თბილისი, 18 იანვარი — Sputnik. მეეზოვეს, რომელსაც თაღლითებმა დიდი საბანკო ვალები აჰკიდეს, ნაცნობი ფოტოგრაფი უჩვეულო გზით დაეხმარა თანხის შეგროვებასა და კრედიტის დაფარვაში.
საუბარია ფოტოგრაფ რომან ფილიპოვზე, რომელმაც თავის ძველ ნაცნობს, მეეზოვე იურას გლამურული ჟურნალების სტილში მოუწყო ფოტოსესია და 650 ათასი რუბლის შეგროვებაში დაეხმარა.
ფილიპოვმა 16 იანვარს ატვირთა საკუთარ Instagram-ზე „მოდელის“ ფოტოები და ამასთან ხელმომწერებს მისი ისტორიაც უამბო.
View this post on Instagram
View this post on Instagram
სამწუხაროდ, არაკეთილსინდისიერმა ადამიანებმა მაინც შეძლეს იურას მოტყუება და სხვადასხვა ბანკებიდან კრედიტები ააღებინეს, რის შედეგადაც მეეზოვეს უზარმაზარი ვალი დაედო — 650 ათასი რუბლი.
იურას ისტორიისთვის ყურადღების მისაქცევად და დასახმარებლად რომან ფილიპოვმა მას ფოტოსესია მოუწყო: ფოტოების ერთ ნაწილზე ის მეეზოვის ფორმაშია აღბეჭდილი, ხოლო მეორეზე — გლამურული მამაკაცის სამოსში, აქსესუარებსა და მოდურ ვარცხნილობაში. სურათებს ფილიპოვმა იურას საბანკო დავალიანების დოკუმენტაცია და მისი რეკვიზიტებიც დაურთო და მსურველებს დახმარება სთხოვა.
- და სულ რაღაც ერთ დღე-ღამეში ანგარიშზე 657,5 ათასი რუბლი (დაახლოებით 9 ათასი აშშ დოლარი) შეგროვდა. კმაყოფილი ფოტოგრაფი ამბობს, რომ ეს თანხა ვალების დაფარვასაც ეყოფა და იურას ოთახში რემონტსაც.
ფილიპოვმა ვიდეოზე აღბეჭდა, თუ როგორ რიცხავს თანხას შესაბამის ბანკებში და მადლობა გადაუხადა ყველას, ვინც ფულის შეგროვებაში მონაწილეობა მიიღო.
