ბათუმის მერია

სოციალურმა პრობლემებმა ბათუმელები საპროტესტო აქციაზე გამოიყვანა

138
(განახლებულია 23:41 15.02.2021)
რამდენიმე მომიტინგემ მოახერხა მოსალაპარაკებლად აჭარის მთავრობის სახლში შესვლა. თუმცა მათ თორნიკე რიჟვაძე ადგილზე არ დახვდა, ამიტომ მათ კაბინეტი დატოვეს

თბილისი, 15 თებერვალი - Sputnik. ბათუმში, აჭარის მთავრობის სახლთან, აჭარის ავტონომიური რესპუბლიკის მთავრობის მეთაურთან, თორნიკე რიჟვაძესთან შეხვედრის მოთხოვნით საპროტესტო აქციაზე ასზე მეტი ადამიანი გამოვიდა. იუწყება Sputnik-საქართველოს კორესპონდენტი.

აქციის მონაწილეები მშენებარე საცხოვრებელი კომპლექსის, „ოცნების ქალაქის“ მობინადრეები არიან. ისინი ითხოვენ გარანტიებს, რომ იქ შეკრებილთაგან არცერთი არ დარჩება ბინის ან მატერიალური კომპენსაციის გარეშე.

მომიტინგეები პირობას დებენ, რომ თუ ხელისუფლება არ შეასრულებს მათ მოთხოვნებს, ისინი პროტესტის უკიდურეს ფორმებს მიმართავენ.

„ამინდმა მასშტაბური აქციის მოწყობაში ხელი შეგვიშალა. ეს ერთგვარი გამაფრთხილებელი აქციაა. ჩვენი მოთხოვნაა, 1740 ოჯახთან გაფორმდეს ინდივიდუალური ხელშეკრულება, რომელშიც გაწერილი იქნება, რა ეტაპზე უზრუნველყოფენ მათ ან ბინებით, ან ფულადი კომპენსაციებით, ან დაუკანონებენ საცხოვრებელ ფართს „ოცნების ქალაქში“. მე ვსაუბრობ „ოცნების ქალაქის“ სამივე დასახლების სახელით“, - განაცხადა აქციის ერთ-ერთმა მონაწილემ.

რამდენიმე მომიტინგემ მოახერხა აჭარის მთავრობის სახლში შესვლა მოლაპარაკებების გასამართად. თუმცა თორნიკე რიჟვაძე ადგილზე არ დახვდა და მათ კაბინეტი დატოვეს.

„ოცნების ქალაქი“ - არის დასახლება, რომელიც ბათუმთან ახლოს, ყოფილი რუსული სამხედრო ბაზის ტერიტორიაზე მდებარეობს. აქ 2012 წელს ახალი ხელისუფლების მოსვლასთან ერთად ბუნებრივი პირობებისა და უსახსრობის გამო მაღალმთიანი აჭარიდან 900-მდე ოჯახი გადმოსახლდა, ე.წ. ეკომიგრანტები, მრავალშვილიანი ოჯახები, ასევე, აფხაზეთიდან დევნილები. ისინი ბარაკებსა და ვაგონებში დაბინავდნენ, ცხოვრობდნენ საშინელ პირობებში ელექტროენერგიისა და კანალიზაციის გარეშე.

2019 წელს ხელისუფლება მათ ბარაკების ადგილას საცხოვრებელი კომპლექსის აშენებას დაპირდა. თუმცა ახლა ხალხს სურს გარანტიები, რომ მათ საცხოვრებელი ფართის ან ფულადი კომპენსაციის გარეშე არ დატოვებენ.

მასშტაბური სოციალური პროექტი „ოცნების ქალაქი“ აჭარის ავტონომიური რესპუბლიკის ბიუჯეტიდან ფინანსდება და მისი ღირებულება 38,7 მილიონი ლარია. მშენებლობა 2020 წლის თებერვალში დაიწყო.

138
გზის გაწმენდა

ნაქერალას უღელტეხილზე უამინდობის გამო შეზღუდვა დაწესდა

72
ქუთაისი(მოწამეთა)-ტყიბული-ამბროლაურის საავტომობილო გზის დანარჩენ მონაკვეთებზე ავტოტრანსპორტის მოძრაობა თავისუფალია.

თბილისი, 28 თებერვალი – Sputnik. შიდასახელმწიფოებრივი მნიშვნელობის ქუთაისი (მოწამეთა)-ტყიბული-ამბროლაურის საავტომობილო გზის 39-62-ე კმ (ნაქერალას უღელტეხილი) მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აიკრძალა, იუწყება საავტომობილო გზების დეპარტამენტი.

შეზღუდვა ინტენსიური თოვის გამო დაწესდა.

ნაქერალას უღელტეხილზე დანარჩენი სახის ავტოტრანსპორტის მოძრაობა თავისუფალია.

ქუთაისი(მოწამეთა)-ტყიბული-ამბროლაურის საავტომობილო გზის დანარჩენ მონაკვეთებზე ავტოტრანსპორტის მოძრაობა თავისუფალია.

72
უნივერსიტეტის შესასვლელი

სტუდენტების დაბრუნება აუდიტორიებში ეპიდსიტუაციას არ გააუარესებს - განათლების სამინისტრო

87
(განახლებულია 23:52 28.02.2021)
15 მარტიდან დასწრებული სისტემის აღდგენის მეორე ეტაპია დაგეგმილი, რომელიც უმაღლეს სასწავლებლებში ლექციების დასწრებას გულისხმობს

თბილისი, 28 თებერვალი - Sputnik. საქართველოს უმაღლესი სასწავლო დაწესებულებები 1 მარტიდან ორ ეტაპად სრულად დაუბრუნდებიან სწავლის დასწრებულ ფორმატს, განაცხადა განათლების მინისტრის მოადგილემ ნუნუ მიცკევიჩმა.

მინისტრის მოადგილემ გამოთქვა იმედი, რომ უმაღლესებში ისევე დაიცავენ ჯანდაცვის სამინისტროს ყველა რეკომენდაციას, როგორც სკოლებში და უმაღლესი განათლების სფეროში რისკები მინიმალური იქნება.

„პირველი მარტიდან საგანმანათლებლო სივრცეში დაბრუნების შესაძლებლობა გვეძლევა. უნივერსიტეტებს ეძლევათ თავისუფალი არჩევანის საშუალება, პრაქტიკული, ლაბორატორიული და კლინიკური კომპონენტი ჩაატარონ აუდიტორიებსა და შესაბამის სივრცეებში. ამასთან ერთად, გამოცდები შეძლებისდაგვარად ჩატარდეს საუნივერსიტეტო სივრცეში“, - განაცხადა მიცკევიჩმა.

მისი თქმით, 15 მარტს დაგეგმილია მეორე ეტაპი, რომელიც ეხება თეორიულ კომპონენტს, სადაც ძირითადად იგულისხმება ლექციები. 

ორივე ეტაპზე უნივერსიტეტებისთვის არჩევანი ნებაყოფლობითი იქნება და კონკრეტული გადაწყვეტილების მიღებას ისინი სამინისტროსთან კონსულტაციით, ინდივიდუალურად შეძლებენ.

პრემიერ-მინისტრმა ირაკლი ღარიბაშვილმა 24 თებერვალს წარმოადგინა კორონავირუსის პანდემიის გამო დაწესებული შეზღუდვების შერბილების ეტაპობრივი გეგმა. 1 მარტიდან უმაღლეს და პროფესიულ სასწავლებლებში დაშვებულია კლინიკური, პრაქტიკული, ლაბორატორიული საქმიანობა და გამოცდების ჩაბარება, ხოლო 15 მარტიდან სტუდენტები აუდიტორიებს დაუბრუნდებიან.

15 თებერვლიდან, ხანგრძლივი პაუზის შემდეგ საქართველოს მასშტაბით 1-12 კლასის მოსწავლეები თავიანთ მერხებს დაუბრუნდნენ. ამასთან, მშობლებს დისტანციური სწავლების არჩევანის უფლებაც აქვთ. ბოლო კვირაში კორონავირუსის გამო და მშობლების თხოვნით დისტანციურ სწავლაზე 11 სკოლა და 109 კლასი გადავიდა.

 

87
აყვავებული რტო

ზოდიაქოს ხუთი რჩეული ნიშანი ვის გაუმართლებს ამ გაზაფხულზე

0
(განახლებულია 13:28 28.02.2021)
2021 წლის გაზაფხული ძალზე მრავალფეროვანი და მნიშვნელოვანი იქნება. გაუმართლებს ზოდიაქოს ყველა ნიშანს, მაგრამ განსაკუთრებით ვერძებს, ტყუპებსა და კიდევ სამ ნიშანს

მარტი და აპრილი 2021 წლის ყველაზე ხელსაყრელი თვეებია იმის წყალობით, რომ 27 აპრილამდე არც ერთი პლანეტა არ იქნება რეტროგრადული. იდეალური დროა მოქმედებებისთვის. მთავარია, სამყაროსთვის მადლობის თქმა არ დაგავიწყდეთ.

ზოდიაქოს ნიშნები, რომლებიც დიდებისა და პოპულარობისთვის დაიბადნენ>>

ვერძი

ვერძები – ადამიანები, რომლებიც ყოველთვის ზედაპირზე ხართ, მოქმედებთ მაშინაც, როდესაც სხვები ფარ–ხმალს ყრიან. თქვენი გაასმაგებული ენერგია და ნებისყოფა საოცარ შედეგებს მოიტანს. ესაა არა მხოლოდ იღბლიანობის დრო, არამედ ტოტალური ცვლილებების დროც. მთავარია, განზე არ გადგეთ და იმოქმედოთ, ეადოთ, კომფორტის ზონიდან გახვიდეთ. ესაა შესანიშნავი პერიოდი ცხოვრების ყველა სფეროში – თქვენთვის ყველა კარი გახსნილია.

ტყუპი

ქარიზმისა და მომხიბვლელობის წყალობით ბევრი რამის მიღწევა შეგიძლიათ. მარტსა და აპრილში ნამდვილად იქნებით წარმატებული ადამიანები, რადგან ჩარჩოებში ვერავინ და ვერაფერი მოგაქცევთ. ირგვლივ ყველა იგრძნობს თქვენი ხასიათის ძალასა მეგობრულ დამოკიდებულებას. ყველაზე მეტი იღბალი სასიყვარულო სფეროში გელოდებათ. თუმცა, გამონაკლისი არც სამუშაო და ფინანსებია. მთავარი, რაც უნდა გახსოვდეთ – ნებისმიერი ყინულის გალღობა სიკეთეს შეუძლია.

ლომი

გაზაფხულის იღბლიან ნიშანთა შორის თქვენც ხართ. ნამდვილი ტრიუმფი გელოდებათ. ეს პერიოდი ბედნიერებისა და იღბლის მომტანია. ექსპერტები აცხადებენ, რომ ბოლო ორიოდე წლის განმავლობაში მიღწეულ წარმატებებს შორის ყველაზე დიდი წარმატებები სწორედ ახლა გელოდებათ. რაც მთავარია, ამისთვის რამის მსხვერპლად გაღება არ დაგჭირდებათ. გელოდებათ საპასუხო სიყვარული, მნიშვნელოვან ადამიანებთან შეხვედრა, კარიერული წინსვლა და სხვ.

ზოდიაქოს ნიშნები, რომლებიც მიზნებს თავიანთი მომხიბვლელობით აღწევენ>>

ქალწული

მიწის სტიქიის წარმომადგენლებს შორის თქვენ ყველაზე იღბლიანი იქნებით ამ გაზაფხულზე. თქვენს ცხოვრებაში ახალი გზა იხსნება. დიდი ალბათობით, მიიღებთ საინტერესო წინადადებებს სამსახურთან დაკავშირებით. უარის თქმა ზოგიერთზე გაგიჭირდებათ, მაგრამ საჭიროა, რომ ობიექტურობა შეი8ნარჩუნოთ და სიფრთხილე გამოიჩინოთ. ძალზე ხელსაყრელი დროა ძვირად ღირებული ნივთების შესაძენად. ასტროლოგები გირჩევენ, დაფიქრებით გაანაწილოთ თქვენი ფინანსები. ზოგადად, კარგი თვეა შრომისმოყვარე ქალწულებისთვის, ხოლო ავანტიურა და რისკი კარგს არაფერს მოიტანს.

მერწყული

ამ გზაფხულზე ვარსკვლავები და პლანეტები არაჩვეულებრივი ინტუიციით დაგასაჩუქრებენ, რაც ყველაზე მწვავე პრობლემებისა და გაუგებრობების მოგვარებაში დაგეხმარებათ. მარტი და აპრილი დიდი გამარჯვებების თვეები იქნება როგორც სასიყვარულო, ისე ფინანსურ ასპარეზზე. შეძლებთ ცხოვრების გამრავალფეროვნებას, ახალი მოტივაციის შეძენას, ცნობიერების „გადატვირთვას“. უსიამოვნებები მალე გაივლის და თქვენს სულში კვალს არ დატოვებს. შესაძლოაშეხვდეთ ადამიანებს, რომლებიც თვალს აგიხელენ ცხოვრების მნიშვნელოვან ასპექტებზე.

0