ნაცმოძრაობის ოფისი

პოლიციამ ნიკა მელიას მიაკითხა: რა ხდება „ნაცმოძრაობის“  ოფისთან

119
(განახლებულია 10:02 18.02.2021)
ოპოზიციის ლიდერებმა და მომხრეებმა პოლიციელებს „ნაცმოძრაობის“  ოფისში შესვლის საშუალება არ მისცეს, სადაც პარტიის ლიდერი ნიკა მელია იმყოფება 

თბილისი, 18 თებერვალი – Sputnik. ოპოზიციური პარტია  „ერთიანი ნაციონალური მოძრაობის" ოფისსთან ათამდე სამართალდამცველი გამოჩნდა, რომლებსაც  პარტიის ლიდერ ნიკა მელიასთვის სასამართლო განჩინების ჩაბარება სურდათ. 

„ჩვენ მოვედით იმისთვის, რომ აღვასრულოთ სასამართლოს გადაწყვეტილება", – განაცხადა პოლიციის წარმომადგენელმა.

მათ შენობაში შესვლის საშუალება ოპოზიციის წარმომადგენლებმა და მომხრეებმა არ მისცეს. ადგილზე მყოფთ სამართალდამცველებმა სასამართლოს გადაწყვეტილება ხმამაღლა გააცნეს და მოუწოდეს ხელი არ შეეშალათ მათი მოვალეობის აღსრულებაში. 

„თუ ჩვენ წინააღმდეგობას წავაწყდებით, კანონით გათვალისწინებული ზომები იქნება მიღებული", – განაცხადეს შსს–ს წარმომადგენლებმა.

სამართალმდაცველებთან პოლიტიკოსის ადვოკატი დიმიტრი საძაგლიშვილი გამოჩნდა, რომელმაც სასამართლოს განჩინების მისთვის გადაცემა მოითხოვა, თუმცა, პოლიციამ მას უარი განუცხადა და შენობაში შესვლას შეეცადა. სამართალდამცველებს ამის საშუალება ადგილზე შეკრებილებმა არ მისცეს, რის შემდეგაც პოლიციამ ტერიტორია დატოვა.

თბილისის საქალაქო სასამართლომ 17 თებერვალს მთავარი ოპოზიციური პარტიის ლიდერ ნიკა მელიას 2019 წლის 20–21 ივნისის საქმესთან დაკავშირებით, დაუსწრებლად პატიმრობა შეუფარდა – გადაწყვეტილების სისრულეში მოყვანა პოლიციის პრეროგატივაა.

„ნაცმოძრაობის“ ოფისში გუშინ სრული ოპოზიციური სპექტრი და ახალგაზრდული ორგანიზაციები შეიკრიბა, რომლებმაც მთელი ღამე მთავარი ოპოზიციური პარტიის სათავო ოფისში პარტიის ლიდერ ნიკა მელიასთან ერთად გაატარეს. გარდა ამისა, ოპოზიციამ სასამართლო პროცესის დასრულების შემდეგ გაერთიანებისა და ახალი ეროვნული მოძრაობის დაწყების შესახებ განცხადება გააკეთეს.

119
თემები:
გადაწყვეტილება ცნობილია: ნიკა მელიას პატიმრობა შეეფარდა (16)
ადამიანები პირბადეებით ქუჩაში

პირველად საქართველოში დასაქმების ონლაინ ფესტივალი  ტარდება

3
(განახლებულია 12:55 26.02.2021)
ფესტივალი განკუთვნილია ახალგაზრდებისთვის და ყველა დაინტერესებული ადამიანისთვის. ღონისძიების მიზანია დასაქმების ხელშეწყობა და სამსახურის მაძიებლების დამსაქმებლებთან დაკავშირება

თბილისი, 26 თებერვალი – Sputnik. პირველად საქართველოში 1-დან 5 მარტის ჩათვლით, დასაქმების ხელშეწყობის სახელმწიფო სააგენტოს ჩართულობითა და HR hub – ისა და World Vision საქართველოს ორგანიზებით, დასაქმების ონლაინ ფესტივალი – „გაესაუბრე საიდანაც გინდა” ჩატარდება, ნათქვამია უწყების მიერ გავრცელებულ ინფორმაციაში.

სააგენტოს ცნობით, ღონისძიების მიზანია დასაქმების ხელშეწყობა და სამსახურის მაძიებლების დამსაქმებლებთან დაკავშირება.

დასაქმების ფესტივალზე წარმოდგენილი იქნება ოცდაათამდე კომპანია და 200-მდე ვაკანსია როგორც თბილისში, ასევე რეგიონებში. ფესტივალი განკუთვნილია ახალგაზრდებისთვის და ყველა დაინტერესებული ადამიანისთვის.

ფესტივალზე HR მენეჯერები, რეკრუტერები წარმოადგენენ კომპანიებსა და მიმდინარე ვაკანსიებს, რომელთა ნახვაც კანდიდატებს შეუძლიათ სპეციალურ ბმულზე: shorturl.at/jkvL6.

დასაქმების მსურველები შეარჩევენ მათთვის სასურველ კომპანიებს, ვაკანსიებს და დარეგისტრირდებიან. ამის შემდეგ კი მათთვის ჩაინიშნება ონლაინ შეხვედრები დამსაქმებლებთან, რომლებიც კანდიდატების დასაქმების გადაწყვეტილებას კონკრეტული ვაკანსიების მოთხოვნების შესაბამისად მიიღებენ.

მოსახლეობის დასაქმების პოლიტიკა საქართველოს მთავრობისთვის პრიორიტეტულია>>

სამუშაოს მაძიებლებთან შეხვედრის დროს კომპანიის წარმომადგენლები ისაუბრებენ, თუ რა ვაკანსიები და შეთავაზებები აქვთ, რა არის მათი კომპანიის, როგორც დამსაქმებლის კონკურენტული უპირატესობა, როგორ სამუშაო გარემოს სთავაზობენ დასაქმების მსურველებს. დასასრულ კი, სამუშაოს მაძიებლებს კითხვების დასმის საშუალება ექნებათ.

შეხვედრები გაიმართება ონლაინ Zoom-ის პლატფორმის გამოყენებით. დასაქმების ფესტივალში და მასტერკლასებზე დასასწრებად დარეგისტრირდით ბმულზე:https://forms.gle/ThsrUGNZLLAA1nXx8.

დარეგისტრირების შემდეგ, კომპანიის ონლაინ სესიის წინ, მონაწილეები მოკლე ტექსტური შეტყობინების სახით მიიღებენ Zoom–ის ლინკს, რომლის მეშვეობითაც პირდაპირ მოხვდებიან მათ მიერ წინასწარ შერჩეული დამსაქმებლების სესიებზე.

2020 წლის 1 იანვრიდან საქართველოში ქვეყანაში უმუშევრობის შესამცირებლად ცალკე უწყება ამოქმედდა - დასაქმების ხელშეწყობის სახელმწიფო სააგენტო. ის ასრულებს შუამავლის როლს სამსახურის მაძიებლებსა და ბიზნესს შორის. ის აღრიცხავს სამსახურის მაძიებლებს, სწავლობს შრომის ბაზარს და ქვეყანაში შრომის ბაზრის საკითხებზე რეკომენდაციებს იძლევა.

საქართველოს მთავრობამ დასაქმების ხელშეწყობის 2021 წლის პროგრამა დაამტკიცა>>

„საქსტატის“ ცნობით, ქვეყნის ყოველი მეხუთე შრომისუნარიანი მოქალაქე უმუშევარია. უმუშევრობის დონე 2020 წლის IV კვარტალში 3,8 პროცენტული პუნქტით გაიზარდა 2019 წლის იმავე პერიოდთან შედარებით და 20,4% შეადგინა.

3
საპატრულო პოლიცია

თბილისში მიმდინარე აქციის გამო გარკვეულ ქუჩებზე გადაადგილება შეზღუდულია

11
(განახლებულია 13:42 26.02.2021)
თბილისში აქციის მიმდინარეობისას დედაქალაქის მოსახლეობა გადაადგილებას ალტერნატიული გზებით შეძლებს. უწყებაში განმარტავენ, რომ გადაკეტილი გზები აქციის დასრულებისთანავე გაიხსნება

თბილისი, 26 თებერვალი - Sputnik. თბილისში მიმდინარე აქცია მსვლელობის გამო დედაქალაქის ცალკეულ უბნებში ავტროტრანსპორტის მოძრაობა დროებით შეზღუდულია, იუწყება შინაგან საქმეთა სამინისტრო.

ოპოზიციური პარტიების წარმომადგენლებმა დაიწყეს მზადება მასშტაბური საპროტესტო აქციისთვის ლოზუნგით „თავისუფლებისთვის“ – დაიძრნენ კოლონები რეგიონებიდან, პარლამენტის შენობასთან კი სცენა მონტაჟდება. აქციის მონაწილეები ფილარმონიიდან პარლამენტის შენობისკენ მსვლელობით უკვე გაემართნენ. შემდეგ პარლამენტთან ძირითადი მიტინგი გაიმართება, ხოლო ბოლოს აქციის მონაწილეები სახელმწიფო კანცელარიასთან გადაინაცვლებენ და პროტესტს იქ დაასრულებენ.

უწყებაში განმარტავენ, რომ საზოგადოებრივი წესრიგისა და უსაფრთხოების დაცვის მიზნით, დღეს 13:00 საათიდან დროებით შეიზღუდა გადაადგილება პეტრე მელიქიშვილის ქუჩასა და მერაბ კოსტავას გამზირზე.

  • აქციისა და მსვლელობის მიმდინარეობისას ასევე დროებით შეიზღუდება გადაადგილება შემდეგ ქუჩებზე: ალექსანდრე ჭავჭავაძის, მიტროფანე ლაღიძის, ბესიკის, ლესია უკრაინკას, ზაქარია ჭიჭინაძის ქუჩა, 9 აპრილის, ანტონ ფურცელაძის, არჩილ ჯორჯაძის, გია ჭანტურიას, რეზო ლაღიძის, ვასო აბაშიძის, მესხიას ქუჩა.

უწყებაში განმარტავენ, რომ ამ დროის განმავლობაში მოსახლეობა გადაადგილებას ალტერნატიული გზების მეშვეობით შეძლებს, კერძოდ მარჯვენა სანაპიროსა და რეზო თაბუკაშვილის ქუჩის გავლით. ასევე მოძრაობა თავისუფალი იქნება ჭონქაძის ქუჩასა და ზემო ვერის მიმართულებით გზებზე.

ტრანსპორტის ნაკადის უსაფრთხო გადაადგილებას საპატრულო პოლიციის ეკიპაჟები არეგულირებენ. აქცია-მსვლელობის დამთავრებისთანავე მოძრაობა ჩვეულ რეჟიმში აღდგება.

11