ირაკლი ღარიბაშვილი

ღარიბაშვილი: „ნამახვანჰესი“ საქართველოს ენერგოდამოუკიდებლობისთვის მნიშვნელოვანი პროექტია

71
(განახლებულია 22:51 29.03.2021)
ნამოხვანისა და ჟონეთის მოსახლეობისა და არასამთავრობო ორგანიზაციების პროტესტი მდინარე რიონზე ჰესის მშენებლობის წინააღმდეგ ამ დრომდე გრძელდება. ისინი ხეობიდან ინვესტორის გასვლასა და მშენებლობის შეჩერებას მოითხოვენ.

თბილისი, 29 მარტი – Sputnik. „ნამახვანჰესის“ კაშხლის სამშენებლო სამუშაოები გარკვეული პერიოდით შეჩერდება და ქართველი და უცხოელი ექსპერტების ჩართულობით კიდევ ერთხელ შემოწმდება გარემოზე ზემოქმედების ეფექტი, განაცხადა საქართველოს პრემიერ-მინისტრმა ირაკლი ღარიბაშვილმა ჟურნალისტებთან. 

საქართველოს მთავრობამ დამატებითი კვლევების ჩატარებამდე „ნამახვანჰესის“ კაშხლისა და წყალსაცავის სამშენებლო სამუშაოების შეჩერების გადაწყვეტილება მარტის დასაწყისში მიიღო. ჰიდროელექტროსადგურის მშენებლობის წინააღმდეგ გაზრდილი პროტესტის ფონზე პრემიერ-მინისტრმა ღარიბაშვილმა ეკონომიკის მინისტრ ნათია თურნავასა და სოფლის მეურნეობის მინისტრ ლევან დავითაშვილს პროცესებში პირადად ჩართვა და მოსახლეობასთან შეხვედრების გამართვა დაავალა. ადგილობრივები, არასამთავრობო ორგანიზაციების წარმომადგენლები და აქტივისტები ჰესის მშენებლობას აპროტესტებენ და ოთხ თვეზე მეტია საპროტესტო აქციას მართავენ. მათი განცხადებით, ადგილი, სადაც ჰესი შენდება, სეისმურად აქტიური ზონაა და აქ სამშენებლო სამუშაოების წარმოება არ შეიძლება.

„სამშენებლო კომპანიასთან რამდენიმე პუნქტთან დაკავშირებით შეთანხმებას მივაღწიეთ. კაშხლის მშენებლობის სამუშაოები შეჩერდება 9-დან 12 თვემდე პერიოდით, რა დროსაც შესაბამისი სპეციალისტების მხრიდან კიდევ ერთხელ გადამოწმდება და შესწავლილი იქნება ყველა მნიშვნელოვანი საკითხი – შემოწმდება გარემოზე ზემოქმედების ეფექტი, დამაზიანებელია თუ არა ჰესის მშენებლობა ხეობისთვის და ა.შ.“ – განაცხადა ღარიბაშვილმა.

რაც შეეხება ტერიტორიის 99 წლით იჯარით გადაცემის საკითხს, რასაც ასევე აპროტესტებს მოსახლეობა, ღარიბაშვილის თქმით, ეს მთელ მსოფლიოში მიღებული პრაქტიკაა. როგორც პრემიერმა განმარტა, ხელისუფლება რიონის ხეობის განვითარებისთვის 5-მილიონიანი ფონდის შექმნას გეგმავს. 

„კომპანია ჰესის მშენებლობაში 840 მლნ დოლარის ინვესტიციის განხორციელებას გეგმავს... დამისახელეთ კომპანია, რომელიც კოვიდ-პანდემიის დროს ამ მასშტაბის ინვესტიციას შემოიტანს ქვეყანაში. მშენებლობაზე დასაქმდება 2 ათასი ადამიანი და ჩვენს ენერგოსისტემას 400-ზე მეტი მეგავატი სიმძლავრის ჰესი შეემატება“, – განაცხადა ღარიბაშვილმა.

მთავრობის მეთაურის თქმით, ქვეყნის ენერგოდამოუკიდებლობის განმტკიცებისთვის „ნამახვანჰესი“ უაღრესად მნიშვნელოვანი პროექტია და ჰესის ირგვლივ ატეხილი აჟიოტაჟი მისთვის აბსოლუტურად გაუგებარია.

„დიდი და საშუალო ჰესების გარდა, საპროტესტო აქციები მცირე ჰესებთან დაკავშირებითაც დაიწყო. რეალურად, ჩვენ ვისმენთ ჩვენი ეკონომიკის განვითარების წინააღმდეგ აგორებულ, ხელოვნურად ინსპირირებულ ტალღას. ეს უნდა დასრულდეს. ამისთვის სახელმწიფო კანონის და კონსტიტუციის ფარგლებში ყველაფერს გააკეთებს“, – განაცხადა ღარიბაშვილმა.

„ნამახვანჰესის“ კაშხლის მშენებლობა შეჩერდა>>>

საქართველოს მთავრობამ „ნამახვანჰესის“ პროექტის შემუშავების, მშენებლობის, მფლობელობისა და მისი კასკადის ექსპლუატაციის უფლება 2019 წელს თურქულ კომპანია ENKA-სა და ნორვეგიულ კომპანია Clean Energy Group-ს გადასცა. საინჟინრო ნაგებობა ერთბაშად ორი მუნიციპალიტეტის ტერიტორიებს დაიკავებს – ცაგერის და წყალტუბოს.

„ნამახვანის ჰესების კასკადის“ პროექტი მდინარე რიონზე გააერთიანებს ორ ჰესს – „ნამახვანს“ და „ტვიშს“, საერთო 433 მეგავატი დადგმული სიმძლავრით. პროექტის სავარაუდო ღირებულება 750 მლნ დოლარს შეადგენს. პროექტის დასრულების შემდეგ საქართველოში ელექტროენერგიის წარმოება 15%-ით გაიზრდება.

71
Логотип компании Georgian Water and Power (GWP)

თბილისსა და მცხეთაში GWP-ის სერვის–ცენტრები მუშაობის ახალ რეჟიმზე გადადიან

7
(განახლებულია 14:22 14.04.2021)
კომპანია 15 აპრილიდან სერვის–ცენტრების მუშაობას აჩერებს და აბონენტებს დისტანციურ მომსახურებას სთავაზობს

თბილისი, 14 აპრილი - Sputnik. წყალგამანაწილებელი კომპანია Georgian Water and Power-ის თბილისისა და მცხეთის სერვის–ცენტრებში 15 აპრილიდან მოქალაქეების ვიზიტი შეიზღუდება, ნათქვამია კომპანიის მიერ გავრცელებულ განცხადებაში. 

აღნიშნული გადაწყვეტილება კომპანიამ უწყებათაშორისი საკოორდინაციო საბჭოს რეკომენდაციის შესაბამისად და COVID-19-ის გავრცელების პრევენციის მიზნით მიიღო.

კომპანიის ცნობით, ქვეყნაში შექმნილი ეპიდვითარების გათვალისწინებით, აბონენტები მომსახურებას სრულად დისტანციურად მიიღებენ.

მოქალაქეები განცხადებებისა და დოკუმენტაციის გაგზავნას კომპანიის ელექტრონულ ფოსტაზე (online@gwp.ge) შეძლებენ. დისტანციურად მიღებული განცხადებების განხილვის პროცესის დასრულების შემდეგ კი მომხმარებლები კომპანიისგან პასუხის ელექტრონულ ფოსტაზე მიიღებენ.

დისტანციური მომსახურების შესახებ დეტალური ინფორმაცია განთავსებულია კომპანიის ვებ-გვერდზე. კომპანიის ცნობით, დამატებითი ინფორმაცია გაიცემა ცხელი ხაზის (2 931111) მეშვეობითაც.

 

 

7
დისტანციური სწავლება

ფოთში სასწავლო პროცესი შეწყდა: სკოლები დისტანციურ რეჟიმზე გადავიდნენ

18
(განახლებულია 14:14 14.04.2021)
საქართველოში ბოლო 24 საათში გამოვლენილი კორონავირუსის 1.085 ახალი დადასტურებული შემთხვევიდან 120 სამეგრელო–ზემო სვანეთში  დაფიქსირდა

თბილისი, 14 აპრილი - Sputnik. ფოთის მუნიციპალიტეტში  გაზრდილი ინფიცირების შემთხვევის გამო, საჯარო და კერძო სკოლები სწავლების დისტანციურ რეჟიმზე გადავიდნენ, იუწყება პირველი არხი.

ფოთის რესურს–ცენტრის უფროსის გოჩა ქორქიას განცხადებით, ფოთის მასშტაბით 11 საჯარო და ოთხი კერძო სკოლა ონლაინ–ფორმატში ორი კვირის ვადით გააგრძელებს ფუნქციონირებას. 

„აღნიშნული გადაწყვეტილება კორონავირუსის გავრცელების თავიდან აცილების მიზნით განხორციელდა. სასწავლო დაწესებულებებში კვლავაც გაგრძელდება პედაგოგთა ტესტირებები და სკოლის ადმინისტრაციები მოსწავლეთა ჯანმრთელობის მდგომარეობის მონიტორინგს განახორციელებენ“, – განაცხადა რესურს ცენტრის ხელმძღვანელმა, გოჩა ქორქიამ.

ქვეყნის მასშტაბით ინფიცირების მატების გამო საქართველოს განათლებისა და მეცნიერების სამინისტრო საზოგადოებას კიდევ ერთხელ მიმართავს თხოვნით, ზედმიწევნით დაიცვან ჯანდაცვის სამინისტროს მიერ შემუშავებული რეკომენდაციები, რათა მოსწავლეებმა სემესტრის დასრულება ბუნებრივ გარემოში, სასკოლო სივრცეში შეძლონ.

განათლების სამინისტროს ინფორმაციით, საქართველოში ამ ეტაპზე სრულ დისტანციურ სწავლებაზე 43 სკოლა და 174 ცალკეული კლასი იმყოფება.

18
თემები:
განათლება საქართველოში