ზურაბ ჯაფარის ფარი  Japarastan

დაუმორჩილებლობის აქტი: ზურაბ ჯაფარიძემ ბარი „ჯაფარასთან“ გახსნა

203
(განახლებულია 22:40 13.02.2021)
ოპოზიციონერი პოლიტიკოსის თქმით, არსებული შეზღუდვების მიუხედავად, ბარი იმუშავებს „კომენდანტის საათის“ დროს და ასევე დახურულ სივრცეში

თბილისი, 13 თებერვალი — Sputnik. ოპოზიციური პარტია „გირჩი - მეტი თავისუფლების“ ლიდერმა ზურაბ ჯაფარიძემ აღმაშენებლის გამზირზე ბარი „ჯაფარასთან“ გახსნა. ამის შესახებ ოპოზიციონერმა პოლიტიკოსმა თავის Facebook-გვერდზე ვიდეოჩართვისას განაცხადა.

მისი თქმით, ბარის გახსნაზე თავად არის პასუხისმგებელი და ის იმუშავებს მანამ, სანამ მას არ დააპატიმრებენ.

„ბარის გახსნა არის პოლიტიკური დაუმორჩილებლობის აქტი და მიმართულია კორონა-პანდემიასთან დაკავშირებული შეზღუდვების გაუქმებისკენ. შესაბამისად, ბარი იმუშავებს ღამის საათებშიც“, - აცხადებს ჯაფარიძე.

მისი თქმით, ბარი იმუშავებს შიდა სივრცეში დღე და ღამე, და ამით ჯაფარიძე როგორც ბარის მფლობელი ამ დროისათვის მოქმედ ერთბაშად სამ რეგულაციას არღვევს: 21:00 საათის შემდეგ გადაადგილების შეზღუდვას, კვების ობიექტის შიდა სივრცეში ფუნქციონირებას და ასევე „საკარანტინო უქმეებს“, რომლის თანახმადაც შაბათ-კვირის დღეებში სტრატეგიული დანიშნულების გარდა ყველა ობიექტი დაკეტილი უნდა იყოს.

ბარი უკვე გახსნილია, ჯაფარიძის თქმით, პერიმეტრს აკონტროლებს პოლიცია. ბარის გარე სივრცეში საკმაოდ ბევრი ადამიანია შეკრებილი. ისინი ერთობიან და სასმელებს მიირთმევენ. აღსანიშნავია, რომ სტუმრების უმრავლესობა ბარში პირბადეების გარეშე იმყოფება.

ჯაფარიძემ სხვა ბარების მეპატრონეებს მოუწოდა მის მაგალითს მიბაძონ, თუ მის ბარს არ დაკეტავენ.

საქართველოში კორონავირუსის პანდემიის გამო 28 ნოემბერს დაწესებული შეზღუდვების ეტაპობრივი მოხსნა დაწყებულია. საკოორდინაციო საბჭოს გადაწყვეტილებით, ამ დროისათვის ამუშავდა საზოგადოებრივი ტრანსპორტი, სავაჭრო ობიექტები, ღია და დახურული ბაზრობები (შაბათ-კვირის გარდა). რესტორნები კლიენტების მიღებას ღია სივრცეებში 15 თებერვლიდან შეძლებენ. ბათუმში, ფოთში, ზუგდიდში, გორსა და თელავში მოსწავლეებმა სწავლა სკოლებში განაახლეს, დანარჩენ ქალაქებში ეს 15 თებერვლიდან მოხდება.

თურნავა: ორშაბათიდან გრძელდება წერტილოვანი შეზღუდვების ეტაპობრივი მოხსნა >>

ჯერჯერობით ისევ მოქმედებს ღამის საათებში გადაადგილებაზე შეზღუდვა. ძალაში რჩება ყველა სხვა შეზღუდვა, მათ შორის სათხილამურო კურორტებზე. ამ ეტაპზე შეზღუდული იქნება საქალაქთაშორისო ტრანსპორტის მუშაობაც. სასტუმროებს ეკრძალებათ სტუმრების მიღება, კურორტებზე დაკეტილია საბაგიროები და სათხილამურო ტრასები. აუცილებელია პირბადის, მომხმარებელთა ნაკადების, რიგების და დისტანციის მართვა, რაც მკაცრად გაკონტროლდება.

საქართველოს მასშტაბით კოვიდ-შეზღუდვების მოხსნის მოთხოვნით საპროტესტო აქციები უკვე თვეზე მეტია გრძელდება. პანდემიის გამო დაწესებული შეზღუდვების გამო ყველაზე მეტად დაზარალდა ტურუსტული და სარესტორნო ბიზნესი. მთავრობა ცდილობს ამ სფეროს ფინანსური დახმარება გაუწიოს, თუმცა ბიზნეს-სექტორის ზოგიერთი წარმომადგენელი აცხადებს, რომ გაკოტრების ზღვარზეა.

203
ანა დოლიძე

ანა დოლიძე გოგონას დედა გახდა

75
(განახლებულია 22:56 08.03.2021)
პოლიტიკოსი ანა დოლიძე ბოლო პერიოდში თავისი პირადი ამბების გამო მოექცა საზოგადოების ყურადღების ქვეშ...

პარტიის „მოძრაობა ხალხისთვის“ დამფუძნებელი ანა დოლიძე გოგონას დედა გახდა. ამის შესახებ სოცილურ ქსელის მეშვეობით ვიგებთ, სადაც მეგობრები ანას ახალშობილის დაბადებას ულოცავენ. პოლიტიკოსი ბოლო წუთებამდე აქტიურობდა, ის ჯერ კიდევ 6 მარტს აქციაზეც იმყოფებოდა, სადაც ქვეყანაში არსებულ შეზღუდვებს აპროტესტებდნენ.

პოლიტიკოსი ანა დოლიძე ბოლო პერიოდში თავისი პირადი ამბების გამო მოექცა საზოგადოების ყურადღების ქვეშ. საარჩევნო ციებ-ცხელების დროს თავისი ორსულობა არ გაამხილა, რადგან არ უნდოდა, რომ ეს გამხდარიყო მთავარი თემა. მეუღლის ვინაობას კი ამ ეტაპზეც არ ამხელს.

ანა დოლიძეს პირველი ქორწინებიდან მწერალ ირაკლი კაკაბაძესთან ვაჟი, ანდრო ჰყავს, ახლა კი, 40 წლის ასაკში, მეორედ დაქორწინდა. ჯვრისწერა ვიწრო წრეში უკვე შედგა, თუმცა წყვილს სუფრა არ გაუწყვია – პანდემიის გამო.

ანა დოლიძე ჟურნალ „სარკესთან” ინტერვიუში ამბობს, რომ მისი მეუღლე პროფესიით ფინანსისტი და აპოლიტიკური ადამიანია. პოლიტიკოსი ჯერჯერობით ვინაობის გამხელას არ აპირებს, თუმცა ამბობს, რომ ერთმანეთი წლების წინ ერთ-ერთ მიღებაზე გაიცნეს.

„კარგა ხანს ველოდებოდით პანდემიის დამარცხებას, რომ საშუალება გვქონოდა ხალხმრავალი ქორწილის გადახდის, ახლაც გვინდა ქორწილი. მიზეზი გვინდა, რომ შევიკრიბოთ. ისე მოგვენატრა მეგობრებთან ერთად მხიარული წვეულებები, თუმცა, როგორც ჩანს, კარგა ხნით გადაიდება“, – ამბობს პოლიტიკოსი.

75

დაპირისპირება სასულიერო პირებს შორის: შემთხვევა ჭყონდიდის ეპარქიაში ვიდეო

61
(განახლებულია 22:53 08.03.2021)
მარტვილში, ჭყონდიდის ეპარქიაში დაპირისპირების შედეგად ათამდე ადამიანი დაშავდა. იხილეთ „Sputnik-საქართველოს“ ვიდეოკადრები შემთხვევის ადგილიდან.

ეპარქიის მსახურებისა და სასულიერო პირების დაპირისპირება მრევლთან მას შემდეგ დაიწყო, რაც ჭყონდიდისა და მარტვილის მიტროპოლიტმა სტეფანემ ორ დიაკვანს მღვდელმსახურებაში მონაწილეობა აუკრძალა.

მოკვეთილ დიაკვნებს მრევლის ნაწილი გამოესარჩლა. სასულიერო პირებსა და საეროებს შორის ურთიერთობის გარკვევისას შენობის მეორე სართულის აივანზე ხის მოაჯირი მოირღვა და ხალხი ქვემოთ გადაცვივდა. დაშავდა ათამდე ადამიანი, მათ შორის ტელეკომპანიების „ფორმულის“, POSTV-ს, „TV პირველისა“ და „რუსთავი 2“-ის ჟურნალისტები.

დაშავებულები სასწრაფო დახმარების ბრიგადებმა საავადმყოფოში გადაიყვანეს. საქართველოს საპატრიარქო ჯერჯერობით მომხდართან დაკავშირებით კომენტარს არ აკეთებს.

61
ადამიანის ფსიქოლოგია

ზოდიაქოს ნიშნები და მათი „შინაგანი დემონები“

0
(განახლებულია 13:07 08.03.2021)
თითოეულ ადამიანს აქვს ხასიათის ბნელი მხარეები, რომლებსაც „შინაგანი დემონები“ ეწოდება. ასტროლოგებმა ზოდიაქოს თითოეული ნიშნისთვის დამახასიათებელი ბნელი მხარეები გამოყვეს

ძლიერ ადამიანებს შესწევთ უნარი, რომ ამ „შინაგან დემონებს“ ებრძოლონ და ბრძნული რჩევები გაითვალისწინონ. რას ამბობენ ექსპერტები ზოდიაქოს ნიშნების შინაგან ბნელ მხარეებზე და რას ურჩევენ მათ ამის დასაძლევად – შეიტყვეთ ჩვენი ჰოროსკოპიდან.

ზოდიაქოს ნიშნები და მათი მავნე ჩვევები>>

ვერძი

ვერძების მთავარი დემონი – ეს ზედმეტობა და გადაჭარბების სიყვარულია. თქვენ არ იცით საზღვარი არც მუშაობაში, არც დასვენებაში, ცხოვრებით ტკბობასა და გართობაში, ოღონდ არა ერთდროულად, არამედ ცხოვრების სხვადასხვა ეტაპზე. უბრალოდ, არ შეგიძლიათ შეჩერება, როცა ეს აუცილებელია. მეორე მხრივ, სწრაფვა, რომ ყველაფერი ერთად და ერთდროულად ჩაიგდოთ ხელში, თქვენთვის საოცარი მოტივაციის როლს ასრულებს.

კურო

კუროებს ძალიან გეშინიათ მარტო დარჩენის. გეშინიათ, რომ ერთ დღეს ყველა ზურგს გაქცევთ. ამის გამო ხშირად მეგობრობთ პირველ შემხვედრთან იმის ნაცვლად, რომ საუკეთესო ადამიანები იპოვოთ. ადამიანების ასეთი განურჩევლობა ხანდახან განგაშის გრძნობასთან ბრძოლაში გეხმარებათ, მაგრამ ეს არცთუ ხშირად ხდება.

ტყუპი

ტყუპის მთავარი დემონი – ეს თავისუფლებისმოყვარეობაა. ვერ იტანთ, როდესაც რაღაცაზე მიგითითებენ, გმართავენ ან გზღუდავენ. ეს დემონი თქვენგან მტკიცე მოქმედებებს მოითხოვს. ხშირად უარყოფთ იმ ადამიანებს, ვინც თქვენზე ზრუნავენ.

ზოდიაქოს ნიშნების კომპლექსები>>

კირჩხიბი

გიყვართ ჭორაობა და ხმების გავრცელება და ამაში საკუთარ თავსაც კი არასდროს გამოუტყდებით. თქვენთან ძალიან ფრთხილად უნდა იყვნენ ადამიანები. მეორე მხრივ, თუ ვინმე ძვირფასია თქვენთვის, მათ შესახებ არასდროს არავის არაფერს არ მოუყვებით.

ლომი

ლომები „ჩაციკლული“ ხართ იმაზე, რომ ყოველთვის ყველაზე უკეთესი იყოთ. ეს სასარგებლო სწრაფვაა, მაგრამ ხშირად ძალიან შორს „შეტოპავთ“ ხოკმე. ასეთ შემთხვევაბში ყველაფერი გავიწყდებათ და მხოლოდ სამუშაოზე, ბიზნესზე, წარმატებასა და ფულზე ხართ გადართული.

ქალწული

თქვენი მთავარი დემონი პერფექციონიზმია, რომელიც გაკეთებულ სამუშაოში, ადამიანებში, ნივთებბში მუდამ რაღაც ნაკლს ეძებს. გიყვართ, როდესაც ყველაფერი წინასწარ შედგენილი გრაფიკის მიხედვით ხდება. ამ შინაგანი „მეს“ გამო ხშირად გიცრუვდებათ იმედები.

ასტრორეიტინგი: ზოდიაქოს ყველაზე ზარმაცი ნიშნები – ტოპ-ხუთეული>>

სასწორი

ერთი განსაკუთრებულად აქტიური დემონი გყავთ, რომელსაც ჰქვია „არაუშავს, კარგი“. ამას ხშირად ეუბნებით საკუთარ თავს, როცა რაღაც ცუდი ხდება, ირგვლივ ბევრი სირთულე და პრობლემაა. აზროვნებთ ოპტიმისტურად, რაც კარგია, მაგრამ ხშირად აგებთ იმის გამო, რომ არ აღიარებთ პრობლემის არსებობას, რომელიც დაუყოვნებლივ გადაწყვეტას საჭიროებს.

მორიელი

თქვენი მთავარი დემონი შურისმაძიებლობაა. ბევრი ამბობს, რომ ეჭვიანები ხართ, მაგრამ ეჭვიანობა ხშირად ნორმის ფარგლებს არ სცდება, რასაც ვერ ვიტყვით თქვენს გულღძოობასა და ბოღმის გულში ჩადებაზე. ხანდახან საკუთარ თავსაც აშინებთ, იმდენად კარგად გახსოვთ ადრინდელი წყენა.

მშვილდოსანი

თქვენი შინაგანი დემონი მანიპულაციებისადმი მიდრეკილებაა. შეგიძლიათ და გიყვართ ურთიერთობების სხვადასხვა დონეზე ადამიანებით მანიპულირება და ამას ისეთი უდიდესი ოსტატობით აკეთებთ, რომ ვერავინ ხვდება.

ზოდიაქოს ნიშნები სიმთვრალეში>>

თხის რქა

თქენი დემონი უნდობლობაა. ამის გამო სწრაფად ვერ პოულობთ სიყვარულს, მეგობრებს. გეშინიათ, რომ მოგატყუებენ ან გიღალატებენ. აფასებთ საკუთარ დროსა და ძალებს, მაგრამ ხშირად ამის გამო მარტოობით ზღვევთ.

მერწყული

თქვენში ეჭვიანი დემონი ზის, რომელიც თავისუფლებას არ აძლევს იმ ადამიანებს, რომლებსაც უყვარხართ. „შეშლილი“ ხართ კონტროლზე. გჭირდებათ, რომ ყოველდღე და ყოველ წუთს დარწმუნებული იყოთ, რომ ვინც თქვენ გარშემოა, სხვა არავინ ჰყავთ ისეთი, რომლებსაც თქვენნაირად ეპყრობიან. თქვენ გამონაკლისი შემთხვევა უნდა იყოთ.

თევზები

თქვენი მთავარი მტერი და შინაგანი დემონი – ეს სიზარმაცეა. შეგიძლიათ მასთან გამკლავება, მაგრამ ამას ყოველთვის არ აკეთებთ. სიზარმაცე ხშირად გძლევთ და ამის გამო არღვევთ დანაპირებს. შედეგად, ირგვლივ მყოფების თვალში არასაიმედონი მოსჩანხართ.

ზოდიაქოს ნიშნების კრიმინალური „ქრონიკა">>

0