ნუკი კოშკელიშვილი

ნუკი კოშკელიშვილმა ქმარს პოსტი დაუწერა? ნახეთ რას წერს ბენი

2616
(განახლებულია 20:00 13.01.2021)
ნუკი კოშკელიშვილის ქმარი სოციალურ ქსელში ძალიან გააქტიურდა. ნახეთ რას წერს ბენი ქართულად „ინსტაგრამის“ გვერდზე.

ცნობილი მოდელისა და ტელეწამყვანის ნუკი კოშკელიშვილის ამერიკელი ქმარი ბენ ხაიმი „ინსტაგრამის“ გვერდზე ქართულენოვან განცხადებას აქვეყნებს. როგორც ბენი წერს, მას შემდეგ, რაც პანდემიის გამო ერთი წლის შემდეგ ცოლ-შვილთან ერთადაა, ნუკი უფრო ლამაზად გამოიყურება ვიდრე ოდესმე, შვილი ოლივერი კი მთელ მსოფლიოში ყველაზე მხიარული და მშვიდია.

View this post on Instagram

A post shared by Benji Chaim (@benjichaim)

„ვერაფერი შეცვლის საყვარელ ადამიანებთან ყოფნას და მათ გვერდით ყოფნას“, – წერს ნუკის ქმარი. საინტერესოა, ბენმა ქართულად წერა-კითხვა ასე კარგად ისწავლა, თუ ცოლმა დაუწერა პოსტი?

View this post on Instagram

A post shared by Benji Chaim (@benjichaim)

ნუკი კოშკელიშვილმა მეუღლის დაბრუნების შესახებ „ფოლოვერებს“ რამდენიმე დღის წინ ამცნო. როგორც ნუკი ამბობს, ოლივერს მამის დანახვაზე უცნაური რეაქცია ჰქონდა. ბავშვისთვის დაუჯერებელი იყო, რომ მის წინ იდგა მამა, რომელთანაც მანამდე კონტაქტი მხოლოდ ტელეფონით ჰქონდა.

View this post on Instagram

A post shared by Benji Chaim (@benjichaim)

ამ სასიამოვნო სიახლის გარდა, ბენჯის ცხოვრებაში კიდევ ერთი სიახლეა, რაც ერთგვარად სწორედ პანდემიამ განაპირობა. ნუკის მეუღლემ თავი ახალ საქმიანობაში იპოვა და ეს ხელოვნებაა. როგორც აღმოჩნდა, ბენჯი შესანიშნავად ხატავს. ამ ფაქტმა ხელმომწერები ძალიან გაახარა. აღსანიშნავია ისიც, რომ ბენჯის ძალიან უყვარს ქართველები, სწორედ ამიტომ „ინსტაგრამზე“ თავისი ნახატების აღწერაში ქართულად გვესაუბრება.

View this post on Instagram

A post shared by Benji Chaim (@benjichaim)

„მეგობრებო, 2020 წელი გიჟური წელი იყო. ეს სტრესული იყო ბევრი ადამიანისთვის. განსაკუთრებით ამ წლის ბოლო თვეების განმავლობაში. მე დავიწყე ხატვა. გადავწყვიტე მეტი დრო დავუთმო იმას, რაც ცხოვრებაში მიყვარს. ჩემი ახალი გატაცება ნამდვილად მსიამოვნებს. ეს ბედნიერებას მანიჭებს“, – მოგვმართა ბენმა.

View this post on Instagram

A post shared by Benji Chaim (@benjichaim)

წყვილმა ახალ წელს ერთად გადაღებული ახალი ფოტოც გამოაქვეყნა, სადაც ერთად ძალიან ბედნიერები არიან. ნუკის ხელმომწერებმა ხუმრობით ისიც აღნიშნეს, რომ ბენი ნუკის მაგივრადაც კი მოენატრათ და ისიც დაამატეს, რომ წყვილის ერთად ყოფნა ძალიან უხარიათ.

2616
თემები:
სელებრითების ცხოვრება (2637)
შეჩერდეს COVID-19

მობილური აპლიკაცია Stop Covid გაუქმდა

63
(განახლებულია 22:11 22.01.2021)
აპლიკაცია ავსტრიულმა კომპანიამ შეიმუშავა და ლიცენზიის საფასურის გადახდის გარეშე გახადა სხვადასხვა ქვეყნის მთავრობებისთვის ხელმისაწვდომი

თბილისი, 22 იანვარი — Sputnik. აპლიკაცია Stop Covid–ით სარგებლობის ვადა ამოიწურა და 2021 წლის 20 იანვარს არააქტიური გახდა, იუწყება საზოგადოებრივი მაუწყებლის პირველი არხი ჯანდაცვის სამინისტროს მიერ გავრცელებულ ინფორმაციაზე დაყრდნობით.

აღნიშნული გადაწყვეტილება უწყებამ ქვეყანაში არსებული ეპიდსიტუაციიდან გამომდინარე მიიღო.

ჯერჯერობით უცნობია, კვლავ გააქტიურდება თუ არა აპლიკაცია და არც ისაა დაზუსტებული, რამდენი ინფიცირებული გამოვლინდა აღნიშნული პროგრამის საშუალებით.  

მობილური აპლიკაცია Stop covid–ი, საქართველოს ჯანდაცვის სამინისტროს ინიციატივით, გასული წლის აპრილში ამოქმედდა. ინოვაციური პროგრამა  კორონავირუსის ადრეული გამოვლენისა და მისი გავრცელების აღკვეთის მიზნით შეიქმნა. კერძოდ, აპლიკაცია საშუალებას აძლევდა პირებს, რომლებსაც სავარაუდოდ კონტაქტი ჰქონდათ კოვიდინფიცირებულთან, დროულად მიეწოდებინათ ინფორმაცია შესაბამისი უწყებისთვის, რაც ვირუსის გავრცელების შეჩერების ერთ–ერთი პირობა იყო.

ბოლო მონაცემებით, საქართველოში ინფიცირებულთა საერთო რაოდენობა 251 ათას შემთხვევას აჭარბებს, გამოჯანმრთელდა 238 ათასზე მეტი ადამიანი, გარდაიცვალა 3 ათასზე პაციენტი.

63
თემები:
კორონავირუსი საქართველოში: ბოლო ცნობები
ნიშანი პარკირებაზე

„ჩვენც გვაქვს გული“: გამტაცებლებმა ავადმყოფ ქალს მანქანა დაუბრუნეს

118
(განახლებულია 19:54 22.01.2021)
პოლიციამ მანქანაში ქურდების მიერ დატოვებული წერილი აღმოაჩინა, რომლითაც ისინი ბოდიშს უხდიდნენ დაზარალებულს

თბილისი, 22 იანვარი — Sputnik. იტალიელმა კარაბინერებმა ქალაქ ბარის საავადმყოფოს პარკინგიდან მოპარული მანქანა იპოვეს, რომელშიც გამტაცებლებს საბოდიშო წერილი ჰქონდათ დატოვებული, იუწყება La Gazzetta.

გავრცელებული ინფორმაციით, იანვრის შუა რიცხვებში 56 წლის მარია ელენა დამიანის ქალიშვილმა რიტამ Facebook-ში დაწერა, რომ მოპარული მანქანა გადაადგილების ერთადერთი საშუალება იყო მისი დედისთვის, რომელიც გაფანტული სკლეროზითაა დაავადებული. ირკვევა, რომ ავტომობილი Fiat Doblò ადაპტირებული იყო უნარშეზღუდული ქალისთვის სამართავად და ასევე აღჭურვილი იყო პანდუსითა და ინვალიდის ეტლით.

„გულზე ხელი დაიდეთ და დაგვიბრუნეთ ავტომობილი“, — წერდა ავადმყოფი ქალის შვილი სოციალურ ქსელში.  

მისი პოსტი მალე მეტად პოპულარული გახდა და, როგორც ჩანს, გამტაცებლებამდეც მიაღწია. რამდენიმე დღის შემდეგ ბარის გარეუბანში ერთმა მამაკაცმა მისი სახლის წინ გაჩერებული ავტომობილი შენიშნა და კარაბინერები გამოიძახა. მანქანის წინა სავარძელში მათ ბოროტმოქმედების გზავნილი აღმოაჩინეს.

  • „ჩვენც გვაქვს გული. გვაპატიეთ, თქვენი პათოლოგიის შესახებ არ ვიცოდით“, — წერდნენ ისინი.

დამიანების ოჯახმა, ამბის ბედნიერი დასრულების შემდეგ, თანადგომისთვის ყველას მადლობა გადაუხადა და განაცხადა, რომ იწყებდნენ ინვალიდთათვის ავტომობილის შესაძენად თანხის შეგროვებას. ამ თანხას ადგილობრივი საქველმოქმედო ორგანიზაცია მიიღებს.

118
თემები:
საერთაშორისო პანორამა
ტოკიოს ოლიმპიადის ლოგოტიპი

კიდევ გადაიდება თუ არა ტოკიოს ოლიმპიადა: IOC-ი კომენტარს აკეთებს

0
(განახლებულია 22:27 22.01.2021)
IOC (საერთაშორისო ოლიმპიური კომიტეტი), თამაშების საორგანიზაციო კომიტეტი და ტოკიოს ხელისუფლება ყველაფერს გააკეთებს, რომ ზაფხულის ოლიმპიური თამაშების უსაფრთხოება უზრუნველყოს

თბილისი, 22 იანვარი - Sputnik. საერთაშორისო ოლიმპიური კომიტეტი და საერთაშორისო პარალიმპიური კომიტეტი ამ ზაფხულის ოლიმპიური და პარალიმპიური თამაშების გადადებას ან გაუქმებას გამორიცხავს, მიუხედავად მედიაში გავრცელებული ხმებისა, ნათქვამია IPC-ის განცხადებაში.

მანამდე გავრცელდა ინფორმაცია, რომ იაპონიის ხელისუფლებამ თამაშების გაუქმების შესახებ შეუთანხმებელი გადაწყვეტილება მიიღო და ახლა 2032 წლის ზაფხულის ოლიმპიურ თამაშებზე კონცენტრირდება. იაპონიის მთავრობის გენერალური მდივნის მოადგილემ მანაბუ საკაიმ უარყო ეს ინფორმაცია.

„საერთაშორისო ოლიმპიური კომიტეტი (IOC), IPC, საორგანიზაციო კომიტეტი „ტოკიო 2020“ და ყველა პარტნიორი განწყობილია თამაშების წარმატებით ჩატარებაზე და ორიენტირებულია ოლიმპიური და პარალიმპიური თამაშების უსაფრთხო და საიმედო ორგანიზებაზე. ეს პოზიცია არ შეცვლილა და დღეს კიდევ ერთხელ დაადასტურა IOC-მა, „ტოკიო 2020-მა“ და იაპონიის მთავრობამ“, — ნათქვამია IPC -ის განცხადებაში.

თავის მხრივ, ოლიმპიური თამაშების მინისტრმა სეიკო ჰასიმოტომ ხაზგასმით აღნიშნა, რომ მთავრობა, საორგანიზაციო კომიტეტი და ტოკიოს ხელისუფლება განაგრძობს სპორტული ფორუმისთვის მზადებას.

ამასთან, ზოგი მაღალი რანგის იაპონელი ჩინოვნიკი არ გამორიცხავს თამაშების გადადებას. ოსაკას პრეფექტურის გუბერნატორმა იოსიმურა ჰიროფუმიმ განაცხადა, რომ ოლიმპიადის გადადება არ სურთ, მაგრამ „გადატანა რეალურია“.

ტოკიოში ოლიმპიადა 2020 წლის 24 ივლისიდან 9 აგვისტომდე უნდა ჩატარებულიყო, მაგრამ პანდემიის გამო ჩემპიონატი ერთი წლით გადაიდო და 2021 წლის 23 ივლისიდან 8 აგვისტომდე პერიოდში გაიმართება.

0
თემები:
საერთაშორისო პანორამა