ლაბორატორია

საქართველოში კორონავირუსით რეინფიცირების შესაძლო შემთხვევას იკვლევენ

57
(განახლებულია 19:14 20.02.2021)
როგორც ადრე ჯანდაცვის სამინისტროში განაცხადეს, საქართველოში კოვიდგადატანილი პაციენტების კვლევის პროგრამა, სავარაუდოდ, მარტიდან ამოქმედდება.

თბილისი, 19 თებერვალი – Sputnik. ჩოხატაურის მუნიციპალიტეტში COVID-19-ით ინფიცირების განმეორებითი შემთხვევა დაფიქსირდა, იუწყება „პირველი არხი“.

გავრცელებული ინფორმაციით, 35 წლის მამაკაცმა ვირუსი ორი თვის წინ დაამარცხა, ორი დღის წინ კი კორონავირუსისთვის დამახასიათებელი სიმპტომები კვლავ გამოუვლინდა – PCR-ტესტმა დადებითი პასუხი აჩვენა. 

ინფორმაციას ადასტურებენ ჩოხატაურის ჯანდაცვის ცენტრში, თუმცა ექსპერტები დამატებითი კვლევის შედეგებს ელოდებიან, რომელმაც უნდა დაადასტუროს ან უარყოს კორონავირუსით რეინფიცირების შესაძლო შემთხვევა. ამ დროისათვის პაციენტი ბათუმის კლინიკაშია გადაყვანილი.

ამ ეტაპზე საქართველოში ოფიციალურად რეინფიცირების არც ერთი შემთხვევა არ არის დაფიქსირებული. ადრე დაავადებათა კონტროლის ეროვნული ცენტრის ხელმძღვანელმა ამირან გამყრელიძე განაცხადა, რომ შესაძლო რეინფიცირების თვალსაზრისით დაახლოებით 30-მდე პაციენტზე მიდის დაკვირვება. გამოკვლევების შედეგები ჯერჯერობით უცნობია.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 388-ით გაიზარდა და ინფიცირებულთა საერთო რიცხვმა 267.701-ს მიაღწია.

საქართველოში კორონავირუსის პირველი შემთხვევა გასული წლის 26 თებერვალს დაფიქსირდა.

57
თემები:
კორონავირუსი საქართველოში: ბოლო ცნობები (304)

სამეგრელოს რეგიონში ინფიცირების შემთხვევები მკვეთრად შემცირდა

3
(განახლებულია 14:11 04.03.2021)
ბოლო მონაცემებით, რეგიონის მასშტაბით კორონავირუსი 53-მა პაციენტმა დაამარცხა, საკარანტინო სივრცეში კი 93 ადამიანი იმყოფება.

თბილისი, 4 მარტი – Sputnik. სამეგრელო–ზემო სვანეთის რეგიონში კორონავირუსის 14 ახალი შემთხვევა დაფიქსირდა, იუწყება „Sputnik-საქართველოს" კორესპონდენტი. 

რეგიონის მასშტაბით არსებულ ხუთ კოვიდ–ცენტრში 93 კოვიდ-ინფიცირებული პაციენტი აგრძელებს მკურნალობას, ათი პაციენტის მდგომარეობა მძიმეა. 

რუხის კლინიკაში მკურნალობის კურსს 40 კოვიდ-პაციენტი გადის – ექვსი პაციენტის მდგომარეობა მძიმეა. ფოთის კლინიკაში იმყოფება 27 კოვიდ-პაციენტი, მათ შორის მძიმე სამი პაციენტია. ზუგდიდის რეფერალურ ჰოსპიტალში ხუთი პაციენტი მკურნალობს, ერთი პაციენტის მდგომარეობა მძიმეა. აბაშის „ევექსის“ კოვიდ–კლინიკაში ექვსი პაციენტი მკურნალობს. სენაკის „ლაზიკა მედიში“ – 15 პაციენტი.

საქართველოში ბოლო 24 საათში გამოვლენილი კორონავირუსის 133 შემთხვევიდან ყველაზე მეტი – 78 შემთხვევა დედაქალაქში დაფიქსირდა.

ინფიცირებულთა შემთხვევების რაოდენობით რეგიონებს შორის პირველ ადგილზე იმერეთია, შემდეგ კი  სამეგრელო–ზემო სვანეთი.

ქვეყანაში კორონავირუსის პირველი შემთხვევა 2020 წლის 26 თებერვალს დაფიქსირდა.

ნიკა ლატარია

 

 

 

3
თემები:
კორონავირუსი საქართველოში: ბოლო ცნობები (304)
მართლმსაჯულება

ზუგდიდის სასამართლოში ძმები ესებუების საქმეების არსებითი განხილვა დაიწყო

7
(განახლებულია 14:01 04.03.2021)
დაცვის მხარის მოთხოვნით, ბადრი და ბიძინა ესებუების საქმეები ცალ-ცალკე განიხილება. ორივე საქმეზე პროცესი დისტანციურ რეჟიმში გაიმართა.

თბილისი, 4 მარტი – Sputnik. ზუგდიდის რაიონულ სასამართლოში „საქართველოს ბანკის“ ფილიალზე შეიარაღებულ თავდასხმაში ბრალდებული ბადრი ესებუასა და მისი ძმის, ბიძინა ესებუას საქმეების არსებითი განხილვა დაიწყო, იუწყება „Sputnik–საქართველოს" კორესპონდენტი. 

დაცვის მხარის მოთხოვნით,  ტერორიზმში ბრალდებული ბადრი ესებუას სისხლის სამართლის საქმე მისი ძმის ბიძინა ესებუას საქმეს მიმდინარე წლის იანვარში გამოეყო და ახლა ცალკე წარმოებაშია. ორივე საქმეზე პროცესი დისტანციურ რეჟიმში გაიმართა.

ბიძინა ესებუას ადვოკატ სოსო ჯანაშიას ინფორმაციით, დღეს სასამართლომ ბრალდებისა და დაცვის მხარეების შესავალი სიტყვები მოისმინა, რაც შეეხება მტკიცებულებების გამოკვლევის ეტაპს, რომელიც შემდეგ სხდომაზე უნდა გაიმართოს, პროცესი, ჯერჯერობით, გაურკვეველი ვადით გადაიდო.

„სხდომაზე დაცვის მხარემ თავის შესავალ სიტყვაში აქცენტი სახელმწიფოს მხრიდან ანგარიშსწორების ობიექტზე გააკეთა. იქიდან გამომდინარე, რომ ბადრი ესებუა ვერ დააკავეს, ანგარიშსწორების მსხვერპლი გახდა მისი ძმა ბიძინა ესებუა.  ეს ადამიანი არ არის დამნაშავე. მის მიმართ განხორციელდა მტკიცებულებების ფალსიფიკაცია და საბრძოლო მასალის ჩადება. შემდგომ, როცა დაიწყება მტკიცებულებების გამოკვლევა, დაცვის მხარე სასამართლოს ყურადღებას მიაპყრობს იმ მტკიცებულებებზე, სადაც აშკარად იკვეთება, რომ ბიძინა ესებუა მოცემულ საქმეში არის სრულად უდანაშაულო“, – განაცხადა ჯანაშიამ.

ბიძინა ესებუას საქმის მომდევნო სასამართლო პროცესი 24 მარტს, 14:00 საათზე გაიმართება.

ბიძინა ესებუა პოლიციამ 2020 წლის 4 დეკემბერს დააკავა. მისი ავტომანქანის ჩხრეკის შედეგად სამართალდამცველებმა ამოიღეს ორი ხელყუმბარა, ავტომატური ცეცხლსასროლი იარაღისთვის განკუთვნილი ვაზნები, საძილე ტომარა, საკვები პროდუქტები და ტანსაცმელი, რომელიც მას, სავარაუდოდ, მისი ძებნილი ძმისთვის უნდა გადაეცა. 

ბიძინა ესებუას მიმართ გამოძიება სისხლის სამართლის კოდექსის 236-ე მუხლით მიმდინარეობს, რაც საბრძოლო მასალის, ფეთქებადი ნივთიერებისა და ასაფეთქებელი მოწყობილობის მართლსაწინააღმდეგო შეძენა-შენახვა-ტარებას გულისხმობს. აღნიშნული დანაშაული 4-დან 7 წლამდე პატიმრობას ითვალისწინებს.

დაკავებული ბრალს არ აღიარებს, ძმასთან კავშირს კატეგორიულად უარყოფს და მიიჩნევს, რომ მას მანქანაში იარაღი და დანარჩენი ნივთები „ჩაუდეს“. 

რაც შეეხება ბადრი ესებუას საქმეს, ადვოკატის თქმით, დღევანდელ სხდომაზე ბრალდების მხარეს მტკიცებულებები არ წარუდგენია და პროცესი გაურკვეველი ვადით გადაიდო.

ბადრი ესებუას წინააღმდეგ გამოძიება სსკ-ის 236-ე, 323-ე და 329-ე მუხლებით მიმდინარეობს, რაც ტერორისტულ აქტს, მძევლების აყვანას ტერორისტული მიზნით და ცეცხლსასროლი იარაღის უკანონო შეძენა-შენახვა-ტარებას გულისხმობს. 

გამოძიების ვერსიით, ბადრი ესებუა 21 ოქტომბერს „საქართველოს ბანკის“ ზუგდიდის ფილიალში შეიჭრა და 43 ადამიანი მძევლად აიყვანა. ბოროტმოქმედმა ხელისუფლებისგან ნახევარი მილიონი დოლარი, ვერტმფრენი ან მანქანა, ასევე მისი უსაფრთხოების გარანტიები მოითხოვა. აღნიშნული მოთხოვნების დაკმაყოფილების შემდეგ მან ყველა მძევალი გაათავისუფლა და მიმალვა მოახერხა. მისი ადგილსამყოფელი ამ დრომდე უცნობია.

ბანკზე თავდასხმის ფაქტი ტერორისტულ აქტად შეფასდა.

 

7