ზურა ჯაფარიძის ბარი Japarastan

ზურაბ ჯაფარიძე ბარის გახსნის გამო დააჯარიმეს

74
ოპოზიციურ პოლიტიკური პარტიის ლიდერს შრომის ინსპექცია უნებართვო ეკონომიკური საქმიანობის განხორციელებას ედავება, რაც 2000 ლარის ჯარიმას ითვალისწინებს. ზურაბ ჯაფარიძე ჯარიმის გადახდას არ აპირებს

თბილისი, 14 თებერვალი – Sputnik. ოპოზიციური პარტია „გირჩი მეტი თავისუფლების“ ლიდერი ზურაბ ჯაფარიძე, ქვეყანაში მოქმედი შეზღუდვების მიუხედავად აღმაშენებლის გამზირზე ბარის გახსნის გამო უნებართვო ეკონომიკური საქმიანობისთვის 2000 ლარით დააჯარიმეს, იუწყება პირველი არხი.

ჯაფარიძე: ფიტნეს დარბაზს საცხოვრებელ სახლად ვქირაობ, შეგიძლიათ მოხვიდეთ და ივარჯიშოთ >>

ოპოზიციური პარტიის ლიდერმა აღმაშენებლის გამზირზე ბარი „ჯაფარასთან“ 13 თებერვალს გახსნა და განაცხადა, რომ ბარის გახსნა არის პოლიტიკური დაუმორჩილებლობის აქტი და მიმართულია კორონა-პანდემიასთან დაკავშირებული შეზღუდვების გაუქმებისკენ.

„აღმაშენებლის N45-ში გამოვლინდა და დადასტურდა არანებადართული ეკონომიკური საქმის განხორციელება, ორგანიზატორი იყო ფიზიკური პირი და შესაბამისი სანქცია იყო გამოყენებული, რომელიც არის გათვალისწინებული ადმინისტრაციულ სამართალდარღვევათა კოდექსით. დაჯარიმდა ფიზიკური პირი 2 000 ლარის ოდენობით. განმეორებითი შემთხვევა იწვევს სისხლის სამართლებრივ პასუხისმგებლობას და ასევე, ხორციელდება ობიექტის დალუქვა“, – განაცხადა შრომის უსაფრთხოების ინსპექტირების სამსახურის წარმომადგენელმა, მაია მიქაიამ.

თავად ზურაბ ჯაფარიძე აცხადებს, რომ დაკისრებული ჯარიმის გადახდას არ აპირებს. ჯაფარიძის თქმით, მას დეპუტატის მანდატი იცავს, რასაც იყენებს, ბარის ამოქმედებას ხვალაც აპირებს და ერთ-ერთი თანაპარტიელის დაბადების დღის აღნიშვნასაც კი გეგმავს.

მისივე თქმით, ბარი იმუშავებს შიდა სივრცეში დღე და ღამე, და ამით ჯაფარიძე როგორც ბარის მფლობელი ამ დროისათვის მოქმედ ერთბაშად სამ რეგულაციას არღვევს: 21:00 საათის შემდეგ გადაადგილების შეზღუდვას, კვების ობიექტის შიდა სივრცეში ფუნქციონირებას და ასევე „საკარანტინო უქმეებს“, რომლის თანახმადაც შაბათ-კვირის დღეებში სტრატეგიული დანიშნულების გარდა ყველა ობიექტი დაკეტილი უნდა იყოს.

რაც შეეხება იმ ადამიანებს, რომლებიც გუშინ „ჯაფარასთან“ იმყოფებოდნენ, ოპოზიციური პარტიის ლიდერის თქმით, ყველამ იცის, რომ შესაძლოა, ამის გამო დააჯარიმონ, მაგრამ მოვიდნენ და ათენებენ ღამეს.

„მე რატომ უნდა ავიღო პასუხისმგებლობა, ბარი გავხსენი, ვისაც უნდოდა მოვიდა“, – განაცხადა ჯაფარიძემ.

საქართველოში კორონავირუსის პანდემიის გამო 28 ნოემბერს დაწესებული შეზღუდვების ეტაპობრივი მოხსნა დაწყებულია. საკოორდინაციო საბჭოს გადაწყვეტილებით, ამ დროისათვის ამუშავდა საზოგადოებრივი ტრანსპორტი, სავაჭრო ობიექტები, ღია და დახურული ბაზრობები (შაბათ-კვირის გარდა). რესტორნები კლიენტების მიღებას ღია სივრცეებში 15 თებერვლიდან შეძლებენ. ბათუმში, ფოთში, ზუგდიდში, გორსა და თელავში მოსწავლეებმა სწავლა სკოლებში განაახლეს, დანარჩენ ქალაქებში ეს 15 თებერვლიდან მოხდება.

ჯერჯერობით ისევ მოქმედებს ღამის საათებში გადაადგილებაზე შეზღუდვა. ძალაში რჩება ყველა სხვა შეზღუდვა, მათ შორის სათხილამურო კურორტებზე. ამ ეტაპზე შეზღუდული იქნება საქალაქთაშორისო ტრანსპორტის მუშაობაც. სასტუმროებს ეკრძალებათ სტუმრების მიღება, კურორტებზე დაკეტილია საბაგიროები და სათხილამურო ტრასები. აუცილებელია პირბადის, მომხმარებელთა ნაკადების, რიგების და დისტანციის მართვა, რაც მკაცრად გაკონტროლდება.

საქართველოს მასშტაბით კოვიდ-შეზღუდვების მოხსნის მოთხოვნით საპროტესტო აქციები უკვე თვეზე მეტია გრძელდება. პანდემიის გამო დაწესებული შეზღუდვების გამო ყველაზე მეტად დაზარალდა ტურისტული და სარესტორნო ბიზნესი. მთავრობა ცდილობს ამ სფეროს ფინანსური დახმარება გაუწიოს, თუმცა ბიზნეს-სექტორის ზოგიერთი წარმომადგენელი აცხადებს, რომ გაკოტრების ზღვარზეა.

74
კომპანია GWP

მოსახლეობის საყურადღებოდ! თბილისის ხუთ რაიონს წყალმომარაგება შეუწყდება

55
(განახლებულია 19:27 26.02.2021)
წყალგამანაწილებელი კომპანია Georgian Water and Power შექმნილი დისკომფორტის გამო მოსახლეობას ბოდიშს უხდის.

თბილისი, 26 თებერვალი – Sputnik. მარშალ გელოვანის გამზირზე მიმდინარე საგზაო-სამშენებლო სამუშაოების წარმოებისას წყალმომარაგების მაგისტრალური მილი ავარიულად დაზიანდა, რის გამოც თბილისის ზოგიერთ უბანს წყალმომარაგება შეუწყდება, ნათქვამია წყალგამანაწილებელი კომპანია Georgian Water and Power–ის მიერ გავრცელებულ განცხადებაში.

გავრცელებული ინფორმაციით, ამ დროისთვის კომპანიის ტექნიკური ჯგუფი ადგილზეა მობილიზებული და დაზიანების აღსადგენად მოსამზადებელი სამუშაოები მიმდინარეობს. მოსახლეობისთვის ნაკლები დისკომფორტის შექმნის მიზნით, ტექნიკურ-აღდგენითი სამუშაოების ძირითადი ნაწილი ღამის საათებში შესრულდება.

„სამუშაოების მიმდინარეობის პერიოდში წყალსადენის ქსელის წყლისგან დაცლაა აუცილებელი, რის გამოც დღეს, 26 თებერვალს ღამის 22:00 საათიდან, 27 თებერვლის დღის 12:00 საათამდე წყალმომარაგება შეეზღუდება“, – აღნიშნულია განცხადებაში.

წყალმომარაგება შეეზღუდება შემდეგ რაიონებს:

ვაკის რაიონი – ჭავჭავაძის გამზირს, კეკელიძის, ბარნოვის, ფალიაშვილის, ტაბიძის, მცხეთის, შატბერაშვილის, აბაშიძის, არაყიშვილის, კავსაძის, რადიანის, ატენის, ყიფშიძის და მიმდებარე ქუჩებს.

საბურთალოს რაიონი – ვაჟა-ფშაველას გამზირის ნაწილს, პეკინის, კოსტავას, თამარაშვილის, ბახტრიონის, გელოვანის, დოლიძის, ტაშკენტის, იყალთოს, ალექსიძის, გაგარინის, შარტავას, კალანდაძის, ფანჯიკიძის (ყოფ. ბუდაპეშტის), მიცკევიჩის, საირმის, ლორთქიფანიძის, ზემო ვეძისის და მიმდებარე ქუჩებს.

მთწმინდის რაიონი – ზანდუკელის, ქიაჩელის, ჭოველიძის, იაკობ ნიკოლაძის, ვარაზის ხევს, მელიქიშვილის, ხორავას, ლარსის, ბელინსკის, რუსთაველის, ფურცელაძის, ჭონქაძის, თარხნიშვილის და მიმდებარე ქუჩებს. ოქროყანას დასახლებას.

კრწანისის რაიონი – პუშკინის, გრ. ხანძთელის, ლადო ასათიანის, გორგასლის, ღვინის აღმართის და და მიმდებარე ქუჩებს.

ჩუღურეთის რაიონი – მარჯანიშვილის და უშანგი ჩხეიძის ქუჩებს.

დიდუბის რაიონი – ბელიაშვილის ქ. N40-ს, ლუბლიანას და ბალანჩინის ქუჩებს. ქართულ ამერიკული მეგობრობის გამზირს.

 

 

55
საგარეო საქმეთა სამინისტრო

ქართული დიასპორის ეკონომიკური ფორუმს 150-ზე მეტი ემიგრანტი დაესწრება

17
(განახლებულია 19:03 26.02.2021)
ფორუმის მიზანია უცხოეთში მცხოვრები თანამემამულეების საქართველოს სოციალურ-ეკონომიკური განვითარების პროცესში ჩართულობის ხელშეწყობა.

 

თბილისი, 26 თებერვალი – Sputnik. ქართული დიასპორის ეკონომიკური ფორუმი 27 თებერვალს ონლაინ–ფორმატში გაიმართება, იუწყება საგარეო საქმეთა სამინისტრო.

უწყების ცნობით, ფორუმი მიზნად ისახავს საზღვარგარეთ მცხოვრები თანამემამულეებისათვის  საქართველოს ბიზნეს–გარემოს, საინვესტიციო პოტენციალის, კონკრეტული საინვესტიციო შეთავაზებებისა და პროგრამების შესახებ ინფორმაციის გაზიარებას.

„ფორუმზე ხაზი გაესმება ქართული დიასპორის როლს საქართველოს ეკონომიკური განვითარების და საერთაშორისო საზოგადოებასთან დაახლოების პროცესში“, - აღნიშნულია განცხადებაში. 

ღონისძიებაზე განიხილება მეწარმეობის ხელშემწყობი სახელმწიფო პროგრამები და თანადაფინანსების მექანიზმები, ხაზი გაესმება იმ წამყვან რეფორმებს, რომლებიც საქართველოში ბიზნესის დაწყების თუ ინვესტიციის განხორციელების სიმარტივეს განაპირობებს.

ამასთან, მონაწილეები გაეცნობიან საქართველოს საგარეო ვაჭრობის პოლიტიკას, ქვეყანაში მოქმედ საერთაშორისო სავაჭრო ხელშეკრულებებს და არსებულ სავაჭრო რეჟიმებს.  

ფორუმის ორგანიზატორები არიან საქართველოს საგარეო საქმეთა სამინისტრო, საქართველოს პრეზიდენტის ადმინისტრაცია და გაეროს მიგრაციის სააგენტო - მიგრაციის საერთაშორისო ორგანიზაცია (IOM). 

ღონისძიებას მსოფლიოს სხვადასხვა კუთხიდან უცხოეთში მცხოვრები 150–ზე მეტი თანამემამულე დაესწრება.

17
თემები:
ქართული დიასპორა
პატრული

სახელმწიფო ინსპექტორის სამსახურმა ზუგდიდში მომხდარ ფაქტთან დაკავშირებით გამოძიება დაიწყო

0
(განახლებულია 20:18 26.02.2021)
სავარაუდო დამნაშავემ, სამართალდამცველების მისამართით ცეცხლი გახსნა, რასაც პოლიციის მხრიდან საპასუხო სროლა მოყვა

 

თბილისი, 26 თებერვალი – Sputnik. ზუგდიდში დევნის ოპერაციის მიმდინარეობისას, შინაგან საქმეთა სამინისტროს თანამშრომლების მიერ იარაღის გამოყენებით განხორციელებული სამსახურებრივი უფლებამოსილების სავარაუდო გადამეტების ფაქტზე გამოძიება დაიწყო, ნათქვამია სახელმწიფო ინსპექტორის სამსახურის მიერ გავრცელებულ განცხადებაში.

ყაჩაღობის ფაქტი ზუგდიდში, რუსთაველის ქუჩაზე 26 თებერვალს, დღის პირველ ნახევარში მოხდა.

გავრცელებული ინფორმაციით, ცეცხლსასროლი იარაღით შეიარაღებული პირი ოქროს ბირჟაზე შეიჭრა და ერთ-ერთ გამყიდველს ოქროს ნივთები იარაღის მუქარით გასტაცა, რის შემდეგაც შემთხვევის ადგილიდან მიიმალა. სამართალდამცველებმა მომხდარი ფაქტიდან უმოკლეს დროში დაიწყეს ოპერატიული და საგამოძიებო ღონისძიებები. 

რუსთაველის ქუჩიდან მოშორებით, დანაშაულის სავარაუდო ჩამდენმა პირმა, მას შემდეგ, რაც სამართალდამცველები შენიშნა, მათი მიმართულებით ცეცხლი გახსნა, რასაც პოლიციის მხრიდან, „პოლიციის შესახებ“ საქართველოს კანონის თანახმად, უკიდურესი ღონისძიების სახით, საპასუხო სროლა მოჰყვა.

შემთხვევის ადგილზე თავდამსხმელი - 1996 წელს დაბადებული პირი პოლიციამ უგონო მდგომარეობაში ნახა, რის შემდეგაც სამართალდამცველებმა სასწრაფო სამედიცინო დახმარების ბრიგადა გამოიძახეს, თუმცა მამაკაცის გადარჩენა ვერ მოხერხდა.

უწყების ინფორმაციით, გამომძიებლების მიერ ამ ეტაპზე ტარდება პირველადი საგამოძიებო მოქმედებები. ამასთან, გარდაცვალების მიზეზის დადგენის მიზნით ჩატარდება შესაბამისი ექსპერტიზები.

უწყების ინფორმაციით, საქმეზე გამოძიება სამსახურებრივი უფლებამოსილების სავარაუდო გადამეტების ფაქტზე, საქართველოს სისხლის სამართლის კოდექსის 333-ე მუხლის მე-3 ნაწილის „ბ" ქვეპუნქტი მიმდინარეობს.

0
თემები:
შემთხვევები საქართველოში