2021 წლის აპრილში საქართველოში შემოსვლის წესები
(განახლებულია 21:31 30.03.2021)
კორონავირუსის პანდემიამ ქვეყნების უმეტესობა იძულებული გახადა საზღვრები დაეკეტა, გამონაკლისი არც საქართველო აღმოჩნდა.საქართველოს სახმელეთო და საზღვაო საზღვრები კვლავ ჩაკეტილია. ამ გზით საზღვრის გადმოკვეთა მხოლოდ სამშობლოში დაბრუნების მსურველ თანამემამულეებს შეუძლიათ.
საქართველოს მთავრობამ 2021 წლის 1 თებერვლიდან რეგულარულ ავიამიმოსვლაზე შეზღუდვები მოხსნა. ამასთან, შეიცვალა უცხოელებისთვის ქვეყანაში შემოსვლის წესები და პირობები.
საქართველოს ტერიტორიაზე შემოსვლის უფლება აქვთ უცხო ქვეყნის იმ მოქალაქეებს, რომლებსაც ჩატარებული აქვთ ვაქცინაცია და ამის დამადასტურებელი დოკუმენტი გააჩნიათ.
როგორც ცნობილია, Johnson&Johnson-ის პრეპარატით სრული ვაქცინაციისთვის, სხვა ვაქცინებისგან განსხვავებით, მხოლოდ ერთი აცრის ჩატარებაა აუცილებელი. დანარჩენი ვაქცინების შემთხვევაში კი ქვეყანაში შემომსვლელმა ნებისმიერმა პირმა უნდა წარმოადგინოს ვაქცინაციის სრული კურსის (2 აცრა) ჩატარების დამადასტურებელი დოკუმენტი.
თუ პირს ვაქცინაცია გავლილი არ აქვს, მაშინ მას რიგი მოთხოვნების შესრულება მოუწევს.
ევროკავშირისა და ზოგიერთი სხვა სახელმწიფოს მოქალაქეები საქართველოს ტერიტორიაზე საჰაერო გზით შემოსვლას შეძლებენ უარყოფითი PCR–ტესტის წარმოდგენის შემთხვევაში, რომელიც ჩამოსვლამდე 72 საათის განმავლობაშია გაკეთებული. ჩამოსვლიდან მესამე დღეს ისინი ვალდებული არიან საკუთარი ხარჯით განმეორებითი ტესტი გაიკეთონ.
PCR–ტესტის პასუხით საქართველოში ჩამოსვლა შეუძლიათ მოქალაქეებს შემდეგი ქვეყნებიდან:
– ევროკავშირის ქვეყნები
– თურქმენეთი
– უზბეკეთი
– ტაჯიკეთი
– ყირგიზეთი
– რუსეთი
– სომხეთი
– აზერბაიჯანი
– უკრაინა
– ყაზახეთი
– ბელარუსი
– შვეიცარია
– ნორვეგია
– ისრაელი
– აშშ
– დიდი ბრიტანეთი
– საუდის არაბეთი
– არაბთა გაერთიანებული საამიროები
– კატარი
– ბაჰრეინი
– თურქეთი
გარდა ამისა, საქართველოში ჩამოსულმა ყველა მოქალაქემ არაუგვიანეს 48 საათისა სპეციალური ფორმა უნდა შეავსოს, სადაც მიუთითებენ ბოლო 14 საათის განმავლობაში მოგზაურობის ისტორიას, საქართველოში დარჩენის ადგილს, საკონტაქტო ნომერს და სხვა ინფორმაციას.
©
AP Photo / Bob Edme
რაც შეეხება საქართველოს მოქალაქეებს, რომლებიც სამშობლოში ბრუნდებიან, მათთვისაც მკაცრი წესები მოქმედებს.
თუ ისინი აეროპორტში ბოლო 72 საათის განმავლობაში გაკეთებულ უარყოფით PCR-ტესტს წარმოადგენენ, მათ მოუწევთ მხოლოდ 8-დღიან თვითიზოლაციაში დარჩენა, ან მესამე დღეს კიდევ ერთი PCR-ტესტის გაკეთება საკუთარი ხარჯით.
ტესტის არქონის შემთხვევაში საქართველოს მოქალაქეებმა უნდა დაიცვან 8-დღიანი თვითიზოლაცია (კარანტინი სახელმწიფოს ხარჯზე).
პირები, რომლებიც ბოლო 14 დღის განმავლობაში მოგზაურობდნენ დიდ ბრიტანეთსა და ჩრდილოეთ ირლანდიაში, 12-დღიან კარანტინში გამწესდებიან.
საქართველოში შემოსვლის წესების ჩამონათვალი გამოქვეყნებულია საგარეო საქმეთა სამინისტროს ვებ-გვერდზე.
ბრძოლა COVID-19-თან: რეგულაციების დარღვევის რამდენი ფაქტი გამოვლინდა ბოლო 24 საათში
(განახლებულია 11:44 15.04.2021)
შექმნილი ეპიდვითარების გამო საქართველოში 28 ნოემბრიდან დაწესებული რეგულაციებიდან დარჩენილია „კომენდანტის საათი“, პირბადე, დისტანცია და რამდენიმე სხვა შეზღუდვა.
თბილისი, 15 აპრილი – Sputnik. პოლიციამ ბოლო 24 საათის განმავლობაში მთელი ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის 1.528 ფაქტი გამოავლინა, იუწყება შინაგან საქმეთა სამინისტრო.
არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრის ჩათვლით იყო ძალაში. შეზღუდვების ეტაპობრივი შემსუბუქების გეგმა საქართველოს პრემიერ-მინისტრმა ირაკლი ღარიბაშვილმა თებერვლის ბოლოს წარმოადგინა და შეზღუდვების ეტაპობრივად მოხსნაც დაიწყო. თუმცა ძალაში რჩება წესები, რომლებიც ეხება პირბადის ტარებას, ღამით გადაადგილების აკრძალვას და სხვ.
პოლიციამ იზოლაციისა და კარანტინის წესის დარღვევისთვის 117 ფიზიკური პირი დააჯარიმა.
დაჯარიმებულთა შორის არიან მოქალაქეები, რომლებმაც საღამოს 9 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.
გარდა ამისა, 24 საათის განმავლობაში პირბადის ტარების წესის დარღვევის ფაქტზე 1.257 ფიზიკური პირია დაჯარიმებული, ხოლო პირბადის ტარების წესის განმეორებით დარღვევის 154 ფაქტი გამოვლინდა.
პირბადის ტარების წესის დარღვევა ითვალისწინებს ჯარიმას 20 ლარის ოდენობით, ხოლო პირბადის ტარების წესის განმეორებით დარღვევა ისჯება 40 ლარიანი ჯარიმით.
იზოლაციისა და კარანტინის წესის დარღვევა ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.
შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.
„ჩემი ქმარიც ძალადობდა ჩემზე, სახლიდან გამოვიპარე პატარა ბავშვით...“ - ირმა შარიქაძე
(განახლებულია 12:45 15.04.2021)
ფოტოგრაფმა ირმა შარიქაძემ პირველად ისაუბრა იმაზე, რომ მსახიობ ნინუცა მაყაშვილის მსგავსი ისტორია მასაც გადახდა თავსთბილისი, 15 აპრილი – Sputnik. ცნობილი ფოტოგრაფი ირმა შარიქაძე ყოფილი მეუღლის ძალადობის მსხვერპლი იყო. ამის შესახებ თავად ფოტოგრაფმა ტელეკომპანია „პირველთან“ ისაუბრა.
შარიქაძემ აღნიშნა, რომ წლების წინ, ყოფილი მეუღლისგან ისიც იყო ფიზიკური ძალადობის მსხვერპლი, რის გამოც, რვა თვის შვილთან ერთად, სახლიდან გაიპარა.
ფოტოგრაფი მხარდაჭერას უცხადებს მსახიობ ნინუცა მაყაშვილს, რომელმაც რამდენიმე დღის წინ 11 წლის წინანდელი ძალადობის ფაქტები გაიხსენა და საჯაროდ დასდო ბრალი მის ყოფილ მეუღლეს, მსახიობ ბესო ზანგურს.
„ახლა ჩემი შვილი 21 წლისაა, ფაქტობრივად, ნინუცას მსგავსი სიტუაცია მქონდა, ეს ძალიან რთული მოსაყოლია. დიდი სტრესია ის მომენტი, როცა ცდილობ წახვიდე იმ სახლიდან, სადაც შენზე ძალადობენ, როცა გგონია, რომ თუ რაღაც არასწორად გააკეთე, შეიძლება ვიღაცამ შემთხვევით მოგკლას კიდეც. ძალადობა დიდი ხნის განმავლობაში არ გრძელდებოდა, მაგრამ რამდენიმე შემთხვევა რომ განმეორდა, გადავწყვიტე, რომ ეს ჩემს ცხოვრებაში აღარ მოხდებოდა, ფაქტობრივად, წასასვლელი არსად მქონდა, მაგრამ ასე “არსად” წამოვედი შინიდან მაინც, ბავშვით ხელში, მაშინ 20 წლის ვიყავი, სამწუხაროდ, ისეთ ვითარებაში ვიყავი, არ შემეძლო მეთქვა, – მიშველეთ -მეთქი, ჩემზე ძალადობდა სრულიად უმიზეზოდ”, - განაცხადა ფოტოგრაფმა.
12 აპრილს გადაცემა „ფარულ კონვერტში“ 33 წლის მსახიობმა გაიხსნენა 11 წლის წინანდელი ფაქტები, როდესაც, მისი თქმით, ყოფილი მეუღლე ფიზიკურად უსწორდებოდა, თუმცა ამის შესახებ წლების განმავლობაში დუმდა.
ნინუცა მაყაშვილმა განაცხადა, რომ ის ძალადობის მსხვერპლი იყო. მასზე მეუღლე ბესო ზანგური ფიზიკურად ძალადობდა, მათ შორის – ორსულობის დროსაც. ნინუცა მაყაშვილის თქმით, სწორედ ოჯახური ძალადობა გახდა წყვილის განქორწინების მიზეზი.
მსახიობი ბესო ზანგური ყოფილ ცოლზე ნინუცა მაყაშვილზე ძალადობას უარყოფს. ზანგური ტელეკომპანია „რუსთავი 2“-თან ინტერვიუში ამბობს, რომ ეს გადაცემაში 5 ათასი ლარის მისაღებად მოგონილი ტყუილია და მზად არის გამოძიებას კითხვებზე პასუხები გასცეს.
ფაქტს გამოეხმაურა რუსთაველის თეატრიც. სოციალურ ქსელში გავრცელებულ განცხადებაში ვკითხულობთ, რომ თეატრი ძალადობას გმობს. განსხვავებული პოზიცია აღმოაჩნდა რუსთაველის თეატრის სამხატვრო ხელმძღვანელს რობერტ სტურუას. „ვგრძნობდი, რომ ესენი ბოლშევიკები იყვნენ, ნეოკომუნისტები! და ქალებმა 1937 წელი დაიწყეს! რეპრესიები!" – დაწერა ცნობილმა რეჟისორმა.
თემები:
ამინდის ზუსტი პროგნოზი თბილისში 17 აპრილს
(განახლებულია 12:05 15.04.2021)
თბილისელებსა და დედაქალაქის სტუმრებს შაბათს გაზაფხულის თბილი ამინდი ელოდებათ, ჰაერი 22 გრადუსამდე გათბება.თბილისი, 15 აპრილი – Sputnik. სინოპტიკოსები საქართველოს დედაქალაქში შაბათს, 17 აპრილს თბილ და ნაწილობრივ ღრუბლიან ამინდს ვარაუდობენ.
მზე 06:18 საათზე ამოვა და 19:43 საათზე ჩავა.
ჰაერის მინიმალური ტემპერატურა ღამით პლუს 10–11 გრადუსი, დღისით კი პლუს 21–22 გრადუსია ნავარაუდები.