ეკა ბესელია

ეკა ბესელიას ინტერესებს ახალგაზრდა იურისტთა ასოციაცია დაიცავს

94
(განახლებულია 20:31 01.04.2021)
აღნიშნულ სისხლის სამართლის საქმეზე დაკავებულია და სისხლის სამართლებრივ პასუხისგებაშია მიცემული 19 პირი.

თბილისი, 1 აპრილი – Sputnik. პირადი ცხოვრების ამსახველი კადრების საქმეზე პარლამენტის ყოფილი დეპუტატის ეკა ბესელიას ინტერესებს საქართველოს ახალგაზრდა იურისტთა ასოციაცია (საია) დაიცავს

ეკა ბესელიას პირადი ცხოვრების ამსახველი ფარული ვიდეოკადრები სოციალურ ქსელში 2019 წლის 28 იანვარს გაჩნდა. იმავე დღეს შინაგან საქმეთა სამინისტრომ სისხლის სამართლის საქმე აღძრა, რომლის ფარგლებშიც მომდევნო პერიოდში 19 პირი დააკავეს. გამოძიების ინფორმაციით, აღნიშნული პირები ვიდეოჩანაწერს ინახავდნენ და მას მობილური აპლიკაციისა და სოციალური ქსელის საშუალებით ავრცელებდნენ.

როგორც მაშინ უწყებამ განმარტა, კადრები ფარულად, უკანონოდ 2012 წლის მაისშია გადაღებული, რისთვისაც 2016 წელს გასამართლებული არიან ყოფილი ხელისუფლების მაღალჩინოსნები. ბესელიამ მოგვიანებით განაცხადა, რომ ჩანაწერები პრეზიდენტ მიხეილ სააკაშვილის მმართველობის, ანუ 2012 წელს ხელისუფლების ცვლილებამდე პერიოდშია გაკეთებული.

ბესელიას განცხადებით, მის საქმეზე გამოძიება თაროზეა შემოდებული და ამ დრომდე არ არის დადგენილი გავრცელების პირველწყარო. როგორც მან აღნიშნა, გამოძიება სიმართლეს თუ არ დაადგენს, ის არ გამორიცხავს, ევროპის ადამიანის უფლებათა სასამართლოსაც მიმართოს.

„მოტივიც და კვალიც ვიცი – ყოველივე საიდან დაიგეგმა, მაგრამ გამოძიებამ უნდა თქვას ეს ყველაფერი და დაადგინოს.  თუ სიმართლე არ დადგინდება, არაეფექტურად ჩატარებული გამოძიების გამო ევროპის ადამიანის უფლებათა სასამართლოსაც მივმართავ“, – განაცხადა ეკა ბესელიამ. 

საია, როგორც დაზარალებულის ინტერესების დამცველი ორგანიზაცია, საქმეში დღეს ჩაერთო. ბესელიას განცხადებით, ის ახალგაზრდა იურისტთა ასოციაციის პირველი დამფუძნებელია და ენდობა ამ ორგანიზაციას.

ახალგაზრდა იურისტთა ასოციაცია მიიჩნევს, რომ გამოძიების დაწყებიდან დღემდე პროკურატურის მიერ პასუხისგებაში მიცემული არიან მხოლოდ ის პირები, რომლებმაც შეინახეს ან გაუზიარეს სხვა პირებს აღნიშნული ჩანაწერი, ხოლო ის პირები, რომლებიც პირდაპირ მონაწილეობდნენ აღნიშნული ჩანაწერის შექმნაში და გავრცელების პირველწყარო არიან, ამ დრომდე არ დაუკავებიათ.

„საგამოძიებო ორგანოები არაფერს აკეთებენ და ეჭვი გვიჩნდება, რომ სწორედ ხელისუფლების დაინტერესება არის ამ ყველაფერში. ფარული ჩანაწერების გავრცელება პოლიტიკური ანგარიშსწორების მიზნით მოხდა. არაფერი კეთდება, რათა პირველწყარო მოიძებნოს და დაისაჯოს“, – განაცხადა საიას თავმჯდომარემ ნიკა სიმონიშვილმა.

 

94
მარიამ სანოგო

მარიამ სანოგოს შვილი გაიზარდა - ნახეთ ვის ჰგავს აფრიკული წარმოშობის მოდელის ვაჟი

4
(განახლებულია 14:33 15.04.2021)
უცხო და მიმზიდველი გარეგნობის მქონე მოდელი მუდამ შეუდარებლად გამოიყურება. მარიამ სანოგო ნებისმიერი გემოვნების ადამიანის ყურადღებას იქცევს. მისი კანის ფერი, თმის სტრუქტურა და განსაკუთრებულად ის, რომ ქართულად გამართულად მეტყველებს გაოცებას იწვევს

მოდელი და ტელესახე მარიამ სანოგო კრეატიული პიროვნებაა. ის განსხვავებული სტილით გამოირჩევა.
„ინსტაგრამზე“ საკმაოდ აქტიურია და ცდილობს, გამომწერებს ახალი ფოტოები ხშირად შესთავაზოს. მარიამი ბოლო დროს მეუღლესთან და შვილთან - უსაყვარლეს ზუკასთან ერთად გადაღებულ ფოტოებს უფრო ხშირად აქვეყნებს. ცდილობს, ყველა წესის დაცვით შეხვდეს მეგობრებს და მათ თავისი პოზიტივი გაუნაწილოს.

View this post on Instagram

A post shared by Mariam Sanogo (@msanogo)

 

პატარა ზუკას „მზე ბიჭს“ ეძახიან და ყოველთვის თბილი სიტყვებით ეგებებიან. უცხო და მიმზიდველი გარეგნობის მქონე მოდელი მუდამ შეუდარებლად გამოიყურება. მარიამ სანოგო ნებისმიერი გემოვნების ადამიანის ყურადღებას იქცევს. მისი კანის ფერი, თმის სტრუქტურა და განსაკუთრებულად ის, რომ ქართულად გამართულად მეტყველებს გაოცებას იწვევს.

View this post on Instagram

A post shared by Mariam Sanogo (@msanogo)

ქართულ სამოდელო სივრცეში ეგზოტიკური გარეგნობა უცხო და თვალშისაცემია. მარიამ სანოგო დედით ქართველი, ხოლო მამით აფრიკელია, კერძოდ, ბურკინა-ფასოდან არის. მიუხედავად იმისა, რომ ბავშვობაში ბევრ სირთულეს აწყდებოდა, თვლის, რომ მამას მის ცხოვრებაში განსაკუთრებული ადგილი უჭირავს. გოგონას მეორე ნახევარი მამის მოძებნასა და მათ შორის კომუნიკაციის დამყარებაში ეხმარება.

View this post on Instagram

A post shared by Mariam Sanogo (@msanogo)

მარიამის რჩეული ოპერატორი გიორგი ლაშქარაძეა, რომელსაც ქორწინებამდე 3 წელი იცნობდა. წყვილის მეგობრული ურთიერთობა მარიამის მიერ გაზიარებულ ფოტო-ვიდეოებზე კარგად ჩანს. მიუხედავად იმისა, რომ ახალგაზრდა წყვილია, ახალბედა მშობლები შავგრემან ვაჟს დამოუკიდებლად ზრდიან.

4
თემები:
ქართველი სელებრითები
ბათუმი

ბათუმში სამუშაოს მაძიებლებს 400-მდე ვაკანსიას შესთავაზებენ

18
(განახლებულია 14:46 15.04.2021)
ფორუმის ფარგლებში, სამსახურის მაძიებლებს  საშუალება ექნებათ გაეცნონ და თავად შეარჩიონ აჭარის შრომის ბაზარზე არსებული აქტიური ვაკანსიები.

თბილისი, 15 აპრილი - Sputnik. ბათუმში, 16 აპრილს დასაქმების ფორუმი „ახალი შესაძლებლობა თქვენი დასაქმებისთვის“ გაიმართება.

დასაქმების ხელშეწყობის სახელმწიფო სააგენტოს ცნობით, ფორუმზე წარმოდგენილი იქნება რეგიონში მომუშავე წამყვანი კომპანიების ვაკანსიები ისეთ სფეროებში, როგორიცაა გადამამუშავებელი მრეწველობა, ვაჭრობა და დისტრიბუცია, მშენებლობა, სასტუმროების, რესტორნების, სათამაშო ბიზნესი, ჯანდაცვა და სხვ. ფორუმი  პიაცას მოედანზე 12:00 საათზე დაიწყება 16:00 საათზე დასრულდება. 

კომპანიების წარმომადგენლები სამუშაოს მაძიებლებს მიაწვდიან ინფორმაციას კომპანიის საქმიანობის, შრომის პირობების, ვაკანსიებისა და მოთხოვნების შესახებ. 20–ზე მეტი კომპანია 400–მდე ვაკანსიას წარმოადგენს.
დასაქმების ფორუმის მთავარი მიზანია – დაინტერესებულ პირებს რეგიონში არსებული ვაკანსიების, ასევე საგანმანათლებლო პროგრამების შესახებ ინფორმაცია ერთ სივრცეში მიაწოდონ. მხარეებს ექნებათ შესაძლებლობა, მოიძიონ მათთვის სასურველი სამსახური, კომპანიებმა კი შეძლონ სასურველი ადამიანური რესურსის მოძიება.

დასაქმების ხელშეწყობის სახელმწიფო სააგენტო ყველა სამუშაოს მაძიებელს მოუწოდებს, დარეგისტრირდეს დასაქმების ელექტრონულ პორტალზე worknet.gov.ge. სააგენტოს ცნობით, პორტალზე რეგისტრაციის შემთხვევაში ისინი მოკლეტექსტური შეტყობინებების სახით მუდმივად მიიღებენ ინფორმაციას შრომის ბაზარზე არსებული ვაკანსიების თაობაზე, ასევე, დაგეგმილი დასაქმების ფორუმებისა და სხვა სერვისების შესახებ.

დასაქმების პირველი სახელმწიფო სამსახური – აჭარის დასაქმების სააგენტო 2011 წელს შეიქმნა.

ღონისძიების ორგანიზატორების თქმით, ბათუმში დასაქმების ფორუმი სახელმწიფოს მიერ დაწესებული ყველა კოვიდ–რეგულაციის დაცვით ჩატარდება.

18