სრულიად საქართველოს კათალიკოს-პატრიარქი ილია მეორე

პატრიარქს კორონავირუსზე ტესტი ჩაუტარდა: ცნობილია პასუხი

1401
სრულიად საქართველოს კათოლიკოს-პატრიარქისთვის კორონავირუსზე ტესტირება მას შემდეგ გახდა საჭირო, რაც კოვიდინფექცია მის მდივან-რეფერენტს დაუდასტურდა

თბილისი, 10 იანვარი – Sputnik. სრულიად საქართველოს კათოლიკოს-პატრიარქს ილია მეორეს კორონავირუსზე ტესტირება ჩაუტარდა, განაცხადა  საპატრიარქოს საზოგადოებასთან ურთიერთობის სამსახურის უფროსმა, დეკანოზმა ანდრია ჯაღმაიძემ.

8 იანვარს საქართველოს კათოლიკოს-პატრიარქის მდივან-რეფერენტს შორენა თეთრუაშვილს კორონავირუსი დაუდასტურდა. გავრცელებული ინფორმაციით, თეთრუაშვილს ამ დღეებში უსაფრთხოების ყველა წესის დაცვით ჰქონდა პატრიარქთან შეხვედრა.

ჯაღმაიძის ინფორმაციით, ტესტის პასუხი უარყოფითია, პატრიარქს კორონავირუსი არ დაუდასტურდა.

გუშინ ლუგარის სახელობის საზოგადოებრივი ჯანდაცვის კვლევითი ცენტრის წარმომადგენლები საპატრიარქოში მივიდნენ და თანამშრომლებს კორონავირუსზე PCR ტესტირება ჩაუტარეს. არსებული ინფორმაციით, საპატრიარქოში ამ დრომდე ჩატარებული ყველა ტესტის პასუხი კორონავირუსზე უარყოფითია.

საპატრიარქოს ცნობით, თავს კარგად გრძნობს შორენა თეთრუაშვილიც. მასთან დაავადება სრულიად უსიმპტომოდ მიმდინარეობს. გავრცელებული ინფორმაციით, თეთრუაშვილს 3 იანვარს ვანისა და ბაღდათის მიტროპოლიტთან, მეუფე ანტონთან ჰქონდა კონტაქტი, რომელსაც 4 იანვარს კორონავირუსი დაუდგინდა.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 1.143-ით გაიზარდა და ინფიცირებულთა საერთო რიცხვმა  239.229-ს მიაღწია.

 

1401
თემები:
კორონავირუსი საქართველოში: ბოლო ცნობები (120)
ქეთა თოფურია - მომღერალი

ასეთი სიურპრიზი მოუწყვეს სახლში სამშობიაროდან დაბრუნებულ ქეთა თოფურიას - ვიდეო

18
(განახლებულია 12:34 27.01.2021)
ვაჟის გაჩენის შემდეგ ცნობილი ქართველი მომღერალი სახლში დაბრუნდა. ნახეთ რა ვიდეოს აქვეყნებს სოციალურ ქსელში ქეთა

რუსული პოპ-ესტრადის დედოფალი ქეთა თოფურია ერთი კვირის წინ დედა გახდა. ქეთას ვაჟი - ადამი, ბელორუსი დიპლომატისგან - ლევ დენგოვისგან შეეძინა. წყვილმა თავისი ერთწლიანი ურთიერთობა გასული წლის ოქტომბრის თვეში დააკანონა.

ქეთამ ადამი მოსკოვის ერთ-ერთ წამყვან სამშობიარო კლინიკაში გააჩინა. მან პირველი ფოტოს გამოქვეყნებისას ისიც აღნიშნა, რომ ადამი განსაკუთრებულ დღეს დაიბადა - 21 წლის 21-ე დღეს, 21-ე საუკუნეში.

ახალშობილი და დედა თავს კარგად გრძნობენ. ქეთამ რამდენიმე საათის წინ „ინსტაგრამის“ „სთორიზე“ გამოაქვეყნა ვიდეო, სადაც ჩანს, რომ ის სახლში დაბრუნდა, რომელიც სავსეა ყვავილებით. როგორც ჩანს, მომღერალი სიურპრიზმა ძალიან გააბედნიერა.

ჯერ კიდევ ფეხმძიმობის პერიოდში თაყვანისმცემლები მას ბიჭის დაბადებას „უწინასწარმეტყველებდნენ“. ქეთა შვილის სქესს საგულდაგულოდ მალავდა, ისევე, როგორც ფეხმძიმობას. მან ორსულობის შესახებ გულშემატკივრებს კლიპის მეშვეობით შეატყობინა.

ქეთასთვის ეს მეორე შვილია. მას ქალიშვილი ოლივია ჰყავს. ნახევარ და-ძმას შორის 6-წლიანი ასაკობრივი სხვაობაა. 34 წლის მომღერალმა პირველი ქალიშვილი 2015 წელს გააჩნა და პირველ ქმარს ორი წლის შემდეგ დაშორდა.

18
თემები:
სელებრითების ცხოვრება
 GWP სარემონტო სამუშაოებს აწარმოებს

დედაქალაქის მერია საკომუნიკაციო ქსელებზე მომუშავე კომპანიებს რეგულაციებს უწესებს

16
(განახლებულია 12:37 27.01.2021)
კალაძის თქმით, დაგეგმილ სამუშაოებთან დაკავშირებით ქალაქის მოსახლეობის გაფრთხილება წინასწარ უნდა მოხდეს, რათა მოქალაქეებმა გადაადგილების ალტერნატიული მარშრუტი შეიმუშაონ 

თბილისი, 27 იანვარი – Sputnik. საავტომობილო გზებზე ტრანსპორტის შეუფერხებლად გადაადგილების მიზნით, საკომუნიკაციო ქსელებზე მომუშავე კომპანიებს ავარიული შემთხვევების გარდა, სამუშაოების წარმოება მხოლოდ ღამის საათებში შეეძლებათ, განაცხადა თბილისის მერმა კახა კალაძემ დედაქალაქის მთავრობის სხდომაზე. 

კერძოდ, საუბარი ეხება ელექტროგამანაწილებელ კომპანია „თელასს“ და წყალგამანაწილებელ კომპანია GWP-ს.

კალაძის განმარტებით,  ტრანსპორტის გადაადგილების დროს შეფერხებისა და დისკომფორტის თავიდან აცილების მიზნით, დაგეგმილ სამუშაოებთან დაკავშირებით აუცილებელია წინასწარი შეტყობინების სისტემის დანერგვა. 

„ხშირია შემთხვევები, როდესაც ისეთი კომპანიები, როგორებიცაა: „თელასი“, „ჯორჯიან უოთერ ენდ ფაუერი“ (GWP) და სხვა,  კონკრეტულ უბანზე სამუშაოებს მოსახლეობისთვის წინასწარი შეტყობინების გარეშე იწყებს, რაც სერიოზულ მოქალაქეებს დისკომფორტს უქმნის. ეს პრობლემა აუცილებლად უნდა მოგვარდეს... აღნიშნულმა კომპანიებმა სარემონტო სამუშაოები ღამის საათებში უნდა ჩაატარონ,  რადგან დღის განმავლობაში ქალაქის ქუჩებში ტრანსპორტის დიდი ნაკადებია“, – განაცხადა კახა კალაძემ.

ახალი რეგულაციის თანახმად, საკომუნიკაციო ქსელებზე მომუშავე კომპანიები ცენტრალურ ქუჩებზე სამუშაოებს დღისით მხოლოდ გადაუდებელი და საავარიო საჭიროების შემთხვევაში ჩაატარებენ, რასაც დედაქალაქის მერიასთან შეთანხმების საფუძველზე განახორციელებენ.

 

კალაძის თქმით, აღნიშნული გადაწყვეტილების მიზანი სხვა ღონისძიებებთან ერთად, ქალაქის საცობებისგან განტვირთვა და  ეკოლოგიური მდგომარეობის გაუმჯობესებაა.

კალაძის განცხადებით, გზებზე „საცობების“ წინააღმდეგ ბრძოლა – დედაქალაქის მერიის ერთ-ერთი პრიორიტეტული მიმართულებაა, რომლის ფარგლებშიც არაერთი გადაწყვეტილება იქნა მიღებული – მუშაობის გრაფიკში ცვლილებები დაუწესდა მუნიციპალურ კომპანია „თბილსერვის ჯგუფს". კერძოდ, მუნიციპალური ნარჩენების გატანა ღამის საათებში მოხდება.

„შეზღუდვები დავუწესეთ ნარჩენების გამტან მანქანებს, რომ დღის საათებში არ იმოძრაონ. აუცილებელია ნაგვის მანქანებმა განსაკუთრებით ცენტრალურ ქუჩებში დღის საათებში არ იმოძრაონ და ნარჩენების გატანა ღამის საათებში მოხდეს. ასევე, აქტიური კომუნიკაცია მიმდინარეობს სადისტრიბუციო კომპანიებთან, რომ ავტომობილების მოძრაობა გარკვეულ დროში განხორციელდეს“, - განაცხადა დედაქალაქის მერმა.

დედაქალაქის მერმა ახალი რეგულაციით განსაზღვრული წესების მაქსიმალურად გაკონტროლება თბილისის მუნიციპალურ ინსპექციას, ხოლო პროცესის ზედამხედველობა მის მოადგილე ირაკლი ბენდელიანს დაავალა.

16
სანთლები

გარდაიცვალა მსახიობი მამუკა ლორია

0
რუსთაველის სახელმწიფო დრამატული თეატრის მსახიობს სიცოცხლის განმავლობაში სხვადასხვა ტელესერიალსა და ფილმში აქვს მონაწილეობა მიღებული

თბილისი, 27 იანვარი - Sputnik. კინოსა და თეატრის მსახიობი მამუკა ლორია 65 წლის ასაკში გარდაიცვალა. ინფორმაციას რუსთაველის სახელობის ეროვნული თეატრი ავრცელებს.

მსახიობის გარდაცვალების მიზეზი ამ ეტაპზე უცნობია.

მამუკა ლორიამ შოთა რუსთაველის სახელობის თეატრალური ინსტიტუტის სამსახიობო ფაკულტეტი დაამთავრა. ის 1985 წლიდან შოთა რუსთაველის სახელმწიფო დრამატული თეატრში მოღვაწეობდა. 

თეატრის სცენაზე მამუკა ლორიას არაერთი როლი აქვს შესრულებული, მათ შორის სპექტაკლებში "კავკასიური ცარცის წრე“, „დარისპანის გასაჭირი“, „მტრის ნიღაბი“ და სხვ.

მსახიობი გადაღებულია ფილმებსა და ტელესერიალებში. მათ შორისაა ქართული მხატვრული ფილმები „ლოლიტა“, „გარიგება“, „ყველაფერი კარგად იქნება“ და ა.შ.

მსახიობს მიღებული აქვს რუსთავის საერთაშორისო თეატრალური ფესტივალის ჯილდო - „ოქროს ნიღაბი“ სპექტაკლისთვის „მაკბეტი“.

0
თემები:
საქართველო და კულტურა