გურამ შეროზია

„გაიცანით კოკო“ გურამ შეროზიამ აფრიკაში ახალი სიყვარული იპოვა? ფოტოები

209
(განახლებულია 21:48 17.02.2021)
გურამ შეროზია, რომელიც საზოგადოებამ როგორც მოგზაური ბლოგერი, ისე გაიცნო, ამჟამად აფრიკაში მოგზაურობს

ფრენების აღდგენის შემდეგ ცნობილმა ბლოგერმა სამოგზაუროდ აფრიკას მიაშურა და სოციალური ქსელის მომხმარებლებს ცხელ სანაპიროზე გადაღებული ფოტოებით და ვიდეოებით ანებივრებს.

როგორც ჩანს, ბლოგერი ფერადკანიანი, ხუჭუჭთმიანი მანდილოსნების მიმართ გულგრილი არ აღმოჩნდა და შორეულ აფრიკაში სიყვარულის ძებნა დაიწყო. რამდენიმე დღის წინ საზოგადოებას ჯერ ერთი გოგონა გააცნო, რომელსაც შემთხვევით პლაჟზე გადააწყდა, თუმცა არჩევანზე არ ჩაციკლულა და რამდენიმე დღეში უკვე მისი ჩამნაცვლებელი მოძებნა.

„იგი წავა და სხვა მოვა ტურფასა საბაღნაროსა“. დღეს ძალიან კარგი ადგილიდან დავყრით „სთორებს“ და აქვე: გაიცანით კოკო, არ ვთაგავ უბრალოდ, თუმცა გამომძიებლებს რას გამოვაპარებ, სადაც ის იპოვეს“, – წერს ბლოგერი.

გურამ შეროზია აქტიური ცხოვრებით გამოირჩევა. ბავშვობაში ბევრ რამეზე ოცნებობდა, მათ შორის უცხოეთში მოგზაურობაზე. შეიძლება ითქვას, ყველაზე ნაყოფიერად ეს ოცნება აიხდინა – ამ დროისათვის 60-ზე მეტ ქვეყანაშია ნამყოფი.

გურამ შეროზია სამი წლის წინ დაქორწინდა. მისი რჩეული პროფესიით ფსიქოლოგი ხატია ჯოხარიძე იყო, თუმცა ისინი მალევე დაშორდნენ. წყვილს მცირეწლოვანი გოგონა ჰყავს.

209
თემები:
სელებრითების ცხოვრება (2776)
სარემონტო სამუშაოები გაზსადენზე

თბილისის ცენტრალურ გაზსადენზე ავარიაა

6
(განახლებულია 13:23 26.02.2021)
გაზმომარაგების უმოკლეს დროში აღდგენისთვის ამ დროისთვის ინტენსიური სამუშაოები მიმდინარეობს. გაზმომარაგება 27 თებერვალს 21:00 საათამდე სრულად აღდგება.

თბილისი, 26 დეკემბერი – Sputnik. თბილისის გაზმომარაგების ცენტრალურ მაგისტრალზე ავარიის გამო თემქის დასახლებასა და ავჭალის ნაწილს გაზმომარაგება ავარიულად შეუწყდა. იუწყება კომპანია  „თბილისი ენერჯი“. 

კომპანიიც ცნობით, „თბილისი ენერჯის“ სპეციალური ჯგუფები ადგილზე სრულადაა მობილიზებული.

„გაზმომარაგების უმოკლეს დროში აღდგენისთვის ამ დროისთვის ინტენსიური სამუშაოები მიმდინარეობს. აღნიშნული სამუშაოები დღეს დღის ბოლომდე დასრულდება“, – აღნიშნულია კომპანიის განცხადებაში.

გაზმომარაგება, უსაფრთხოების ნორმებიდან გამომდინარე, ხვალ, 27 თებერვალს 21:00 საათამდე სრულად აღდგება.

„თბილისი ენერჯი" დედაქალაქს ბუნებრივი გაზით 8500 კილომეტრის საშუალო და დაბალი წნევის მიწისქვეშა და მიწისზედა გაზსადენების საშუალებით ამარაგებს.

6
თემები:
შემთხვევები საქართველოში
კომპიუტერთან

ვირტუალური ხელოვნება: საქართველოში იწყება ახალი პროექტი „პირველი არხი სცენა“

15
(განახლებულია 12:39 26.02.2021)
პროექტი გააერთიანებს ყველა საინტერესო მოვლენასა და ადამიანს კინოს, თეატრის, მუსიკის, სახვითი ხელოვნების, ქორეოგრაფიისა და ხელოვნების სხვა სფეროებიდან

თბილისი, 26 დეკემბერი – Sputnik. საქართველოს საზოგადოებრივი მაუწყებელი იწყებს ახალ პროექტს „პირველი არხი – სცენა“, რომელიც ერთ ციფრულ პლატფორმაზე ხელოვნების სხვადასხვა სფეროს გააერთიანებს.

როგორც პირველი არხის განცხადებაშია აღნიშნული, პანდემიის გამო ხელოვნების  სფეროს თვითგამოხატვის ხელმისაწვდომი ფორმებით სარგებლობის შესაძლებლობა აღარ აქვს, ამიტომ საზოგადოებრივი მაუწყებელი მათ ახალ ონლაინ–ალტერნატივას სთავაზობს.

პირველი არხი – სცენა“ – ესაა ვირტუალური სივრცე, რომელიც ნებისმიერ მსურველს აძლევს საშუალებას, მოისმინოს კონცერტი ქართველი შემსრულებლების შესრულებით, ნახოს ქართული ფილმები, თეატრალური დადგმები, ცნობილი ქართველი ფოტოგრაფების გამოფენები და ნამუშევრები. გარდა ამისა, პორტალზე იქნება სხვადასხვა კონცერტის პირდაპირ ტრანსლაციაზე დასწრების შესაძლებლობა ვირტუალური ბილეთის საშუალებით, ასევე დაინტერესებულ პირებს აქვთ თანხის გადარიცხვის შესაძლებლობა, რათა დაეხმარონ ხელოვნების სფეროების წარმომადგენლებს.

ორგანიზატორებმა უკვე დააანონსეს პროექტის პირველი ცოცხალი კონცერტი, ესაა „ჯაზის საღამო“, რომელიც 28 თებერვალს გაიმართება და მასში მონაწილეობას მიიღებენ JANNGO, ნინი ნუცუბიძე, ანა დოი, ბექა გოჩიაშვილი, ლევან დეისაძე და ზაზა ცერცვაძე.

15
თემები:
საქართველო და კულტურა