ზუგდიდის რეფერალური საავადმყოფო

სამეგრელო–ზემო სვანეთის რეგიონში კორონავირუსით ორი ადამიანი გარდაიცვალა

52
(განახლებულია 19:48 11.01.2021)
რეგიონის ექვს კოვიდ-ცენტრში 213 კოვიდ-ინფიცირებული პაციენტი აგრძელებს მკურნალობას, მათგან 18 პაციენტის მდგომარეობა მძიმეა.

თბილისი, 11 იანვარი – Sputnik. სამეგრელო–ზემო სვანეთის რეგიონში კორონავირუსის 48 ახალი შემთხვევა დაფიქსირდა, ორი ადამიანი გარდაიცვალა.

სახელმწიფო რწმუნებულის ადმინისტრაციის ცნობით, ორივე პაციენტი კლინიკა „სენამედში“ გარდაიცვალა. ერთი პაციენტი, 80 წლის ქალი სენაკის მცხოვრები იყო, მეორე - 81 წლის მამაკაცი აბაშიდან იყო.

რეგიონის ექვს კოვიდ-ცენტრში 213 კოვიდ-ინფიცირებული პაციენტი აგრძელებს მკურნალობას, მათგან 18 პაციენტის მდგომარეობა მძიმეა.

რუხის კლინიკაში მკურნალობის კურსს გადის 66 კოვიდ-პაციენტი, მათგან 7 მძიმე მდგომარეობაშია.

ფოთის ჰოსპიტალში 39 კოვიდ-პაციენტი მკურნალობს, მათ შორის 6 მძიმე.

„სენამედის“ კლინიკაში – 37, მათ შორის მძიმე 3 პაციენტია.

ზუგდიდის რეფერალური ჰოსპიტალი – 14 პაციენტი, მათ შორის 2 მძიმე.

აბაშის „ევექსის“ კოვიდ-კლინიკა – 24 პაციენტი.

„სენაკი ლაზიკა მედი“ – 36 პაციენტი.

ბოლო 24 საათის განმავლობაში რეგიონის მასშტაბით გამოჯანმრთელდა 42 კოვიდ-დადასტურებული პაციენტი. საკარანტინო სივრცეში იმყოფება 31 ადამიანი. 

საქართველოს მასშტაბით ახალი კორონავირუსით დაავადებულთა რაოდენობა ბოლო დღე-ღამეში 551-ით გაიზარდა და ინფიცირებულთა საერთო რიცხვმა 239.780-ს მიაღწია. ბოლო 24 საათში კორონავირუსით გარდაცვალების 23 ახალი შემთხვევა დაფიქსირდა. პანდემიის გავრცელებიდან დღემდე ვირუსს ჯამში 2.796 პირი ემსხვერპლა.

 

ნიკა ლატარია

 

52
თემები:
კორონავირუსი საქართველოში: ბოლო ცნობები (55)
გელათის მონასტერი

გელათის ბედით პოლიტიკოსები დაინტერესდნენ: „ლელო“ გამოძიებას ითხოვს

6
(განახლებულია 09:29 19.01.2021)
ძეგლის სახურავიდან წყალი კვლავ ჟონავს. წყალმა შეიძლება უნიკალური ფრესკები დააზიანოს. პრობლემის გადაწყვეტაში პოლიტიკოსები ერთვებიან

თბილისი, 19 იანვარი – Sputnik. პარტია „ლელო საქართველოსთვის“ ითხოვს, რომ დაიწყოს გამოძიება და დადგინდეს, ვინაა დამნაშავე იმაში, რომ გელათის უნიკალურ ძეგლს სერიოზული საფრთხე შეექმნა.

პარტიის ერთ–ერთმა ლიდერმა ანა ნაცვლიშვილმა საქართველოს მთავარ საგამოძიებო სამმართველოში განცხადება შეიტანა.

გელათის სამონასტრო კომპლექსის ღვთისმშობლის ტაძრის კრამიტის სახურავზე დეფექტები გამოვლინდა. ტაძარში წვიმის წყალი ჩადის და XII, XIV და XVI საუკუნეების უნიკალურ ფრესკებს აზიანებს. სახურავი დროებით თუნუქით გადახურეს.

დროებითი თუნუქის სახურავი იქამდე იქნება, სანამ ის მთლიანად არ შეიცვლება ახლით, რომლის ხარისხსაც ლაბორატორიული კვლევები და ექსპერტების დასკვნები დაადასტურებს.

გელათის სახურავის დაზიანებით საგამოძიებო ორგანოები დაინტერესდნენ. ამ საკითხზე დაიკითხნენ მოწმეები. ფინანსთა სამინისტროს საგამოძიებო სამსახურმა უნდა განსაზღვროს, არის თუ არა პასუხისმგებელი სამუშაოების შემსრულებელი – ხელოვნების საერთაშორისო ცენტრი.

როგორც ანა ნაცვლიშვილმა განაცხადა, გელათის ფრესკები უკვე წლებია, წიანდება და ამაზე არც ერთ უწყებას არ ჰქონია სათანადო რეაგირება. მან ამ საქმეში კორუფციის ნიშნებიც არ გამორიცხა.

გელათის რეაბილიტაციის დროს დაფიქსირებული ხარვეზები: საიამ პროკურატურას მიმართა>>

„ეს არის მორიგი თვალთმაქცობა და საზოგადოებისთვის თვალში ნაცრის შეყრა. გამოძიება, რომელიც ამ უწყებამ გასულ წელს დაიწყო, არ არის იქითკენ მიმართული, რომ დაადგინოს ვინ არის ძეგლის დაზიანებაზე პასუხისმგებელი და გამოკვეთოს სახელმწიფო უწყებები, რომელთა უპატიებელი გულგრილობის გამო გელათი დაზიანდა. ის გამოძიება ეხება ფინანსურ ნაწილს და დიახ, შესაძლოა, მართლაც ჰქონდა ადგილი ამ შემთხვევაში კორუფციას, რაც არ გამორიცხავს ძეგლის დაზიანების გამო პასუხისმგებლობას. შეუიარაღებელი თვალითაც კი შესამჩნევია, რომ ფრესკები დაზიანებულია“, – განაცხადა ნაცვლიშვილმა.

გელათის ღვთისმშობლის სახელობის მონასტერი ქუთაისში — საქართველოში შუა საუკუნეების ერთ-ერთი უმნიშვნელოვანესი მონასტერია, საეკლესიო და კულტურული ცხოვრების ცენტრი, XVI საუკუნის მეორე ნახევრიდან 1814 წლამდე კათალიკოსის რეზიდენცია, 1994 წლიდან — მსოფლიო მემკვიდრეობის ძეგლი. დაარსებულია 1106 წელს დავით აღმაშენებლის მიერ და მისი განსასვენებელი გახდა.

მე-13 საუკუნეში სამონასტრო ანსამბლს დაამატეს წმინდა ნიკოლოზის და წმინდა გიორგი ეკლესიები, ასევე სამსართულიანი სამრეკლო. კედლის მხატვრობა სხვადასხვა — XII-დან XVIII საუკუნის ჩათვლით — პერიოდს მიეკუთვნება. განსაკუთრებით აღსანიშნავია გვირგვინოსნების პორტრეტები.

6
დღესასწაულები დასრულდა...

დღესასწაულები დასრულდა...

66
იანვარი მძიმე თვეა. თითქოს, დღესასწაულები უსასრულოდ გრძელდება. წელს კი ამას პანდემიის გამო მთავრობის მიერ დაწესებული „არდადეგებიც“ დაემატა
დღესასწაულები დასრულდა...

 

ყველაფერი იწყება ახალი წლით, შემდეგ მოდის შობა, რასაც მოყვება კიდევ ერთი ახალი წელი, ძველი კალენდრით. შემდეგ კი ნათლისღება... სადღესასწაულო სუფრა საქართველოში იმდენად გემრიელია, ყველას ავიწყდება საკუთრი ფიგურა, შემდეგ კი სასწორს ნაღვლიანი თვალებით დაჰყურებენ... თუმცა ახლა უკვე ყველაფერი დასრულდა, დროა საქმეს შევუდგეთ.

66