ამირან გამყრელიძე

როდის გაუქმდება საქართველოში „კომენდანტის საათი“? გამყრელიძის პასუხი

474
(განახლებულია 20:51 15.02.2021)
საქართველოში კვლავ ძალაშია 21:00 საათიდან 05:00 საათამდე ქუჩაში გადაადგილებასთან დაკავშირებული შეზღუდვა, ასევე იკრძალება თავყრილობები.

თბილისი, 15 თებერვალი – Sputnik. საქართველოში ე.წ. კომენდანტის საათის მოხსნის თაობაზე რეკომენდაცია მას შემდეგ გაიცემა, რაც ქვეყანაში ეპიდვითარება დასტაბილურდება, განაცხადა დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ბრიფინგზე. 

ორშაბათს უწყებათშორისი საკოორდინაციო საბჭოს სხდომა გაიმართა, რომლის განხილვის ერთ-ერთი თემა შეზღუდვების შესაძლო შემსუბუქების საკითხი იყო.

„ყველა შეზღუდვის ერთბაშად მოხსნა არ არის რეკომენდებული. ეს უნდა მოხდეს ეტაპობრივად. დღეს ძალიან დიდი შეზღუდვა მოიხსნა – გაიხსნა სკოლები. ეს მობილობის ზრდის ერთ-ერთი ყველაზე დიდი სტიმულია. აქედან გამომდინარე, ჩვენ ათი დღე, ორი კვირა უნდა დავაკვირდეთ მდგომარეობას და შემდეგ უკვე ვიმსჯელოთ შეზღუდვების შემსუბუქებაზე“, – განაცხადა გამყრელიძემ.

მისი განმარტებით, ბოლო ორ თვეში ქვეყანაში ეპიდვითარება შესამჩნევად გაუმჯობესდა, მაგრამ ეს არ იძლევა მოდუნების საბაბს.

„მიუხედავად იმისა, რომ ბოლო კვირების განმავლობაში ჩვენ ტესტი ჩავუტარეთ 49 777 პედაგოგს, (მათ შორის) ინფიცირების დადებითობის მაჩვენებელი 0,2%-ს შეადგენს“, – განაცხადა გამყრელიძემ. 

კორონავირუსზე ტესტი ჩაუტარდათ სავაჭრო ობიექტების თანამშრომლებს, ტაქსის მძღოლებსა და სასულიერო პირებსაც. ტესტირება ჩაუტარდა დაახლოებით 20 ათას ტაქსის მძღოლს – დადებითი პასუხი დაახლოებით 0,5%-ში დაფიქსირდა. რაც შეეხება სავაჭრო ცენტრების თანამშრომლებს, აღნიშნულ კატეგორიაში ინფიცირების დადებითობის მაჩვენებელმა 0,4% შეადგინა, სასულიერო პირებს შორის კი 1%. გამყრელიძის თქმით, სავაჭრო ცენტრებში კოვიდ–რეგულაციებს იცავენ, შესაბამისად, დადებითობის მაჩვენებლი 0,2%-ია.

გამყრელიძემ მოსახლეობას კიდევ ერთხელ მოუწოდა თავყრილობებისგან თავის შეკავებისკენ, რათა ქვეყანაში არ განმეორდეს ნოემბერ–დეკემბრის ვითარება, როდესაც ინფიცირების დღიური მაჩვენებელი 4–5 ათასს აღწევდა.

საქართველოში კორონავირუსის ინფიცირების პირველი შემთხვევა 2020 წლის 26 თებერვალს დაფიქსირდა. ამ დროისთვის ქვეყანაში კორონავირუსით ინფიცირებულთა საერთო რაოდენობამ 265.722-ს მიაღწია, გარდაიცვალა 3.343 ადამიანი.

474
თემები:
კორონავირუსი საქართველოში: ბოლო ცნობები (280)

ქუთაისში ნამახვანჰესის მშენებლობის წინააღმდეგ საპროტესტო აქცია გაიმართა - ვიდეო

11
ქუთაისის ცენტრალურ მოედანზე ნამახვანი ჰესის მშენებლობის წინააღმდეგ ფართომასშტაბიანი საპროტესტო აქცია გაიმართა.  დაწვრილებით - ჩვენს ვიდეოში იხილავთ

მომიტინგეები თურქული კომპანია ENKA-ს რიონის ხეობიდან გასვლას, ხეობაში ჰესის მშენებლობის შეწყვეტასა და უცხოური კომპანიისათვის მიწის 99 წლით გადაცემის გაუქმებას მოითხოვდნენ.

უკვე 126 დღეა ადგილობრივები, საეკლესიო პირები და არასამთავრობოების წარმომადგენლები საპროტესტო აქციებს მართავენ მდინარე რიონზე ნამახვანჰესის მშენებლობის წინააღდეგ.

პროექტი „ნამახვანჰესის კასკადი“ რიონზე გააერთიანებს ორ ჰერსს - „ნამახვანი“ და „თვიში“, რომლებიც ერთად 433 მეგავატს გამოიმუშავებენ. პროეთის სავარაუდო ღირებულება 730 მილიონი დოლარია.

პროექტს Clean Energy Georgia Group შეასრულებს. ჰესის მშენებლობისათვის Clean Energy Georgia Group თურქულს ჰოლდინგთან ENKA Insaat ve Sanayi A.S. ითანამშრომლებს.

11
ნინო ნადირაძე

„ჩვეულებრივი ტრანსის „ვიდზე“ ვარ...“- ნინო ნადირაძის სკანდალური განცხადება

150
(განახლებულია 23:36 26.02.2021)
ნინო კუზანოვას ხმაურიანი განცხადება. ცნობილმა ექიმმა ვიდეო საკუთარ გვერდზე გამოაქვეყნა, რომელიც სოცქსელში ვირუსულად გვარცელდა

ახალბედა ბებია მუდამ ექსტრავაგანტულად გამოიყურება და მისი საჯარო განცხადებებიც საკმაოდ ხმაურიანია. არისტოკრატული ჩაცმულობით გამორჩეული ტელესახე აქტუალობას არ კარგავს. ნინო ნადირაძე-კუზანოვა მისი თაობის ქალბატონებს შორის სტილით განსაკუთრებით თვალშისაცემია. მას ფერების და აქსესუარების შეხამება უყვარს. აღმოჩნდა, რომ ნადირაძე-კუზანოვას სოციალური ქსელების ე.წ ფილტრები არ მოსწონს და გამოყენების შემთხვევაში საკუტარ თავსაც და სხვებსაც ტრანსგენდერებს ადარებს.

View this post on Instagram

A post shared by nino (@ninonadiradze)

მან უახლესი ვიდეო საკუთარ გვერდზე თამამად გამოაქვეყნა და სოცსივრცეში ხმაური გამოიწვია. „აი ეს უბედურება ფილტრი, რომელიც მე გამოვიყენე და მეზიზღება, ჩვეულებრივი ტრანსის ვიდზე ვარ და მოგწონთ“,- ამბობს ნინო. ბოლო დროს კარდიოლოგი ხშირად აქვეყნებდა ფოტოებს, სადაც უმაკიაჟოდ იყო და წერდა, რომ კორონავირუსის პანდემიიდან გამომდინარე მაკიაჟზეც უარი თქვა და ცნობილ ბრენდებზეც.

ნინო ნადირაძე-კუზანოვა ყოველთვის საზოგადოების ყურადღების ცენტრშია. ჰყავს ბევრი თაყვანისმცემელი, პაციენტებისთვის საყვარელი ექიმია და არაერთი ადამიანის სიცოცხლე გადაურჩენია, ხოლო მაყურებლისთვის დახვეწილი იუმორის მქონე არაჩვეულებრივი ქალბატონია. მას კარგი გემოვნება აქვს, მუდამ დახვეწილად აცვია და ძალიან უყვარს მოდური „ლუქებით“ სოციალურ ქსელში ახალ-ახალი ფოტოების გამოქვეყნება.

View this post on Instagram

A post shared by nino (@ninonadiradze)

დაუჯერებელია, მაგრამ ექიმი უკვე ბებიაა. მას პირველი შვილიშვილი ბაია კუზანოვმა, უფროსმა ქალიშვილმა აჩუქა. ბიჭუნასთან გატარებულ ბედნიერ წამებს ნინო თაყვანისმცემლებს ხშირად უზიარებს. კუზანოვების ოჯახის ყველაზე ხშირი სტუმარი მასმედია ხდება. კარდიოლოგი დიდი სიხარულით მასპინძლობს სხვადასხვა გადაცემებს და ტელეეკრანებზე ინტენსიურად ჩნდება. ეს მისი ცხოვრების განუყოფელი ნაწილია.

150
თემები:
სელებრითების ცხოვრება