ვაქცინა AstraZeneca

საქართველოში ვაქცინის შემოტანა გადაიდო

78
(განახლებულია 18:55 22.02.2021)
აქამდე ხელისუფლება აცხადებდა, რომ ქვეყანაში კორონავირუსის საწინააღმდეგო ვაქცინის პირველი პარტია თებერვლის ბოლოს უნდა შემოსულიყო.

თბილისი, 22 თებერვალი – Sputnik. საქართველოში COVID-19–ის საწინააღმდეგო ვაქცინის შემოტანის გადავადებამ საზოგადოებაში უკმაყოფილება გამოიწვია. 

სოცქსელებში აღშფოთებას ვერ მალავენ, რომ ბევრ ქვეყანაში მოქალაქეთა ვაქცინაცია დიდი ხანია დაიწყო, საქართველოში კი ერთი ადამიანიც არ აცრილა.

„ევროპა ამთავრებს, საქართველო კი ბოლოა“, – წერს ლევან ქორიძე.

„2030 წელში იქნება“, – ასეთ პროგნოზს აკეთებს ჩადუნელი.

გუშინ, თბილისის ინფექციური საავადმყოფოს დირექტორმა თენგიზ ცერცვაძემ განაცხადა, რომ საქართველოში ვაქცინის შემოტანის პირველი პროცესი ორი კვირით გადაიწია.

 „ყოველთვის ყველა შეთანხმება ზუსტ დროში ვერ სრულდება. გადაიწია პროცესმა, სავარაუდოდ ერთი, მაქსიმუმ 2 კვირით“, – განაცხადა ცერცვაძემ.

მისი თქმით, ხელისუფლება აქტიურად მუშაობს ვაქცინის მწარმოებელ სხვადასხვა კომპანიებთან.

 „წლის განმავლობაში უნდა აიცრას მოსახლეობის 60%. ვფიქრობ, ეს წარმატებული იქნება პანდემიასთან ბრძოლაში. ამას დაემატება ის 15%, ვისაც გადატანილი აქვს კოვიდ-ინფექცია“, - აცხადებს ცერცვაძე. 

მისი განმარტებით, თუ მოსახლეობის 80% ვირუსისადმი იმუნური იქნება, პანდემია საფრთხის შემცველი აღარ იქნება.

დღემდე ხელისუფლება ამტკიცებდა, რომ საქართველო თებერვლის ბოლოს პირველ ეტაპზე 29 250 დოზა Pfizer-ის ვაქცინას მიიღებდა მედპერსონალის ვაქცინაციისთვის. ქვეყანაში უკვე შემოტანილია აცრისთვის განკუთვნილი 50 ათასი სპეციალური შპრიცი. ვაქცინაციის დასაწყებად უკვე მზადაა ცხრა სამედიცინო დაწესებულება, რომელთა რაოდენობა ახლო მომავალში 15–მდე გაიზრდება.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 147-ით გაიზარდა და ინფიცირებულთა საერთო რიცხვმა 268.502-ს მიაღწია.

ქვეყანაში კორონავირუსის პირველი შემთხვევა 2020 წლის 26 თებერვალს დაფიქსირდა.

78
თემები:
კორონავირუსი საქართველოში: ბოლო ცნობები (280)

ქუთაისში ნამახვანჰესის მშენებლობის წინააღმდეგ საპროტესტო აქცია გაიმართა - ვიდეო

17
ქუთაისის ცენტრალურ მოედანზე ნამახვანი ჰესის მშენებლობის წინააღმდეგ ფართომასშტაბიანი საპროტესტო აქცია გაიმართა.  დაწვრილებით - ჩვენს ვიდეოში იხილავთ

მომიტინგეები თურქული კომპანია ENKA-ს რიონის ხეობიდან გასვლას, ხეობაში ჰესის მშენებლობის შეწყვეტასა და უცხოური კომპანიისათვის მიწის 99 წლით გადაცემის გაუქმებას მოითხოვდნენ.

უკვე 126 დღეა ადგილობრივები, საეკლესიო პირები და არასამთავრობოების წარმომადგენლები საპროტესტო აქციებს მართავენ მდინარე რიონზე ნამახვანჰესის მშენებლობის წინააღდეგ.

პროექტი „ნამახვანჰესის კასკადი“ რიონზე გააერთიანებს ორ ჰერსს - „ნამახვანი“ და „თვიში“, რომლებიც ერთად 433 მეგავატს გამოიმუშავებენ. პროეთის სავარაუდო ღირებულება 730 მილიონი დოლარია.

პროექტს Clean Energy Georgia Group შეასრულებს. ჰესის მშენებლობისათვის Clean Energy Georgia Group თურქულს ჰოლდინგთან ENKA Insaat ve Sanayi A.S. ითანამშრომლებს.

17
ნინო ნადირაძე

„ჩვეულებრივი ტრანსის „ვიდზე“ ვარ...“- ნინო ნადირაძის სკანდალური განცხადება

152
(განახლებულია 23:36 26.02.2021)
ნინო კუზანოვას ხმაურიანი განცხადება. ცნობილმა ექიმმა ვიდეო საკუთარ გვერდზე გამოაქვეყნა, რომელიც სოცქსელში ვირუსულად გვარცელდა

ახალბედა ბებია მუდამ ექსტრავაგანტულად გამოიყურება და მისი საჯარო განცხადებებიც საკმაოდ ხმაურიანია. არისტოკრატული ჩაცმულობით გამორჩეული ტელესახე აქტუალობას არ კარგავს. ნინო ნადირაძე-კუზანოვა მისი თაობის ქალბატონებს შორის სტილით განსაკუთრებით თვალშისაცემია. მას ფერების და აქსესუარების შეხამება უყვარს. აღმოჩნდა, რომ ნადირაძე-კუზანოვას სოციალური ქსელების ე.წ ფილტრები არ მოსწონს და გამოყენების შემთხვევაში საკუტარ თავსაც და სხვებსაც ტრანსგენდერებს ადარებს.

View this post on Instagram

A post shared by nino (@ninonadiradze)

მან უახლესი ვიდეო საკუთარ გვერდზე თამამად გამოაქვეყნა და სოცსივრცეში ხმაური გამოიწვია. „აი ეს უბედურება ფილტრი, რომელიც მე გამოვიყენე და მეზიზღება, ჩვეულებრივი ტრანსის ვიდზე ვარ და მოგწონთ“,- ამბობს ნინო. ბოლო დროს კარდიოლოგი ხშირად აქვეყნებდა ფოტოებს, სადაც უმაკიაჟოდ იყო და წერდა, რომ კორონავირუსის პანდემიიდან გამომდინარე მაკიაჟზეც უარი თქვა და ცნობილ ბრენდებზეც.

ნინო ნადირაძე-კუზანოვა ყოველთვის საზოგადოების ყურადღების ცენტრშია. ჰყავს ბევრი თაყვანისმცემელი, პაციენტებისთვის საყვარელი ექიმია და არაერთი ადამიანის სიცოცხლე გადაურჩენია, ხოლო მაყურებლისთვის დახვეწილი იუმორის მქონე არაჩვეულებრივი ქალბატონია. მას კარგი გემოვნება აქვს, მუდამ დახვეწილად აცვია და ძალიან უყვარს მოდური „ლუქებით“ სოციალურ ქსელში ახალ-ახალი ფოტოების გამოქვეყნება.

View this post on Instagram

A post shared by nino (@ninonadiradze)

დაუჯერებელია, მაგრამ ექიმი უკვე ბებიაა. მას პირველი შვილიშვილი ბაია კუზანოვმა, უფროსმა ქალიშვილმა აჩუქა. ბიჭუნასთან გატარებულ ბედნიერ წამებს ნინო თაყვანისმცემლებს ხშირად უზიარებს. კუზანოვების ოჯახის ყველაზე ხშირი სტუმარი მასმედია ხდება. კარდიოლოგი დიდი სიხარულით მასპინძლობს სხვადასხვა გადაცემებს და ტელეეკრანებზე ინტენსიურად ჩნდება. ეს მისი ცხოვრების განუყოფელი ნაწილია.

152
თემები:
სელებრითების ცხოვრება