ქალი საქანელაზე

„იყავით მადლიერი, რომ წყვილი არ გყავთ“: ფსიქოთერაპევტის რჩევები მარტოხელა „ვალენტინებს“

347
(განახლებულია 22:30 13.02.2021)
თუ ვალენტინობის დღეს მარტო ხვდებით, Sputnik-ი გთავაზობთ ბელორუსი ფსიქოთერაპევტის ლეონიდ შემლიაკოვის რჩევებს, როგორ აიცილოთ ამ რომანტიკულ დღესასწაულზე დეპრესია და სასოწარკვეთა.

თუ არ გინდათ, რომ წარუმატებლად გამოიყურებოდეთ, არ ღირს საკუთარ თავზე წუწუნი და შეწუხებული სახით სიარული. ნუ დაელოდებით სადღესასწაულო ვახშმის განხილვით აჟიტირებული შეყვარებული წყვილისგან თანაგრძნობას, თავს უფრო ცუდად იგრძნობთ. უბრალოდ, ზედმეტად ნუ გაამახვილებთ ყურადღებას, რომ დღეს შეყვარებულთა დღეა. თქვენ ხომ არ ნერვიულობთ მაშინ, როცა ტანკისტის ან მეტეოროლოგის დღეა?

ვალენტინობის დღეს თქვენი ფსიქიკა რომ არ დაზიანდეს, ერთ-ერთი გზა მისი იგნორირება, უგულებელყოფაა. წარმოიდგინეთ, რომ ეს დღე ისეთივეა, როგორც სხვა დანარჩენი და რომ მასში არაფერი განსაკუთრებული არ არის. მოგიწევთ შესაბამისი პროგრამებით დატვირთული რადიოსა და ტელევიზორისგან შორს ყოფნაც. საერთო „გულისმიერ“ სიგიჟეებს რომ დაემალოთ, შეიარეთ კინოში, მაგრამ დარწმუნდით, რომ რომანტიკული ფილმის ბილეთი არ გიყიდიათ. 

ნუ იქნებით ცინიკოსი

უფრო მაცდუნებელია სარკაზმით მიუდგეთ ვალენტინობის დღის მერკანტილურობასა და მასიურობას, მაგრამ ნუ გააკეთებთ ამას! რასაკვირველია, ერთი-ორი წუთის განმავლობაში თქვენ შეიძლება თავი უკეთესად იგრძნოთ, როცა სხვებს ეტყვით, რომ ბევრ ფულს ფლანგავენ გულის ფორმის უსარგებლო ნივთების შეძენაში და, საერთოდაც, წმინდა ვალენტინი ხომ სწორედ ამ დღეს მოკლეს. მაგრამ ეს წუთიერი სიხარული კარგად არ მოგიბრუნდებათ როცა მიხვდებით, რომ დღესასწაულის სხვებისთვის ჩაშლით თქვენ საკმაოდ შურიან ადამიანად გამოიყურებით და არა მოსაწყენ ხალხზე აღზევებულ სარკაზმის მეფედ. 

იზეიმეთ მარტოობაა

იყავით მადლიერი, რომ წყვილი არ გყავთ და არ ხართ ვალდებული, ვინმეს გაუგზავნოთ სულელური პლუშის დათუნია, რომელსაც თათებში გული უჭირავს. საკუთარ თავს უყიდეთ ის საჩუქარი, რომელიც დიდი ხანია გინდოდათ და გენანებოდათ მასში ფულის გადახდა. შეკრიბეთ თქვენი მარტოხელა მეგობრები და წადით სადმე წვეულებაზე. დაიმახსოვრეთ, რომ საკუთარი თავის სიყვარული ეგოიზმი არ არის. ეს არის ჯანმრთელი ადამიანის ნორმალური მდგომარეობა და წმინდა ვალენტინის დღე ნამდვილად შესანიშნავი მიზეზია სიყვარულში გამოუტყდეთ მას, ვინც არასოდეს დაგტოვებთ, ანუ საკუთარ თავს. 

თუ თქვენი მიზანია, დაარწმუნოთ სხვები, რომ თქვენ არ იმსახურებთ მათ ტრადიციულ მწუხარებას, რომელსაც ბედნიერი წყვილები უხვად აფრქვევენ მარტოხელების მიმართ, შეგიძლიათ წარმატებით დაარწმუნოთ ისინი თქვენს პოპულარობაში ადგილზე მიტანის სერვისით. საკუთარ თავს გაუგზავნეთ მისალოცი ბარათი, ვარდები, შოკოლადი წარწერით „შენი იდუმალი ვალენტინი“. შეკითხვებს, თუ ვინ გამოგიგზავნათ ეს ყველაფერი, ყვავილებითა და შოკოლადით დამტკბარმა მრავლისმეტყველი ღიმილით უპასუხეთ. ამით ზიანს არავის მიაყენებთ, თქვენ კი ეს თავდაჯერებულობას შეგმატებთ. 

ფსიქოთერაპევტის მოსაზრება

„ჩვენს კულტურაში მიიჩნევა, რომ ადამიანი შემდგარია მხოლოდ წყვილში, სასიყვარულო ურთიერთობაში, ოჯახში. მარტოხელა ადამიანები, ისინიც კი, ვინც ამ გზას შეგნებულად ირჩევენ, თუ სხვა სფეროში წარმატებულნი არიან, მაინც არასრულფასოვნად და საბრალოდ მიიჩნევიან“, — ამბობს ფსიქოთერაპევტი დიმიტრი შემლიაკოვი.

სპეციალისტის აზრით, ისეთი დღესასწაულები, როგორიცაა წმინდა ვალენტინის დღე, მარტოსულ ადამიანებში დეპრესიის შეგრძნებას ააქტიურებს, რადგან საზოგადოება მათ თავს ახვევს აზრს, რომ როგორც კი წყვილს გაიჩენენ, პრობლემები მაშინვე მოუგვარდებათ და ცხოვრებაც უკეთესი ექნებათ.

„ეს არის ურთიერთობების არასწორი და არაჯანსაღი აღქმა და ვფიქრობ, რომ სწორედ ეს არის ნაწილობრივი მიზეზი განქორწინებების მზარდი რიცხვისა. ადამიანებს არ სურთ მოუფრთხილდნენ საკუთარ სიყვარულს, მიაჩნიათ, რომ ერთობლივი თანაცხოვრება ჯადოსნურად თვითონ უნდა დალაგდეს. ხოლო თუ სირთულეები წარმოიშობა, დაშორებას არჩევენ. მიაჩნიათ, რომ თუ ჯადოქრობამ არ იმოქმედა, მაშინ ურთიერთობის შენარჩუნებაზე თავის შეწუხება არ ღირს“, — განმარტავს შემლიაკოვი.

ვალენტინობის დღეს ფსიქოთერაპევტი გირჩევთ, არ შეიბრალოთ საკუთარი თავი და არ იფიქროთ იმაზე, როგორი უბედური ხართ. პირიქით, ფხიზლად გააანალიზეთ საკუთარი თავიცა და ირგვლივ მყოფებიც. არის კი თქვენ გვერდით ისეთი წყვილი, რომელთა ურთიერთობაც საკუთარ თავზე გინდათ გამოსცადოთ?

  • „ნამდვილად გჭირდებათ პარტნიორი, ოჯახი, შვილები, თუ უბრალოდ გინდათ, რომ სხვებივით იყოთ? რა გიშლით ხელს ურთიერთობის დაწყებაში? რა რეალური ნაბიჯების გადადგმაა საჭირო მდგომარეობის გამოსასწორებლად?“ — ასეთ მიდგომას ურჩევს ფსიქოთერაპევტი მარტოხელებს.

მისი თქმით, ნებისმიერი სერიოზული ურთიერთობა მძიმე სამუშაოა – დათმობაზე წასვლა, პარტნიორის სულიერ კომფორტზე ზრუნვა, მისი ემოციებისა და მოთხოვნების მიმართ ყურადღების გამოჩენა.

„ასეთი ტვირთის წამოკიდება მარტო იმიტომ, რომ „ყველა ასე აკეთებს“, არაეფექტურია და არასაჭირო. ასე რომ, ყური დაუგდეთ საკუთარ თავს, შეხედეთ ირგვლივ მყოფებს, გაითვალისწინეთ, რომ თქვენ გსურთ პირადი ცხოვრების შეცვლა და იმოქმედეთ“, — ურჩევს მარტოხელებს სპეციალისტი.   

347

ანტი-კომენდანტი: აქცია კოვიდ-შეზღუდვების წინააღმდეგ თბილისში

72
შაბათს თბილისის საკრებულოს შენობასთან კოვიდ-შეზღუდვების წინააღმდეგ რამდენიმე საათიანი საპროტესტო აქცია გაიმართა. დაწვრილებით - Sputnit-საქართველოს ვიდეოში იხილავთ

კოვიდ-შეზღუდვების წინააღმდეგ აქციაში 200-ზე მეტი ადამიანი მონაწილეობდა. მომიტინგეებს შორის ძირითადად ახალგაზრდები იყვნენ, რომლებიც გასართობი დაწესებულებეის გახსნასა და საკომენდანტო საათის გაუქმებას მოითხოვდნენ. ზოგიერთი მათგანის ბანერზე ეწერა „ანტი-კომენდანტი“.

აქციაში ასევე მონაწილეობდნენ მომღერლები, მუსიკოსები, ტურისტული სფერს წარმომადგენლები, პოლიტიკოსები და საზოგადო მოღვაწეები, მათ შორის პარტია „გირჩისა“ და ლეიბორისტული პარტიის წარმომადგენლები, ასევე სამოქალაქო სექტორის აქტივისტები.

აქცია თავდაპირველად უშუალოდ საკრებულოს შენობასთან დაიწყო, მოგვიანებით დემონსტრანტებმა ბანერებიანად წრიულ კუნძულზე წმინდა გიორგის ქანდაკების ძირში გადაინაცვლეს. მიტინგის დროს სატრანსპორტო მიმოსვლა შეიზღუდა, თუმცა არ გადაკეტილა. საავტომობილო მოძრაობას ადგილზე საპატრულო პოლიციის თანამშრომლები აკონტროლებდნენ.

 

72
საპროტესტო აქცია კომენდანტის საათის წინააღმდეგ

თბილისის საკრებულოსთან კომენდანტის საათის წინააღმდეგ საპროტესტო აქცია მიმდინარეობს

61
(განახლებულია 20:23 06.03.2021)
მომიტინგეთა თქმით, მათ აქვთ „უსამართლობის შეგრძნება“, როდესაც ფანჯრებიდან გამვლელ მანქანებს უყურებენ, თავად კი სახლში ყოფნა უწევთ

თბილისი, 6 მარტი - Sputnik. თბილისის ცენტრში, თავისუფლების მოედანზე რამდენიმე ათეული ადამიანი ღამის საათებში გადაადგილებაზე აკრძალვას აპროტესტებს.

Молодежная акция против ковид-ограничений в центре столицы Грузии 6 марта 2021 года
© Sputnik / Alexander Imedashvili
საპროტესტო აქცია კომენდანტის საათის წინააღმდეგ

აქცია ორგანიზებულია სოციალურ ქსელებში, მასში რიგითი თბილისელები მონაწილეობენ.

აქციის მონაწილეთა უმრავლესობამ აქციაზე მიიტანა პლაკატები წარწერებით „კომენდანტის საათი=ავტორიტარიზმი“, „თავისუფლება საშვით არ გაიცემა“, „გააუქმეთ კომენდანტის საათი“, „თავისუფლება შერჩევითი არ არის“.

„ჩვენ გვიჩნდება უსამართლობის შეგრძნება, როდესაც ფანჯრებიდან ვხედავთ გამვლელ მანქანებს, ჩვენ კი სახლებში ყოფნა გვიწევს“, - განაცხადა ერთ-ერთმა მონაწილემ.

ამ წუთებში აქციის მონაწილეები დგანან წმინდა გიორგის მონუმენტის ირგვლივ და მათ უჭირავთ ბანერი წარწერით „თავისუფალი მიმოსვლის უფლება შეუზღუდავია“.

Молодежная акция против ковид-ограничений в центре столицы Грузии 6 марта 2021 года
© Sputnik / Alexander Imedashvili
საპროტესტო აქცია კომენდანტის საათის წინააღმდეგ

21:00 საათიდან 05:00 საათამდე გადაადგილების შეზღუდვა - ერთ-ერთია იმ შეზღუდვებიდან, რომელიც პირბადეების ტარებასთან და მასობრივი ღონისძიებების ჩატარების აკრძალვასთან ერთად საქართველოში გაურკვეველი ვადით იმოქმედებს. ეპიდემიოლოგები ამ შეზღუდვას მოქალაქეთა მობილობის შემცირების სურვილით ხსნიან.

61
საპატრულო პოლიცია

წავიდა და არ დაბრუნებულა: რამდენი ადამიანი უგზო-უკვლოდ დაიკარგა 2020 წელს

25
(განახლებულია 09:12 07.03.2021)
დაკარგულთა უმრავლესობა საქართველოს მოქალაქეები არიან. მაგრამ 2020 წელს ასევე ეძებდნენ რუსეთის, თურქეთის და ნიდერლანდების თითო მოქალაქეს. აქედან თურქეთის და ნიდერლანდების მოქალაქეები გარდაცვლილები იპოვეს

თბილისი, 7 მარტი - Sputnik. საქართველოში 2021 წლის იანვრის მდგომარეობით, უგზო-უკვლოდ დაკარგულად მიიჩნევა 1000 ადამიანი, აქედან 2020 წელს დაიკარგა 42 ადამიანი, შსს-ს ვებგვერდზე გავრცელებული მასალების თანახმად.

უწყების მონაცემებით, 2020 წელს სულ დაიკარგა 126 ადამიანი, აქედან 69 ცოცხალი იპოვეს, 15 - გარდაცვლილი. პოლიცია დღემდე ვერ ახერხებს 42 ადამიანის მოძებნას, მათ შორის 6 ბავშვია.

დაკარგულთა უმრავლესობა საქართველოს მოქალაქეები არიან. მაგრამ 2020 წელს ასევე ეძებდნენ და იპოვეს რუსეთის ერთი მოქალაქე, თურქეთის ერთი მოქალაქე და ნიდერლანდების ერთი მოქალაქე. ამასთან თურქეთის და ნიდერლანდების მოქალაქეები გარდაცვლილები იპოვეს. დღემდე მიმდინარეობს ყაზახეთის ერთი და პოლონეთის ერთი მოქალაქის ძებნა.

საქართველოს შსს ძებნას 1973 წლიდან ახორციელებს, იმ დროიდან უგზო-უკვლოდ დაკარგულად მიიჩნეოდა 6.097 და უკვე მოძებნილია 5.097 ადამიანი.

25