Праздничное оформление - Sputnik საქართველო, 1920
ყვითელი ამბები
სელებრითების ცხოვრება საზოგადოების საყვარელი თემაა. ქართველი და უცხოელი ცნობადი სახეების ცხოვრება, სასიყვარულო ისტორიები, ჩაცმის სტილი მუდმივი განხილვის საგანია. სელებრითების შესახებ ახალ ამბებს გაეცანით Sputnik საქართველოს ვებგვერდზე

„ჩემ რძალსაც დაარტყეს...“ – ვახო სანაია თავდასხმის დეტალებს იხსენებს

© Photo: Vakho Sanaia / FBვახო სანაია თამუნა ყურაშვილი
ვახო სანაია თამუნა ყურაშვილი - Sputnik საქართველო, 1920, 25.02.2021
გამოწერა
ვახო სანაიას და მასთან ერთად მყოფ ცოლის ნათესავს წუხელ რამდენიმე პირი თავს დაესხა. შსს-მ სამი პირის დაკავების შესახებ ინფორმაცია გაავრცელა.

თბილისი, 25 თებერვალი – Sputnik. ტელეკომპანია „ფორმულის“ წამყვანი ვახო სანაია „ფორმულასთან“ ინტერვიუში ამბობს, რომ გუშინდელი თავდასხმის შედეგად დაზიანებები თავისა და ფეხის არეში მიიღო.

ვახო სანაიას თქმით, კონფლიქტი თავდამსხმელებს და მას შორის სიტყვიერი შელაპარაკებით დაიწყო.

„ერთ-ერთმა პირმა გადაინაცვლა ოდნავ მოშორებით და იქიდან დაიწყო გინება, შემდეგ შემოუარა მანქანას და ვიგრძენი, რომ მიახლოვდებოდა სირბილით. მუშტებმოღერებული უნდა დამსხმოდა თავს, როცა ინსტიქტურად გავიწიე და ეს პირი წაიქცა. მოყინული იყო და მეც ამისრიალდა ფეხი და წავიქეცი. ამ დროს დანარჩენი ორი მოვიდა და დაიწყეს ფიზიკური შეურაცხყოფის მოყენება... ჩემს რძალასაც დაზიანებები აქვს, მასაც კი დაარტყეს“, – გაიხსენა ჟურნალისტმა.

ვახო სანაიას და მასთან ერთად მყოფ ცოლის ნათესავს რამდენიმე პირი თავს წუხელ დაესხა. ინფორმაცია შინაგან საქმეთა სამინისტრომ გაავრცელა, საიდანაც ცნობილი გახდა, რომ უწყების წარმომადგენლებმა სამი პირი დააკავეს.

„გამოძიებით დადგინდა, რომ ნასვამ მდგომარეობაში მყოფმა ბრალდებულებმა, ურთიერთშელაპარაკების ნიადაგზე, ჯგუფურად ფიზიკური ძალადობა განახორციელეს ტელეკომპანია „ფორმულას“ ჟურნალისტის - 1985 წელს დაბადებული ვ.ს.-ს და მისი მეუღლის ნათესავის 1986 წელს დაბადებულ ნ.მ.-ს მიმართ“, – აღნიშნულია შსს-ს განცხადებაში.

 

ყველა ახალი ამბავი
0