ლევან რატიანი

ლევან რატიანმა მეგი ბაქრაძის გარდაცვალების დეტალებზე ისაუბრა

188
(განახლებულია 23:31 29.03.2021)
მასმედიაში გავრცელდა ინფორმაცია იმის შესახებ, მეგი ბაქრაძე თბილისის საავადმყოფოში უკვე გარდაცვლილი მიიყვანეს

თბილისი, 29 მარტი - Sputnik. მედდა ახალციხიდან, რომელიც ვაქცინაციის შემდეგ კომაში ჩავარდა, თბილისის პირველ საუნივერსიტეტო კლინიკაში გადაიყვანეს, ხოლო ინფორმაცია იმის შესახებ, თითქოს იმ დროისთვის ის უკვე გარდაცვლილი იყო, სიმართლეს არ შეესაბამება. ამის შესახებ ჟურნალისტებს კლინიკის ხელმძღვანელმა ლევან რატიანმა განუცხადა.

მასმედიაში ამას წინათ გავრცელებული ინფორმაციის თანახმად, მეგი ბაქრაძე თბილისის კლინიკაში უკვე გარდაცვლილი მიიყვანეს. რატიანმა კატეგორიულად უარყო ეს ინფორმაცია და აღნიშნა, რომ მისი მდგომარეობა კრიტიკული იყო, თუმცა გულისცემა და არტერიული წნევა მედიკამენტებით იყო შენარჩუნებული.

„ამ მტკივნეულ და სენსიტიურ თემასთან დაკავშირებით, განცხადების გაკეთებას არ ვაპირებდი, მაგრამ მინდა, ყველამ იცოდეს სიმართლე. სიმართლეს არ წარმოადგენს სოციალურ ქსელებში გავრცელებული ინფორმაცია, რომ მეგი ბაქრაძე, 28 წლის, რომელიც ჩვენს კლინიკაში შემოიყვანეს 18 მარტს, 19:45 საათზე, იყო გარდაცვლილი. ეს არის სიცრუე“, - აღნიშნა რატიანმა.

როგორც რატიანმა განმარტა, მეგი ბაქრაძე კლინიკაში შეიყვანეს 19:45 საათზე. ის იმყოფებოდა ფილტვის ხელოვნურ ვენტილაციაზე, რატიანის თქმით, ჰემოდინამიკა (სისხლის მიმოქცევა) იყო მკვეთრად არასტაბილური. ეს იმას ნიშნავს, რომ სამედიცინო პრეპარატების გარეშე ჰემოდინამიკის შენარჩუნება შეუძლებელი იყო.

„დაფიქსირდა ჰემოდინამიკის მკვეთრი მოშლა, რაც არ ნიშნავს, რომ ის იყო გარდაცვლილი. სიკვდილი დგება, როდესაც გული ჩერდება. კლინიკაში შემოყვანისას პაციენტს ჰქონდა გულისცემა, არტერიული წნევა შენარჩუნებული იყო მეგადოზებით. რაც შეეხება მდგომარეობას, იყო კრიტიკული, შეუქცევადი“, - განაცხადა რატიანმა.

ამასთან, მისი თქმით, პაციენტის კრიტიკული მდგომარეობა გამოწვეული იყო ე.წ. პოსტრეანიმაციური დაავადებით, ვაზოპლეგიით ანუ სისხლძარღვების დაზიანებით.

„ამ შეუქცევადმა პროცესმა რამდენიმე საათში გამოიწვია გულის საბოლოო გაჩერება და დაფიქსირდა ბიოლოგიური სიკვდილი“, - აღნიშნა რატიანმა.

ამასთან, ლევან რატიანი განმარტავს, რომ მეგი ბაქრაძეს არცერთი კვლევით ანემია არ დაუდასტურდა. ასევე, კორონავირუსზე ჩატარებულმა ტესტმა უარყოფითი შედეგი აჩვენა. რაც შეეხება გავრცელებულ ინფორმაციას იმის თაობაზე, რომ მეგი ბაქრაძეს გარდაცვალების შემდეგ დაუდგინდა ორმხრივი პნევმონია, რატიანმა აღნიშნა, რომ ეს შესაძლოა პოსტრეანიმაციული დაავადების ფენომენი ყოფილიყო. პოსტრეანიმაციული დაავადება - ესაა ორგანიზმის მდგომარეობა გადატანილი კლინიკური სიკვდილის შემდეგ ორგანოებისა და სისტემების ფუნქციების შემდგომი აღდგენით.

27 წლის მედდა 18 მარტს ახალციხეში AstraZeneca-ს ვაქცინით აცრის შემდეგ მეორე დღეს თბილისში გარდაიცვალა.

წინასწარი ინფორმაციით, მას ანაფილაქსიური შოკი განუვითარდა. მედდას აცრა 18 მარტს, 12:15 სთ-ზე გაუკეთდა. იმ ექიმების თქმით, რომლებიც მას აცრამდე ესაუბრნენ, მედდას ანამნეზში არ აღენიშნებოდა ალერგიული რეაქციები და ის სისტემატურად იცრებოდა გრიპის საწინააღმდეგო ვაქცინით.

ადგილზე ქალს აღმოუჩინეს გადაუდებელი სამედიცინო დახმარება, თუმცა რეაქცია ვერ მოუხსნეს. მდგომარეობის მკვეთრად გაუარესების გამო რეანიმაციულ განყოფილებაში გადაიყვანეს, ჩაუტარეს ინტუბაცია და ხელოვნური სუნთქვის აპარატს მიუერთეს. პაციენტი მეორე დღეს თბილისის საუნივერსიტეტო კლინიკაში გარდაიცვალა.

ამჟამად ქვეყანაში მეგი ბაქრაძის გარდაცვალების მიზეზებს იკვლევენ და უახლოეს მომავალში მზად იქნება სამხარაულის სახელობის სასამართლო ექსპერტიზის ბიუროს დასკვნა.

188
გელათი

სააგენტო გელათის ტერიტორიაზე აღმოჩენილ ობიექტებთან დაკავშირებით განცხადებას ავრცელებს

20
(განახლებულია 15:11 19.04.2021)
კულტურული მემკვიდრეობის დაცვის სააგენტო სამონასტრო კომპლექსის ტერიტორიაზე აღმოჩენილი არტეფაქტების შენახვისას გულგრილობაში დაადანაშაულეს

თბილისი, 19 აპრილი — Sputnik. საქართველოს კულტურული მემკვიდრეობის დაცვის ეროვნულმა სააგენტომ სიცრუე უწოდა გავრცელებულ ინფორმაციას, თითქოსდა გელათის სამონასტრო კომპლექსის ტერიტორიაზე არქეოლოგიური კვლევისას აღმოჩენილი არტეფაქტების მუზეუმში გადატანა დაფინანსების უქონლობის გამო ვერ მოხერხდა.

გუშინ რამდენიმე მედია–საშუალებამ გაავრცელა ინფორმაცია, თითქოსდა  სამონასტრო კომპლექსის ტერიტორიაზე 2019 წელს ჩატარებული არქეოლოგიური გათხრებისას აღმოჩენილი ისტორიული ობიექტები სათანადო წესით არ შეინახეს. ჟურნალისტების განმარტებით, გელათის მონასტრის ეზოში არქეოლოგიური გათხრების შედეგად აღმოჩენილი ისტორიული არტეფაქტების მუზეუმში გადასატანად სახსრები ვერ გამოინახა და მათ ბრეზენტი გადააფარეს. 

წმინდა გიორგის ტაძრის მიმდებარედ ჩატარებული გათხრებისას ანტიკური ხანის, ადრეული შუასაუკუნეების, დავით აღმაშენებლის ეპოქისა და გვიანი შუასაუკუნეების არქიტექტურული ნაგებობები და არტეფაქტები დაფიქსირდა.  ეს არის ახალი წელთაღრიცხვის II-III საუკუნეების  დროინდელი ქვევრსამარხი, ადრეული შუასაუკუნეების (დაახლ: IX-X ს.ს.) მოზრდილი ქვებითა და დუღაბით ნაშენი დიდი ზომის სწორკუთხა ნაგებობა, რომელიც დავით აღმაშენებლის ეპოქაში სამეურნეო დანიშნულებით გადაკეთდა და განახლდა.

სააგენტოში აცხადებენ, რომ ინფორმაცია იმის შესახებ, თითქოსდა სათანადო წესით ობიექტების კონსერვაცია უსახსრობის გამო ვერ მოხერხდა, სინამდვილეს არ შეესაბამება.

 „პროცესი მოცემული ობიექტის შენარჩუნებისა და შემდგომი შესწავლის მიზნით განხორციელდა. კერძოდ, გელათის სამონასტრო კომპლექსის ტერიტორიის ჩრდილოეთით 2019 წელს არქეოლოგიური კვლევისას გამოვლენილი ობიექტების სამეცნიერო შესწავლასთან ერთად, ნაგებობები აღირიცხა და ფოტოგრაფიულად დაფიქსირდა. აღმოჩენილი არტეფაქტები და კერამიკული მასალა კი ქუთაისის ისტორიულ-არქიტექტურულ მუზეუმ-ნაკრძალის სამუზეუმო ფონდებში 2019 წელსვე განთავსდა“, – ნათქვამია განცხადებაში.

გარდა ამისა, ორგანიზაციაში აღნიშნავენ, რომ არქეოლოგიური კვლევისას აღმოჩენილი ნაგებობები, დროებით ქვიშისა და მიწის ფენით, საერთაშორისოდ მიღებული საკონსერვაციო მეთოდოლოგიით რეკულტივირდა. ამასთან, სააგენტოს განმარტებით, ამავდროულად, განათხარი არეალი ჰიდროლოგიურად გარკვეულ რისკს უქმნიდა წმინდა

20
თემები:
ქართული კულტურული მემკვიდრეობის ძეგლები
ლაბორატორია

სამეგრელოს რეგიონში ეპიდვითარება მძიმდება

26
(განახლებულია 14:04 19.04.2021)
ბოლო მონაცემებით, რეგიონის მასშტაბით კორონავირუსი 56-მა პაციენტმა დაამარცხა, საკარანტინო სივრცეში კი 15 ადამიანი იმყოფება.

თბილისი, 19 აპრილი – Sputnik. სამეგრელო–ზემო სვანეთის რეგიონში კორონავირუსი 80 ადამიანს დაუდასტურდა, იუწყება „Sputnik-საქართველოს" კორესპონდენტი. 

სამხრეო ადმინისტრაციის ინფორმაციით, სამეგრელოს კოვიდ-კლინიკებში 273 პაციენტია მოთავსებული, მათგან 17 პაციენტის მდგომარეობა მძიმეა. 

რუხის კლინიკაში მკურნალობის კურსს 155 კოვიდ-პაციენტი გადის, 13 პაციენტის მდგომარეობა მძიმეა. ფოთის კლინიკაში იმყოფება 40 კოვიდ-პაციენტი, მათ შორის მძიმე სამი პაციენტია. ზუგდიდის რეფერალურ ჰოსპიტალში ოთხი პაციენტი მკურნალობს. აბაშის „ევექსის“ კოვიდ–კლინიკაში 28 პაციენტი მკურნალობს. სენაკის „ლაზიკა მედიში“ – 50 პაციენტი, მათ შორის ერთი პაციენტის მდგომარეობა მძიმეა.

დღევანდელი მდგომარეობით, კორონავირუსის შემთხვევების გამოვლენის გამო სამეგრელო-ზემო სვანეთის რეგიონში დისტანციურ სწავლებაზე 27 სკოლა და 26 კლასი იმყოფება. გარდა ამისა, ვირუსის გავრცელების გამო რეგიონის მასშტაბით 20 საბავშვო ბაღი დაიხურა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 578-ით გაიზარდა და ინფიცირებულთა საერთო რიცხვმა 295.936-ს მიაღწია.

ქვეყანაში კორონავირუსის პირველი შემთხვევა 2020 წლის 26 თებერვალს დაფიქსირდა.

ნიკა ლატარია

 

 

26
სალომე ზურაბიშვილი

პრეზიდენტი მზადაა გიორგი რურუა გარკვეული პირობებით შეიწყალოს

0
გიორგი რურუას პატიმრობიდან გათავისუფლება ერთ-ერთი მოთხოვნა იყო, რასაც ხელისუფლებას პარლამენტში შესვლის წინაპირობად ოპოზიცია უყენებდა.

თბილისი, 19 აპრილი – Sputnik. საქართველოს პრეზიდენტი სალომე ზურაბიშვილი მზადაა შეიწყალოს ოპოზიციური ტელეკომპანია „მთავარი არხის“ დამფუძლებელი გიორგი რურუა, შესაბამისი განცხადება პრეზიდენტმა ორბელიანების სასახლეში გამართულ ბრიფინგზე გააკეთა.

„ჩემი გადაწყვეტილება განხორციელდება მხოლოდ მაშინ, როდესაც პარტიები ხელს მოაწერენ შარლ მიშელის მიერ წარმოდგენილ საბოლოო დოკუმენტს და შევლენ პარლამენტში და მეორე მხრივ, ევროკავშირისა და აშშ-ს წარმომადგენლები გამოაცხადებენ, რომ შეთანხმება შედგა. ამ განცხადებიდანვე 1 კვირის ვადაში ხელს მოვაწერ შეწყალების აქტს“, - განაცხადა პრეზიდენტმა.

გიორგი რურუას პატიმრობიდან გათავისუფლება ერთ-ერთი მოთხოვნა იყო, რასაც ხელისუფლებას პარლამენტში შესვლის წინაპირობად ოპოზიცია უყენებდა.

მასალა მომზადების პროცესშია

 

0