ტყიბული

„თავი ვერ გაართვეს“- „საქნახშირმა“ განმარტა რატომ ჩამოეჭრათ მეშახტეებს ხელფასზე თანხა

108
(განახლებულია 18:07 11.02.2021)
კომპანიაში მიიჩნევენ, რომ ძიძიგურის სახელობის შახტის მეოთხე უბანზე დასაქმებულ პირებს ხელფასი კანონიერად ჩამოეჭრათ, ვინაიდან მათ იანვრის თვის გეგმა ვერ შეასრულეს.

 

თბილისი, 11 თებერვალი — Sputnik. კომპანია „საქნახშირში“ აცხადებენ, რომ მეოთხე ნახშირმომპოვებელი უბნის თანამშრომლებმა მხოლოდ 77%-ით შეძლეს  გეგმის შესრულება, რაც შრომის კონტრაქტის თანახმად მათი იანვრის თვის ანაზღაურებაზე აისახა.

ძიძიგურის სახელობის შახტში სამუშაო პროცესი ჯერ კიდევ გასული ღამიდან პარალიზებულია. კომპანიის რამდენიმე თანამშრომელი ხელფასების სრულად მიღებას მოითხოვს და უარს აცხადებს შახტიდან ამოსვლაზე. 

„კომპანიამ გაარკვია, რომ  პროტესტი უკავშირება №4 ნახშირმომპოვებელი უბნის მუშაობის იანვრის თვის შედეგების შეჯამებას... უბნის მეშახტეებმა გეგმის მხოლოდ 77,7 % შეასრულეს, რაც შრომითი ხელშეკრულების შესაბამისად, მათ გამომუშავებულ ანაზღაურებაზე აისახა“, – აღნიშნულია „საქნახშირის“ განცხადებაში.

კომპანიის ინფორმაციით, 10 თებერვალს გამართულ სამუშაო შეხვედრაზე მოხდა იანვრის თვის შედეგების შეჯამება-განხილვა. შედეგად გაირკვა, რომ მეორე  უბანმა 6,1 ათასი ტონა ქვანახშირის მოპოვება შეძლო და გეგმა 110.9 % -ით შეასრულა, რაც გულისხმობს 91,01 ლარის ანაზღაურებას დღეზე. მეექვსე უბანმა მოიპოვა 5,4 ათასი ტონა ქვანახშირი და გეგმა 108,01 %–ით შეასრულა – ანაზღაურებამ შეადგინა 90 ლარი დღეზე. მეოთხე უბანმა კი  მოიპოვა 4,6 ათასი ტონა და გეგმა შესრულდა მხოლოდ 77.7 % -ით. შესაბამისად დღიურმა ანაზღაურებამ 48 ლარი შეადგინა.

კომპანიაში განმარტავენ, რომ VI და II უბნის თანამშრომლებმა იანვრის თვეში გადაჭარბებით შეასრულეს გეგმა და შესაბამისად, შრომითი ხელშეკრულების მიხედვით, მათ ანაზღაურებას ბონუსიც დაემატა.

მეოთხე ნახშირმომპოვებელ უბნის თანამშრომლებისა და „საქნახშირის“ ადმინისტრაციის ერთობლივი ინიციატივით, შედგა სპეციალური კომისია, რომელიც უახლოესი 10 დღის ვადაში შეისწავლის იმ გარემოებებს, რის გამოც IV უბნის თანამშრომლებმა ვერ შეასრულეს გეგმა. 

როგორც კომპანიის განცხადებაშია აღნიშნული, შახტიდან ამოსვლის თაობაზე თანამშრომლების უარმა უსაფრთხოების წესების უხეში დარღვევა და ავარიული სიტუაციის შექმნა გამოიწვია. 

თავის მხრივ, მეშახტეები აცხადებენ, რომ მათ იანვრის თვეში თავდაუზოგავად იმუშავეს და შესაბამის ანაზღაურებას იმსახურებენ.

როგორც „Sputnik საქართველოს“ საქართველოს პროფესიული კავშირების გაერთიანების თავმჯდომარის მოადგილემ თამაზ დოლაბეროძემ განუცხადა, იანვარში ნახშირის მოპოვების სათანადო პირობები არ იყო. შახტაში აალების საშიშროება იყო, ამიტომ მეშახტეები ამ პრობლემის გადაწყვეტით იყვნენ დაკავებულეი, რათა  შრომის უსაფრთხოება მაქსიმალურად უზრუნველყოფილი ყოფილიყო. გეგმის შეუსრულებლობას დოლაბერიძემ მენეჯმენტის შეცდომა უწოდა, რომელმაც ყველა გარემოება  არ გაითვალისწინა.

პროფკავშირების წარმომადგენლები კომპანიის ხელმძღვანელობასთან შეხვედრებს აგრძელებენ, რათა დასაქმებულების პრობლემა მოაგვარონ.

დღეს ტყიბულში ორი შახტია - მინდელის და ძიძიგურის. დანარჩენი 25 კარიერი 2018 წლის ივლისიდან, მესამე ტრაგედიის შემდეგ, არ მუშაობს. 2018 წლის 5 აპრილს ექვსი მეშახტე დაიღუპა, 2018 წლის 2 ივნისს - ორი, 2018 წლის 16 ივლისს კი - ოთხი. მათი გარდაცვალების მიზეზი სხვადასხვაა - მეთანის აფეთქება, კედლების ჩამოშლა.

108
აბრა მაღაზიაში კორონავირუსის შესახებ

როდის მოიხსნება დარჩენილი შეზღუდვები: ამირან გამყრელიძის პროგნოზი

47
(განახლებულია 08:45 28.02.2021)
ეპიდემიოლოგის თქმით, ჯერჯერობით ქვეყანაში სტაბილური ეპიდსიტუაციაა და კორონავირუსის მესამე ტალღა მოსალოდნელი არ არის

თბილისი, 28 თებერვალი – Sputnik. შეზღუდვების შემდგომი შემსუბუქება შესაძლებელი იქნება 1-2 კვირაში, თუ ამის საშუალებას ეპიდვითარება მოგვცემს, განუცხადა ჟურნალისტებს დაავადებათა კონტროლის ეროვნული ცენტრის დირექტორმა ამირან გამყრელიძემ.

საქართველოში 1 მარტიდან ბევრი შეზღუდვა მოიხსნება: გაიხსნება მუზეუმები, საბავშვო ბაღები, ფიტნეს-დარბაზები. უქმდება შაბათ-კვირის კარანტინი. ამ კვირაში სრული დატვირთვით ამუშავდა საზოგადოებრივი და საქალაქთაშორისო ტრანსპორტი.

„ამ ეტაპზე საკმაოდ ბევრი შეზღუდვა მოიხსნა, სერიოზული შემსუბუქება გამოცხადდა, ამიტომ 1-2 კვირა უნდა დავაკვირდეთ ეპიდსიტუაციას. ეს შეზღუდვები რა სტიმულს მისცემს ინფექციის გავრცელებას. ამის შემდეგ გადაწყდება შეზღუდვების შემსუბუქება. ხვალ და ზეგ ეს არ იქნება“, - განაცხადა გამყრელიძემ.

რაც შეეხება მესამე ტალღას, მისი პროგნოზებით, თუ მარტი და აპრილი აფეთქებების გარეშე ჩაივლის, ის ნაკლებად სავარაუდოა.

„დასაშვებია, რომ ჩვენთანაც „ბრიტანული შტამის“ მეტი გავრცელება იყოს, მას გავრცელების მეტი სისწრაფე ახასიათებს, უფრო ახალგაზრდა ადამიანებს აზიანებს, თუმცა სიმძიმით არ გამოირჩევა. მაგრამ ჩვენ ახლა დაღმავალ ტალღაზე ვართ, ანუ ეპიდსიტუაცია ქვეყანაში სტაბილიზირდება. ასე გაგრძელდება, თუ ჩვენ რამე დიდი შეცდომა არ დავუშვით, არ მოვეშვით, პირბადე არ გადავაგდეთ“, - განაცხადა გამყრელიძემ.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა, დღემდე ქვეყანაში 270.510 შემთხვევაა გამოვლენილი.

47
თენგიზ ცერცვაძე

საქართველოში კოვიდგადატანილი ადამიანების კვლევა მომდევნო კვირაში დაიწყება: მიზნები

265
ინფექციონისტის განცხადებით, კვლევა მხოლოდ თბილისში ჩატარდება და შემთხვევითი შერჩევის პრინციპით 500 მონაწილე შეირჩევა

თბილისი, 27 თებერვალი – Sputnik. საქართველოში კოვიდგადატანილი ადამიანების კვლევა მომდევნო კვირაში დაიწყება, განაცხადა თბილისის ინფექციური საავადმყოფოს დირექტორმა, თენგიზ ცერცვაძემ.

ცერცვაძის განცხადებით, ჯანდაცვის სპეციალისტებს კვლევის შემდეგ ზუსტად ეცოდინებათ, კოვიდგადატანილი პაციენტების რა ნაწილს უვითარდება პოსტკოვიდური სინდრომი.

„გვეცოდინება სად უფრო ხშირია: კაცებში თუ ქალებში, ახალგაზრდებში თუ ასაკოვნებში, ვინც მძიმედ გადაიტანა დაავადება თუ ვინც მსუბუქად. რაც მთავარია, გვეცოდინება რომელი გამოვლინება სჭარბობს პოსტკოვიდურ სინდრომში: სასუნთქი სისტემის, ზოგადი სიმპტომები - დაღლილობა, სისუსტე, კუნთების ტკივილი, ნევროლოგიური სიმპტომები და სხვა“, - განაცხადა ცერცვაძემ.

ცერცვაძის ინფორმაციით, კვლევის შემდეგ, ჯანდაცვის სამინისტროში შეიქმნება პროგრამა, რომელიც უფასოდ მოემსახურება პოსტკოვიდური სინდრომის მქონე პაციენტებს.

„საუბარია იმაზე, რომ ეს პაციენტები მივლენ ზოგადი პროფილის კლინიკებში, ინფექციურ კლინიკებში და შეიძლება ოჯახის ექიმთანაც. სპეციალური კვლევის ალგორითმით და კითხვარით დადგინდება, აქვს თუ არა მას პოსტკოვიდური სინდრომი და თუ აქვს, რომელი გამოვლინება აქვს და შემდეგ უკვე ამ კონკრეტული გამოვლინების მიხედვით, ისინი დაკვალიანდებიან და გადამისამართდებიან სპეციალისტებთან“, – განაცხადა ცერცვაძემ.

კვლევისთვის შერჩეულ ადამიანებს მედიკოსები ტელეფონით დაუკავშირდებიან და მოიწვევენ კლინიკებში.

პოსტკოვიდური სინდრომი მსოფლიო მედიკოსთა ახალი გამოწვევაა. როგორც სპეციალისტები აცხადებენ, დაკვირვების შედეგად დადგინდა, რომ პოსტკოვიდური სინდრომი უმეტესად იმ პაციენტებს ემართებათ, ვინც ვირუსი მძიმე ფორმებში გადაიტანა. ხშირად მათი ხელახალი ჰოსპიტალიზაცია ხდება საჭირო.

265
ნანა ჩაჩუა

ნანა ჩაჩუა: თუკი წარსულს გამოცდილებად არ იტოვებ, მაშინ ის უბრალო თარიღებია

0
(განახლებულია 09:51 28.02.2021)
ნანა ჩაჩუა საუბრობს წარსულზე, ცხოვრებისგან მიღებულ გამოცდილებაზე, რომელიც აუცილებლად გასათვალისწინებელია.
ნანა ჩაჩუა: თუკი წარსულს გამოცდილებად არ იტოვებ, მაშინ ის უბრალო თარიღებია
„ეკლესიასტეში წერია: „ნურავინ იტყვის აწმყო წარსულს რად სჯობიაო, რადგან ამ სიტყვას სიბრძნე არ ახლავს“. მე ბევრჯერ მიფიქრია ამ ფრაზაზე. რატომ უნდა ვიფიქრო ამ ასაკის ადამიანმა, რომ ჩემი აწმყო ჯობია იმ წარსულს, როცა მე ოცის, ოცდაათის ან თუნდაც ორმოცი წლის რომ ვიყავი?! იმიტომ, რომ ჩემს ასაკში ოციცაა, ოცდააათიც, ორმოციც ანუ იმ წლებისგან დაგროვილი გამოცდილებაა“- ამბობს ნანა ჩაჩუა.

ნანა ჩაჩუა: „ჩემს ასაკს აქვს ყველა ის გამოცდილება, თუკი გამოცდილებად მაქვს დატოვებული, რაც აქამდე მქონდა, ყველა ის გამოცდილება ჩემს ასაკში თავსდება. თუმცა აქ ერთი რამაა საგულისხმო, რომ ინდივიდის დონეზე წარსული გამოცდილებად რჩება. თუკი არ რჩება გამოცდილება, მაშინ გამოდის, რომ შენ წარსულში არ გიცხოვრია.“

0