თბილისის ცარიელი ქუჩები

ბიძინა კულუმბეგოვი შეზღუდვების გახანგრძლივების აუცილებლობას ვერ ხედავს

3845
საქართველოში კორონავირუსის პანდემიის პრევენციის მიზნით დაწესებული წერტილოვანი შეზღუდვები პირველ თებერვლამდე შენარჩუნდება.

თბილისი, 11 იანვარი – Sputnik. შეზღუდვების შემსუბუქებას ეპიდვითარებაზე  დრამატული გავლენა ვერ ექნებოდა, ვინაიდან მოსახლეობის 15-20-პროცენტიანი ინფიცირების შემდეგ ახალი შემთხვევების მაჩვენებელი ბუნებრივადაც იკლებს, განაცხადა ალერგოლოგ-იმუნოლოგმა ბიძინა კულუმბეგოვმა.

საკოორდინაციო საბჭოს გადაწყვეტილებით, საქართველოში კორონავირუსის პანდემიის პრევენციის მიზნით მოქმედი ზოგიერთი წერტილოვანი შეზღუდვა მოიხსნება 1 თებერვალს, და არა 16 იანვარს, როგორც ეს დაგეგმილი იყო. დღემდე ცნობილი იყო, რომ საქალაქთაშორისო და მუნიციპალური ტრანსპორტი, სავაჭრო ობიექტები, ღია და დახურული ბაზრობები (გარდა უქმეებისა) მუშაობას 16 იანვარს განაახლებდა.

კულუმბეგოვის თქმით, არარაციონალურია ამ ტიპის შეზღუდვების გახანგძლივება, მაშინ, როდესაც, პრაქტიკულად, ეპიდემიის დაღმართია და პიკი გადავლილია.

„ჩვენ მუდმივი შეზღუდვების პირობებში ვერ ვიცხოვრებთ. ამიტომაც ჩვენ უნდა მივაჩვიოთ ადამიანები წესრიგს, ამ პრინციპებით ცხოვრებას, ბიზნესს უნდა დავავალდებულოთ უფრო მეტი აქტივობა... ასევე, მაგალითად ამერიკის ბევრ შტატში ადამიანები მიდიან რესტორანში და ნახევარი საათით ადრე ელოდებიან თავისი ანტიგენის ტესტის პასუხს. თუ პასუხი ნეგატიურია, უშვებენ რესტორანში. ამიტომ, თუ ჩვენ ასეთი გამოსავალი, ადაპტაცია არ ვიპოვეთ, ქვეყანაში მუდმივად რეცესია იქნება“, - განაცხადა კულუმბეგოვმა.

კულუმბეგოვი ტრანსპორტის გაჩერების საკითხს შეეხო, რომელიც ძალიან მკტიკვნეულია მოსახლეობის საშუალო ფენისთვის, განსაკუთრებით მათთვის, ვისაც საკუთარი ავტომობილი არ ჰყავს.

„ერთ-ერთი ჩემთვის ყველაზე სერიოზული გულისტკივილი ამ ტიპის რეგულაციებს შორის არის მაღალეფექტური, მაგრამ ამავე დროს ძალიან დამაზიანებელი, საზოგადოებრივი ტრანსპორტის აკრძალვა. რადგან საზოგადოებრივი ტრანსპორტით სარგებლობს ახალგაზრდა თაობა და სარგებლობენ ისეთი ადამიანები, რომელთა შემოსავალი არის საკმაოდ დაბალი. ამ ადამიანებს უჭირთ გადაადგილება, მაღაზიამდე მიღწევაც კი, ხანდახან სასურსათო მაღაზიამდეც. აღარ ვამბობ საავადმყოფოში ახლობლის მონახულებაზე. ეს არის უზარმაზარი და უსერიოზულესი ჰუმანიტარული პრობლემა“, - განაცხადა კულუმბეგოვმა.

ის ასევე შეეხო სავაჭრო სფეროში დასაქმებული ადამიანების პრობლემებს, რომლებსაც 16 იანვარს მუშაობის განახლების იმედი ჰქონდათ.

„შეგვეძლო, რომ ის დაპირებული შეზღუდვების მოხსნა შაბათი-კვირის გამოკლებით განხორციელებულიყო 16-დან“, – განაცხადა ბიძინა კულუმბეგოვმა.

კოვიდ-სტატისტიკა საქართველოში: ბოლო მონაცემებით დედაქალაქი კვლავ პირველ ადგილზეა >>

ქვეყანაში ეპიდვითარების გაუარესების გამო 28 ნოემბრიდან მკაცრი შეზღუდვები მოქმედებს: სავალდებულოა პირბადის ტარება, 21:00 საათის შემდეგ დილის 5 საათამდე გარეთ გასვლა იკრძალება, არ მუშაობს საზოგადოებრივი ტრანსპორტი, დაკეტილია სავაჭრო ცენტრები, სპორტდარბაზები და ა.შ.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 551 გაიზარდა და ინფიცირებულთა  საერთო რიცხვმა 239.780-ს მიაღწია.

3845
ეპიდემია საქართველოში

COVID-19: რა ვითარებაა სამეგრელო–ზემო სვანეთში

6
(განახლებულია 15:23 28.01.2021)
ბოლო დღე-ღამეში რეგიონის მასშტაბით გამოჯანმრთელდა 203 პაციენტი. საკარანტინო სივრცეებში იმყოფება 54 ადამიანი.

თბილისი, 26 იანვარი – Sputnik. ბოლო 24 საათის განმავლობაში სამეგრელო–ზემო სვანეთის რეგიონის მასშტაბით კორონავირუსი 78 ადამიანს დაუდასტურდა, იუწყება „Sputnik-საქართველოს“ კორესპონდენტი.

სამხარეო ადმინისტრაციის ინფორმაციით, რეგიონის ექვს კოვიდცენტრში 202 პაციენტი აგრძელებს მკურნალობას, მათგან 19-ის მდგომარეობა მძიმეა. 

რუხის კლინიკაში მკურნალობს 70 კოვიდ-პაციენტი, მათ შორის ექვსი პაციენტის მდგომარეობა მძიმეა. სენაკის კლინიკა „სენამედში“ იმყოფება 34 კოვიდ-პაციენტი, მათ შორის მძიმეა ხუთი პაციენტის მდგომარეობა. ფოთის კლინიკაში 41 ინფიცირებულია მოთავსებული – ოთხი პაციენტის მდგომარეობა მძიმეა. ზუგდიდის რეფერალურ ჰოსპიტალში 22 კოვიდ-ინფიცირებული აგრძელებს მკურნალობას, მათგან ოთხი პაციენტის მდგომარეობა მძიმეა. აბაშის „ევექსის“ კოვიდ-კლინიკაში 20 ინფიცირებულია მოთავსებული. სენაკის კლინიკა „ლაზიკა მედიში“ კი 15 კოვიდ-ინფიცირებული მკურნალობს.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 723-ით გაიზარდა და ინფიცირებულთა საერთო რიცხვმა 256.287-ს მიაღწია.

საქართველოში კორონავირუსის პირველი შემთხვევა გასული წლის 26 თებერვალს დაფიქსირდა.

ნიკა ლატარია

 



6
თემები:
კორონავირუსი საქართველოში: ბოლო ცნობები
აქცია პარლამენტთან

„ჯიპებიდან ხალხი არ ჩანს" თბილისში მორიგი აქცია გაიმართა

25
(განახლებულია 14:39 28.01.2021)
კორონავირუსის პანდემიის გამო დაწესებული შეზღუდვების გაუქმების მოთხოვნით თბილისში საპროტესტო აქციები იმართება

თბილისი, 28 იანვარი – Sputnik. „ჯიპებიდან ხალხი არ ჩანს, ქვეყანა უნდა გაიხსნას“ – პარლამენტთან ორგანიზაცია „მოძრაობა ხალხისთვის“ და არასამთავრობო ორგანიზაციების წარმომადგენლებმა საპროტესო აქცია გამართეს.

აქტივისტები კორონავირუსის ეპიდემიის გამო ქვეყანაში დაწესებული შეზღუდვების გაუქმებას, კერძოდ, საზოგადოებრივი ტრანსპორტის მუშაობის განახლებას მოითხოვენ. 

აქციის მონაწილეების თქმით, ჩინოვნიკები, რომლებმაც შეზღუდვები დააწესეს, ქუჩებში ავტომობილებით გადაადგილდებიან, ვერ ხედავენ და არ ესმით ხალხის, რომელთათვისაც გადაადგილების ერთადერთი საშუალება ტაქსი გახდა.

აქტივისტებმა აქციაზე ჩინოვნიკების გრძელი სია წარმოადგინეს, რომელშიც დაფიქსირებული იყო ვინ რა ავტომობილით მოძრაობს. „შავ სიაში“ პრაქტიკულად ყველა მინისტრი, პრემიერი, დედაქალაქის მერი და სხვა მაღალი თანამდებობის პირები მოხვდნენ.

 „ადამიანები, რომლებმაც ჩვენ შეზღუდვები დაგვიწესეს, შავ ჯიპებში სხედან და ჩვენს პრობლემებს ვერ ხედავენ. ჩვენ შეზღუდვების მოხსნას ვითხოვთ“, – განაცხადა აქტივისტმა ნინო წულაძემ.

„გახსოვართ“? - შშმ პირებმა მთავრობის ადმინისტრაციასთან აქცია გამართეს>>>

აქციის ორგანიზატორები კიდევ ერთ აქცია–პერფორმანსს „დაუსიგნალე“ გეგმავენ. 29 იანვარს, 11:00 საათზე ყველამ, ვინც იზიარებს აქტივისტების მოსაზრებას, შეზღუდვების მოხსნის მოთხოვნის მხარდასაჭერად უნდა „დაასიგნალოს“.

ამ დროისთვის მთავრობის გეგმებში კოვიდ–შეზღუდვების შერბილების დაწყებაა. კერძოდ, საზოგადოებრივი ტრანსპორტის, სავაჭრო ცენტრებისა და რესტორნების ამუშავება და 1 თებერვლიდან საქართველოს ყველა დიდ ქალაქში, გარდა თბილისის, ქუთაისისა და რუსთავისა, სასწავლო პროცესის სკოლებში განახლება. აღნიშნულმა გადაწყვეტილებამ დედაქალაქის მოსახლეობის უკმაყოფილება გამოიწვია – თბილისში შეზღუდვების გაუქმების მოთხოვნით პერმანენტული აქციები არ წყდება.

მთავრობაში კი აცხადებენ, რომ შეზღუდვები მხოლოდ იმ შემთხვევაში გაუქმდება, თუ კორონავირუსით ინფიცირებულთა მაჩვენებელი შემცირდება და  4%–იან დონეს შეინარჩუნებს.

25
თემები:
კორონავირუსი საქართველოში: ბოლო ცნობები