საქართველოს საპატრიარქო

საქართველოს საპატრიარქოსთან ქართველოლოგიური კვლევის ცენტრი დაარსდა

43
(განახლებულია 21:04 23.02.2021)
ქართველოლოგიური კვლევის ცენტრს სენაკისა და ჩხოროწყუს მიტროპოლიტი შიო და ცნობილი აკადემიკოსი რისმაგ გორდეზიანი უხელმძღვანელებენ.

თბილისი, 23 თებერვალი – Sputnik. საქართველოს კათოლიკოს-პატრიარქის ილია მეორის ბრძანებით 2021 წლის 15 თებერვლიდან საპატრიარქოსთან ქართველოლოგიური კვლევის ცენტრი დაარსდა. ინფორმაციას საქართველოს საპატრიარქოს საზოგადოებასთან ურთიერთობის სამსახური ავრცელებს.

ქართველოლოგია ფართო გაგებით ქართველებისა და საქართველოს შემსწავლელ ყველა ჰუმანიტარულ დარგს მოიცავს. მათ შორის ენათმეცნიერებას, ლიტერატურათმცოდნეობას, ხელოვნებას, არქეოლოგიას და სხვ.

  • საპატრიარქოს ინფორმაციით, ცენტრს საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი) და აკადემიკოსი რისმაგ გორდეზიანი უხელმძღვანელებენ.

რისმაგ გორდეზიანი ქართველი მეცნიერი, პედაგოგი, ფილოლოგიის მეცნიერებათა დოქტორია. არის თბილისის სახელმწიფო უნივერსიტეტის ჰუმანიტარულ მეცნიერებათა ფაკულტეტის სრული პროფესორი და უნივერსიტეტის კლასიკური ფილოლოგიის, ბიზანტინისტიკისა და ნეოგრეცისტიკის ინსტიტუტის დირექტორი. მას სხვადასხვა დროს მიღებული აქვს საქართველოს სახელმწიფო ჯილდო „ღირსების ორდენი“, ასევე რამდენიმე სამეცნიერო პრემია.

43
ნინო ნადირაძე

„ჩვეულებრივი ტრანსის „ვიდზე“ ვარ...“- ნინო ნადირაძის სკანდალური განცხადება

129
(განახლებულია 23:36 26.02.2021)
ნინო კუზანოვას ხმაურიანი განცხადება. ცნობილმა ექიმმა ვიდეო საკუთარ გვერდზე გამოაქვეყნა, რომელიც სოცქსელში ვირუსულად გვარცელდა

ახალბედა ბებია მუდამ ექსტრავაგანტულად გამოიყურება და მისი საჯარო განცხადებებიც საკმაოდ ხმაურიანია. არისტოკრატული ჩაცმულობით გამორჩეული ტელესახე აქტუალობას არ კარგავს. ნინო ნადირაძე-კუზანოვა მისი თაობის ქალბატონებს შორის სტილით განსაკუთრებით თვალშისაცემია. მას ფერების და აქსესუარების შეხამება უყვარს. აღმოჩნდა, რომ ნადირაძე-კუზანოვას სოციალური ქსელების ე.წ ფილტრები არ მოსწონს და გამოყენების შემთხვევაში საკუტარ თავსაც და სხვებსაც ტრანსგენდერებს ადარებს.

View this post on Instagram

A post shared by nino (@ninonadiradze)

მან უახლესი ვიდეო საკუთარ გვერდზე თამამად გამოაქვეყნა და სოცსივრცეში ხმაური გამოიწვია. „აი ეს უბედურება ფილტრი, რომელიც მე გამოვიყენე და მეზიზღება, ჩვეულებრივი ტრანსის ვიდზე ვარ და მოგწონთ“,- ამბობს ნინო. ბოლო დროს კარდიოლოგი ხშირად აქვეყნებდა ფოტოებს, სადაც უმაკიაჟოდ იყო და წერდა, რომ კორონავირუსის პანდემიიდან გამომდინარე მაკიაჟზეც უარი თქვა და ცნობილ ბრენდებზეც.

ნინო ნადირაძე-კუზანოვა ყოველთვის საზოგადოების ყურადღების ცენტრშია. ჰყავს ბევრი თაყვანისმცემელი, პაციენტებისთვის საყვარელი ექიმია და არაერთი ადამიანის სიცოცხლე გადაურჩენია, ხოლო მაყურებლისთვის დახვეწილი იუმორის მქონე არაჩვეულებრივი ქალბატონია. მას კარგი გემოვნება აქვს, მუდამ დახვეწილად აცვია და ძალიან უყვარს მოდური „ლუქებით“ სოციალურ ქსელში ახალ-ახალი ფოტოების გამოქვეყნება.

View this post on Instagram

A post shared by nino (@ninonadiradze)

დაუჯერებელია, მაგრამ ექიმი უკვე ბებიაა. მას პირველი შვილიშვილი ბაია კუზანოვმა, უფროსმა ქალიშვილმა აჩუქა. ბიჭუნასთან გატარებულ ბედნიერ წამებს ნინო თაყვანისმცემლებს ხშირად უზიარებს. კუზანოვების ოჯახის ყველაზე ხშირი სტუმარი მასმედია ხდება. კარდიოლოგი დიდი სიხარულით მასპინძლობს სხვადასხვა გადაცემებს და ტელეეკრანებზე ინტენსიურად ჩნდება. ეს მისი ცხოვრების განუყოფელი ნაწილია.

129
თემები:
სელებრითების ცხოვრება
ნამახვანი ჰესის მშენებლობის წინააღმდეგ მორიგი საპროტესტო აქცია გაიმართა

ქუთაისის ცენტრში „ნამახვანი ჰესის“ მშენებლობის წინააღმდეგ საპროტესტო აქცია გაიმართა

37
იმ შემთხვევაში, თუ აქციის მონაწილეთა მოთხოვნები არ შესრულდება, ისინი პროტესტს რიონის ხეობაში მდგარ კარვებში გააგრძელებენ

თბილისი, 28 თებერვალი – Sputnik. ქუთაისის ცენტრალურ მოედანზე „ნამახვანი ჰესის“ მშენებლობის წინააღმდეგ მასშტაბური საპროტესტო აქცია გამართა. 

Акция протеста против строительства НамахваниГЭС 28 февраля 2021 года
© Sputnik / STRINGER
ნამახვანი ჰესის მშენებლობის წინააღმდეგ საპროტესტო აქცია ქუთაისში

აქციის მონაწილეებმა მოითხოვეს, რომ თურქულმა სამშენებლო კომპანია ENKA-მ რიონის ხეობა დატოვოს. ასევე ისინი მოთხოვენ, რომ გაუქმდეს ხეობაში ჰესის მშენებლობის ნებართვა და უცხოური კომპანიისთვის მიწის 99 წლით იჯარით გადაცემის შესახებ.

სოფლების ნამოხვანისა და ჟონეთის მოსახლეობის და არასამთავრობო ორგანიზაციების პროტესტი რიონზე ჰესის მშენებლობის წინააღმდეგ უკვე რამდენიმე თვეა გრძელდება. აქტივისტებმა  გარკვეული დროით სამშენებლო სამუშაოების შეჩერებასაც მიაღწიეს, თუმცა იანვარში სამუშაოები მაინც განახლდა.

პროტესტის 126 დღეს აქციის მონაწილეები ქუთაისის ცენტრალურ მოედანზე შეიკრიბნენ. დღეს მათ მოქალაქეები სხვადასხვა რეგიონებიდანაც შეუერთდნენ. ქუთაისის ცენტრალურ მოედანზე სამართალდამცველები არიან მობილიზებული.

აქციის ერთ-ერთი ორგანიზატორის, ვარლამ გოლეთიანის თქმით, დღევანდელი მიტინგი აპოლიტიკურია და ასახავს საზოგადოების რეაქციას მომხდართან დაკავშირებით.

„ჩვენ მიწას მშვიდობიანად დავიცავთ. ჩვენ, ქართველები, ემოციური ხალხი ვართ, მაგრამ ეს ყოველთვის არ არის გამართლებული. 21-ე საუკუნეში ემოციები გვერდზე უნდა გადავდოთ. აუცილებელია, რომ ხანგრძლივ საპროტესტო აქციაზე განვეწყოთ. ყველამ უნდა იცოდეს, რომ არ არსებობს ძალა, რომელიც შეგვაჩერებს“, - განაცხადა გოლეთიანმა.

Акция протеста против строительства НамахваниГЭС 28 февраля 2021 года
© Sputnik / STRINGER
ნამახვანი ჰესის მშენებლობის წინააღმდეგ საპროტესტო აქცია ქუთაისში

იმ შემთხვევაში, თუ აქციის მონაწილეთა მოთხოვნები არ შესრულდება, ისინი პროტესტს რიონის ხეობაში მდგარ კარვებში გააგრძელებენ, ქუთაისში კიდევ უდრო მასშტაბურ აქციაზე შეიკრიბებიან და ამით ქალაქის პარალიზებას მოახდენენ.

„ნამახვანი ჰესის“ წინააღმდეგ გამართულ საპროტესტო აქციასთან დაკავშირებით პოლიტიკურმა პარტიამ „ლელო საქართველოსთვის“ განცხადება გაავრცელა.

„ჩვენ ვემხრობით მხოლოდ ისეთი პროექტების განხორციელებას, რომელიც მინიმალურ ზიანს მიაყენებს ბუნებასა და ადგილობრივ მოსახლეობას. სამწუხაროდ, ნამახვანის ჰესის კასკადის არსებული პროექტი არ ტოვებს იმის შთაბეჭდილებას, რომ ის არის გამართული და არ წარმოშობს საფრთხეს როგორც ბუნებისთვის, ისე მოსახლეობისთვის, რაც ეფუძნება ნეიტრალური ექსპერტების შეფასებებს“, - აღნიშნულია პოლიტიკური პარტიის განცხადებაში, რომელიც დღეს გავრცელდა.

განცხადებაში ასევე აღნიშულია, რომ განსაკუთრებით საგულისხმოა მეწყრებისა და მიწის ეროზიის ზრდის რისკები. არსებობს მოსაზრებაც, რომ პროექტი არსებული სახით მნიშვნელოვნად შეცვლის მიკროკლიმატს და დააზიანებს უნიკალური „ტვიშის“ ვენახებს, რაც გარდა თავისი უნიკალურობისა, ადგილობრივი მოსახლეობის შემოსავლის ძირითადი წყაროა.

„აქედან გამომდინარე, „ლელო“ ხელისუფლებისგან მოითხოვს შეჩერდეს სამშენებლო სამუშაოები მანამ, სანამ ყველა ეს საკითხი არ იქნება განხილული ექსპერტებისა და მოსახლეობის ჩართულობით და არ იქნება მიღწეული კონსენსუსი“, - აღნიშნულია პარტიის განცხადებაში.

განცხადებაში ასევე ნათქვამია, რომ ყველა ჰესი უმაღლესი სტანდარტებით უნდა აშენდეს, ხოლო ადგილობრივი მოსახლეობა მათი თანამესაკუთრე უნდა გახდეს.

მდინარე რიონზე „ნამახვანის ჰესების კასკადის“ პროექტი გააერთიანებს ორ ჰესს - „ნამახვანს“ და „ტვიშს“, საერთო 433 მეგავატი დადგმული სიმძლავრით. პროექტის სავარაუდო ღირებულება 730 მილიონ დოლარს შეადგენს.

პროექტს განახორციელებს Clean Energy Georgia Group, რომელმაც შესაბამის ტენდერში გაიმარჯვა. ჰესის ასაშენებლად Clean Energy Georgia Group-მა, რომელიც ნორვეგიული ჯგუფ Clean Energy-ს შვილობილი კომპანიაა, თურქული სამშენებლო ჰოლდინგი ENKA Insaat ve Sanayi A.S მოიწვია.

ინვესტორის პოზიცია

კომპანია ENKA მიიჩნევს, რომ ჰესის მშენებლობის მოწინააღმდეგეებს მოსახლეობა შეცდომაში შეჰყავს, რამდენადაც ისინი უსაფუძვლოდ აცხადებენ, რომ „ნამახვანის კასკადი“ რიონის ხეობის მოსახლეობას და ბუნებას საფრთხეს უქმნის.

„კომპანიას არსებული ეტაპისთვის ყველა საჭირო ნებართვა გააჩნია, რომელიც გაცემულია შესაბამისი უწყებების მიერ, წარდგენილი კვლევების, საჯარო განხილვებისა და ყველა საჭირო დოკუმენტის საკმაოდ ხანგრძლივი და კომპლექსური შესწავლის საფუძველზე“, – ნათქვამია კომპანიის განცხადებაში

დოკუმენტში აღნიშნულია, რომ პროექტი ხორციელდება უსაფრთხოების უმაღლესი სტანდარტების გათვალისწინებით და სრულ

37
ვაქცინაცია

ვაქცინა „სპუტნიკ ლაიტი“ რუსეთში რეგისტრაციას გაივლის

0
(განახლებულია 17:08 28.02.2021)
„სპუტნიკ ლაიტი“ ძირითადად ორიენტირებულია საერთაშორისო ბაზრებზე, იქ, სადაც ძლიერი ეპიდემიოლოგიური კერებია, რუსეთში ფლაგმანად „სპუტნიკV" დარჩება

თბილისი, 28 თებერვალი – Sputnik. რუსეთში და ზოგიერთ სხვა ქვეყანაში ვაქცინა „სპუტნიკ ლაიტის“ რეგისტრაციაზე განაცხადი შევიდა, ნათქვამია ვაქცინა „სპუტნიკV"-ს Twitter-აკაუნტში.

ადრე ცნობილი გახდა, რომ კორონავირუსის საწინააღმდეგო ვაქცინა „სპუტნიკ ლაიტის“ კვლევის პირველმა მონაწილეებმა ვაქცინაცია ჩაიტარეს. რუსეთის ჯანდაცვის სამინისტრომ აღნიშნული ვაქცინის კლინიკური კვლევის ჩატარების ნებართვა იანვარში გასცა.

პირდაპირი ინვესტიციების რუსეთის ფონდის ხელმძღვანელმა, კირილ დმიტრიევმა განაცხადა, რომ „სპუტნიკV" - ეს არის ვაქცინების პლატფორმა. მისი თქმით, „სპუტნიკ ლაიტი“ ძირითადად ორიენტირებულია საერთაშორისო ბაზრებზე, იქ, სადაც ძლიერი ეპიდემიოლოგიური კერები არსებობს, რუსეთში ფლაგმანად „სპუტნიკV" დარჩება.

„სპუტნიკ ლაიტი“ - ერთკომპონენტიანი ვაქცინაა, რომლის შემადგენლობაში იგივე სტრუქტურებია, რომლებსაც „სპუტნიკV" მოიცავს. „სპუტნიკ ლაიტი“ არ შეიცავს თავად COVID-19-ს, შესაბამისად, აცრის შედეგად კორონავირუსით დაინფიცირება შეუძლებელია.

0