აქცია ოჯახური ძალადობის წინააღმდეგ

არასამთავრობოები 14 წლის გოგონას თვითმკვლელობის საქმის გადაკვალიფიცირებას ითხოვენ

81
(განახლებულია 21:05 16.02.2021)
არასრულწლოვნის საქმეზე ორი პირია დაკავებული. ერთი ბრალდებული ახალგაზრდა კაცია, რომელმაც 14 წლის გოგონაზე სექსუალურად იძალადა. მეორე კი გარდაცვლილის ბაბუაა, რომელსაც გამოძიება მუქარასა და ძალადობას ედავება.

თბილისი, 16 თებერვალი – Sputnik. ქობულეთში 14 წლის გოგონას თვითმკვლელობის საქმესთან დაკავშირებით შვიდი არასამთავრობო ორგანიზაცია ხელისუფლებას მოუწოდებს, საქმე სხვა მუხლით გადაკვალიფიცირდეს.

ქობულეთის მუნიციპალიტეტში 9 თებერვალს თავი მოიკლა 14 წლის გოგონამ, რომელთანაც 23 წლის მამაკაცმა სექსუალური კავშირი დაამყარა. პოლიციამ სექსუალურ ძალადობაში ბრალდებული მას შემდეგ დააკავა, რაც გოგონას თვითმკვლელობის შესახებ ინფორმაცია გავრცელდა. მას ბრალი სსკ-ის 140-ე მუხლით აქვს წაყენებული, რაც გულისხმობს სექსუალური ხასიათის შეღწევას თექვსმეტი წლის ასაკს მიუღწევლის სხეულში.

არასამთავრობო ორგანიზაციების განცხადებას ხელს აწერენ კავშირი „საფარი", ადამიანის უფლებათა ცენტრი, ქალთა ფონდი საქართველოში, ადამიანის უფლებების განვითარების ფონდი, ქალთა საკონსულტაციო ცენტრი „სახლი", ასოციაცია „მრავალეროვანი საქართველოს ქალები", კავშირი „მარნეულის დემოკრატ ქალთა საზოგადოება".

განცხადების ხელმომწერი ორგანიზაციები მიიჩნევენ, რომ საქმე გაუპატიურების მუხლით უნდა გადაკვალიფიცირდეს. მათი განმარტებით, საქმეში არასრულწლოვნის გაუპატიურება ცხადად იკვეთება, თუმცა პროკურატურამ ბრალი პირს სსკ-ის 140-ე მუხლით წაუყენა, რაც სრულწლოვნის მიერ 16 წელს მიუღწეველთან თანხმობით განხორციელებულ სექსუალურ კავშირს ნიშნავს.

არასამთავრობოების განცხადებით, გაუპატიურებაზე მიუთითებს არასრულწლოვნის მოწყვლადობა და დამნაშავის მიერ მისი მდგომარეობის ექსპლუატაცია, რაც გამორიცხავდა თანასწორი, თანხმობაზე დაფუძნებული ურთიერთობის არსებობას, მათ შორის – მსხვერპლის ასაკი (13 წელი) და მოძალადესა და მსხვერპლს შორის მნიშვნელოვანი ასაკობრივი განსხვავება (10 წელი); მსხვერპლის მშობლების არარსებობა, გარემო მხარდაჭერის არარსებობა; ძალადობრივი ოჯახური გარემო, რომელშიც ბავშვი ცხოვრობდა და მისი სურვილი, საზღვარგარეთ დედასთან გადასულიყო საცხოვრებლად; მოძალადის მიერ მსხვერპლის მიმართ გაცემული ცრუ დაპირება ქორწინების თაობაზე, რათა მსხვერპლი სქესობრივ კავშირზე დაეყოლიებინა და ა.შ.

განცხადების ხელმომწერი ორგანიზაციები ხელისუფლებას მოუწოდებენ, აღნიშნულ საქმეზე შეიცვალოს კვალიფიკაცია და გამოძიება წარიმართოს საქართველოს სსკ-ის 137-ე მუხლის მე-4 ნაწილის „გ" ქვეპუნქტით – იმ დაშვებით, რომ ადგილი ჰქონდა გაუპატიურებას, წინასწარი შეცნობით არასრულწლოვნის მიმართ.

14 წლის გოგონას საქმეზე კიდევ ერთი პირი – მისი ბაბუაა დაკავებული. მის მიმართ გამოძიება ოჯახური ნიშნით, წინასწარი შეცნობით არასრულწლოვნის მიმართ ჩადენილ მუქარისა და ოჯახში ძალადობის ფაქტებზე (სსკ-ის 11 პრიმა–151-ე მუხლის მე-2 ნაწილის „გ" და „დ" ქვეპუნქტებით, ასევე 126-ე პრიმა მუხლის მე-2 ნაწილის „ა" ქვეპუნქტით) მიმდინარეობს.

 

81
აბრა მაღაზიაში კორონავირუსის შესახებ

როდის მოიხსნება დარჩენილი შეზღუდვები: ამირან გამყრელიძის პროგნოზი

30
(განახლებულია 08:45 28.02.2021)
ეპიდემიოლოგის თქმით, ჯერჯერობით ქვეყანაში სტაბილური ეპიდსიტუაციაა და კორონავირუსის მესამე ტალღა მოსალოდნელი არ არის

თბილისი, 28 თებერვალი – Sputnik. შეზღუდვების შემდგომი შემსუბუქება შესაძლებელი იქნება 1-2 კვირაში, თუ ამის საშუალებას ეპიდვითარება მოგვცემს, განუცხადა ჟურნალისტებს დაავადებათა კონტროლის ეროვნული ცენტრის დირექტორმა ამირან გამყრელიძემ.

საქართველოში 1 მარტიდან ბევრი შეზღუდვა მოიხსნება: გაიხსნება მუზეუმები, საბავშვო ბაღები, ფიტნეს-დარბაზები. უქმდება შაბათ-კვირის კარანტინი. ამ კვირაში სრული დატვირთვით ამუშავდა საზოგადოებრივი და საქალაქთაშორისო ტრანსპორტი.

„ამ ეტაპზე საკმაოდ ბევრი შეზღუდვა მოიხსნა, სერიოზული შემსუბუქება გამოცხადდა, ამიტომ 1-2 კვირა უნდა დავაკვირდეთ ეპიდსიტუაციას. ეს შეზღუდვები რა სტიმულს მისცემს ინფექციის გავრცელებას. ამის შემდეგ გადაწყდება შეზღუდვების შემსუბუქება. ხვალ და ზეგ ეს არ იქნება“, - განაცხადა გამყრელიძემ.

რაც შეეხება მესამე ტალღას, მისი პროგნოზებით, თუ მარტი და აპრილი აფეთქებების გარეშე ჩაივლის, ის ნაკლებად სავარაუდოა.

„დასაშვებია, რომ ჩვენთანაც „ბრიტანული შტამის“ მეტი გავრცელება იყოს, მას გავრცელების მეტი სისწრაფე ახასიათებს, უფრო ახალგაზრდა ადამიანებს აზიანებს, თუმცა სიმძიმით არ გამოირჩევა. მაგრამ ჩვენ ახლა დაღმავალ ტალღაზე ვართ, ანუ ეპიდსიტუაცია ქვეყანაში სტაბილიზირდება. ასე გაგრძელდება, თუ ჩვენ რამე დიდი შეცდომა არ დავუშვით, არ მოვეშვით, პირბადე არ გადავაგდეთ“, - განაცხადა გამყრელიძემ.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა, დღემდე ქვეყანაში 270.510 შემთხვევაა გამოვლენილი.

30
თენგიზ ცერცვაძე

საქართველოში კოვიდგადატანილი ადამიანების კვლევა მომდევნო კვირაში დაიწყება: მიზნები

257
ინფექციონისტის განცხადებით, კვლევა მხოლოდ თბილისში ჩატარდება და შემთხვევითი შერჩევის პრინციპით 500 მონაწილე შეირჩევა

თბილისი, 27 თებერვალი – Sputnik. საქართველოში კოვიდგადატანილი ადამიანების კვლევა მომდევნო კვირაში დაიწყება, განაცხადა თბილისის ინფექციური საავადმყოფოს დირექტორმა, თენგიზ ცერცვაძემ.

ცერცვაძის განცხადებით, ჯანდაცვის სპეციალისტებს კვლევის შემდეგ ზუსტად ეცოდინებათ, კოვიდგადატანილი პაციენტების რა ნაწილს უვითარდება პოსტკოვიდური სინდრომი.

„გვეცოდინება სად უფრო ხშირია: კაცებში თუ ქალებში, ახალგაზრდებში თუ ასაკოვნებში, ვინც მძიმედ გადაიტანა დაავადება თუ ვინც მსუბუქად. რაც მთავარია, გვეცოდინება რომელი გამოვლინება სჭარბობს პოსტკოვიდურ სინდრომში: სასუნთქი სისტემის, ზოგადი სიმპტომები - დაღლილობა, სისუსტე, კუნთების ტკივილი, ნევროლოგიური სიმპტომები და სხვა“, - განაცხადა ცერცვაძემ.

ცერცვაძის ინფორმაციით, კვლევის შემდეგ, ჯანდაცვის სამინისტროში შეიქმნება პროგრამა, რომელიც უფასოდ მოემსახურება პოსტკოვიდური სინდრომის მქონე პაციენტებს.

„საუბარია იმაზე, რომ ეს პაციენტები მივლენ ზოგადი პროფილის კლინიკებში, ინფექციურ კლინიკებში და შეიძლება ოჯახის ექიმთანაც. სპეციალური კვლევის ალგორითმით და კითხვარით დადგინდება, აქვს თუ არა მას პოსტკოვიდური სინდრომი და თუ აქვს, რომელი გამოვლინება აქვს და შემდეგ უკვე ამ კონკრეტული გამოვლინების მიხედვით, ისინი დაკვალიანდებიან და გადამისამართდებიან სპეციალისტებთან“, – განაცხადა ცერცვაძემ.

კვლევისთვის შერჩეულ ადამიანებს მედიკოსები ტელეფონით დაუკავშირდებიან და მოიწვევენ კლინიკებში.

პოსტკოვიდური სინდრომი მსოფლიო მედიკოსთა ახალი გამოწვევაა. როგორც სპეციალისტები აცხადებენ, დაკვირვების შედეგად დადგინდა, რომ პოსტკოვიდური სინდრომი უმეტესად იმ პაციენტებს ემართებათ, ვინც ვირუსი მძიმე ფორმებში გადაიტანა. ხშირად მათი ხელახალი ჰოსპიტალიზაცია ხდება საჭირო.

257
ექიმი ევგენი კომაროვსკი

რა მეთოდებით არ ღირს იმუნიტეტის გაძლიერება - ექიმ კომაროვსკის რჩევები

0
(განახლებულია 09:22 28.02.2021)
ადამიანის ორგანიზმის იმუნიტეტის ამაღლების ერთ-ერთი ყველაზე ეფექტური ხერხია ჯანსაღი ძილი და დადებითი ემოციები

თბილისი, 28 თებერვალი – Sputnik. იმუნიტეტის ამაღლების ყველაზე არაეფექტური და ეფექტური მეთოდები - ამის შესახებ ექიმმა ევგენი კომაროვსკიმ თავის Instagram-ზე ისაუბრა.

მედიკოსის თქმით, ჯანმრთელობის გაუმჯობესების ყველაზე არაეფექტური მეთოდებია ბიოაქტიური საკვები დანამატების, ასევე ელეუთეროკოკის და ექინაცეის მიღება, ხახვის და ნივრის მირთმევა, ვირუსის საწინააღმდეგო ამულეტები, იმუნომოდულატორები და ჰომეოპათია.

კომაროვსკი განმარტავს, რომ იმუნიტეტის ამაღლების ყველაზე ეფექტური მეთოდებია - სრულფასოვანი ძილი, ზომიერი ფიზიკური დატვირთვები, უარი მავნე ჩვევებზე (თამბაქოს და ალკოჰოლის მოხმარება), ვაქცინაცია, სრულფასოვანი კვება და დადებითი ემოციები.

0