მაია ასათიანი

„შვილი თავიდან მიკვდება...“ - მაია ასათიანი ემოციცურ ფოტოს აქვეყნებს

1872
(განახლებულია 15:53 22.02.2021)
სოციალურ ქსელში მაია ასათიანი შვილის ფოტოს აქვეყნებს. ნახეთ რა მოხდა თოქშოუ „პროფილის“ წამყვანის ცხოვრებაში ამ დღეს

თუ შარშან ცნობილმა ტელეწამყვანმა შვილის გარდაცვალების დღეს თავი კუნძულ ბალის შეაფარა და იქ განმარტოვდა, წელს როგორც ჩანს, მაია ასათიანმა ტრადიცია დაარღვია და საქართველოში ხვდება ამ უმძიმეს დღეს. თოქშოუ „პროფილის“ წამყვანმა „ინსტაგრამის“ „სთორიზე“ გამოაქვეყნა ფოტო და აღნიშნა, რომ ყოველ წელს ამ დღეს ახლიდან უკვდება შვილი.

ტელეწამყვანი მაია ასათიანი ერთადერთი ქალიშვილის გარდაცვალების შემდეგ რაღაც პერიოდი საზოგადოებაში საერთოდ არ ჩნდებოდა, ბოლო დროს კი აქტიურად დაიწყო სოციალურ ქსელში თავის ყოველდღიურობაზე საუბარი. ცოტა ხნის წინ აღიარა, რომ რამდენჯერმე სცადა თავის მოკვლაც, თუმცა საკუთარ თავში იპოვა ძალა რომ ცხოვრება თავიდან დაეწყო.

Instagram-ის „სთორიში“ ტელეწამყვანი ხშირად დებს ფოტოებს და ვიდეოებს და საკუთარ განწყობას აღარ მალავს. პოპულარულ ჟურნალისტს უამრავი ადამიანი უდგას მხარში. მათ შორის არიან მაიას დედა, ნახევარდები და მამინაცვალი, რომლებიც მას გვერდიდან არ შორდებიან.

მისი სოციალური ქსელის ვიდეოების უმეტესობა სახლშია გადაღებული. კადრებზე ჰარმონიული ხედი, ბუნება, მისი უსაყვარლესი ძაღლები და კატა დომინირებენ. მაიამ სიმშვიდე საკუთარ თავთან განმარტოებაში იპოვა, ხოლო ოჯახის წევრებს უფრო და უფრო დაუახლოვდა. მას გადაცემაში დედაც ჰყავდა მიწვეული, რომელმაც ჟურნალისტის ცხოვრების ბევრი ფაქტი გაიხსენა. მაიამ კი, თავის მხრივ, დედას ყველაფრისთვის მადლობა გადაუხადა.

ტელეწამყვანის ქალიშვილი საფრანგეთში სწავლობდა. დედისგან შორს მყოფი გოგონა ჟურნალისტს შორიდან ამხნევებდა და მაიას მოტივატორი იყო. სამწუხაროდ, ვერაგ დაავადებასთან ბრძოლაში ულამაზესი ნუცა დანებდა.

22 თებერვალს 18 წლის ნუცას გარდაცვალებიდან  ოთხი წელი გავიდა. ტელეწამყვანი გასულ წელს ამ თარიღს ინდონეზიაში, კუნძულ ბალიზე განერიდა. როგორც მაია ვიდეოებში ამბობად, მისთვის ძალიან რთულია ეს თარიღი და ცდილობს ამ დღეს მარტო იყოს თავის თავთან, სწორედ ამიტომ ის სამოგზაუროდ მარტო წავიდა.

1872
თემები:
სელებრითების ცხოვრება (2777)
საპატრულო პოლიცია

თბილისში მიმდინარე აქციის გამო გარკვეულ ქუჩებზე გადაადგილება შეზღუდულია

6
თბილისში აქციის მიმდინარეობისას დედაქალაქის მოსახლეობა გადაადგილებას ალტერნატიული გზებით შეძლებს. უწყებაში განმარტავენ, რომ გადაკეტილი გზები აქციის დასრულებისთანავე გაიხსნება

თბილისი, 26 თებერვალი - Sputnik. თბილისში მიმდინარე აქცია მსვლელობის გამო დედაქალაქის ცალკეულ უბნებში ავტროტრანსპორტის მოძრაობა დროებით შეზღუდულია, იუწყება შინაგან საქმეთა სამინისტრო.

ოპოზიციური პარტიების წარმომადგენლებმა დაიწყეს მზადება მასშტაბური საპროტესტო აქციისთვის ლოზუნგით „თავისუფლებისთვის“ – დაიძრნენ კოლონები რეგიონებიდან, პარლამენტის შენობასთან კი სცენა მონტაჟდება. აქციის მონაწილეები ფილარმონიიდან პარლამენტის შენობისკენ მსვლელობით უკვე გაემართნენ. შემდეგ პარლამენტთან ძირითადი მიტინგი გაიმართება, ხოლო ბოლოს აქციის მონაწილეები სახელმწიფო კანცელარიასთან გადაინაცვლებენ და პროტესტს იქ დაასრულებენ.

უწყებაში განმარტავენ, რომ საზოგადოებრივი წესრიგისა და უსაფრთხოების დაცვის მიზნით, დღეს 13:00 საათიდან დროებით შეიზღუდა გადაადგილება პეტრე მელიქიშვილის ქუჩასა და მერაბ კოსტავას გამზირზე.

აქციისა და მსვლელობის მიმდინარეობისას ასევე დროებით შეიზღუდება გადაადგილება შემდეგ ქუჩებზე: ალექსანდრე ჭავჭავაძის, მიტროფანე ლაღიძის, ბესიკის, ლესია უკრაინკას, ზაქარია ჭიჭინაძის ქუჩა, 9 აპრილის, ანტონ ფურცელაძის, არჩილ ჯორჯაძის, გია ჭანტურიას, რეზო ლაღიძის, ვასო აბაშიძის, მესხიას ქუჩა.

უწყებაში განმარტავენ, რომ ამ დროის განმავლობაში მოსახლეობა გადაადგილებას ალტერნატიული გზების მეშვეობით შეძლებს, კერძოდ მარჯვენა სანაპიროსა და რეზო თაბუკაშვილის ქუჩის გავლით. ასევე მოძრაობა თავისუფალი იქნება ჭონქაძის ქუჩასა და ზემო ვერის მიმართულებით გზებზე.

ტრანსპორტის ნაკადის უსაფრთხო გადაადგილებას საპატრულო პოლიციის ეკიპაჟები არეგულირებენ. აქცია-მსვლელობის დამთავრებისთანავე მოძრაობა ჩვეულ რეჟიმში აღდგება.

6
ეკა ხოფერია

„მინისტრი ჯანზე უნდა იყოს!“- ეკა ხოფერიას თამამი განცხადება - როგორ ვარჯიშობს ჟურნალისტი?

16
(განახლებულია 12:50 26.02.2021)
ამ ამპლუაში ყოფილი ჟურნალისტი პირველად გაგვეცნო. ეკა ხოფერია აფხაზეთის ავტონომიური რესპუბლიკის განათლებისა და კულტურის მინისტრად დაინიშნა. საქმიანობის პარალელურად სოციალურ ქსელში თამამი განცხადება გაავრცელა.  

აფხაზეთის ავტონომიური რესპუბლიკის განათლებისა და კულტურის მინისტრად, ჟურნალისტი ეკა ხოფერია დაინიშნა. ინფორმაცია ამის შესახებ 29 დეკემბერს გავრცელდა, ახლა კი, ეკა „ჯანზე“ ყოფნას აპირებს და ამის შესახებ საკუთარ გვერდზე წერს.

პანდემიისგან გამოწვეული შეზღუდვების გამო, ცნობილი ჟურნალისტი მოდუნდა და საკუთარ სხეულს უპირატესობას სათანადოდ ვერ ანიჭებს. ამის მიზეზი სპორტდარბაზების დახურვა გახდა. ამიტომ ეკა ხოფერია Instagram- ის გვერდზე განცხადებას ავრცელებს. „მზად ვარ სკაფანდრით ვივარჯიშო, ოღონდ ვივარჯიშო... მინისტრი ჯანზე უნდა იყოს!“- აღნიშნავს მინისტრი.

ხოფერიების ოჯახი აფხაზეთიდანაა. ეკა ხოფერია მრავალწლიანი გამოცდილების მქონე ჟურნალისტია. სხვადასხვა დროს სხვადასხვა ტელევიზიაში მუშაობდა, მათ შორისაა „იბერია", „რუსთავი2", „იმედი". ეკა ხოფერია ჟურნალ „სითის“ დამფუძნებელია და მას 11 წელია უძღვება.

ავტონომიური რესპუბლიკის განათლებისა და კულტურის მინისტრმა სოციალური ქსელი უფრო მეტად გაააქტიურა. მან ისიც აღნიშნა, რომ მისი ცხოვრების ეტაპზე ამ თანამდებობამ სავიზიტო ბარათიც აჩუქა, რაც პირველად მოხდა. „რაც არ უნდა გასაკვირი იყოს - ეს ჩემ ცხოვრებაში პირველი სავიზიტო ბარათია და მე ამით ამაყი ვარ...“, - შეახსენა მან ფოლოვერებს.

16
თემები:
სელებრითების ცხოვრება (2777)