სასწრაფო დახმარება

COVID-19 საქართველოში 21 თებერვლის მონაცემები

78
ამ დროისათვის სულ გამოჯანმრთელდა 261.637  ადამიანი (ბოლო 24 საათში – 571), გარდაიცვალა – 3.435  (ბოლო 24 საათში – 10), კარანტინის რეჟიმშია 328, სტაციონარებში ექიმების დაკვირვების ქვეშ 1.723 პაციენტი, ხოლო კოვიდ–სასტუმროებში 231 ადამიანი იმყოფება. 

თბილისი, 21 თებერვალი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 258-ით გაიზარდა და ინფიცირებულთა საერთო რიცხვმა 268.355 -ს მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

ამ დროისათვის სულ გამოჯანმრთელდა 261.637  ადამიანი (ბოლო 24 საათში – 571), გარდაიცვალა – 3.435  (ბოლო 24 საათში – 10), კარანტინის რეჟიმშია 328, სტაციონარებში ექიმების დაკვირვების ქვეშ 1.723 პაციენტი, ხოლო კოვიდ–სასტუმროებში 231 ადამიანი იმყოფება. 

ბოლო 24 საათში ჩატარდა 9.653 კვლევა ტესტით, მათ შორის ანტიგენის სწრაფი ტესტით – 4.697, PCR–ტესტით – 4.956

დადებითობის მაჩვენებელი: დღიური - 2,67%, ბოლო 14 დღის - 2,6%, ბოლო 7 დღის - 2,5%.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

78
თელასი

„თელასი": თბილისის რომელ უბნებს შეეზღუდება ელექტროენერგიის მიწოდება 1 მარტს

18
(განახლებულია 08:55 01.03.2021)
გეგმური სარემონტო სამუშაოების გამო დედაქალაქის სხვადასხვა უბნებში ელექტროენერგიის მიწოდება დროებით შეიზღუდება.

თბილისი, 1 მარტს – Sputnik. სააქციო საზოგადოება „თელასი" იუწყება, რომ 1 მარტს გეგმური სარემონტო სამუშაოების გამო დედაქალაქში ელექტროენერგიის მიწოდება შეიზღუდება.

საბურთალოს რაიონი

10:00 საათიდან 18:00 საათამდე შეზღუდვა შეეხება: ბახტრიონის, იყალთოს და კოსტავას ქუჩების მოსახლეობას.

ვაკის რაიონი

11:00 საათიდან 18:00 საათამდე შეზღუდვა შეეხება: წყნეთის გზატკეცილის (ნაწილობრივ), რაზმაძის (ნაწილობრივ), ირაკლი აბაშიძის, მცხეთის, შროშის და ბესიკ ბურკიაშვილის ქუჩების მოსახლეობას.

გლდანის რაიონი

11:00 საათიდან 16:00 საათამდე შეზღუდვა შეეხება: გლდანის მასივის II მიკრორაიონის, ქერჩის, შეშელიძის, ომარ ხიზანიშვილის, აკაკი ვასაძის და ილია ვეკუას ქუჩების მოსახლეობას.

ნაძალადევის რაიონი

10:30 საათიდან 17:00 საათამდე შეზღუდვა შეეხება: გურამიშვილის გამზირის, სამუელ ბუაჩიძის და ალექსანდრე ბარამიძის ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

18
თემები:
თბილისი დღეს
სატვირთო ავტომობილები

ზემო ლარსი დღეს: გუდაური–კობის მონაკვეთზე სატვირთო მანქანებისთვის მოძრაობა აკრძალულია

22
(განახლებულია 09:49 01.03.2021)
საერთაშორისო მნიშვნელობის გზის ამ მონაკვეთზე  მოძრაობა დანარჩენი ტრანსპორტისთვის განხორციელდება უწყევტ რეჟიმში და მხოლოდ ზვავდამცავი გვირაბების გავლით

თბილისი, 1 მარტი – Sputnik. თოვლისა და ლიპყინულის გამო საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)-კობის მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ნათქვამია საავტომობილო გზების დეპარტამენტის განცხადებაში.

გზის აღნიშნულ მონაკვეთზე დანარჩენი სახის ავტოტრანსპორტის მოძრაობა თავისუფალია.

  • მლეთა-გუდაურის (ფოსტა),  გუდაური(ფოსტა)–კობისა და სტეფანწმინდა-ლარსის მონაკვეთებზე ავტოტრანსპორტის მოძრაობა განხორციელდება გაუჩერებლად გავლის რეჟიმში. 

ამასთან, გუდაური (ფოსტა)-კობის მონაკვეთზე მოძრაობა შესაძლებელია მხოლოდ მხოლოდ ზვავდამცავი გვირაბების გავლით.

აღნიშნული რეჟიმით მოძრაობას საპატრულო პოლიცია გააკონტროლებს.

22
თემები:
ტრანსპორტი საქართველოში
დონალდ ტრამპი

დონალდ ტრამპი აშშ-ის საარჩევნო სისტემის შეცვლას მოითხოვს

0
(განახლებულია 10:21 01.03.2021)
მანამდე მედია წერდა, რომ ტრამპის სიტყვით გამოსვლა არის მისი ცენტრალური როლის დასტური რესპუბლიკურ პარტიაში და წარმოაჩენს იმასაც, რომ სწორედ იგია ყველაზე სავარაუდო კანდიდატი 2024 წლის არჩევნებში.

თბილისი, 1 მარტი — Sputnik. შეერთებულ შტატებს არჩევნების რეფორმა ესაჭიროება, რაც მოხდა, აღარ უნდა განმეორედეს, განაცხადა აშშ–ის ყოფილმა პრეზიდენტმა დონალდ ტრამპმა ორლანდოში კონსერვატორული პოლიტიკური მოქმედებების  კონფერენციაზე  (Conservative Political Action Conference) სიტყვით გამოსვლისას.

მისი თქმით, 2020 წლის ნოემბრის არჩევნები გაყალბდა, მაგრამ სასამართლოებმა არ მოინდომეს, რამე მოემოქმედებინათ ამ ფაქტის წინააღმდეგ.

„ეს არჩევნები ფალსიფიცირებული იყო და უმაღლესმა და სხვა სასამართლოებმა არაფერი გააკეთეს ამის წინააღმდეგ... ჩვენ არჩევნების რეფორმა გვჭირდება... მსგავსის დაშვება აღარ შეიძლება“, — ციტირებს ექს–პრეზიდენტის სიტყვეს გამოცემა  CBS News–ი.

ტრამპის თქმით, აუცილებელია არჩევნების რეგისტრაციის ნორმების, ამომრჩევლის პირადობის დადასტურების სტანდარტების გამკაცრება და ასევე ხმის მისაცემად ერთი დღის დაწესება.

მანამდე გავრცელდა ინფორმაცია, რომ აშშ–ის კონსერვატიული წრეების დიდ ნაწილს 2024 წლის საპრეზიდენტო კანდიდატად რესპუბლიკური პარტიისგან სწორედ დონალდ ტრამპის ხილვა სურს.

კონფერენციაზე გამოსვლისას ექს–პრეზიდენტმა ხაზგასმით აღნიშნა, რომ მისი პოლიტიკური კარიერა ჯერ კიდევ არ არის დასრულებული და კრიტიკის ქარ–ცეცხლი დაატეხა თეთრი სახლის ამჟამინდელ მეთაურ ჯო ბაიდენს.

ამასთან ყოფილმა პრეზიდენტმა დადო პირობა, რომ უახლოეს მომავალში წარმოადგენს საკუთარ ხედვას აშშ–ის მომავლის შესახებ.

აღსანიშნავია, რომ მანამდე მომავალ არჩევნებში დონალდ ტრამპის კანდიდატურისთვის მხარდაჭერის შესახებ ისაუბრეს რესპუბლიკური პარტიის გავლენიანმა სენატორებმა მიტ რომნიმ და ასევე მიტჩ მაკკონელიმ. მათი თქმით, რესპუბლიკური პარტია მზადაა, მხარი დაუჭიროს ყოფილ პრეზიდენტს 2024 წლის საპრეზიდენტო არჩევნებში, თუ ის პარტიის შიდა ნომინაციაში გაიმარჯვებს.

0
თემები:
საერთაშორისო პანორამა