საბავშვო ბაღი

კერძო ბაღები დაუმორჩილებლობით იმუქრებიან

65
(განახლებულია 20:22 22.02.2021)
მიუხედავად შეზღუდვების შემსუბუქებისა, ამ დრომდე არ მუშაობენ საჯარო და კერძო ბაღები, ასევე პროფესიულ და უმაღლეს სასწავლებლებში სასწავლო პროცესი კვლავ დისტანციურად მიმდინარეობს.

თბილისი, 22 თებერვალი - Sputnik. კერძო ბაღების წარმომადგენლები 1 მარტს  კერძო ბაღების ფუნქციონირების აღდგენას მოითხოვენ, წინააღმდეგ შემთხვევაში დაუმორჩილებლობით იმუქრებიან.

უწყებათშორისი საკოორდინაციო საბჭოს გადაწყვეტილებით, საჯარო და კერძო საბავშვო ბაღების მუშაობის აღდგენა დაგეგმილია 1 მარტიდან.

განათლების სფეროს სერიოზული სიახლეები ელოდება: რას გეგმავს ხელისუფლება>>

როგორც საგანმანათლებლო ასოციაცია „მნათის" ხელმძღვანელმა გიგი სისვაძემ „კვირის“ პრესკლუბში გამართულ ბრიფინგზე განაცხადა, კერძო ბაღების წარმომადგენლების კატეგორიული მოთხოვნაა, რომ ისინი საჯარო ბაღებისგან გამიჯნონ.

„კერძო ბაღების სიტუაცია ძალიან მძიმეა. ჩვენ დამოუკიდებლები ვართ და არ ვექვემდებარებით არც ბაღების სააგენტოს და არც ჩვენი საქმიანობა მიესადაგება საჯარო ბაღების ფუნქციონირებას, მასშტაბურად ისინი გაცილებით დიდები არიან, ვიდრე ჩვენი სექტორი. შესაბამისად, არასწორად მიგვაჩნია, რომ გახსნის შემთხვევაში განგვიხილონ საჯარო ბაღებთან მიმართებაში“, - განაცხადა სისვაძემ.

სისვაძის განცხადებით, მათ შეიმუშავეს ინსტრუქცია, დაადგინეს და უფრო გაამკაცრეს პირობები, ვიდრე კოვიდმართვასთან დაკავშირებით დღეს არსებობს და სურთ აღნიშნული ინსტრუქცია შეათანხმონ ეკონომიკის სამინისტროსთან და ეპიდემიოლოგებთან, და არა ბაღების მართვის სააგენტოსთან ან განათლების სამინისტროსთან. მისი განმარტებით, კერძო ბაღები ეკონომიკის სამინისტროს ექვემდებარებიან და არა ბაღების სააგენტოს ან განათლების სამინისტროს. 

„ურთულეს, უმძიმეს მდგომარეობამდე მივიდნენ კერძო ბაღები. ჩვენ ვცდილობთ, რომ მთავრობასთან ვიყოთ კონსტრუქციულები. თუ 1 მარტიდან არ აღდგება ბაღების ფუნქციონირება, საბოლოოდ დაუმორჩილებლობის ფორმებს მივმართავთ“, - განაცხადა გიგი სისვაძემ.

არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრის ჩათვლით იყო ძალაში.

1 თებერვლიდან ზოგიერთი შეზღუდვა შემსუბუქდა, თუმცა კვლავ ძალაში რჩება 21:00 საათიდან 05:00 საათამდე ქუჩაში გადაადგილების აკრძალვა. მთელი ქვეყნის მასშტაბით იკრძალება სპორტდარბაზების, აუზების, გასართობი ცენტრების, კინოთეატრების, თეატრების მუშაობა. ძალაში რჩება შეზღუდვა სათხილამურო კურორტებზეც.

ქვეყანაში კვლავ აკრძალულია ნებისმიერი მასობრივი ღონისძიების გამართვა. შაბათ–კვირას საქართველოს დიდ ქალაქებში არ მოძრაობს საზოგადოებრივი ტრანსპორტი, არ მუშაობენ კაფეები და რესტორნები, ასევე ღია და დახურული ბაზრობები, მაღაზიები და სავაჭრო ცენტრები. 1 მარტამდე მუშაობას არ განაახლებს საქალაქთაშორისო ტრანსპორტი.

ამას გარდა, ქვეყანაში სავალდებულოა პირბადის ტარება როგორც დახურულ, ისე ღია სივრცეებში.

65
თემები:
განათლება საქართველოში (384)

Freedom for Fox: ახალი აქცია "ნაცმოძრაობის" ლიდერ ნიკა მელიას მხარდასაჭერად

3
ხუთშაბათს „ერთიანი ნაცინალური მოძრაობის“ მომხრეებმა ახალი აქცია გამართეს, რომელზეც პოლიტიკური პარტიის ლიდერის, ნიკა მელიას გათავისუფლებას მოითხოვდნენ. დაწვრილებით - Sputnik-საქართველოს ვიდეოში იხილავთ

ნიკა მელიას მხარდამჭერ აქციაზე ლოზუნგით Freedom for Fox - „თავისუფლება „მელიას“ მონაწილეებმა ნარინჯისფერი ნიღბები გაიკეთეს შესაბამისი სიმბოლიკით.

თავდაპირველად დემონსტრანტები თბილისში პირველი რესპუბლიკის მოედანზე შეიკრიბნენ, შემდეგ ავტოკოლონით რუსთავისკენ გაემართნენ, სადაც ადგილობრივ ციხეში იმყოფება ნიკა მელია. მხარდამჭერები მას პოლიტპატიმრად მოიხსენიებენ.

აქციამ ექსცესების გარეშე ჩაიარა. ავტოგადარბენაში 60-ზე მეტი ავტომობილი მონაწილეობდა.

 

3
ნუცა ქავთარაძე

„ისე ვტიროდი, არაფერი მესმოდა...“ - ნუცა ქავთარაძე შვილის გაჩენას იხსენებს

3
(განახლებულია 13:59 04.03.2021)
ნუცა ქავ­თა­რა­ძი­სა და აჩი­კო სო­ლო­ღაშ­ვი­ლის წყვი­ლი მა­ყუ­რე­ბელს გან­სა­კუთ­რე­ბუ­ლად უყ­ვარს. წყვილ­მა 8 წლის წინ იქორ­წი­ნა, თუმ­ცა პირველი შვილი ახლა ეყოლათ

მსა­ხი­ო­ბი არ­ჩილ სო­ლო­ღაშ­ვი­ლი და მისი მე­უღ­ლე, ტე­ლე­წამ­ყვა­ნი ნუცა ქავ­თა­რა­ძე რვაწ­ლი­ა­ნი ქორ­წი­ნე­ბის შემ­დეგ პირ­ვე­ლი შვი­ლის მშობ­ლე­ბი გახ­დნენ. წყვილს ვაჟი შე­ე­ძი­ნა, რო­მელ­საც ალექ­სან­დრე და­არ­ქვეს.

პა­ტა­რა 3 500 გრამი და­ი­ბა­და, 51 სან­ტი­მეტ­რი. ახალ­შო­ბი­ლიც და დე­დაც თავს კარ­გად გრძნო­ბენ. ნუცა ქავ­თა­რა­ძემ მშო­ბი­ა­რო­ბისშემ­დგომ ემო­ცი­ებ­სა და შვილ­ზე „იმე­დის დღე­ში“ ისა­უბ­რა.

„ახ­ლაც ვერ გა­მოვ­დი­ვარ ემო­ცი­ე­ბი­დან. ისე ვტი­რო­დი, არა­ფე­რი მეს­მო­და. ეს ბედ­ნი­ე­რე­ბის ცრემ­ლე­ბი იყო. უცებ მივ­ხვდი, რომ ყვე­ლა­ფე­რი შე­იც­ვა­ლა ერთ წამ­ში, ამ ერ­თმა წამ­მა მთლი­ა­ნად გა­და­ატ­რი­ა­ლა ჩემი ცხოვ­რე­ბა. ყვე­ლა ამ­ბობს, რომ სანი მგავს მე, თუმ­ცა კი­დუ­რე­ბი აქვს მა­მის, რაც მე ძა­ლი­ან მი­ხა­რია. ხვალ გაგ­ვწე­რენ სახ­ლში. სანი ძა­ლი­ან კარ­გად იქ­ცე­ვა. ორ­მაგს ჭამს. ამა­ში, ალ­ბათ, მე და­მემ­სგავ­სა, რად­გან ყვე­ლამ იცის ჩემი მადა “, - განაცხადა ტელეწამყვანმა.

ნუცა ქავ­თა­რა­ძი­სა და აჩი­კო სო­ლო­ღაშ­ვი­ლის წყვი­ლი მა­ყუ­რე­ბელს გან­სა­კუთ­რე­ბუ­ლად უყ­ვარს. წყვილ­მა 8 წლის წინ იქორ­წი­ნა, თუმ­ცა პირველი შვილი ახლა ეყოლათ.ისე ვტიროდი, არაფერი მესმოდა.

3
თემები:
სელებრითების ცხოვრება