Праздничное оформление - Sputnik საქართველო, 1920
ყვითელი ამბები
სელებრითების ცხოვრება საზოგადოების საყვარელი თემაა. ქართველი და უცხოელი ცნობადი სახეების ცხოვრება, სასიყვარულო ისტორიები, ჩაცმის სტილი მუდმივი განხილვის საგანია. სელებრითების შესახებ ახალ ამბებს გაეცანით Sputnik საქართველოს ვებგვერდზე

„ზღაპრის გმირებს ჰგავხართ“ – ბათუმელი ულამაზესი დედა და მისი გოგონები ერთნაირ სამოსში

© Photo: Mariam Shu / FBმარიამ შუკაკიძე და დავით ბოლქვაძე
მარიამ შუკაკიძე და დავით ბოლქვაძე - Sputnik საქართველო, 1920, 28.03.2021
გამოწერა
მარიამ შუკაკიძეს და დავით ბოლქვაძეს საქართველოში იცნობენ, როგორც ერთ-ერთ ულამაზეს ქართველ წყვილს. მათ ორი მცირეწლოვანი გოგონა ჰყავთ.

ბათუმელ წყვილს მთელი საქართველო იცნობს. მათი სილამაზის შესახებ საქართველოს საზღვრებს გარეთაც აქტიურად საუბრობენ. წყვილი ბათუმში ცხოვრობს.

მარიამ შუკაკიძე ყოფილი მოდელი და ამჟამად დიზაინერია, დათო ბოლქვაძე – მეზღვაური. ერთმანეთი 2017 წელს გაიცნეს და, როგორც თავად ამბობენ, ერთი ნახვით შეუყვარდათ.

„სიყვარულში ძალიან მალე გამომიტყდა და პირდაპირ მითხრა, ჩემი ცოლი უნდა გახდეო", – იხსენებს მარიამი. მარიამისა და დავითის შესახებ რუსული ინტერნეტმედიისთვის „ინსტაგრამით“ გახდა ცნობილი – სოციალურ ქსელში მარიამს ძალიან ბევრი თაყვანისმცემელი ჰყავს და მის ფოტოებს ბევრი მოწონება და კომენტარი მოჰყვება. მარიამი ასევე „მის ბიკინი 2014“-ის მონაწილეა.

„ჩემი მეუღლე 2017 წელს გავიცანი. მისმა ნათესავმა გაგვაცნო. როგორც იტყვიან, ერთი ნახვით შეგვიყვარდა ერთმანეთი. შემდეგ ექვსი თვით წავიდა გემზე. ჩამოსვლის შემდეგ ერთ კვირაში დავოჯახდით“, – ამბობს მარიამი ერთ-ერთ ინტერვიუში.

წყვილს უკვე ჰყავს წამოზრდილი ქალიშვილი მართა, რომელმაც ყველაზე დიდი ბედნიერება შესძინა მათ ოჯახს, შარშან, 20 იანვარს კი წყვილს მეორე ქალიშვილი – მილენა შეეძინა.

ცოტა ხნის წინ მარიამმა გულისამაჩუყებელი პოსტი მიუძღვნა მეუღლეს, რომელიც, როგორც ჩანს, პროფესიიდან გამომდინარე, 6 თვე ოჯახიდან შორს იმყოფებოდა და მშვიდობიანად დაუბრუნდა მათ.

მარიამი შვილების ჩაცმულობას საკუთარს უხამებს. სოციალურ ქსელში გამოქვეყნებულ ფოტოებში ჩანს, რომ დედას და მის ორ გოგონას ხშირად ერთნაირი ტანისამოსი აცვიათ, რაც სოციალური ქსელის მომხმარებლებს აღაფრთოვანებს.

„ზღაპრის გმირებს ჰგავხართ“, „პრინცესებო“, „ულამაზესები ხართ“, „სასწაულები ხართ“, – უწერენ კომენტარებში მარიამს და მის გოგონებს.

 

მასალა განახლებულია. პირველადი ვერსია გამოქვეყნდა 2021 წლის 3 თებერვალს.

ყველა ახალი ამბავი
0