ნანიკო ხაზარაძე

„ყველანაირად გვერდში დამიდგა...“ რა დამოკიდებულება დააძლევინა ნანიკო ხაზარაძემ მეუღლეს

348
(განახლებულია 19:59 23.02.2021)
ნანიკო ხაზარაძის მეუღლემ მის დაავადებაზე გულწრფელად ისაუბრა. ნახეთ რა სჭირდა ცნობილი ტელეწამყვანის ფსიქოლოგ მეუღლეს.

ლევან მათითაშვილმა ახლახან გამოსცა წიგნი ალკოჰოლდამოკიდებულებასა და მისგან თავის დაღწევის გზებზე. წიგნის სახელწოდებაა „მე დამოკიდებული ვარ“. როგორც ლევანი ჟურნალ „თბილისელებთან“ ინტერვიუში აღნიშნავს, მის გამოჯანმრთელებაში დიდია მისი მეუღლის, ნანიკო ხაზარაძის როლი.

„ყველანაირად გვერდში დამიდგა. თუმცა აქ ერთ მომენტს აღვნიშნავ – გადაწყვეტილება შენ უნდა მიიღო. თუ ადამიანს თვითონ არ უნდა საკუთარ თავს დაეხმაროს, ამას ვერავის ხათრით ვერ გააკეთებს“, – ამბობს ლევანი.

ცნობილმა ტელეწამყვანმა ნანიკო ხაზარაძემ და მისმა მეუღლემ, ფსიქოლოგმა ლევან მათითაშვილმა სიყვარულის ისტორიაზე რამდენიმე კვირის წინ ისაუბრეს. „იმედის დღეში“ წყვილმა აღნიშნა, რომ ბავშვობიდანვე ბევრი საერთოს მიუხედავად, ერთმანეთი ცოტა ხნის წინ აღმოაჩინეს.

ლევანის თქმით, ნანიკო ყოველთვის ახსოვდა, რადგან მასზე 6 წლით დიდია და როდესაც ბავშვი იყო, მუდმივად ადევნებდა ნანიკოს ცხოვრებას თვალს. აღმოჩნდა, რომ ლევანის ექიმი ბავშვობაში ნანიკოს ბებია იყო. ნანიკომ კი ლევანს ყურადღება მას შემდეგ მიაქცია, რაც მასთან გადაცემაში ლევანის ძმა, ცნობილი პლასტიკური ქირურგი კოტე მათითაშვილი მივიდა და მაშინ ლევანს მისწერა, თქვენ ძმები ხომ არ ხართო.

ნანიკო იხსენებს, რომ სწორედ მას შემდეგ დაიწყო მას და ლევანს შორის აქტიური საუბარი სოციალურ ქსელში, რომელმაც შემდეგ რეალურ ცხოვრებაში გადაინაცვლა. წყვილი 2018 წლის ნოემბერში დაქორწინდა და ახლა ერთად რადიოგადაცემასაც უძღვებიან.

348
თემები:
სელებრითების ცხოვრება (2776)
მარი ფანჯავიძე

ანუკი არეშიძის რძალი გე­მოვ­ნე­ბი­თა და გა­რეგ­ნო­ბით ცნო­ბილ დიზაინერს არ ჩა­მორ­ჩე­ბა

24402
(განახლებულია 11:48 26.02.2021)
ანუ­კი არე­ში­ძი­სა და კახი კა­ლა­ძის წყვილს პო­პუ­ლა­რო­ბა არა­სო­დეს აკ­ლდა. მათ­ზე ყვე­ლა­ზე ხში­რად იწე­რე­ბა მასმე­დი­ა­ში და, შე­სა­ბა­მი­სად, ის ადა­მი­ა­ნე­ბი, ვინც მათ გარ­შე­მო ტრი­ა­ლე­ბენ, ყუ­რა­დღე­ბის ცენ­ტრში ხვდე­ბი­ან.

ცნობილი დიზაინერის ანუკი არეშიძის რძალი მარიამ ფანჯავიძეა. თბილისის მერიის განათლების, სპორტისა და ახალგაზრდობის საქმეთა საქალაქო სამსახურის ყოფილმა უფროსმა გიორგი არეშიძემ ის მაშინ მოიყვანა ცოლად, როდესაც გოგონა 18 წლის იყო და საქართველოს უნივერსიტეტის ბიზნეს-ადმინისტრირების ფაკულტეტის პირველ კურსზე სწავლობდა.

წყვილმა ერთმანეთი დაქორწინებამდე ორი წლით ადრე, 9 აპრილის დღისადმი მიძღვნილ ღონისძიებაზე გაიცნო. მარიამი მაშინ მთაწმინდაზე ცხოვრობდა და მშვიდობიან მსვლელობას შეუერთდა როგორც მოხალისე. გიორგიმ აღიარა, რომ მარიამით პირველივე წუთებიდან მოიხიბლა, ნაცნობობა რომანში გადაიზარდა და გაცნობიდან რვა თვეში დაინიშნენ, ხოლო სამი თვის შემდეგ ჯვარიც დაიწერეს.

მარიამი ერთ-ერთ ინტერვიუში ამბობდა, რომ ასეთი სერიოზული ურთიერთობისთვის მზად არ იყო, თუმცა დიდმა სიყვარულმა ეს ნაბიჯი გადაადგმევინა. სწორედ სიყვარულის წყალობით მარტივად გადალახეს ის სირთულეები, რასაც ყველა ახალდაქორწინებული წყვილი აწყდება. ახალგაზრდა მშობლები ამბობენ, რომ პატარა დემეტრეს დაბადების შემდეგ მათი ცხოვრება რადიკალურად შეიცვალა და უფრო საინტერესო გახდა. „გიორგი, რთული სამუშაო გრაფიკის მიუხედავად, ცდილობს ყურადღება არ მოგვაკლოს. თუ გიორგის გამოსვლას უარყოფითი კომენტარები მოჰყვება, სულ ვამხნევებ და ვურჩევ, არ განიცადოს და მაქსიმალურად ჩაერთოს თავის საქმეში და ხალხს საქმით აჩვენოს“, – ამბობდა მარიამი.

ანუ­კი არე­ში­ძის ძმა 2013 წლის სექტემბერში და­ქორ­წინ­და. ახალ­შე­უღ­ლე­ბუ­ლე­ბის ჯვრის­წე­რის ამ­სახ­ვე­ლი ფო­ტო­ე­ბი თავის დროზე ანუკი არეშიძემ სო­ცი­ა­ლურ ქსელ „ფე­ის­ბუქ­ში“ გა­მო­აქ­ვეყ­ნა. რო­გორც ფო­ტო­ე­ბი­დან ჩანდა, წყვილ­მა მოკ­რძა­ლე­ბუ­ლი ცე­რე­მო­ნია გა­და­ი­ხა­და და ჯვრის­წე­რას მხო­ლოდ ოჯა­ხის წევ­რე­ბი და ახ­ლობ­ლე­ბი ეს­წრე­ბოდ­ნენ. ქორწილში ანუ­კი არე­ში­ძე ორსულად იყო. მაშინ ენერ­გე­ტი­კის მი­ნის­ტრი კახი კა­ლა­ძე და მისი მე­უღ­ლე მე­სა­მე შვილს ელო­დე­ბოდნენ.

გიორგი არეშიძე ახლა კერძო ბიზნესშია, თუმცა წლების წინ თბილისის მერიის განათლების, სპორტისა და ახალგაზრდულ საქმეთა საქალაქო სამსახურის უფროსის თანამდებობა დაიკავა. მას შემდეგ, რაც მერიიდან გამოთხოვილი დოკუმენტების საფუძველზე არასამთავრობო ორგანიზაცია „მედიატორმა“ არეშიძე დიდი რაოდენობით საბიუჯეტო თანხის გაფლანგვასა და მითვისებაში დაადანაშაულა, ვიცე-პრემიერმა კახა კალაძემ ცოლისძმას თანამდებობის დატოვებისკენ მოუწოდა.

„მე როგორც მეგობარს, როგორც ახლობელ ადამიანს, მივცემდი რჩევას, რომ მას თანამდებობა დაეტოვებინა. მის დანიშვნაში მე მონაწილეობა არ მიმიღია. მე ამის უფლება არ მქონდა. მე ამ რჩევას ვაძლევ როგორც მეგობარს. რას იზამს, ცუდი ნათესავი ჰყავს გიორგის“, – თქვა მაშინ კალაძემ. ამჟამად წყვილს ორი ვაჟი ჰყავს. მეორე ვაჟი მარიამს ცოტა ხნის წინ ეყოლა და ის გარეგნობით ძალიან ჰგავს ანუკი არეშიძისა და კახა კალაძის ვაჟებს.

მასალა განახლებულია (პირველადი ვერსია გამოქვეყნებულია 2020 წლის 16 იანვარს)

24402
თემები:
სელებრითების ცხოვრება (2776)
ადამიანები პირბადეებით

კოვიდ-სტატისტიკა საქართველოში: სად დაფიქსირდა ინფიცირების ყველაზე მეტი შემთხვევა

50
(განახლებულია 11:46 26.02.2021)
საქართველოში ახალი კორონავირუსით დაავადებულთა რაოდენობა ბოლო დღე-ღამეში 337-ით გაიზარდა და ინფიცირებულთა საერთო რიცხვმა 270.137-ს მიაღწია.

თბილისი, 26 თებერვალი - Sputnik. საქართველოში ბოლო 24 საათში გამოვლენილი კორონავირუსის 337 შემთხვევიდან ყველაზე მეტი – 175 შემთხვევა დედაქალაქში დაფიქსირდა, განაცხადა უწყებათშორის საკოორდინაციო საბჭოსთან არსებული ოპერაციული შტაბის უფროსის მოადგილემ ბერდია სიჭინავამ მთავრობის ადმინისტრაციაში გამართულ ბრიფინგზე.

ინფიცირებულთა შემთხვევების რაოდენობით მეორე ადგილზე იმერეთი, შემდეგ სამეგრელო–ზემო სვანეთია.

რეგიონების მიხედვით კორონავირუსით ინფიცირების სტატისტიკა ასეთია: იმერეთი - 37, სამეგრელო - ზემო სვანეთი - 33, შიდა ქართლი - 21, კახეთი - 18, აჭარა - 17, ქვემო ქართლი - 15, გურია - 13, მცხეთა-მთიანეთი - 5, რაჭა-ლეჩხუმი და ქვემო სვანეთი - 2, სამცხე-ჯავახეთი - 1.

ბოლო 24 საათში ვირუსისგან გამოჯანმრთელდა 320 პირი და ჯამში გამოჯანმრთელებულთა რაოდენობა 264.047-მდე გაიზარდა.

ბოლო დღე-ღამის განმავლობში გარდაიცვალა 10 ადამიანი და გარდაცვლილთა საერთო რაოდენობამ 3.485-ს მიაღწია.

ამ დროის მონაცემებით, საქართველოში 2.579 აქტიური შემთხვევაა. კოვიდ-კლინიკებში მოთავსებულია 1.542 პაციენტი, მათ შორის, თბილისის საავადმყოფოებში - 735, იმერეთში - 285, აჭარაში - 165.

277 პაციენტის მდგომარეობა მძიმეა. ხელოვნური სუნთქვის აპარატზე შეერთებულია 110 პირი, მათგან თბილისში – 73, იმერეთში - 11, აჭარაში- 8. კოვიდ-სასტუმროებში მოთავსებულია 167 ადამიანი, მათ შორის 107 - თბილისში, 54 - აჭარაში, 3 - იმერეთში. 870 პირი ვირუსის მკურნალობის კურსს გადის საცხოვრებელ ბინაზე.

დღევანდელი მდგომარეობით, საკარანტინო სივრცეში მოთავსებულია 304 ადამიანი, მათ შორის, თბილისში – 92, ხოლო აჭარაში - 86. თვითიზოლაციაში იმყოფება 7.970 ადამიანი, მათ შორის თბილისში – 3.879 პირი, იმერეთში - 633, აჭარაში - 443.

COVID-19 საქართველოში – 26 თებერვლის მონაცემები>>

საქართველოში ახალი კორონავირუსით დაავადებულთა რაოდენობა ბოლო დღე-ღამეში 337-ით გაიზარდა და ინფიცირებულთა საერთო რიცხვმა 270.137-ს მიაღწია.

საქართველოში კორონავირუსის პირველი შემთხვევა გასული წლის 26 თებერვალს დაფიქსირდა.

50
თემები:
კორონავირუსი საქართველოში: ბოლო ცნობები
აქცია მთავრობის ადმინისტრაციასთან

ოპოზიცია საპროტესტო აქციისთვის ემზადება

0
(განახლებულია 12:38 26.02.2021)
ხელისუფლებამ უსაფრთხოების ზომები უკვე მიიღო. კანცელარიისა და პარლამენტის ეზოებში პოლიციის თანამშრომლები არიან მობილიზებული

თბილისი, 26 თებერვალი – Sputnik. ოპოზიციური პარტიების წარმომადგენლებმა დაიწყეს მზადება მასშტაბური საპროტესტო აქციისთვის ლოზუნგით „თავისუფლებისთვის“ – დაიძრნენ კოლონები რეგიონებიდან, პარლამენტის შენობასთან სცენა მონტაჟდება.

აქციის მონაწილეები ფილარმონიიდან პარლამენტის შენობისკენ მსვლელობით გაემართებიან, შემდეგ პარლამენტთან ძირითადი მიტინგი გაიმართება, ხოლო შემდეგ აქციის მონაწილეები სახელმწიფო კანცელარიასთან გადაინაცვლებენ და პროტესტს იქ დაასრულებენ.

აქციაზე რეგიონების წარმომადგენლებს ელოდებიან. ავტომობილების კოლონების ნაწილი უკვე გამოემართა თბილისისკენ, ხოლო ნაწილი წამოსასვლელად ემზადება. აქციისთვის ემზადებიან ასევე თბილისის ცენტრის სხვადასხვა ნაწილში და შემდეგ ძირითად მსვლელობას შეუიერთდებიან.

ამავდროულად, სახელმწიფომ უკვე მიიღო უსაფრთხოების ზომები. კანცელარიისა და პარლამენტის ეზოებში მობილიზებული არიან სამართალდამცველები. პოლიციელები ასევე დაიცავენ წესრიგს აქციის ჩატარების ადგილზე.

პროტესტის მიზეზი 23 თებერვალს „ერთიანი ნაციონალური მოძრაობის“ ლიდერის ნიკა მელიას დაკავებაა. აქციაზე ისინი მოითხოვენ მელიასა და სხვა პოლიტპატიმრების გათავისუფლებას და ასევე ვადამდელი საპარლამენტო არჩევნების ჩატარებას.

მელიამ უარი განაცხადა გირაოს გადახდაზე, რომელიც მას თბილისში არეულობების საქმეზე შეუფარდეს, რადგან ეს უკანონობად მიაჩნია. თბილისის საქალაქო სასამართლომ მას აპტიმრობა შეუფარდა.

ოპოზიციონერი ლიდერი სასამართლოს გადაწყვეტილებიდან მეექვს დღეს დააკავეს, რამაც დიდი საერთაშორისო რეზონანსი გამოიწვია. აქციის წინ გენერალურმა პროკურატურამ განაცხადა, რომ მელიას გაათავისუფლებს, თუ ის გირაოს თანხას გადაიხდის. მელია კი გირაოს გადახდას არა პირებს.

0
თემები:
საქართველოს პოლიტიკური ცხოვრება