ნეკა დოროყაშვილი

„კვლავ ვრჩები გულშემატკივრად...“ - ნეკა დოროყაშვილმა ნიკოლოზ ბასილაშვილზე პირველად ისაუბრა

393
(განახლებულია 20:33 12.01.2021)
ნეკა დოროყაშვილმა ყოფილ მეუღლეზე, ცნობილ ჩოგბურთელ ნიკოლოზ ბასილაშვილზე საჯაროდ პირველად ისაუბრა. ნახეთ რას ჰყვება მოდელი.

მოდელი ნეკა დოროყაშვილი აცხადებს, რომ მიუხედავად ყოფილ მეუღლესთან დაძაბული ურთიერთობისა, ჩოგბურთის აქტიურ გულშემატკივრად რჩება და ნიკოლოზ ბასილაშვილის თამაშებსაც ადევნებს თვალს. ამის შესახებ დოროყაშვილმა გადაცემა „იმედის დღეში“ ისაუბრა, სადაც ის დიზაინერის ამპლუაში იყო მიწვეული.

რამდენიმე დღის წინ ნეკა ყოფილ მეუღლეს საჯაროდ კიდევ ერთხელ დაუპირისპირდა. ამჯერად შვილის გამო. მანამდე ნიკოლოზ ბასილაშვილი სოციალურ ქსელში წერდა, რომ შვილის ნახვის საშუალება არ აქვს და ვერც საახალწლოდ მისთვის განკუთვნილ საჩუქრებს აწვდის მას. როგორც ჩანს, ამ პოსტის შემდეგ წყვილის საერთო შვილმა ლუკასმა მამისგან საჩუქრები მიიღო, ნეკა კი იმან აღაშფოთა, რომ საჩუქრის ყუთში მაღაზიის ქვითარიც დახვდა სათამაშოს ღირებულებით.

View this post on Instagram

A post shared by Neka (@nekadorokashvili)

მოდელმა „ინსტაგრამზე“ ერთ-ერთ მაღაზიაში შეძენილი საჩუქრის ფოტო გამოაქვეყნა, ბასილაშვილს საჩუქარი დაუწუნა და აღნიშნა, რომ სამწუხაროა, როდესაც მამამ შვილის ინტერესების შესახებ არაფერი იცის და არ იცის შვილს რა აჩუქოს, და თანაც ამბობს, რომ მთელი წლის განმავლობაში აგროვებდა მისთვის საჩუქრებს და ეს ნაგროვები საჩუქრები მხოლოდ ერთ ცელოფნის პარკში ეტევა.

View this post on Instagram

A post shared by Neka (@nekadorokashvili)

მოგვიანებით მოდელმა ფოტო და პოსტი წაშალა და „ფეისბუქზე“ დაწერა, რომ, სამწუხაროდ, საზოგადოების დიდმა ნაწილმა ის გააკრიტიკა მიუხედავად იმისა, რომ სიმართლე მის მხარესაა.

View this post on Instagram

A post shared by Neka (@nekadorokashvili)

ცნობილი ჩოგბურთელი ცოლს 2020 წელს დაშორდა და ახლა სასამართლომ უნდა დაადგინოს, ძალადობდა თუ არა ის ყოფილ ცოლზე ფიზიკურად, მცირეწლოვანი შვილის თანდასწრებით.

View this post on Instagram

A post shared by Neka (@nekadorokashvili)

ნიკოლოზ ბასილაშვილს მის ოჯახურ სკანდალზე კომენტარი არ გაუკეთებია. ახალი 2021 წლის დადგომამდე მან სოციალურ ქსელში შვილთან ერთად გადაღებული ფოტო გამოაქვეყნა და ემოციური პოსტი დაწერა. ბასილაშვილი წერს, რომ მას შვილი ძალიან ენატრება, თუმცა მასთან დარეკვაც კი არ შეუძლია. ბასილაშვილი თავის პოსტში შვილს ასევე წერდა, რომ თოვლის ბაბუას მოტანილ საჩუქრებს კარგად შეინახავდა, მაგრამ ეტყობა ნეკა დოროყაშვილმა სხვაგვარი შინაარსი გამოიტანა.

393
თემები:
სელებრითების ცხოვრება (2624)
აქცია ზუგდიდში

მოძრაობა „საქართველოსთვის" აქციებს იწყებს რა ხდება ზუგდიდში

11
(განახლებულია 16:46 20.01.2021)
ქართველი ხალხი არ ეგუება გაყალბებულ არჩევნებს და ბოლომდე ვიბრძოლებთ, რომ დაინიშნოს რიგგარეშე არჩევნები, აცხადებენ აქციის მონაწილეები

თბილისი, 20 იანვარი – Sputnik.  სამეგრელო-ზემო სვანეთში სახელმწიფო რწმუნებულის ადმინისტრაციასთან ახალგაზრდული ორგანიზაცია  „მოძრაობა საქართველოსთვის" ინიციატივით საპროტესტო აქცია მიმდინარეობს, იუწყება „Sputnik-საქართველოს“ კორესპონდენტი.

თბილისიდან ჩასულ სამოქალაქო აქტივისტებს ადგილობრივი არასამთავრობო ორგანიზაციების წევრებიც შეუერთდნენ – ისინი საპარლამენტო არჩევნების შედეგებს აპროტესტებენ და რიგგარეშე არჩევნების გამართვას მოითხოვენ. ისინი ადმინისტრაციის შენობასთან კარვის გაშლას გეგმავენ.

Акция протеста перед зданием администрации в Зугдиди
photo: Sputnik / Nika Lataria
Акция протеста перед зданием администрации в Зугдиди

„დღევანდელი აქცია ტარდება „მოძრაობა საქართველოსთვის" ეგიდით. ჩვენ კარავი დავდგით თბილისში პარლამენტთან და ვაპროტესტებთ ყველა იმ უსამართლობას, რაც ხდება ქვეყანაში. გადავწყვიტეთ, რომ მოძრავი კარავი დღეს აქ დავდგათ. ყველა იმ ადამიანს, რომელსაც აქვს პროტესტის განცდა, შეუძლია მოვიდეს ამ კარავთან",- განაცხადა აქციის ერთ–ერთმა მონაწილე ირაკლი კვარაცხელიამ.

გავრცელებული ინფორმაციით, დღის ბოლოს აქტივისტები სამოქალაქო კოალიციის დაფუძნებას გეგმავენ. 

Акция протеста перед зданием администрации в Зугдиди
© photo: Sputnik / Nika Lataria
Акция протеста перед зданием администрации в Зугдиди

საპროტესტო აქციის მონაწილეთა განცხადებით, ბათუმის, თბილისისა და თელავის მსგავსად, საპროტესტო კარვების დადგმა სხვადასხვა ქალაქებში იგეგმება.

სამეგრელო–ზემო სვანეთის გუბერნიის  შენობასთან სამართალდამცველები არიან მობილიზებული.

პოლიტიკური კრიზისი საქართველოში 31 ოქტომბრის საპარლამენტო არჩევნების შემდეგ დაიწყო. არჩევნების შედეგებით „ქართულმა ოცნებამ“ ძალაუფლება შეინარჩუნა. ამით უკმაყოფილო ოპოზიციური პარტიების უმეტესობა რიგგარეშე არჩევნების ჩატარებას ითხოვს. პარლამენტში გასული რვიდან ექვსი ოპოზიციური პარტია უარს აცხადებს სადეპუტატო მანდატებზე.

ოპოზიციური პარტიებისა და ახალგაზრდული ორგანიზაციების წარმომადგენლები საქართველოს მასშტაბით საპროტესტო აქციებს ამ დრომდე მართავენ.

ნიკა ლატარია

 

11
თემები:
საქართველოს პოლიტიკური ცხოვრება
ნინო ლომჯარია

ლომჯარია მთავრობას პენიტენციურ დაწესებულებებში შექმნილ მდგომარეობაზე რეაგირებას სთხოვს

13
(განახლებულია 16:56 20.01.2021)
საქართველოს სახალხო დამცველი პენიტენციურ დაწესებულებებში შექმნილ მდგომარეობასთან დაკავშირებით  საგანგებო განცხადებას ავრცელებს

თბილისი, 20 იანვარი — Sputnik. უკანასკნელი თვეების განმავლობაში პენიტენციურ დაწესებულებების ადმინისტრაციისა და ე.წ. ციხის მაყურებლების მიერ მართული პატიმრების გარკვეული ჯგუფი სისტემატიურად ახორციელებს სახალხო დამცველის აპარატის წარმომადგენლებზე სიტყვიერ თავდასხმებს, მუქარასა და აგრესიას, განაცხადა საქართველოს სახალხო დამცველმა ნინო ლომჯარიამ.

ლომჯარია: „მაყურებლების“ გარეშე პატიმრები ომბუდსმენის წარმომადგენლებთანაც ვერ საუბრობენ>>

„ამ უკანონო ქმედებების მიზანია პატიმრებთან ჩვენი კომუნიკაციისა და ციხის ტერიტორიაზე მონიტორინგის განხორციელების ხელშეშლა“, - აღნიშნა ნინო ლომჯარიამ.

მისი ინფორმაციით, 2020 წელს საქართველოს სახალხო დამცველმა სპეციალური ანგარიში გამოაქვეყნა, სადაც საუბარი იყო იმაზე, რომ ნახევრად ღია ტიპის დაწესებულებების მართვის მოდელი დაფუძნებულია პატიმართა არაფორმალურ იერარქიაზე, სადაც „ციხის მაყურებლები“ ციხეებში უზრუნველყოფენ მოჩვენებით წესრიგს, რაც მიზნად ისახავს პატიმართა გაჩუმებასა და მათთვის პრობლემებზე საუბრის აკრძალვას.

„აღნიშნული ანგარიშის გამოქვეყნებას მოჰყვა სახალხო დამცველზე საჯარო თავდასხმები და უკანონო ქმედებები იუსტიციის მინისტრისა და პენიტენციური სამსახურის მხრიდან, რაც დასრულდა იმით, რომ სახალხო დამცველის აპარატის წარმომადგენლებისთვის პენიტენციურ დაწესებულებებში ვიზიტებისა და მონიტორინგის განხორციელება არამარტო გართულდა, არამედ საფრთხის შემცველი გახდა“, - ნათქვამია ლომჯარიას განცხადებაში.

კრიმინალური სუბკულტურა და ძალადობა საქართველოს ციხეებში: ომბუდსმენის სკანდალური ანგარიში>>

როგორც მან აღნიშნა, გამომდინარე იქიდან, რომ სახალხო დამცველის აპარატის თანამშრომლებს ციხეებში ვიზიტების დროს ციხის ადმინისტრაციების მიერ მხარდაჭერილი „არაფორმალური მმართველების“ მხრიდან ექმნებათ რეალური საფრთხე, სახალხო დამცველი განიხილავს პრევენციული მონიტორინგის ვიზიტების მხოლოდ დამატებითი უსაფრთხოების ზომების პირობებში განხორციელების შესაძლებლობას, რაც ბუნებრივია, დააბრკოლებს პატიმართა უფლებების ეფექტიანად დაცვის ღონისძიებებს. ბუნებრივია, აპარატი გააგრძელებს ინდივიდუალურ შეხვედრებს პატიმრებთან.

„შექმნილი მდგომარეობიდან გამომდინარე, მივმართავთ: საქართველოს მთავრობას, მიიღოს მყისიერი ზომები ციხეებში კრიმინალური სუბკულტურის მართვის მოდელის შესაცვლელად; საქართველოს იუსტიციის მინისტრს, დაუყონებლივ დააყენოს პენიტენციური სამსახურის გენერალური დირექტორისა და შესაბამისი პენიტენციური დაწესებულებების დირექტორების თანამდებობრივი პასუხისმგებლობის საკითხი“, - განაცხადა ლომჯარიამ.

სახალხო დამცველი ასევე მიმართავს საქართველოს პარლამენტს, საპარლამენტო ზედამხედველობის მექანიზმების გამოყენებით შეისწავლოს ნახევრად ღია დაწესებულებების მართვის უკანონო მოდელი, რათა ყველა პატიმარს ჰქონდეს მათ პრობლემებზე და უფლებადარღვევებზე მიმართვის შესაძლებლობა შესაბამისი დაწესებულებებისთვის ან ორგანიზაციებისთვის.

ლომჯარია მიმართავს საქართველოს პროკურატურასაც, რომ დაიწყოს გამოძიება სახალხო დამცველის საქმიანობის ხელშეშლისა და მუქარის ფაქტებთან დაკავშირებით, რასთან დაკავშირებითაც წინადადება უკვე წარდგენილია პროკურატურაში.

ლომჯარიას განცხადებით, გარდა ზემოაღნიშნულისა, სახალხო დამცველი ინფორმაციას მიაწვდის გაეროს წამების პრევენციის ქვეკომიტეტსა (SPT) და ევროპის საბჭოს წამების პრევენციის კომიტეტს (CPT), რათა მათ განახორციელონ საქართველოში ვიზიტი პატიმართა უფლებების დაცვის მიზნით.

13
ჯო ბაიდენი

ინაუგურაციისთანავე: რა ბრძანებულებებს მოაწერს ხელს ბაიდენი პრეზიდენტობის პირველ დღეს

0
(განახლებულია 16:19 20.01.2021)
ჯო ბაიდენი თავისი წინამორბედის, დონალდ ტრამპის მიერ ხელმოწერილი მთელი რიგი ბრძანებულებების გაუქმებას გეგმავს

თბილისი, 20 იანვარი — Sputnik. ჯო ბაიდენი პრეზიდენტის პოსტზე მოსვლის პირველ დღეს რამდენიმე ბრძანებულებაზე აპირებს ხელის მოწერას, რომელთა შორისაა, მექსიკასთან გამყოფი კედლის მშენებლობის შეწყვეტა და აშშ–ის დაბრუნება ჯანდაცვის მსოფლიო ორგანიზაციასა და ასევე პარიზის კლიმატის შეთანხმებაში, იუწყება CNN-ი. 

„არჩეული პრეზიდენტი ბაიდენი მიიღებს ზომებს არა მარტო იმისთვის, რომ ტრამპის ადმინისტრაციის მიერ მიყენებული სეროზული ზარალი აანაზღაუროს, არამედ იმისთვისაც, რომ ქვეყანას წინსვლის საშუალება მისცეს“, — ნათქვამია ბაიდენის გუნდის განცხადებაში.

გავრცელებული ინფორმაციით, ჯო ბაიდენი ბრძანებულებებს ხელს 20 იანვარს მოაწერს კაპიტოლიუმში ფიცის დადებისთანავე.

ცნობილი ხდება ისიც, რომ პრეზიდენტი შეწყვეტილად გამოაცხადებს საგანგებო მდგომარეობას, რომელიც მექსიკასთან კედლის აგების საბაბად გამოიყენებოდა. ამასთან ხელისუფლება აპირებს, ყურადღებით შეისწავლოს მშენებლობასთან დაკავშირებული ფინანსირების მეთოდები და კონტრაქტები.

რაც შეეხება ჯანდაცვის მსოფლიო ორგანიზაციიდან აშშ–ის გასვლას, ჯო ბაიდენი ასევე გააუქმებს ტრამპის ბრძანებულებას ამასთან დაკავშირებით, ვინაიდან ჯანმოს „გადამწყვეტი მნიშვნელობა აქვს COVID-19–ზე საერთაშორისო პასუხის კოორდინაციაში და ასევე მომავალი პანდემიებისა და ეპიდემიებისთვის მაღალი მზაობისთვის“.

კიდევ ერთი საკითხი, რომლის გაუქმებასაც აპირებს ბაიდენის ადმინისტრაცია, ეს მილსადენ Keystone XL–ის მშენებლობაა. პროექტი 1,9 ათასი კმ სიგრძისა და დღეში 800 ათასი ბარელი სიმძლავრის ნავთობსადენის მშნებელობას ითვალისწინებს უმსხვილესი კანადური ნავთობმომპოვებელი პროვინცია ალბერტადან მექსიკის ყურის ნავთობგადამამუშავებელ ქარხნებამდე. ამ ნავთობსადენის მშენებლობას დონალდ ტრამპის ადმინისტრაცია უჭერდა მხარს.

 

0
თემები:
საერთაშორისო პანორამა