მიკროავტობუსი

„აღადგინეთ საქალაქთაშორისო მოძრაობა!“ სამარშრუტო ტაქსების მძღოლებმა აქცია გამართეს

76
(განახლებულია 20:12 16.02.2021)
იმ შემთხვევაში, თუ საქალაქთაშორისო ტრანსპორტის მოძრაობა არ აღდგება, მძღოლები დაუმორჩილებლობის გამოცხადებას გეგმავენ.

თბილისი, 16 თებერვალი – Sputnik. ხელვაჩაურის მუნიციპალიტეტის მერიის შენობასთან მიკროავტობუსების მძღოლებმა საპროტესტო აქცია გამართეს, იუწყება „აჭარის ტელევიზია“.

აქციის მონაწილეების მთავარი მოთხოვნა ქვეყანაში კორონავირუსის გამო დაწესებული შეზღუდვების მოხსნა და საქალაქთაშორისო ტრანსპორტის მუშაობის აღდგენა იყო.

მათი განცხადებით, უმუშევრობის გამო ისინი ფინანსური პრობლემების წინაშე აღმოჩნდნენ. გარდა ამისა, გართულებულია ადგილობრივი მოსახლეობის გადაადგილებაც, რომლებიც ვერ ახერხებენ ქალაქში ჩასვლას. ადგილობრივი მოსახლეობის განცხადებით, პრობლემები შეექმნათ მოსწავლეებსაც, რომლებიც ბათუმის საჯარო სკოლებში სწავლობენ, ხოლო ტრანსპორტის არარსებობის გამო ხშირად სკოლაში მისვლას ვერ ახერხებენ. 

აქციის მონაწილეებს მერიის წარმომადგენლები შეხვდნენ, რომლებმაც კვირის ბოლომდე აღნიშნულ საკითხთან დაკავშირებით მოლაპარაკებების გამართვის პირობა დადეს.

თუ ტრანსპორტის მოძრაობა არ აღდგება, მძღოლები დაუმორჩილებლობის გამოცხადებას გეგმავენ.

ხელისუფლებამ ქვეყნის დიდ ქალაქებში 8 თებერვლიდან მუნიციპალური ტრანსპორტისა და სავაჭრო ცენტრების, 15 თებერვლიდან კი საქართველოს მთელ ტერიტორიაზე სასწავლო პროცესის საკლასო ოთახებში და ღია სივრცეში რესტორნების მუშაობის განახლების გადაწყვეტილება მიიღო.

როგორც ადრე ეკონომიკისა და მდგრადი განვითარების მინისტრმა ნათია თურნავამ განაცხადა, ამ ეტაპზე მთავრობისთვის პრიორიტეტული საბავშვო ბაღების, სპორტული დარბაზებისა და საქალაქთაშორისო ტრანსპორტის აღდგენაა.

76
კომპანია GWP

მოსახლეობის საყურადღებოდ! თბილისის ხუთ რაიონს წყალმომარაგება შეუწყდება

33
(განახლებულია 19:27 26.02.2021)
წყალგამანაწილებელი კომპანია Georgian Water and Power შექმნილი დისკომფორტის გამო მოსახლეობას ბოდიშს უხდის.

თბილისი, 26 თებერვალი – Sputnik. მარშალ გელოვანის გამზირზე მიმდინარე საგზაო-სამშენებლო სამუშაოების წარმოებისას წყალმომარაგების მაგისტრალური მილი ავარიულად დაზიანდა, რის გამოც თბილისის ზოგიერთ უბანს წყალმომარაგება შეუწყდება, ნათქვამია წყალგამანაწილებელი კომპანია Georgian Water and Power–ის მიერ გავრცელებულ განცხადებაში.

გავრცელებული ინფორმაციით, ამ დროისთვის კომპანიის ტექნიკური ჯგუფი ადგილზეა მობილიზებული და დაზიანების აღსადგენად მოსამზადებელი სამუშაოები მიმდინარეობს. მოსახლეობისთვის ნაკლები დისკომფორტის შექმნის მიზნით, ტექნიკურ-აღდგენითი სამუშაოების ძირითადი ნაწილი ღამის საათებში შესრულდება.

„სამუშაოების მიმდინარეობის პერიოდში წყალსადენის ქსელის წყლისგან დაცლაა აუცილებელი, რის გამოც დღეს, 26 თებერვალს ღამის 22:00 საათიდან, 27 თებერვლის დღის 12:00 საათამდე წყალმომარაგება შეეზღუდება“, – აღნიშნულია განცხადებაში.

წყალმომარაგება შეეზღუდება შემდეგ რაიონებს:

ვაკის რაიონი – ჭავჭავაძის გამზირს, კეკელიძის, ბარნოვის, ფალიაშვილის, ტაბიძის, მცხეთის, შატბერაშვილის, აბაშიძის, არაყიშვილის, კავსაძის, რადიანის, ატენის, ყიფშიძის და მიმდებარე ქუჩებს.

საბურთალოს რაიონი – ვაჟა-ფშაველას გამზირის ნაწილს, პეკინის, კოსტავას, თამარაშვილის, ბახტრიონის, გელოვანის, დოლიძის, ტაშკენტის, იყალთოს, ალექსიძის, გაგარინის, შარტავას, კალანდაძის, ფანჯიკიძის (ყოფ. ბუდაპეშტის), მიცკევიჩის, საირმის, ლორთქიფანიძის, ზემო ვეძისის და მიმდებარე ქუჩებს.

მთწმინდის რაიონი – ზანდუკელის, ქიაჩელის, ჭოველიძის, იაკობ ნიკოლაძის, ვარაზის ხევს, მელიქიშვილის, ხორავას, ლარსის, ბელინსკის, რუსთაველის, ფურცელაძის, ჭონქაძის, თარხნიშვილის და მიმდებარე ქუჩებს. ოქროყანას დასახლებას.

კრწანისის რაიონი – პუშკინის, გრ. ხანძთელის, ლადო ასათიანის, გორგასლის, ღვინის აღმართის და და მიმდებარე ქუჩებს.

ჩუღურეთის რაიონი – მარჯანიშვილის და უშანგი ჩხეიძის ქუჩებს.

დიდუბის რაიონი – ბელიაშვილის ქ. N40-ს, ლუბლიანას და ბალანჩინის ქუჩებს. ქართულ ამერიკული მეგობრობის გამზირს.

 

 

33
საგარეო საქმეთა სამინისტრო

ქართული დიასპორის ეკონომიკური ფორუმს 150-ზე მეტი ემიგრანტი დაესწრება

14
(განახლებულია 19:03 26.02.2021)
ფორუმის მიზანია უცხოეთში მცხოვრები თანამემამულეების საქართველოს სოციალურ-ეკონომიკური განვითარების პროცესში ჩართულობის ხელშეწყობა.

 

თბილისი, 26 თებერვალი – Sputnik. ქართული დიასპორის ეკონომიკური ფორუმი 27 თებერვალს ონლაინ–ფორმატში გაიმართება, იუწყება საგარეო საქმეთა სამინისტრო.

უწყების ცნობით, ფორუმი მიზნად ისახავს საზღვარგარეთ მცხოვრები თანამემამულეებისათვის  საქართველოს ბიზნეს–გარემოს, საინვესტიციო პოტენციალის, კონკრეტული საინვესტიციო შეთავაზებებისა და პროგრამების შესახებ ინფორმაციის გაზიარებას.

„ფორუმზე ხაზი გაესმება ქართული დიასპორის როლს საქართველოს ეკონომიკური განვითარების და საერთაშორისო საზოგადოებასთან დაახლოების პროცესში“, - აღნიშნულია განცხადებაში. 

ღონისძიებაზე განიხილება მეწარმეობის ხელშემწყობი სახელმწიფო პროგრამები და თანადაფინანსების მექანიზმები, ხაზი გაესმება იმ წამყვან რეფორმებს, რომლებიც საქართველოში ბიზნესის დაწყების თუ ინვესტიციის განხორციელების სიმარტივეს განაპირობებს.

ამასთან, მონაწილეები გაეცნობიან საქართველოს საგარეო ვაჭრობის პოლიტიკას, ქვეყანაში მოქმედ საერთაშორისო სავაჭრო ხელშეკრულებებს და არსებულ სავაჭრო რეჟიმებს.  

ფორუმის ორგანიზატორები არიან საქართველოს საგარეო საქმეთა სამინისტრო, საქართველოს პრეზიდენტის ადმინისტრაცია და გაეროს მიგრაციის სააგენტო - მიგრაციის საერთაშორისო ორგანიზაცია (IOM). 

ღონისძიებას მსოფლიოს სხვადასხვა კუთხიდან უცხოეთში მცხოვრები 150–ზე მეტი თანამემამულე დაესწრება.

14
თემები:
ქართული დიასპორა