არჩილ თალაკვაძე ანზორ ერქომაიშვილის ოჯახს და ახლობლებს სამძიმარს უცხადებს

© Sputnik / STRINGERარჩილ თალაკვაძე
არჩილ თალაკვაძე - Sputnik საქართველო, 1920, 31.03.2021
გამოწერა
პარლამენტის თავმჯდომარის არჩილ თალაკვაძის განცხადებით, ქვეყანამ საამაყო მუსიკოსი და ქართული ფოლკლორის დიდი მოამაგე დაკარგა.

თბილისი, 31 მარტი – Sputnik. საქართველოს პარლამენტის თავმჯდომარე არჩილ თალაკვაძე ანზორ ერქომაიშვილის გარდაცვალების გამო მწუხარებას გამოთქვამს და ოჯახს სამძიმარს უცხადებს. 

ანზორ ერქომაიშვილი - Sputnik საქართველო, 1920, 31.03.2021
გარდაიცვალა ანზორ ერქომაიშვილი

დღეს ქართველი მომღერალი, გამოჩენილი ლოტბარი ანზორ ერქომაიშვილი 80 წლის ასაკში გარდაიცვალა კორონავირუსის გართულების ნიადაგზე.

ერქომაიშვილი მკურნალობის კურსს თბილისის პირველ საუნივერსიტეტო კლინიკაში გადიოდა, სადაც ჯანმრთელობის მდგომარეობის გაუარესების გამო 19 მარტს მოათავსეს.

„მწუხარებას გამოვთქვამ ჩვენი ქვეყნისთვის საამაყო მუსიკოსის და ქართული ფოლკლორის დიდი მოამაგის, საქართველოს პარლამენტის ყოფილი წევრის ანზორ ერქომაიშვილის გარდაცვალების გამო. უნიჭიერესი, სამშობლოზე უსაზღვროდ შეყვარებული და სიკეთით სავსე ადამიანი აღარ გვყავს, სამწუხაროდ. უდიდესი დანაკლისია!“ – ნათქვამია თალაკვაძის სამძიმრის წერილში.

გამოჩენილ ლოტბარსა და მუსიკოსს, ანსამბლების „რუსთავისა“ და „მართვეს“ დამაარსებელ ანზორ ერქომაიშვილს 2020 წლის 10 აგვისტოს 80 წელი შეუსრულდა. საქართველოს პრეზიდენტმა სალომე ზურაბიშვილმა იგი ბრწყინვალების ორდენით დააჯილდოვა.

ანზორ ერქომაიშვილი არის საქართველოს ხელოვნების დამსახურებული მოღვაწე (1969), თბილისის საპატიო მოქალაქე (2014). ავტორია წიგნებისა „ხმა უცნაური“, „შავი შაშვი ჩიოდა“, „ბაბუა“.

 

ყველა ახალი ამბავი
0