ჰესი

საქართველოს ქალაქებში ბახმაროში ჰესების მშენებლობა გააპროტესტეს

606
ჰესების მშენებლობის მოწინააღმდეგეებმა დღეს მშენებლობის წინააღმდეგ ხელმოწერების შეგროვება დაიწყეს. ხელმოწერების შეგროვების ინიციატორია პოლიტიკოსი ელენე ხოშტარია

თბილისი, 14 თებერვალი – Sputnik. თბილისში, პარლამენტის წინ აქტივისტებმა და უფლებადამცველებმა ბახმაროში ჰესის მშენებლობის წინაამდეგ საპროტესტო აქცია გამართეს.

რუსთაველის გამზირზე შეკრებილებმა განაცხადეს, რომ მდინარე ბახვისწყალზე და მის შენაკადზე ჰიდროელექტროსადგური „ბახვი-1 ჰესის“ მშენებლობა ბახმაროს კურორტის უნიკალურ სარეკრეაციო ზონას მნიშვნელოვან ზიანს მიაყენებს.

მომიტინგეთა თქმით, მშენებლობა საფრთხეს უქმნის არა მხოლოდ მდინარის ხეობას, არამედ მთლიანად რეგიონის მდგრად განვითარებას.

ჰესების მშენებლობის მოწინააღმდეგეებმა დღეს მშენებლობის წინააღმდეგ ხელმოწერების შეგროვება დაიწყეს. ხელმოწერების შეგროვების ინიციატორია ოპოზიციონერი პოლიტიკოსი ელენე ხოშტარია.

„ამ სოლიდარობის გამოსახატად ბათუმში, თელავსა და თბილისში ვაგროვებთ ხელმოწერებს პეტიციისათვის და აუცილებლად გავაგრძელებთ ბახმაროს დაცვას“, - განაცხადა ელენე ხოშტარიამ.

მშენებლობის მოწინააღმდეგეთა აქციები პარალელურად თელავსა და ბათუმში გაიმართა.

სამოქალაქო აქტივისტებმა გამართეს აქცია სახელწოდებით „ერთად გადავარჩინოთ ბახმარო“. მათი თქმით, საქართველო არის სეისმური ზონა, არსებობს საშიშროება, რომ იქ არსებული დამბა დაინგრეს, ხოლო რამდენიმე ახლომდებარე სოფელი მთლიანად დაიტბოროს.

შეთანხმება ჰესის მშენებლობის შესახებ საქართველოს ეკონომიკის სამინისტროსა და ამერიკული კომპანია Cerberus Frontier-ს შორის გასული წლის აგვისტოში გაფორმდა. ხელშეკრულების თანახმად პროექტში 15 მილიონი დოლარის ინვესტიცია ჩაიდება.

მდინარე ბახვისწყლის ხეობაში, სადაც კურორტი ბახმარო მდებარეობს, ხორციელდება ხუთი კასკადური ჰესის მშენებლობა - ბახვი 1, 2, 3, 4, და 5.

„ბახვი 1“ ზღვის დონიდან 500 მეტრის სიმაღლეზე შენდება და საქართველოში ყველზე მაღალი ჰესი იქნება.

606
ანა დოლიძე

ანა დოლიძე გოგონას დედა გახდა

75
(განახლებულია 22:56 08.03.2021)
პოლიტიკოსი ანა დოლიძე ბოლო პერიოდში თავისი პირადი ამბების გამო მოექცა საზოგადოების ყურადღების ქვეშ...

პარტიის „მოძრაობა ხალხისთვის“ დამფუძნებელი ანა დოლიძე გოგონას დედა გახდა. ამის შესახებ სოცილურ ქსელის მეშვეობით ვიგებთ, სადაც მეგობრები ანას ახალშობილის დაბადებას ულოცავენ. პოლიტიკოსი ბოლო წუთებამდე აქტიურობდა, ის ჯერ კიდევ 6 მარტს აქციაზეც იმყოფებოდა, სადაც ქვეყანაში არსებულ შეზღუდვებს აპროტესტებდნენ.

პოლიტიკოსი ანა დოლიძე ბოლო პერიოდში თავისი პირადი ამბების გამო მოექცა საზოგადოების ყურადღების ქვეშ. საარჩევნო ციებ-ცხელების დროს თავისი ორსულობა არ გაამხილა, რადგან არ უნდოდა, რომ ეს გამხდარიყო მთავარი თემა. მეუღლის ვინაობას კი ამ ეტაპზეც არ ამხელს.

ანა დოლიძეს პირველი ქორწინებიდან მწერალ ირაკლი კაკაბაძესთან ვაჟი, ანდრო ჰყავს, ახლა კი, 40 წლის ასაკში, მეორედ დაქორწინდა. ჯვრისწერა ვიწრო წრეში უკვე შედგა, თუმცა წყვილს სუფრა არ გაუწყვია – პანდემიის გამო.

ანა დოლიძე ჟურნალ „სარკესთან” ინტერვიუში ამბობს, რომ მისი მეუღლე პროფესიით ფინანსისტი და აპოლიტიკური ადამიანია. პოლიტიკოსი ჯერჯერობით ვინაობის გამხელას არ აპირებს, თუმცა ამბობს, რომ ერთმანეთი წლების წინ ერთ-ერთ მიღებაზე გაიცნეს.

„კარგა ხანს ველოდებოდით პანდემიის დამარცხებას, რომ საშუალება გვქონოდა ხალხმრავალი ქორწილის გადახდის, ახლაც გვინდა ქორწილი. მიზეზი გვინდა, რომ შევიკრიბოთ. ისე მოგვენატრა მეგობრებთან ერთად მხიარული წვეულებები, თუმცა, როგორც ჩანს, კარგა ხნით გადაიდება“, – ამბობს პოლიტიკოსი.

75

დაპირისპირება სასულიერო პირებს შორის: შემთხვევა ჭყონდიდის ეპარქიაში ვიდეო

60
(განახლებულია 22:53 08.03.2021)
მარტვილში, ჭყონდიდის ეპარქიაში დაპირისპირების შედეგად ათამდე ადამიანი დაშავდა. იხილეთ „Sputnik-საქართველოს“ ვიდეოკადრები შემთხვევის ადგილიდან.

ეპარქიის მსახურებისა და სასულიერო პირების დაპირისპირება მრევლთან მას შემდეგ დაიწყო, რაც ჭყონდიდისა და მარტვილის მიტროპოლიტმა სტეფანემ ორ დიაკვანს მღვდელმსახურებაში მონაწილეობა აუკრძალა.

მოკვეთილ დიაკვნებს მრევლის ნაწილი გამოესარჩლა. სასულიერო პირებსა და საეროებს შორის ურთიერთობის გარკვევისას შენობის მეორე სართულის აივანზე ხის მოაჯირი მოირღვა და ხალხი ქვემოთ გადაცვივდა. დაშავდა ათამდე ადამიანი, მათ შორის ტელეკომპანიების „ფორმულის“, POSTV-ს, „TV პირველისა“ და „რუსთავი 2“-ის ჟურნალისტები.

დაშავებულები სასწრაფო დახმარების ბრიგადებმა საავადმყოფოში გადაიყვანეს. საქართველოს საპატრიარქო ჯერჯერობით მომხდართან დაკავშირებით კომენტარს არ აკეთებს.

60
ადამიანის ფსიქოლოგია

ზოდიაქოს ნიშნები და მათი „შინაგანი დემონები“

0
(განახლებულია 13:07 08.03.2021)
თითოეულ ადამიანს აქვს ხასიათის ბნელი მხარეები, რომლებსაც „შინაგანი დემონები“ ეწოდება. ასტროლოგებმა ზოდიაქოს თითოეული ნიშნისთვის დამახასიათებელი ბნელი მხარეები გამოყვეს

ძლიერ ადამიანებს შესწევთ უნარი, რომ ამ „შინაგან დემონებს“ ებრძოლონ და ბრძნული რჩევები გაითვალისწინონ. რას ამბობენ ექსპერტები ზოდიაქოს ნიშნების შინაგან ბნელ მხარეებზე და რას ურჩევენ მათ ამის დასაძლევად – შეიტყვეთ ჩვენი ჰოროსკოპიდან.

ზოდიაქოს ნიშნები და მათი მავნე ჩვევები>>

ვერძი

ვერძების მთავარი დემონი – ეს ზედმეტობა და გადაჭარბების სიყვარულია. თქვენ არ იცით საზღვარი არც მუშაობაში, არც დასვენებაში, ცხოვრებით ტკბობასა და გართობაში, ოღონდ არა ერთდროულად, არამედ ცხოვრების სხვადასხვა ეტაპზე. უბრალოდ, არ შეგიძლიათ შეჩერება, როცა ეს აუცილებელია. მეორე მხრივ, სწრაფვა, რომ ყველაფერი ერთად და ერთდროულად ჩაიგდოთ ხელში, თქვენთვის საოცარი მოტივაციის როლს ასრულებს.

კურო

კუროებს ძალიან გეშინიათ მარტო დარჩენის. გეშინიათ, რომ ერთ დღეს ყველა ზურგს გაქცევთ. ამის გამო ხშირად მეგობრობთ პირველ შემხვედრთან იმის ნაცვლად, რომ საუკეთესო ადამიანები იპოვოთ. ადამიანების ასეთი განურჩევლობა ხანდახან განგაშის გრძნობასთან ბრძოლაში გეხმარებათ, მაგრამ ეს არცთუ ხშირად ხდება.

ტყუპი

ტყუპის მთავარი დემონი – ეს თავისუფლებისმოყვარეობაა. ვერ იტანთ, როდესაც რაღაცაზე მიგითითებენ, გმართავენ ან გზღუდავენ. ეს დემონი თქვენგან მტკიცე მოქმედებებს მოითხოვს. ხშირად უარყოფთ იმ ადამიანებს, ვინც თქვენზე ზრუნავენ.

ზოდიაქოს ნიშნების კომპლექსები>>

კირჩხიბი

გიყვართ ჭორაობა და ხმების გავრცელება და ამაში საკუთარ თავსაც კი არასდროს გამოუტყდებით. თქვენთან ძალიან ფრთხილად უნდა იყვნენ ადამიანები. მეორე მხრივ, თუ ვინმე ძვირფასია თქვენთვის, მათ შესახებ არასდროს არავის არაფერს არ მოუყვებით.

ლომი

ლომები „ჩაციკლული“ ხართ იმაზე, რომ ყოველთვის ყველაზე უკეთესი იყოთ. ეს სასარგებლო სწრაფვაა, მაგრამ ხშირად ძალიან შორს „შეტოპავთ“ ხოკმე. ასეთ შემთხვევაბში ყველაფერი გავიწყდებათ და მხოლოდ სამუშაოზე, ბიზნესზე, წარმატებასა და ფულზე ხართ გადართული.

ქალწული

თქვენი მთავარი დემონი პერფექციონიზმია, რომელიც გაკეთებულ სამუშაოში, ადამიანებში, ნივთებბში მუდამ რაღაც ნაკლს ეძებს. გიყვართ, როდესაც ყველაფერი წინასწარ შედგენილი გრაფიკის მიხედვით ხდება. ამ შინაგანი „მეს“ გამო ხშირად გიცრუვდებათ იმედები.

ასტრორეიტინგი: ზოდიაქოს ყველაზე ზარმაცი ნიშნები – ტოპ-ხუთეული>>

სასწორი

ერთი განსაკუთრებულად აქტიური დემონი გყავთ, რომელსაც ჰქვია „არაუშავს, კარგი“. ამას ხშირად ეუბნებით საკუთარ თავს, როცა რაღაც ცუდი ხდება, ირგვლივ ბევრი სირთულე და პრობლემაა. აზროვნებთ ოპტიმისტურად, რაც კარგია, მაგრამ ხშირად აგებთ იმის გამო, რომ არ აღიარებთ პრობლემის არსებობას, რომელიც დაუყოვნებლივ გადაწყვეტას საჭიროებს.

მორიელი

თქვენი მთავარი დემონი შურისმაძიებლობაა. ბევრი ამბობს, რომ ეჭვიანები ხართ, მაგრამ ეჭვიანობა ხშირად ნორმის ფარგლებს არ სცდება, რასაც ვერ ვიტყვით თქვენს გულღძოობასა და ბოღმის გულში ჩადებაზე. ხანდახან საკუთარ თავსაც აშინებთ, იმდენად კარგად გახსოვთ ადრინდელი წყენა.

მშვილდოსანი

თქვენი შინაგანი დემონი მანიპულაციებისადმი მიდრეკილებაა. შეგიძლიათ და გიყვართ ურთიერთობების სხვადასხვა დონეზე ადამიანებით მანიპულირება და ამას ისეთი უდიდესი ოსტატობით აკეთებთ, რომ ვერავინ ხვდება.

ზოდიაქოს ნიშნები სიმთვრალეში>>

თხის რქა

თქენი დემონი უნდობლობაა. ამის გამო სწრაფად ვერ პოულობთ სიყვარულს, მეგობრებს. გეშინიათ, რომ მოგატყუებენ ან გიღალატებენ. აფასებთ საკუთარ დროსა და ძალებს, მაგრამ ხშირად ამის გამო მარტოობით ზღვევთ.

მერწყული

თქვენში ეჭვიანი დემონი ზის, რომელიც თავისუფლებას არ აძლევს იმ ადამიანებს, რომლებსაც უყვარხართ. „შეშლილი“ ხართ კონტროლზე. გჭირდებათ, რომ ყოველდღე და ყოველ წუთს დარწმუნებული იყოთ, რომ ვინც თქვენ გარშემოა, სხვა არავინ ჰყავთ ისეთი, რომლებსაც თქვენნაირად ეპყრობიან. თქვენ გამონაკლისი შემთხვევა უნდა იყოთ.

თევზები

თქვენი მთავარი მტერი და შინაგანი დემონი – ეს სიზარმაცეა. შეგიძლიათ მასთან გამკლავება, მაგრამ ამას ყოველთვის არ აკეთებთ. სიზარმაცე ხშირად გძლევთ და ამის გამო არღვევთ დანაპირებს. შედეგად, ირგვლივ მყოფების თვალში არასაიმედონი მოსჩანხართ.

ზოდიაქოს ნიშნების კრიმინალური „ქრონიკა">>

0