და ეროვნული ბანკის მხრიდან ელექტრონული კომუნიკაციების იდენტიფიკაციასთან დაკავშირებული საქმიანობის კონტროლის, ასევე სახელმწიფო ინსპექტორის სამსახურის სისხლის სამართლის გამოძიებების შესახებ.
ანგარიშში აღნიშნულია, რომ, მიუხედავად პანდემიის მიერ შექმნილი ვითარებისა და შეზღუდული ადამიანური და ინფრასტრუქტურული რესურსებისა, ასევე იურიდიული და პრაქტიკული სირთულეებისა, რომელსაც სამსახური თავისი ფუნქციების შესრულებისას აწყდება, ყველა ამოცანა შესრულებულია.
ანგარიშში ცალ-ცალკეა წარმოდგენილი სამსახურის მიერ სამივე მიმართულებით გატარებული ღონისძიებები.
დოკუმენტში გაანალიზებულია პერსონალური მონაცემების კონფიდენციალურობის მდგომარეობა, საერთო ტენდენციები და სტატისტიკა, მოსახლეობის ცნობიერების ამაღლებისთვის მიღებული ზომები და მონაცემების დამუშავების პროცესების შესწავლის შედეგები. კერძოდ, ანგარიშში ასახულია პერსონალური მონაცემების მექანიზმი COVID-19-ის პანდემიის კონტექსტში საარჩევნო პროცესის დროს, ელექტრონულ ბაზებში, ფინანსურ სექტორში და სამართალმცველ ორგანოებში.
დაცულია თუ არა პერსონალური მონაცემები საქართველოში – თოლორაიას ანგარიში>>
ანგარიშის ძირითადი ნაწილი ეთმობა მონაცემებს არასრულწლოვანთა შესახებ და ვიდეოთვალთვალის სისტემებს. გარდა ამისა, მონაცემების დამუშავების პროცესის გასაუმჯობესებლად თითოეული თავი მოიცავს მნიშვნელოვან რეკომენდაციებს სახელმწიფო და კერძო ორგანიზაციებისთვის.
- „2020 წელს სამსახურმა გასცა 3129 კონსულტაცია, ჩაატარა 119 შემოწმება, გამოავლინა 123 ადმინისტრაციული სამართალდარღვევა, ადმინისტრაციული პასუხისმგებლობა დააკისრა 119 პირს, გასცა 237 დავალება და რეკომენდაცია, მოსაზრება წარადგინა 75-ზე მეტ საკანონმდებლო და კანონქვემდებარე ნორმატიული აქტის პროექტზე“, – ნათქვამია ანგარიშში.
დოკუმენტი მოიცავს ინფორმაციას სასამართლოებისა და პროკურატურის დადგენილების საფუძველზე სატელეფონო საუბრების მიყურადების შესახებ.
„2020 წელს სატელეფონო კომუნიკაციის ფარული მიყურადება-ჩაწერის შესახებ სასამართლომ განიხილა 997 შუამდგომლობა. სახელმწიფო ინსპექტორის სამსახურში შემოვიდა პროკურორის 107 დადგენილება გადაუდებელი აუცილებლობით სატელეფონო კომუნიკაციის ფარულ მიყურადება-ჩაწერის თაობაზე. სახელმწიფო ინსპექტორის სამსახურმა მიმდინარე სატელეფონო კომუნიკაციის ფარული მიყურადება-ჩაწერის შეჩერების მექანიზმი გამოიყენა 116 შემთხვევაში“, – აღნიშნულია განცხადებაში.
ანგარიშის მნიშვნელოვანი ნაწილი ეძღვნება სერვისის უახლეს ფუნქციას – საგამოძიებო მიმართულებას. სამართალდამცავი ორგანოს წარმომადგენლის, მოხელის ან მასთან გათანაბრებული პირის მიერ ჩადენილი დანაშაულების გამოძიების თავი აერთიანებს ინფორმაციას სამსახურის მიერ გამოძიების ეფექტიანობის გაზრდის მიზნით განხორციელებული ღონისძიებების შესახებ.
პარლამენტისთვის წარდგენილ ანგარიშში საუბარია არა მხოლოდ მუშაობის შედეგებზე, არამედ ასევე ფაქტორებზე, რომლებიც ხელს უშლის მიზნის მიღწევას, დეტალურად არის აღწერილი საკანონმდებლო და პრაქტიკული პრობლემები, რომელთა გადაჭრა აუცილებელია ინსტიტუციონალურად დამოუკიდებელი, ძლიერი, ეფექტური, საზოგადოებაზე ორიენტირებული და საერთაშორისო სტანდარტების შესაბამისი ინსტიტუტის შესაქმნელად.
თემები:
ბრძოლა COVID-19-თან: რეგულაციების დარღვევის რამდენი ფაქტი გამოვლინდა ბოლო 24 საათში
(განახლებულია 11:44 15.04.2021)
შექმნილი ეპიდვითარების გამო საქართველოში 28 ნოემბრიდან დაწესებული რეგულაციებიდან დარჩენილია „კომენდანტის საათი“, პირბადე, დისტანცია და რამდენიმე სხვა შეზღუდვა.
თბილისი, 15 აპრილი – Sputnik. პოლიციამ ბოლო 24 საათის განმავლობაში მთელი ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის 1.528 ფაქტი გამოავლინა, იუწყება შინაგან საქმეთა სამინისტრო.
არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრის ჩათვლით იყო ძალაში. შეზღუდვების ეტაპობრივი შემსუბუქების გეგმა საქართველოს პრემიერ-მინისტრმა ირაკლი ღარიბაშვილმა თებერვლის ბოლოს წარმოადგინა და შეზღუდვების ეტაპობრივად მოხსნაც დაიწყო. თუმცა ძალაში რჩება წესები, რომლებიც ეხება პირბადის ტარებას, ღამით გადაადგილების აკრძალვას და სხვ.
პოლიციამ იზოლაციისა და კარანტინის წესის დარღვევისთვის 117 ფიზიკური პირი დააჯარიმა.
დაჯარიმებულთა შორის არიან მოქალაქეები, რომლებმაც საღამოს 9 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.
გარდა ამისა, 24 საათის განმავლობაში პირბადის ტარების წესის დარღვევის ფაქტზე 1.257 ფიზიკური პირია დაჯარიმებული, ხოლო პირბადის ტარების წესის განმეორებით დარღვევის 154 ფაქტი გამოვლინდა.
პირბადის ტარების წესის დარღვევა ითვალისწინებს ჯარიმას 20 ლარის ოდენობით, ხოლო პირბადის ტარების წესის განმეორებით დარღვევა ისჯება 40 ლარიანი ჯარიმით.
იზოლაციისა და კარანტინის წესის დარღვევა ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.
შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.
„ჩემი ქმარიც ძალადობდა ჩემზე, სახლიდან გამოვიპარე პატარა ბავშვით...“ - ირმა შარიქაძე
(განახლებულია 12:45 15.04.2021)
ფოტოგრაფმა ირმა შარიქაძემ პირველად ისაუბრა იმაზე, რომ მსახიობ ნინუცა მაყაშვილის მსგავსი ისტორია მასაც გადახდა თავსთბილისი, 15 აპრილი – Sputnik. ცნობილი ფოტოგრაფი ირმა შარიქაძე ყოფილი მეუღლის ძალადობის მსხვერპლი იყო. ამის შესახებ თავად ფოტოგრაფმა ტელეკომპანია „პირველთან“ ისაუბრა.
შარიქაძემ აღნიშნა, რომ წლების წინ, ყოფილი მეუღლისგან ისიც იყო ფიზიკური ძალადობის მსხვერპლი, რის გამოც, რვა თვის შვილთან ერთად, სახლიდან გაიპარა.
ფოტოგრაფი მხარდაჭერას უცხადებს მსახიობ ნინუცა მაყაშვილს, რომელმაც რამდენიმე დღის წინ 11 წლის წინანდელი ძალადობის ფაქტები გაიხსენა და საჯაროდ დასდო ბრალი მის ყოფილ მეუღლეს, მსახიობ ბესო ზანგურს.
„ახლა ჩემი შვილი 21 წლისაა, ფაქტობრივად, ნინუცას მსგავსი სიტუაცია მქონდა, ეს ძალიან რთული მოსაყოლია. დიდი სტრესია ის მომენტი, როცა ცდილობ წახვიდე იმ სახლიდან, სადაც შენზე ძალადობენ, როცა გგონია, რომ თუ რაღაც არასწორად გააკეთე, შეიძლება ვიღაცამ შემთხვევით მოგკლას კიდეც. ძალადობა დიდი ხნის განმავლობაში არ გრძელდებოდა, მაგრამ რამდენიმე შემთხვევა რომ განმეორდა, გადავწყვიტე, რომ ეს ჩემს ცხოვრებაში აღარ მოხდებოდა, ფაქტობრივად, წასასვლელი არსად მქონდა, მაგრამ ასე “არსად” წამოვედი შინიდან მაინც, ბავშვით ხელში, მაშინ 20 წლის ვიყავი, სამწუხაროდ, ისეთ ვითარებაში ვიყავი, არ შემეძლო მეთქვა, – მიშველეთ -მეთქი, ჩემზე ძალადობდა სრულიად უმიზეზოდ”, - განაცხადა ფოტოგრაფმა.
12 აპრილს გადაცემა „ფარულ კონვერტში“ 33 წლის მსახიობმა გაიხსნენა 11 წლის წინანდელი ფაქტები, როდესაც, მისი თქმით, ყოფილი მეუღლე ფიზიკურად უსწორდებოდა, თუმცა ამის შესახებ წლების განმავლობაში დუმდა.
ნინუცა მაყაშვილმა განაცხადა, რომ ის ძალადობის მსხვერპლი იყო. მასზე მეუღლე ბესო ზანგური ფიზიკურად ძალადობდა, მათ შორის – ორსულობის დროსაც. ნინუცა მაყაშვილის თქმით, სწორედ ოჯახური ძალადობა გახდა წყვილის განქორწინების მიზეზი.
მსახიობი ბესო ზანგური ყოფილ ცოლზე ნინუცა მაყაშვილზე ძალადობას უარყოფს. ზანგური ტელეკომპანია „რუსთავი 2“-თან ინტერვიუში ამბობს, რომ ეს გადაცემაში 5 ათასი ლარის მისაღებად მოგონილი ტყუილია და მზად არის გამოძიებას კითხვებზე პასუხები გასცეს.
ფაქტს გამოეხმაურა რუსთაველის თეატრიც. სოციალურ ქსელში გავრცელებულ განცხადებაში ვკითხულობთ, რომ თეატრი ძალადობას გმობს. განსხვავებული პოზიცია აღმოაჩნდა რუსთაველის თეატრის სამხატვრო ხელმძღვანელს რობერტ სტურუას. „ვგრძნობდი, რომ ესენი ბოლშევიკები იყვნენ, ნეოკომუნისტები! და ქალებმა 1937 წელი დაიწყეს! რეპრესიები!" – დაწერა ცნობილმა რეჟისორმა.
თემები:
ბათუმში „ნაცმოძრაობის“ ოფისი დააზიანეს
(განახლებულია 13:15 15.04.2021)
მსხვილი ოპოზიციის წარმომადგენლები მომხდარს მმართველი პარტიის მხრიდან პოლიტიკურ ანგარიშსწორებად აფასებენ.
თბილისი, 15 აპრილი – Sputnik. ბათუმში ოპოზიციური პარტია „ერთიანი ნაციონალური მოძრაობის“ ერთ–ერთი ოფისი დააზიანეს, იუწყება პირევლი არხი.
შემთხვევა აღმაშენებლის ქუჩაზე გუშინ, გვიან ღამით მოხდა – ჩამსხვრეულია ოფისის კარის მინები.
პარტიის ერთ–ერთი ლიდერის გიორგი კირთაძის განცხადებით, მათ ვანდალურ ფაქტთან დაკავშირებით ინფორმაცია უკვე მიაწოდეს სამართალდამცავ ორგანოებს.
„ადგილზე კრიმინალური პოლიციის წარმომადგენლები არიან მისული და ფაქტს სწავლობენ. თუმცა, არ გვაქვს მოლოდინი, რომ ვინმეს დაკავება მოხდება“, – განაცხადა კირთაძემ.
მომხდარ ფაქტზე გამოძიება სსკ–ის 187-ე მუხლით დაიწყო, რაც ნივთის დაზიანებას ან განადგურებას გულისხმობს.
თემები: