ქეთა თოფურიამ ახალშობილ ვაჟს ფოტოსესია მოუწყო და ამის ამსახველი ვიდეო და ფოტოები სოციალურ ქსელში განათავსა. ფოტოებში ჩანს, რომ პროცესში აქტიურად იყო ჩართული ქეთას გოგონა - ოლივია გეიხმანიც.

ქეთამ დაწერა, რომ ძალიან განიცდიდა, რამდენად იქნებოდა კომფორტული ადამისთვის ფოტოგადაღება ამ ასაკში, თუმცა მაინც უნდოდა ამ ეტაპის ფოტოებზე აღბეჭდვა და მადლობას უხდის ადამიანებს, ვინც ფოტოსესიის პროცესში დაეხმარა.

რუსული ესტრადის დედოფალი ქეთა თოფურია 21 იანვარს დედა გახდა. ქეთას ვაჟი – ადამი ბელორუსული წარმოშობის დიპლომატისგან ლევ დენგოვისგან შეეძინა. წყვილმა თავისი ერთწლიანი ურთიერთობა გასული წლის ოქტომბრის თვეში დააკანონა.

ქეთამ ადამი მოსკოვის ერთ-ერთ წამყვან სამშობიარო კლინიკაში გააჩინა. მან პირველი ფოტოს გამოქვეყნებისას ისიც აღნიშნა, რომ ადამი განსაკუთრებულ დღეს დაიბადა – (20)21 წლის 21-ე დღეს, 21-ე საუკუნეში.

ახალშობილი და დედა თავს კარგად გრძნობენ. ქეთამ რამდენიმე დღის წინ „ინსტაგრამის“ „სთორიზე“ გამოაქვეყნა ვიდეო, სადაც ჩანს, რომ ის დაბრუნდა სახლში, რომელიც სავსეა ყვავილებით. როგორც ჩანს, მომღერალი სიურპრიზმა ძალიან გაახარა.

ჯერ კიდევ ფეხმძიმობის პერიოდში თაყვანისმცემლები მას ბიჭის დაბადებას „უწინასწარმეტყველებდნენ“. ქეთა შვილის სქესს საგულდაგულოდ მალავდა, ისევე, როგორც ფეხმძიმობას. მან ორსულობის შესახებ გულშემატკივრებს კლიპის მეშვეობით შეატყობინა.

ქეთასთვის ეს მეორე შვილია. მას ქალიშვილი ოლივია ჰყავს. ნახევარ და-ძმას შორის 6-წლიანი ასაკობრივი სხვაობაა. 34 წლის მომღერალმა პირველი ქალიშვილი 2015 წელს გააჩინა.

თბილისი, 7 მარტი - Sputnik. საქართველოში 2021 წლის იანვრის მდგომარეობით, უგზო-უკვლოდ დაკარგულად მიიჩნევა 1000 ადამიანი, აქედან 2020 წელს დაიკარგა 42 ადამიანი, შსს-ს ვებგვერდზე გავრცელებული მასალების თანახმად.

photo : Kseniya Pilpani / FB

ილია ფილფანის ოჯახი შვილის ძებნაში დახმარებისთვის 50 000 ლარის ჯილდოს აწესებს

უწყების მონაცემებით, 2020 წელს სულ დაიკარგა 126 ადამიანი, აქედან 69 ცოცხალი იპოვეს, 15 - გარდაცვლილი. პოლიცია დღემდე ვერ ახერხებს 42 ადამიანის მოძებნას, მათ შორის 6 ბავშვია.

დაკარგულთა უმრავლესობა საქართველოს მოქალაქეები არიან. მაგრამ 2020 წელს ასევე ეძებდნენ და იპოვეს რუსეთის ერთი მოქალაქე, თურქეთის ერთი მოქალაქე და ნიდერლანდების ერთი მოქალაქე. ამასთან თურქეთის და ნიდერლანდების მოქალაქეები გარდაცვლილები იპოვეს. დღემდე მიმდინარეობს ყაზახეთის ერთი და პოლონეთის ერთი მოქალაქის ძებნა.

საქართველოს შსს ძებნას 1973 წლიდან ახორციელებს, იმ დროიდან უგზო-უკვლოდ დაკარგულად მიიჩნეოდა 6.097 და უკვე მოძებნილია 5.097 ადამიანი.